Piy fɔlɔ 2:12 - LAYIDUKURA

¹² O la, aw taamacogo ka nya Alalɔnbaliw cɛma, waasa hali n'u ko u bɛna aw tɔgɔ cɛn, aw ka kɛwalinyumanw ka kɛ sababu ye u bɛ Ala tando a nalon na.

Jula NT of Côte d’Ivoire

¹² Aw ye aw tagamacogo lɔn siya wɛrɛ mɔgɔw cɛ ra. O cogo ra, hali ni o bɛ aw tɔgɔjugu fɔ k’a kɛ i n’a fɔ aw ka kojugu kɛ, o belen ye aw ta kɛwaleɲumanw ye; ni o kɛra, ni Ala nana nɛɛma o ye lon min na, o bɛna a tando.

ALA KA KUMA

¹² O la, aw taamacogo ka ɲa Alalɔnbaliw cɛma, waasa hali n'u ko u bena aw tɔgɔ cɛn, aw ka kɛwaliɲumanw ka kɛ sababu ye u be Ala tanu a nalon na.

Piy fɔlɔ 2:12 Iomraidhean Croise

Matiyu 10:25

Kalanden ka kɛ i n'a fɔ a ka karamɔgɔ, baaraden fana ka kɛ i n'a fɔ a ka kuntigi. Ni mɔgɔw ye sotigi yɛrɛ wele ko Sutana, u bɛna tɔgɔ minw la a ka somɔgɔw la, olu bɛna juguya.

Matiyu 5:11

“Ni mɔgɔw b'aw nɛni, k'aw tɔɔrɔ, ka galon la aw kan ko aw bɛ kojugu sifa bɛɛ kɛ, bari aw ye ne ka kalandenw ye, o tuma na, aw ye dubadenw ye.

Matiyu 5:16

Aw ka kɛwalinyumanw kɛ ka yeelen bɔ mɔgɔw ye ten, waasa u ka aw sankolo la Faa bonya.

Matiyu 9:8

Jama y'o ye tuma min na, u siranna kosɛbɛ. U ye Ala tando bari ale le ye see di adamaden ma ka koo nin nyɔgɔn kɛ.

Luka 1:68

“Tandoli ka kɛ Matigi ye, Isirayɛli ka Ala, bari a y'a janto a ka mɔgɔw la k'u hɔrɔnya.

Luka 19:44

U bɛna aw ka dugu n'aw yɛrɛ bɛɛ halaki, u bɛna boonw bɛɛ ci. O koow bɛɛ bɛna aw sɔrɔ, bari Ala tun b'a fɛ k'aw dɛmɛ waati min na, aw ma sɔn.”

Luka 6:22

Ni mɔgɔw b'aw kɔniya tuma min na, ka ban aw la, k'aw nɛni ani k'aw tɔgɔjugu fɔ Mɔgɔ Dencɛ kɔsɔn, o tuma na, aw ye dubadenw ye.

Yuhana 13:31

Zuda bɔra ka ban dɔrɔn, Yezu y'a fɔ ko: “Sisan kɔni Mɔgɔ Dencɛ ye bonya sɔrɔ, Ala fana ye bonya sɔrɔ a barika la.

Kɛwalew 15:14

Kabini a daminɛ, Ala y'a mako don siya wɛrɛw la cogo min na, Simɔn y'o nyafɔ sisan. Ala ye siya dɔ woloma u cɛma k'o kɛ a tɔgɔla ta ye.

Kɛwalew 24:13

Mɔgɔ nunu ko ne ye min kɛ, fɛɛn min b'a yira ko tinyɛ lo, u k'o fɔ.

Kɛwalew 25:7

A nana tuma min na, Zuwifu minw bɔra Zeruzalɛmu, olu wilila a kama ka to ka kumajugujuguw fɔ ka l'a kan. Nga dalilu si tun tɛ u bolo min b'a yira k'u ka fɔta ye tinyɛ ye.

Kɛwalew 28:22

Anw b'a nyini e fɛ, e k'a bɛɛ nyafɔ an ye. An kɔni b'a lɔn ko yɔrɔ bɛɛ mɔgɔw tɛ sɔn e ka diina nin ma.”

Rɔmukaw 12:17

Aw kana kojugu juru sara, aw ye jija ka konyuman kɛ mɔgɔw bɛɛ ye.

Rɔmukaw 13:13

An ka taama tilenninya la i n'a fɔ mɔgɔ bɛ taama cogo min na tile fɛ. An kana kɛ nugubatɔw ni dɔrɔtɔw ye. An k'an yɛrɛ kɔlɔsi kakalaya sifa bɛɛ ma, an kana kɛ kɛlɛtigɛlaw ye, ani keliya kana sɔrɔ an dusu la.

Rɔmukaw 14:18

Bari mɔgɔ min bɛ baara kɛ Krista ye o cogo la, o tigi le koo ka di Ala ye, mɔgɔw fana b'a tɔgɔnyuman fɔ.

Rɔmukaw 15:9

A nakun fana ye nin ye: janko siya wɛrɛw ka Ala bonya a ka makari kɔsɔn, ka kɛnyɛ ni Ala ka kuma ye min fɔra ko: “O le y'a to ne bɛna i tando siya wɛrɛw cɛma, n bɛna dɔnkili la i ye k'i tɔgɔ bonya.”

Kor fɔlɔ 14:25

O tigi ka koo dogonin bɛna ye, fɔɔ a bɛn'a kunbiri gwan ka Ala bato ani k'a fɔ ko: “Tinyɛ na, Ala bɛ n'aw ye!”

