Piy fɔlɔ 1:5 - LAYIDUKURA

⁵ Setigi Ala bɛ aw minw mara aw jigi kɔsɔn fɔɔ ka taa se kisili loon yɛrɛ yɛrɛ ma. Ala y'o min latigɛ n'o bɛna kɛ dinyɛ laban tuma na.

Jula NT of Côte d’Ivoire

⁵ A bɛ aw mara ni a ta sebagaya ye, aw ta lanaya kosɔn, janko ka aw kisi; o kisiri bɛna yira dunuɲa labanwagati le ra.

ALA KA KUMA

⁵ Setigi Ala be aw minw mara aw jigi kosɔn fɔɔ ka taga se kisili loon yɛrɛ yɛrɛ ma. Ala y' min latigɛ n'o bena kɛ diɲɛ laban tuma na.

Piy fɔlɔ 1:5 Iomraidhean Croise

Yuhana 12:48

Mɔgɔ min banna ne la ani a ma sɔn ne ka kuma na, o tigi kitibaga bɛ yen, ne ye kuma min fɔ, o le bɛn'a tigi kiti dinyɛ labanlon na.

Yuhana 17:15

Ne tɛ i dali ko i k'u ta ka bɔ dinyɛ na, nga i k'u tanga juguman ma.

Yuhana 4:14

Nga jii min bɛ ne fɛ, ni ne y'o di mɔgɔ min ma k'a min, minnɔgɔ tɛna o tigi minɛ tugu fewu. Ne bɛna jii min d'o tigi ma, o bɛna kɛ jii woyota ye min bɛ woyo a kɔnɔ tuma bɛɛ, o min bɛ sini hɛrɛ di.”

Yuhana 5:24

Tinyɛ tinyɛ na, ne b'a fɔ aw ye ko ni mɔgɔ min ye n ka kuma lamɛn ka la n cibaga la, o tigi ye hɛrɛ banbali sɔrɔ. A tɛna kiti, a niin bɔra saya la ka don hɛrɛ la ka ban.

Rɔmukaw 11:20

O ye tinyɛ ye, olu tigɛra u ka lanabaliya le kama, aw nɔrɔla lanaya le barika la. O la, aw kana aw yɛrɛ bonya, aw ka siran le.

Rɔmukaw 8:18

Ne ka miiri la, an bɛna bonya min sɔrɔ sini, o tɛ se ka suma ni bii ka tɔɔrɔ ye.

Kor fɔlɔ 1:21

Tinyɛ lo, dinyɛ n'a ka lɔnniya bɛɛ, a ma se ka Ala lɔn a ka lɔnniya baara la. O la, minw lara Ala la, a diyara a ye ka olu kisi, waajuli barika la, o min kɛra nalomanyako ye dinyɛ mɔgɔw fɛ.

Kor 2nan 1:24

A ma kɛ ko anw b'a fɛ ka koo dɔ wajibiya aw kunna lanaya faan fɛ dɛ, bari aw banbanin lo o la, nga an b'aw dɛmɛna le janko aw ka nisɔndiya.

Galasikaw 2:20

Hali n'aw y'a ye ko ne bɛ nii na halibele, o tɛ ne yɛrɛ sababu ye, o ye Krista ka sababu ye. Bari n'aw y'a ye ko ne nyanaman lo farisogo la, o kɛra Ala Dencɛ barika la, ne ye n jigi la o min kan. A ye ne kanu fɔɔ k'a yɛrɛ di ne kɔsɔn.

Ɛfɛsikaw 2:8

Aw lar'a la minkɛ, o le y'a to aw kisira nɛɛma barika la, o tɛ aw yɛrɛ ka seko ye, o ye Ala ka dɛmɛli ye.

Ɛfɛsikaw 3:17

janko Krista koo ka se ka sigi aw kɔnɔ jigi barika la, kanuyasɛbɛ ka se ka sɔrɔ aw kɔnɔ fɔɔ ka nya.

Filipikaw 1:6

Ne lanin b'a la ko Ala min ye baaranyuman nin daminɛ aw dusu la, ko ale bɛna taa nya k'aw dɛmɛ o la fɔɔ ka taa se Yezu Krista kɔsegilon ma.

Filipikaw 4:7

O cogo la, mɔgɔw tɛ Ala ka hɛrɛ min koo faamu, ale bɛna aw tanga hamikojugu ma, Yezu Krista barika la.

Tim 2nan 3:15

Kabini i denmisɛn tuma, i ye Ala ka kuma lɔn, min bɛ se ka hakilitigiya d'i ma, o min barika la mɔgɔ b'a jigi la Yezu Krista kan ka kisi.

Tite 2:13

K'an to nisɔndiya loon makɔnɔni na, o min ye masaba Ala an kisibaga Yezu Krista ka nɔɔrɔ loon ye.

Heburuw 6:12

O cogo la, aw fari tɛna faga. Ala ye layidu ta min koo la, minw bɛ la Ala la, ka munyu fɔɔ k'o sɔrɔ, aw ka olu ladege.

Heburuw 9:28

o cogo kelen na, Krista y'a yɛrɛ saraka sinyɛ kelen, ka mɔgɔ bɛɛ ka kojuguw yafa. O kɔ, a bɛna segi ka na, o tɛna kɛ kojuguw yafako kama tugu, nga mɔgɔ minw b'a makɔnɔna, olu kisili kɔsɔn lo.

Piy fɔlɔ 1:13

Ayiwa, aw labɛnnin ka to baara kama, k'aw yɛrɛ minɛ. Yezu Krista bɛna makari aw la a kɔsegilon cogo min na, aw k'aw jigi la o kan kosɛbɛ.

Piy fɔlɔ 4:13

Nga aw ka nisɔndiya bari aw y'aw niyɔrɔ sɔrɔ Krista ka tɔɔrɔ la. O la, ni Krista nana n'a ka nɔɔrɔ ye tuma min na, aw ka se ka nisɔndiya kosɛbɛ.

Piy fɔlɔ 5:1

Minw ye Ala ka jama nyamɔgɔw ye aw cɛma, n kaan bɛ olu le ma sisan. Ne fana ye nyamɔgɔ dɔ ye, Krista ye tɔɔrɔ min sɔrɔ, ne y'o seere ye. A bɛna na ni nɔɔrɔ min ye, n bɛna dɔ sɔrɔ o la. Ne b'a nyini aw fɛ ko

Piy 2nan 1:3

Tinyɛ na, an mako bɛ fɛɛn min na, an ka se ka taama Alanyasiran na, Matigi y'o bɛɛ d'an ma a ka setigiya barika la, ale min y'an wele k'a ka nɔɔrɔ ni sebagaya d'an ma, waasa an ka se k'ale lɔn kosɛbɛ.

Zan fɔlɔ 3:2

Ne terisɛbɛw, k'a ta sisan ma, an ye Ala deenw ye. Nga an bɛna kɛ cogo min na tigitigi, o le ma gwɛ fɔlɔ. An bɛ min lɔn, ni Krista segira ka na tuma min na, ale bɛ cogo min na, an fana bɛna kɛ ten. Bari an bɛn'a ye ten.

Zude 1:1

Ne Zude Zaki dɔgɔcɛ, ne min kɛra Yezu Krista ka baaraden ye, n bɛ bataki nin ci Ala ka mɔgɔ weleninw ma, aw minw koo ka di Faa Ala ye, ani aw minw maranin bɛ Yezu Krista ye.

Zude 1:24

Ala min bɛ se k'aw tanga aw kana ben, ani k'aw kɛ jalakibaliw ye ka nisɔndiya di aw ma kosɛbɛ a nyakɔrɔ,