Piy fɔlɔ 1:7 - LAYIDUKURA

⁷ Sanu min ye banta ye, ale bɛ sɛgɛsɛgɛ tasuma na cogo min na, o cogo kelen na aw bɛ sɛgɛsɛgɛ aw jigi koo la tɔɔrɔ nunu bolo, ale min ka fisa ni sanu ye sinyɛ tan, janko aw ka tandoli ni bonya ani karama sɔrɔ Yezu Krista kɔsegilon.

Jula NT of Côte d’Ivoire

⁷ O kun ye janko ka aw ta lanaya le sɛgɛsɛgɛ. Aw ta lanaya ka fisa ni sanin ye, sabu sanin ye fɛn banta le ye, nka a ka kan ka don tasuma ra k’a saninya. Ni aw ta lanaya fana sɛgɛsɛgɛra, aw bɛna tandori ni bonya ni nɔɔrɔ sɔrɔ Yesu Kirisita nawagati ra.

ALA KA KUMA

⁷ Sanu min ye banta ye, ale be sɛgɛsɛgɛ tasuma na cogo min na, o cogo kelen na, aw jigi be sɛgɛsɛgɛ tɔɔrɔ nunu bolo, ale min ka fisa ni sanu ye, janko aw ka tanuli ni boɲa ani karama sɔrɔ Yezu Krista kɔsegilon.

Piy fɔlɔ 1:7 Iomraidhean Croise

Matiyu 19:28

Yezu y'a fɔ u ye ko: “Tinyɛ na, ne b'a fɔ aw ye ko ni dinyɛ nana kɛ dinyɛkura ye tuma min na, Mɔgɔ Dencɛ bɛna sigi a ka masasigilan kan. Aw minw tugura a kɔ, aw fana bɛna sigi masasigilan tan ni fila kan, ka Isirayɛli jama ka koow nyanabɔ.

Matiyu 25:21

A ka kuntigi y'a fɔ a ye ko: ‘O nyana, mɔgɔnyuman ani mɔgɔsɛbɛ. I kɛra mɔgɔsɛbɛ ye kofitini nin na, o la, ne bɛna koo caaman kalifa i ma. Na, an ka nisɔndiya nyɔgɔn fɛ.’

Matiyu 25:23

A ka kuntigi y'a fɔ a ye ko: ‘A nyana, mɔgɔnyuman ani mɔgɔsɛbɛ. I kɛra mɔgɔsɛbɛ ye kofitini nin na, o la, ne bɛna koo caaman kalifa i ma. Na, an ka nisɔndiya nyɔgɔn fɛ.’

Luka 12:33

“Aw k'aw bololafɛnw feere k'a wari tilan faantanw cɛ. Nafolo min bɛ Ala fɛ sankolo la, aw k'o nyini. O nafolo nin tɛ cɛn ka ye, a tɛ ban, soonw tɛ se yen, bagabaga tɛ se k'a cɛn.

Luka 17:30

Mɔgɔ Dencɛ bɛna segi loon min na, a bɛna kɛ ten o loon.

Yuhana 12:26

Ni mɔgɔ min b'a fɛ ka baara kɛ ne ye, o tigi ka tugu ne kɔ, ne bɛ yɔrɔ min na, ne ka baarakɛlaw fana bɛna kɛ o yɔrɔ le la. Ni mɔgɔ min bɛ baara kɛ ne ye, n Faa bɛna bonya la o tigi kan.

Yuhana 5:44

Aw bɛ se ka la ne la cogo di? Aw minw b'aw ka bonya sɔrɔ aw adamaden nyɔgɔnw le fɛ, sanni aw k'o nyini Ala kelen fɛ.

Kɛwalew 8:20

Nga Piyɛri y'a jaabi ko: “E n'i ka wari bɛɛ ka danga, bari i ka miiri la ko Ala ka sebagaya bɛ se ka san ni wari ye.

Rɔmukaw 2:10

Minw bɛ konyuman kɛ, k'a ta Zuwifu ma fɔlɔ, o kɔ siya tɔw, olu bɛɛ bɛna bonya ni kunkɔrɔta ani hɛrɛ sɔrɔ.

Rɔmukaw 2:29

Nga Zuwifuya yɛrɛ yɛrɛ ye kɔnɔnako ye, kɛnɛkɛnɛkonyuman ye dusulako ye Nii Senuman barika la, o ma kɛ sariyako dama ye. O Zuwifu nyɔgɔn ka bonyako tɛ bɔ mɔgɔ fɛ, nga Ala fɛ.

Rɔmukaw 2:7

Mɔgɔ minw jijanin lo ka baaranyuman kɛ n'u bɛ bonya, ni kunkɔrɔta ani hɛrɛ banbali le nyinina, sini hɛrɛ ye olu ta ye.

Rɔmukaw 8:19

Bari Ala bɛna bonya la a ka deenw kan loon min na, dinyɛ kɔrɔtɔnin bɛ ka o loon makɔnɔ.

Kor fɔlɔ 3:13

mɔgɔ kelen kelen bɛɛ ka baara cogoya bɛna lɔn laban loon na. Tasuma bɛna u bɛɛ cogoya yira, bari mɔgɔ kelen kelen bɛɛ ka baara bɛna sɛgɛsɛgɛ ni tasuma ye.

Kor fɔlɔ 4:5

O le kɔsɔn aw kana kɔn ka mɔgɔ jalaki waati latigɛnin nya, aw k'a to, Matigi bɛ na ka koo dogonin bɛɛ bɔ kɛnɛma, ani ka mɔgɔw bɛɛ kɔnɔnakow yira. O waati la, mɔgɔ kelen kelen bɛɛ ka kan ni bonya min ye, a bɛna o sɔrɔ Ala fɛ.

