Piy fɔlɔ 2:5 - LAYIDUKURA

⁵ O cogo la, aw bɛ kɛ a bɔnyɔgɔnko kabakuru nyanamanw ye, minw bɛna kɛ ka Ala ka soo lɔ, batolisɛbɛ bɛna kɛ min kɔnɔ, ani ka kɛ sarakalasebagaw ye, k'aw yɛrɛ di Ala ma Yezu Krista barika la. O ka d'a ye.

Jula NT of Côte d’Ivoire

⁵ Ayiwa, aw fana kɛra kabakuru ɲanaman dɔw ye; aw ye fara ɲɔgɔn kan, ka kɛ Ala ta bon saninman ye, ka kɛ Ala ta sarakalasebaga* saninmanw ye, janko ka aw jusukun ta sarakaw lase Ala ma Yesu Kirisita baraka ra, saraka minw ka di Ala ye.

ALA KA KUMA

⁵ O la, aw be kɛ a bɔɲɔgɔnko kabakuru ɲanamanw ye, minw bena kɛ ka Nii Senuman ka soo lɔ, ani ka kɛ sarakalasebagaw ye, k'aw yɛrɛ di Ala ma Yezu Krista barika la. O ka d'a ye.

Piy fɔlɔ 2:5 Iomraidhean Croise

Rɔmukaw 12:1

N balimaw, ne b'aw dali Ala ka makari kɔsɔn ko aw k'aw yɛrɛ kɛ saraka nyanaman ye, min saniyanin lo, n'a ka di Ala ye: o le bɛna kɛ aw ka batoli nyanaman ye.

Rɔmukaw 15:16

a ye o min kɛ ne ye ka ne kɛ Yezu Krista ka baarakɛla ye siya wɛrɛw cɛma. Ne bɛ Ala ka kibaru diman fɔ u ye, janko olu fana ka kɛ saraka diman ye Ala fɛ, min saniyanin bɛ Nii Senuman barika la.

Kor fɔlɔ 3:16

Aw m'a lɔn ko aw kɛra Ala sigiyɔrɔ ye wa, ani ko Ala ka Nii siginin bɛ aw kɔnɔ?

Kor fɔlɔ 3:9

bari anw kɛra baarakɛnyɔgɔnw ye Ala ka baara la, aw ye Ala ka foro, n'a ka soo ye a bɛ min lɔra.

Kor fɔlɔ 6:19

Aw m'a lɔn ko aw farisogo ye Nii Senuman sigiyɔrɔ ye wa? O min bɛ aw fɛ ni Ala y'o d'aw ma. Aw m'a lɔn ko aw tɛ aw yɛrɛ ta ye tugu wa?

Kor 2nan 6:16

Bɛɛn jumɛn le bɛ sɔrɔ Ala ka soo ni joow cɛ? Bari an ye Ala ka soo ye i n'a fɔ Ala yɛrɛ y'a fɔ cogo min na, a ko: “Ne bɛna sigi u cɛma ka to u fɛ, ne bɛna kɛ u ka Ala ye, u bɛna kɛ ne ka mɔgɔw ye.”

Galasikaw 6:10

O cogo la, ni konyuman kɛ see b'an ye tuma min na, an k'o kɛ mɔgɔ bɛɛ ye sankofɛrɛ Krista kɔmɔgɔw.

Filipikaw 1:11

ani janko aw ka kɛwalinyuman kɛ sɛbɛ la, o min see bɛ sɔrɔ Krista barika la, waasa bonya ni tandoli ka kɛ Ala ye.

Filipikaw 2:17

Aw ka baara kɛ Ala nyakɔrɔ, o min kɛra aw ka saraka ye aw y'o min bɔ aw ka jigi kɔsɔn. Hali ni ne joli ka kan ka fara o kan, o kɔrɔ ko hali ni ne sara ka fara o kan, ne bɛ nisɔndiya kosɛbɛ ni aw ye.

Filipikaw 4:18

Sisan ne makoyafɛn bɛɛ bɛ ne fɛ yɛrɛ fɔɔ a tɛmɛn'a daan kan. Tuma min na Epaforaditi nana aw ka dɛmɛ di ne ma, o tuma na o cayara ka tɛmɛ yɛrɛ, o min kɛra sarakanyuman ye Ala sɔnna o min na, a diyara a ye fana.

Kɔlɔsikaw 3:17

N'aw bɛ fɛɛn o fɛɛn kɛ walima ka fɛɛn o fɛɛn fɔ, aw k'o bɛɛ kɛ Matigi Yezu tɔgɔ la, ka barika la an Faa Ala ye.

Tim fɔlɔ 3:15

Hali ni ne mɛnna fana, e bɛna se k'i yɛrɛ minɛcogo lɔn Ala ka somɔgɔw cɛma, min ye Ala ka jama ye, min kɛra tinyɛ juu sigiyɔrɔ n'a tintinyɔrɔ ye.

Heburuw 3:6

An y'an jigi la fɛɛn min kan, n'an y'an jaa gwɛlɛya ka la o la kosɛbɛ, anw bɛ kɛ a ka somɔgɔw ye.

Piy fɔlɔ 2:9

Nga aw kɔni, Ala ye aw woloma k'aw kɛ ale Masaba ka sarakalasebagaw, n'a ka jama ye. A y'aw sama ka bɔ dibi la k'aw bila a ka kɛnɛba la janko aw k'a ka nyumanya koo fɔ.

Piy fɔlɔ 4:11

Ni mɔgɔ min bɛ waajuli kɛ, o tigi ka kuma ka kɛ Ala ka kuma ye. Min bɛ baara dɔ kɛ tɔw ye, o tigi k'o kɛ ni Ala ka barika ye, waasa Yezu Krista sababu la bonya ka la Ala kan koo bɛɛ la. Bonya ni sebagaya ye ale min ta ye tuma bɛɛ. Amiina!

Piy fɔlɔ 4:17

Kiti tigɛtuma sera. A do bɛna daminɛ Ala ka mɔgɔw ma. Ni kiti bɛ daminɛ anw le ma, minw bɛ ban ka la Ala ka kibaru diman na, olu ta bɛna kɛ cogo di sa?

Yirari 1:6

k'an kɛ masadenw ye, ni sarakalasebagaw ye, a Faa Ala nyakɔrɔ. O tuma na, see ye ale ta ye, bonya ka la a tɔgɔ kan waati bɛɛ. Amiina.

Yirari 20:6

Mɔgɔ minw bɛna kɛ o fɔlɔ mɔgɔw ye, olu bɛna saniya, u bɛna dagamu bari saya filanan tɛna se olu ma. Olu bɛna kɛ Ala ni Krista ka sarakalasebagaw ye ka sigi masaya la n'a ye saan waa kelen nin kɔnɔ.

Yirari 3:12

Ni min munyuna ka see sɔrɔ, n bɛn'a kɛ o tigi bɛ to n ka Ala batoso kɔnɔ i n'a fɔ tuloman. A bɛna to yen kudayi. Ne bɛna n ka Ala n'a ka dugu tɔgɔ sɛbɛn a kan, o dugu min ye Zeruzalɛmu kura ye min bɛna jigi ka bɔ Ala fɛ arijana na. Ne bɛna n tɔgɔkura fana sɛbɛn a kan.

Yirari 5:10

E y'u kɛ masaw ni sarakalasebagaw ye dugukolo kan Ala nyakɔrɔ.”