Piy fɔlɔ 2:9 - LAYIDUKURA

⁹ Nga aw kɔni, Ala ye aw woloma k'aw kɛ ale Masaba ka sarakalasebagaw, n'a ka jama ye. A y'aw sama ka bɔ dibi la k'aw bila a ka kɛnɛba la janko aw k'a ka nyumanya koo fɔ.

Jula NT of Côte d’Ivoire

⁹ Nka aw kɔni, aw ye siya wolomanin le ye, aw ye Masa Ala ta sarakalasebagaw le ye, ani siya saninman, ani Ala ta mɔgɔ kunmabɔninw; Ala ka aw wele ka bɔ dibi ra ka aw ladon a ta yeelensɔbɛ ra, janko aw ye a ta koɲuman kabakomanw lase mɔgɔw ma.

ALA KA KUMA

⁹ Nga aw kɔni, aw wolomana ka kɛ Setigi Ala ka sarakalasebagaw, ni siya senuman ye. A y'aw sama ka bɔ dibi la k'aw bila a ka kɛnɛba la janko aw k'a ka ɲumanya koo fɔ.

Piy fɔlɔ 2:9 Iomraidhean Croise

Matiyu 4:16

jama min siginin bɛ dibi la, yeelenba bɔra u ye. Alalɔnbali minw siginin bɛ dibiba la yeelen bɔra u ye.”

Matiyu 5:16

Aw ka kɛwalinyumanw kɛ ka yeelen bɔ mɔgɔw ye ten, waasa u ka aw sankolo la Faa bonya.

Luka 1:79

ka yeelen bɔ dibi la mɔgɔw ye, ni minw bɛ siran saya nya, ani k'an bila hɛrɛ sira kan.”

Yuhana 17:19

Ne fana bɛ ne yɛrɛ di u kɔsɔn, janko u fana ka se k'u yɛrɛ d'i ma sɛbɛ la.

Kɛwalew 20:28

Aw ka janto aw yɛrɛ la. Nii Senuman ye jama min kalifa aw ma, aw ka olu fana kɔlɔsi. Aw ka Ala ka jama tilen, o minw kɛra Ala taw ye a Dencɛ ka saya sababu la.

Kɛwalew 26:18

k'u nyaa yɛlɛ ka dibidibikow dabila, k'u sama ka bɔ Sutana bolo k'u nyasin Ala ma. N'u lara ne la, Ala bɛna yafa u ma ka sigiyɔrɔ d'u ma a ka mɔgɔw cɛma.’

Kɛwalew 26:28

Agiripa ko a ma: “E b'a miiri ko i bɛna ne kɛ Krista ka mɔgɔ ye waatisurun kɔnɔ ten wa?”

Rɔmukaw 9:24

O kɔrɔ ko a ye an minw wele, a ma weleli kɛ ka bɔ Zuwifuw dama cɛma, nga a ye dɔw fana wele ka bɔ siya wɛrɛw cɛma.

Kor fɔlɔ 3:17

Ni mɔgɔ dɔ ye Ala ka sigiyɔrɔ cɛn, Ala fana bɛna o tigi halaki, bari Ala ka sigiyɔrɔ saniyanin lo, o sigiyɔrɔ nin ye aw ye.

Ɛfɛsikaw 1:14

Ale le b'a yira an na ko an bɛna niyɔrɔ sɔrɔ Ala fɛ n'an kunmabɔra pewu pewu loon min na, janko Ala ka tando!

Ɛfɛsikaw 1:6

An ka Ala tando a ka nɛɛma kɔsɔn a y'o min kɛ an ye, a Deen kanunin barika la.

Ɛfɛsikaw 3:21

bonya ka la ale kelen kan, a ka jama cɛma Yezu Krista kɔsɔn, waati bɛɛ la! Amiina!

Filipikaw 3:14

O cogo la ne bɛ boli fɔɔ ka se boli daan na, waasa ne ka sini sara sɔrɔ Ala b'an wele o min kɔsɔn Yezu Krista barika la.

Kɔlɔsikaw 1:13

A y'an tila ka bɔ dibi ka fanga bolo, ani k'an don a Deen ka mara la, deen min koo ka di a ye kosɛbɛ.

Tim 2nan 1:9

Ale min ye an kisi ni ka an wele ka kɛ a ka siya ye, o ma kɛ an ka kɛwalinyuman sababu la, nga ale yɛrɛ ka koo latigɛnin, n'a ka nɛɛma sababu lo. A y'o nɛɛma labɛn an ye Yezu Krista barika la kabini dinyɛ ma dan fɔlɔ.

Tite 2:14

Ale lo y'a yɛrɛ di an kɔsɔn, waasa k'an kunmabɔ tilenbaliya koow bɛɛ la, ani k'an saniya k'an kɛ a yɛrɛ ka jama ye, k'a kɛ mɔgɔw ye minw labɛnnin bɛ konyuman kɛli kama.

Piy fɔlɔ 1:2

Faa Ala y'aw woloma kabini fɔlɔ, k'aw kɛ a taw ye Nii Senuman barika la, waasa ka mɛnni kɛ Yezu Krista fɛ ani ka saniya a ka joli bɔnnin na. Ala ka nɛɛma ni hɛrɛ kɛ aw ye tuma bɛɛ.

Piy fɔlɔ 2:5

O cogo la, aw bɛ kɛ a bɔnyɔgɔnko kabakuru nyanamanw ye, minw bɛna kɛ ka Ala ka soo lɔ, batolisɛbɛ bɛna kɛ min kɔnɔ, ani ka kɛ sarakalasebagaw ye, k'aw yɛrɛ di Ala ma Yezu Krista barika la. O ka d'a ye.

Piy fɔlɔ 4:11

Ni mɔgɔ min bɛ waajuli kɛ, o tigi ka kuma ka kɛ Ala ka kuma ye. Min bɛ baara dɔ kɛ tɔw ye, o tigi k'o kɛ ni Ala ka barika ye, waasa Yezu Krista sababu la bonya ka la Ala kan koo bɛɛ la. Bonya ni sebagaya ye ale min ta ye tuma bɛɛ. Amiina!

Yirari 1:6

k'an kɛ masadenw ye, ni sarakalasebagaw ye, a Faa Ala nyakɔrɔ. O tuma na, see ye ale ta ye, bonya ka la a tɔgɔ kan waati bɛɛ. Amiina.

Yirari 20:6

Mɔgɔ minw bɛna kɛ o fɔlɔ mɔgɔw ye, olu bɛna saniya, u bɛna dagamu bari saya filanan tɛna se olu ma. Olu bɛna kɛ Ala ni Krista ka sarakalasebagaw ye ka sigi masaya la n'a ye saan waa kelen nin kɔnɔ.

Yirari 5:10

E y'u kɛ masaw ni sarakalasebagaw ye dugukolo kan Ala nyakɔrɔ.”