Yakuba 1:12

Mɔgɔ min bɛ jija ka sɛgɛn munyu, o tigi ye dubaden ye. Bari n'a sera ka sɛgɛn nunu munyu, a bɛna sini sɔrɔ a ka tɔnɔ ye. Ala tun y'a daa di a kanubagaw ma, ko u bɛna o min sɔrɔ.

Piy fɔlɔ 1:13

Ayiwa, aw labɛnnin ka to baara kama, k'aw yɛrɛ minɛ. Yezu Krista bɛna makari aw la a kɔsegilon cogo min na, aw k'aw jigi la o kan kosɛbɛ.

Piy fɔlɔ 1:5

Setigi Ala bɛ aw minw mara aw jigi kɔsɔn fɔɔ ka taa se kisili loon yɛrɛ yɛrɛ ma. Ala y'o min latigɛ n'o bɛna kɛ dinyɛ laban tuma na.

Piy fɔlɔ 2:4

Aw ye gwɛrɛ Matigi la ale min ye Kabakuru nyanaman ye. Mɔgɔw banna ale min na i n'a fɔ bonlɔbagaw bɛ ban kabakuru dɔ la cogo min na. Nga Ala y'a woloma, a koo ka gwɛlɛ a ma.

Piy fɔlɔ 2:7

Ayiwa, aw minw y'aw jigi la o kabakuru nin kan, a kɛra fɛɛn nafaman ye aw fɛ. Nga Alalɔnbaliw fɛ, “bonlɔlaw tun banna kabakuru min na, o le nana kɛ boon kabakuruw bɛɛ la nyuman ye,”

Piy fɔlɔ 4:12

Ne terisɛbɛw, gwɛlɛya min b'aw kan i n'a fɔ tasuma, o kana aw kabakoya. O ma kɛ koo bɛnbali ye aw kan.

Piy fɔlɔ 4:13

Nga aw ka nisɔndiya bari aw y'aw niyɔrɔ sɔrɔ Krista ka tɔɔrɔ la. O la, ni Krista nana n'a ka nɔɔrɔ ye tuma min na, aw ka se ka nisɔndiya kosɛbɛ.

Piy fɔlɔ 5:1

Minw ye Ala ka jama nyamɔgɔw ye aw cɛma, n kaan bɛ olu le ma sisan. Ne fana ye nyamɔgɔ dɔ ye, Krista ye tɔɔrɔ min sɔrɔ, ne y'o seere ye. A bɛna na ni nɔɔrɔ min ye, n bɛna dɔ sɔrɔ o la. Ne b'a nyini aw fɛ ko

Piy 2nan 1:1

Ne Simɔn Piyɛri min ye Yezu Krista ka ciden, n'a ka baaraden ye, ne bɛ bataki nin ci aw ma, aw minw ye an ka jigi nyanaman nyɔgɔn sɔrɔ anw ka Ala n'an kisibaga Yezu Krista ka tilenninya kɔsɔn.

Piy 2nan 1:4

Olu kama, Ala tun y'a daa di koo minw na, n'u nafa ka bon kosɛbɛ, an sera k'o sɔrɔ. O barika la, an bɛ jɛn ni Ala ye ka kɛ kelen ye, ani ka kisi dinyɛ n'a kɔnɔ nigɛjugu bɛɛ ma.

Piy 2nan 3:14

Ayiwa, n teriw, o kama, aw labɛnnin ka to o makɔnɔni na, aw ye jija jalakiyɔrɔ kana sɔrɔ aw la Ala fɛ, aw ni Ala ka bɛn.

Zude 1:24

Ala min bɛ se k'aw tanga aw kana ben, ani k'aw kɛ jalakibaliw ye ka nisɔndiya di aw ma kosɛbɛ a nyakɔrɔ,

Yirari 1:7

Ayiwa, a bɛna na sankaba kan. Mɔgɔ bɛɛ bɛn'a ye. Hali minw tun y'a sɔgɔ ni taman ye, u bɛn'a ye. Siyaw bɛɛ bɛna kasi ale kɔsɔn. Ɔnhɔn, a bɛna kɛ ten. Amiina.

Yirari 2:10

Tɔɔrɔ min bɛna aw sɔrɔ, aw kana siran o nya. Ayiwa, aw cɛma, mɔgɔ damani bɛna kaso kɛ Sutana sababu la. A bɛna o kɛ k'aw kɔrɔbɔ. Aw bɛna tɔɔrɔ tile tan kɔnɔ. Aw ka jija fɔɔ ka taa se saya ma, n'o kɛra, aw bɛna sini hɛrɛ sɔrɔ ne barika la.

Yirari 3:10

Aw banbana ka ne ka kuma labato. O la, ne fana bɛna aw kɔlɔsi tɔɔrɔ tuma na, o min bɛna don dinyɛ mumɛ bɛɛ kɔnɔ ka mɔgɔw kɔrɔbɔ.

Yirari 3:18

Ayiwa, ne b'aw ladi. Aw ye na sanu yɛrɛ yɛrɛ san ne fɛ, fɛɛn min b'a to aw bɛ kɛ fɛntigiw ye. Aw ye na fanigwɛ san k'aw ka maloya bɔ, ani ka nyadimifura minɛ ne fɛ k'aw yɛrɛ furakɛ waasa aw ka yeli kɛ.