Kor 2nan 1:12

An ka kunkɔrɔta ye min ye: o ye an ka taamacogo ye, aw cɛma, ani yɔrɔ bɛɛ, an y'o min kɛ ni kɔnɔgwɛ ye Ala nyasiran na. O ma kɛ adamaden ka lɔnniya sababu la, nga Ala ka nɛɛma nɔɔ lo.

Kor 2nan 13:7

An bɛ Ala dali ko aw kana kojugu si kɛ, an t'o kɛra janko k'a yira ko see b'an ye. An b'o kɛ janko an k'aw ye n'aw bɛ konyuman le kɛ, hali n'a bɛ kɛ i n'a fɔ anw dɛsɛra.

Kor 2nan 8:21

An t'a fɛ ka tilenninya kɛ Matigi dama nyakɔrɔ, an b'a fɛ k'a kɛ mɔgɔw nyakɔrɔ fana.

Ɛfɛsikaw 2:3

An fana, an bɛɛ tun kɛra i n'a fɔ olu, an tun b'an ta farisogo nigɛlakow fɛ, k'a sago kɛ, ani k'an yɛrɛ ka miiriya kɛ. Ka kɛnyɛ n'an cogo ye, Ala tun bɛ dimi an kɔrɔ i n'a fɔ tɔw fana.

Ɛfɛsikaw 4:22

O la, aw k'aw jogokɔrɔ bila, o min tun ye juguya ni nigɛjuguw ye, olu sababu la, aw tun bɛ fili.

Filipikaw 1:27

Min ka gwɛlɛ, o ye nin ye: Aw ka taamacogo ka kan ka bɛn Krista ka koo ma, waasa hali ni ne nana aw fɛ, walima ne ma se ka na wo, ne k'a mɛn ko aw jijanin lo, ka bɛn ka baara kɛ ni miiriya kelen ye ani dusukun kelen ye kibaru diman kɔsɔn aw y'aw jigi la o min kan.

Filipikaw 4:8

O bɛɛ kɔ, n balimaw, koo minw kɛra tinyɛko ye, bonya bɛ sɔrɔ min na, ni tilenninya, ni koo gwɛnin, ni koo diman, ani kunkɔrɔtako, ni sɔnnyuman min bɛ na ni tɔgɔnyuman ye, o dama ka kɛ aw ka miiri ye.

Tes fɔlɔ 4:12

janko aw taamacogo ka bɛn mɔgɔ wɛrɛw cɛma waasa olu k'aw tɔgɔnyuman fɔ. O cogo la aw tɛna kɛ mɔgɔ si ka doni ye.

Tim fɔlɔ 2:2

ka dalili kɛ masaw ni fangatigiw ye, waasa an ka se ka to nyasuma na ani hɛrɛ la, ka se ka kɛ mɔgɔsɛbɛw ye Ala ni mɔgɔw nyana.

Tim fɔlɔ 4:12

I kan'a to mɔgɔ si k'i dɔgɔya i ka denmisɛnya kama, nga i ka siranyuman yira u la, i ka kumacogo, n'i ka taamacogo fɛ, n'i ka mɔgɔ kanucogo, n'i ka lanaya, an'i ka mɔgɔsɛbɛya fɛ.

Tim fɔlɔ 5:10

Ani a tɔgɔnyuman ka fɔ a ka kɛwalinyuman kɔsɔn, a ka kɛ muso ye min y'a deenw lamɔ ka nya, ka kɛ lonan ladonbaga ye. A ka kɛ Ala ka jama dɛmɛbaga ye. A ka kɛ mɔgɔ ye min y'a hakili to dɛsɛbagatɔw la ka olu dɛmɛ, ani ka kɛwalinyuman sifa bɛɛ kɛ.

Heburuw 13:18

Aw ka Ala dali anw ye. Anw kɔni lanin b'a la ko an kɔnɔ gwɛnin lo, ko an b'a fɛ an taamacogo ka nya tuma bɛɛ.

Heburuw 13:5

Wari nyiniko kana finyɛ don aw si taamacogo la. Min b'aw bolo, o k'aw wasa. Bari Matigi yɛrɛ le ko: “Ne tɛna i to i kelen, n tɛna i bila abada.”

Yakuba 3:13

Jon ye hakilitigi ye aw cɛma? O tigi k'a yira a ka kɛwalinyumanw fɛ a bɛ o minw kɛ ni yɛrɛmajigi ani hakilitigiya ye.

Piy fɔlɔ 2:15

Ala sago ye nin ye: Aw ka konyuman kɛ, o cogo la, koo faamubaliw tɛna kumayɔrɔ sɔrɔ.

Piy fɔlɔ 3:16

Nga o jaabili nin ka kan ka kɛ ni dususuma, ni bonya ye. Aw bɛ kɛwalinyuman minw kɛ Krista barika la, aw k'o kɛ ni kɔnɔgwɛ ye, waasa aw tɔgɔ cɛnbagaw ka maloya.

Piy fɔlɔ 4:11

Ni mɔgɔ min bɛ waajuli kɛ, o tigi ka kuma ka kɛ Ala ka kuma ye. Min bɛ baara dɔ kɛ tɔw ye, o tigi k'o kɛ ni Ala ka barika ye, waasa Yezu Krista sababu la bonya ka la Ala kan koo bɛɛ la. Bonya ni sebagaya ye ale min ta ye tuma bɛɛ. Amiina!

Piy 2nan 3:11

Ayiwa, n'o fɛɛn nunu bɛɛ ka kan ka ban ten wo, aw ka taamacogo ka kan ka kɛ di sa? Aw ye nɔrɔ Ala la kosɛbɛ aw taamacogo ka nya,