Piy fɔlɔ 1:21 - LAYIDUKURA

²¹ Ala min ye Krista kunun a sanin kɔ, ka nɔɔrɔ d'a ma, aw lara ale la Krista yɛrɛ sababu la. Aw bɛ la Krista la cogo min na, aw jigi bɛ Ala kan ten.

Jula NT of Côte d’Ivoire

²¹ Ale le baraka ra aw lara Ala ra, Ala min k’a lakunu ka bɔ saya ra, ka bonya la a kan, janko aw ta lanaya ni aw ta jigiya ye to Ala kan.

ALA KA KUMA

²¹ Ala min ye Krista kunun a sanin kɔ, ka nɔɔrɔ d'a ma, aw lara ale la Krista yɛrɛ sababu la. Aw be la Krista la cogo min na, aw jigi be Ala kan ten.

Piy fɔlɔ 1:21 Iomraidhean Croise

Matiyu 28:18

Yezu gwɛrɛla u la k'a fɔ u ye ko: “Ala ye sebagaya bɛɛ di ne ma sankolo la ani dugukolo kan.

Yuhana 12:44

O tuma na Yezu pɛrɛnna ko: “Ni mɔgɔ min lara ne la, o tigi ma la ne dama na, nga Ala min ye ne ci a lara ale la,

Yuhana 14:1

Yezu y'a fɔ a ka kalandenw ye ko: “Aw hakili kana nyagami. Aw lara Ala la, aw ye la ne fana na.

Yuhana 14:6

Yezu y'a jaabi ko: “Ne le kɛra sira ye, ni tinyɛ, ani nii dibaga ye. Mɔgɔ si tɛ se n Faa fɛ ni ne sababu tɛ.

Yuhana 17:1

Yezu y'o kuma nin fɔ ka ban dɔrɔn, a y'a nyaa kɔrɔ ta sanfɛ k'a fɔ ko: “N Faa, waati sera sisan i ka bonya la i Deen kan, janko ne fana ka bonya la ele kan,

Yuhana 17:24

N Faa, e ye minw woloma k'o di ne ma, ne b'a fɛ ne bɛ yɔrɔ min na olu fana ka kɛ o yɔrɔ la, i ye bonya min la ne kan u ka se k'o ye, bari e ye ne kanu kabini fɔlɔfɔlɔ sanni dinyɛ ka dan.

Yuhana 17:5

Sisan n Faa, bonya min tun bɛ ne kan i gɛrɛfɛ fɔlɔfɔlɔ sanni dinyɛ ka dan, i k'o nyɔgɔn la ne kan ne ka to i gɛrɛfɛ tugu.

Yuhana 3:34

Ala ye mɔgɔ min ci, o tigi bɛ Ala ka kuma yɛrɛ le fɔ bari Ala bɛ Nii Senuman d'a ma, daan tɛ o min dili la.

Kɛwalew 2:24

Nga Ala y'a kunun a faganin kɔ ka saya fanga ban, bari a tun man kan ka to saya bolo.

Kɛwalew 3:13

Nga an bɛma Ibrayima, ni Isiyaka, ni Yakuba ani an faaw bɛɛ ka Ala le ye nɔɔrɔ la a Sagokɛla Yezu kan, aw banna ale min na k'a don mɔgɔjuguw bolo. Pilati tun b'a fɛ k'a bila, aw ko fewu.

Kɛwalew 3:15

O la, mɔgɔw bɛ hɛrɛ sɔrɔ min barika la, aw y'a to u y'o faga, nga Ala y'a kunun. Anw y'a ye.

Kɛwalew 4:10

O tuma na, a ye tulo malɔ ka nya ani k'a faamu, Isirayɛli jama bɛɛ fana k'a faamu ko Yezu Krista Nazarɛtika nin barika lo, aw tun y'o min gwengwen k'a faga lɔgɔ kan. Ala y'a kunun. Ale barika la cɛɛ nin kɛnɛyara.

Rɔmukaw 10:9

N'i sɔnna k'a fɔ ko Yezu ye Matigi ye ani ka l'a la ko Ala y'a kunun a sanin kɔ, e bɛna kisi.

Rɔmukaw 4:24

Nga an fana niin b'o la, Ala bɛna an minw jati mɔgɔtilenninw ye bari an lara Ala la ale min y'an Matigi Yezu kunun.

Kor 2nan 6:15

Bɛɛn jumɛn le bɛ sɔrɔ Krista ni Sutana cɛ? Min lara Krista la ni min ma la a la, jɛnnyɔgɔnya jumɛn bɛ sɔrɔ olu ni nyɔgɔn cɛ?

Ɛfɛsikaw 1:15

O le y'a to, kabini ne y'a mɛn ko aw jigi lanin bɛ Matigi Yezu kan ani ko aw bɛ Ala ka mɔgɔw bɛɛ kanu,

Kɔlɔsikaw 1:27

A b'a fɛ ka o koo dogonin ka nyumanya yira siyaw cɛma, min ye nin ye: Krista bɛ aw cɛma, ale kɛra aw jigi ye ko aw bɛna nɔɔrɔ sɔrɔ sini.

Tim fɔlɔ 1:1

Ne Pɔli min kɛra Yezu Krista ka ciden ye an Kisibaga Ala sago barika la ani Yezu Krista barika la, ale min kɛra an jigi ye,

Tim fɔlɔ 3:16

An ka Alanyasiran, o ye gundoba ye! A y'a yɛrɛ kɛ mɔgɔ ye ka na, Nii Senuman y'a koo yira k'o gwɛya, mɛlɛkɛw y'a ye. A ka kibaru fɔra siya wɛrɛw cɛma, ani mɔgɔw lara a la dinyɛ kɔnɔ, a kɔsegira ka taa Ala fɛ. Mɔgɔ si tɛ se k'o sɔsɔ.

Heburuw 2:9

An y'a kɔlɔsi k'a ye ko Ala ye Yezu majigi mɛlɛkɛw ye waati kunkurunnin kɔnɔ. A sɔnna ka tɔɔrɔ ka sa mɔgɔw bɛɛ kɔsɔn, Ala ka nɛɛma barika la. Sisan a ye kunkɔrɔta ni nɔɔrɔ sɔrɔ.

Heburuw 6:1

O la do, Krista ka koo minw faamu man gwɛlɛ, an kana to o kalan na halibele, nga an ka jija ka taa nya. An kana segi kalan kɔrɔman nunu kan o minw ye: an ka nimisa ka faran kojuguw la o minw tɛ foyi nya mɔgɔ ye, ani jigilako Ala kan,

Heburuw 7:25

O kama, mɔgɔ minw bɛ gwɛrɛ Ala la ale sababu la, see b'a ye k'olu kisi bii ani sini, bari a bɛ yen tuma bɛɛ ka Ala dali u ye.

Piy fɔlɔ 1:11

Krista tun bɛna tɔɔrɔ ni bonya min sɔrɔ, a ka Nii Senuman min tun bɛ u fɛ, ale tun b'o koo yira u la, lu tun b'a fɛ k'o waati n'a kɛcogo lɔn.

Piy fɔlɔ 1:3

An ka barika la Ala ye, o min ye an Matigi Yezu Krista Faa ye! A makarila an na kosɛbɛ k'an kɛ danfɛnkura ye ka jigi nyanaman di an ma Yezu Krista ka kununni barika la ka bɔ kaburu la,

Piy fɔlɔ 3:22

ale min taara arijana na ka to Ala kinibolo la. Mɛlɛkɛw ni setigiw, ani fangatigi minw b'o yɔrɔ la, u bɛɛ majiginin bɛ ale ye.