Piy fɔlɔ 2:1 - LAYIDUKURA

¹ O la, aw ka nanbarankow bɛɛ dabila, ni kɔnɔ fila fila koo, ni nyagoya, ani kumajugu, ni kojugu sifa bɛɛ. Aw ka faran o bɛɛ la.

Jula NT of Côte d’Ivoire

¹ Ayiwa, o le kosɔn aw ye juguya ni nanbara ni flankafuya ni ɲangboya ni ɲɔgɔnkɔrɔfɔ bɛɛ dabla.

ALA KA KUMA

¹ O la, aw ka namarakow bɛɛ dabila, ni kɔnɔ fila fila koo, ni ɲagoya, ani kumajugu, ni kojugu sifa bɛɛ. Aw ka faran o bɛɛ la.

Piy fɔlɔ 2:1 Iomraidhean Croise

Matiyu 15:7

Nanbaranmɔgɔ nunu! Kira Ezayi bɛ min fɔ, o bɛnna aw ka kɛwaliw ma kosɛbɛ. A ko:

Matiyu 23:28

Aw fana bɛ ten, kɛnɛma aw kɛra mɔgɔnyumanw ye, nga nanbaran, ani juguya jiidinin bɛ aw kɔnɔ.

Matiyu 24:51

A bɛna o baaraden nin minɛ k'a tɔɔrɔ, nanbaranmɔgɔw tɔɔrɔcogo la. O la, a bɛna kasi kosɛbɛ k'a fɔ ko n'a tun y'a lɔn.

Matiyu 7:5

Nanbaranmɔgɔ, lɔgɔkuru bɛ e min nyaa na, o bɔ fɔlɔ. N'i ye o kɛ, o tuma na, i bɛna yeli kɛ ka nya k'a sɔrɔ k'i balima ka kala nin bɔ.

Marika 12:15

Yezu y'a lɔn ko koo wɛrɛw b'u kɔnɔ. O la, a y'a fɔ u ye ko: “Mun na aw bɛ ne darabɔ? Aw ka na ni deniye wari dɔ ye, n b'a filɛ.”

Luka 11:44

Bɔnɛ ye aw ta ye, bari aw kɛra i n'a fɔ kaburuw, mɔgɔw bɛ taama minw kan n'u nyaa tɛ se k'u ye.”

Luka 12:1

O tuma na, jamaba taara lajɛn fɔɔ u tun bɛ nyɔgɔn seen dɔn cayakojugu fɛ. Yezu y'a daminɛ k'a fɔ a ka kalandenw ye fɔlɔ ko: “Aw k'aw yɛrɛ kɔlɔsi Farizinyɛw ka miiriya n'u ka nanbarankow nyɔgɔn ma.

Luka 6:42

I do bɛ se k'a fɔ i balima ye cogo di ko: ‘Kala b'i nyaa na, a to n k'a bɔ.’ Nanbaranmɔgɔ, lɔgɔkuru min bɛ i nyaa na, o bɔ fɔlɔ. O la, i bɛna yeli kɛ ka nya, k'i balima ka kala bɔ a nyaa na.

Yuhana 1:47

Yezu ye Natanayɛli natɔ ye a fɛ, a y'a fɔ ko: “Nin ye Isirayɛliden yɛrɛ ye tigitigi. Nanbaranmɔgɔ tɛ.”

Rɔmukaw 1:29

Tilenbaliyako sifa bɛɛ b'u kɔnɔ: u bɛ kojugu kɛ, u kɛra mɔgɔkolonw ani mɔgɔjuguw ye, nyagoya fana b'u la, nyɔgɔnfagako le b'u kɔnɔ, ni kɛlɛko, ni benkanni, juguya, ani u bɛ mankan ci.

Kor fɔlɔ 14:20

N balimaw, aw ka miiricogo faan fɛ, aw kana kɛ denmisɛnw ye tugu. Kojugu faan fɛ, ɔnhɔn, aw ka kɛ i n'a fɔ denmisɛnw, nga aw ka miiriya la, aw ka kɛ mɔgɔkɔrɔbaw ye.

Kor fɔlɔ 5:8

O tuma na, an k'an ka nyanagwɛ kɛ ni buru ye, fununan tɛ min na, o kɔrɔ, juguya ni mɔgɔkolonya kana kɛ aw cɛma, nga aw k'o kɛ ni kɔnɔgwɛ ani tilenninya ye.

Kor 2nan 12:20

Ne bɛ siran ko ni ne sera aw fɛ waati min na, ne b'aw jati cogo min na, ne kana taa aw sɔrɔ cogo wɛrɛ la, aw tun bɛ ne jati cogo min na, aw fana kana ne ye cogo wɛrɛ la. N bɛ siran ko kɛlɛ ni keliya, ni dimiko, ni sɔnjuguya ni nyɔgɔnnɛni, ni kumakolonfɔ, ni yɛrɛbonya ni koferekenin kana sɔrɔ aw cɛma.

Ɛfɛsikaw 4:31

Aw ka kɔnɔnajuguya dabila, aw kana dimi mara, aw dusu kana bɔ. Aw ka mankan caaman dabila, ka tɔgɔcɛn dabila, ani juguya sifa bɛɛ.

Tes fɔlɔ 2:3

An bɛ kuma min fɔra mɔgɔw ye, o ma kɛ galon ye walima nanbaran koow ye, an fana tɛ mɔgɔ si lafili.

Tim fɔlɔ 3:11

Muso minw b'a fɛ k'o baara nyɔgɔn kɛ fana, olu ka kan ka kɛ mɔgɔsɛbɛw ye. U kana kɛ mɔgɔ tɔgɔcɛnbagaw ye. U ka kan k'u yɛrɛ kɔlɔsi kosɛbɛ ani ka tilenninya kɛ koo bɛɛ la.

Tite 2:3

O cogo la fana, i k'a fɔ musokɔrɔbaw ye ko olu taamacogo ka bɛn ni mɔgɔsɛbɛya ye Ala faan fɛ. U kana kɛ mɔgɔ tɔgɔcɛnlaw ye, ani u fana kana kɛ dɔrɔtɔw ye. Olu ka mɔgɔw dege konyuman kɛli la.

Heburuw 12:1

Ayiwa, an lamininin bɛ ni seere caaman ye minkɛ, koo o koo b'an ka boli nin nagasi, an k'o bɛɛ dabila. Kojugu min ka teli ka see sɔrɔ an kan, an k'o dabila. Boli min b'an seen kɔrɔ, an kana sɛgɛn o la.

Yakuba 1:21

O kama, koo o koo bɛ mɔgɔ nɔgɔ Ala nyana, ani juguya bɛɛ, aw k'o bɛɛ dabila. Ala ka kuma min b'aw kɔnɔ, aw ka sɔn o ma ni yɛrɛmajigi ye. O kuma nin, o bɛ se k'aw kisi.

Yakuba 3:14

Nga ni min kɔnɔ ka jugu, ni keliya bɛ min na, o tigi kan'a yɛrɛ wansun k'a ka galon kɛ ka tinyɛ datugu.

Yakuba 4:11

N balimaw, aw kana nyɔgɔn tɔgɔjugu fɔ, ni min y'a tɔnyɔgɔn tɔgɔjugu fɔ, walima k'a jalaki, o tigi bɛ kumajugu fɔ Ala ka sariya koo la, k'a dɔgɔya. K'a sɔrɔ mɔgɔ min bɛ sariya dɔgɔya, o tigi tɛ sariya labatobaga ye, nga a b'a dɔgɔya le.

Yakuba 4:5

A fɔra Ala ka kuma na ko: “A ye nii min don aw la, a bɛ keliya o koo la.” Aw ka miiri la k'o ye kuma fu ye wa?

Yakuba 5:9

N badenw, aw kana dimi mara ka to ka nyɔgɔn kɔrɔfɔ janko Ala kana aw kiti. A labɛnnin lo kiti kama dɛ.

Piy fɔlɔ 2:16

Aw ka taama hɔrɔn taamacogo la, aw kana aw ka juguya dogo o hɔrɔnya nin jukɔrɔ. Nga aw ka kɛ Ala ka baarakɛlaw ye.

Piy fɔlɔ 2:22

“A ma kojugu kɛ ka ye, nanbarankuma ma bɔ a daa la ka ye.”

Piy fɔlɔ 3:10

“Ni mɔgɔ min b'a fɛ ka sii sɔrɔ, ani ka to hɛrɛ la, o tigi ka kan k'a yɛrɛ minɛ kumajugu fɔli, ani galon ma.

Piy fɔlɔ 4:2

O la, k'a to dinyɛ na, a bɛna Ala sago dama kɛ, a tɛna to nigɛjuguw la.

Piy fɔlɔ 4:4

Alalɔnbaliw bɛ kabakoya, bari aw tɛ jɛn n'u ye u ka koo fufafu nunu na tugu, o la, u b'aw tɔgɔ cɛn.

Yirari 14:5

Galon ma bɔ u daa la ka ye. Olu ye jalakibaliw ye.