Piy fɔlɔ 1:2 - LAYIDUKURA

² Faa Ala y'aw woloma kabini fɔlɔ, k'aw kɛ a taw ye Nii Senuman barika la, waasa ka mɛnni kɛ Yezu Krista fɛ ani ka saniya a ka joli bɔnnin na. Ala ka nɛɛma ni hɛrɛ kɛ aw ye tuma bɛɛ.

Jula NT of Côte d’Ivoire

² Fa Ala kɔnna ka aw ɲanawoloma i n’a fɔ a tun k’a latigɛ kakɔrɔ cogo min na; a ka aw saninya Nin Saninman* baraka ra, janko aw ye Ala kan mina, ani Yesu Kirisita jori ye aw saninya. Ala ye nɛɛma ni hɛra kɛ aw ye caman.

ALA KA KUMA

² Faa Ala y'aw woloma kabini fɔlɔ, k'aw kɛ a taw ye Nii Senuman barika la, waasa aw ka mɛnni kɛ Yezu Krista fɛ ani ka saniya a joli bɔnnin na. Ala ka nɛɛma ni hɛrɛ kɛ aw ye tuma bɛɛ.

Piy fɔlɔ 1:2 Iomraidhean Croise

Matiyu 24:22

Ni Ala tun m'a latigɛ ko a bɛna dɔ bɔ o tɔɔrɔ waati la, mɔgɔ si tun tɛna kisi, nga a ye minw woloma k'u kɛ a yɛrɛ taw ye, olu kɔsɔn, dɔ bɛna bɔ a la.

Matiyu 24:24

bari mɔgɔ dɔw bɛna galon tigɛ, k'olu ye Ala ka Mɔgɔwolomanin nin ye. Dɔw fana bɛn'a fɔ k'olu ye kira ye. U bɛna kabakobaw kɛ ka mɔgɔw lafili n'o ye. Ala ye mɔgɔ minw woloma k'u kɛ a yɛrɛ taw ye, n'u tun bɛ se, u tun bɛna olu fana lafili.

Matiyu 24:31

A bɛn'a ka mɛlɛkɛw ci ni buru fiyɛta belebele ye. A ye mɔgɔ minw woloma k'u kɛ a taw ye, u bɛna taa dinyɛ faan naani bɛɛ la k'olu lajɛn.

Marika 13:20

Ni Matigi tun m'a latigɛ ko a bɛna dɔ bɔ o tɔɔrɔ waati la, mɔgɔ si tun tɛna se ka kisi. Nga, a ye mɔgɔ minw woloma k'u kɛ a yɛrɛ taw ye, olu kɔsɔn a bɛna dɔ bɔ a la.

Marika 13:22

Mɔgɔ dɔw bɛna galon tigɛ ko olu ye Ala ka Mɔgɔ wolomanin nin ye. Dɔw fana bɛna galon tigɛ ko olu ye kira ye. U bɛna kabakow kɛ ka mɔgɔw lafili n'o ye. Ala ye mɔgɔ minw woloma k'u kɛ a yɛrɛ taw ye, n'u tun bɛ se, u tun bɛna olu fana lafili.

Marika 13:27

A ye mɔgɔ minw woloma k'u kɛ a yɛrɛ taw ye, a bɛna mɛlɛkɛw ci dinyɛ faan naani bɛɛ la ka taa olu lajɛn, k'a daminɛ sankolo ni dugukolo daan na kɔrɔn fɛ, fɔɔ ka ta'a bila sankolo ni dugukolo daan na tileben fɛ.

Luka 18:7

Ayiwa, Ala ye minw woloma k'u kɛ a ta ye, ni olu bɛ dɛmɛ nyini a fɛ suu ni tile, yala a bɛna mɛn k'u dɛmɛ wa?

Kɛwalew 15:18

bari o koo lɔnnin lo kabini fɔlɔ.’

Kɛwalew 2:23

Ala tun y'a ka koo latigɛ cogo min na, a kɛra ten fana. Aw y'a don kojugukɛlaw bolo janko u k'a faga, olu y'a gwengwen lɔgɔ kan k'a faga.

Kɛwalew 20:32

“Ayiwa, sisan kɔni, ne b'aw kalifa Ala ma, k'aw ni a ka hɛrɛ kuma to nyɔgɔn fɛ, see bɛ ale min ye k'aw sabati, ka sininyasigi labɛn k'a bila a ka mɔgɔw bɛɛ ye.

Rɔmukaw 1:5

An ye nɛɛma sɔrɔ ale le barika la ka kɛ cidenw ye, waasa ka siya wɛrɛw bɛɛ dɛmɛ u k'u jigi la Krista kan ka mɛnni kɛ a fɛ, janko Ala tɔgɔ ka bonya.

Rɔmukaw 1:7

Ala ye aw minw wele ka kɛ a ka jama ye, n'aw koo ka d'a ye n'aw bɛ Ɔrɔmu dugu kɔnɔ, ne bɛ bataki nin ci aw bɛɛ ma. An Faa Ala n'an Matigi Yezu Krista ka nɛɛma ni hɛrɛ kɛ aw ye.

Rɔmukaw 11:2

Ala kɔnna ka siya min kɛ a ta ye, a m'o fili dɛ! N'aw bɛ Ala ka kuma kalan Eli koo fɔra yɔrɔ min na, a ye Ala dali Isirayɛlidenw koo la cogo min na, aw m'o faamu wa?

Rɔmukaw 11:28

Kibaru diman faan fɛ, u kɛra Ala juguw ye, o kɛra aw siya wɛrɛw ka dagamu ye, nga Ala ka wolomani faan fɛ, u koo ka di Ala ye u faaw kɔsɔn,

Rɔmukaw 15:16

a ye o min kɛ ne ye ka ne kɛ Yezu Krista ka baarakɛla ye siya wɛrɛw cɛma. Ne bɛ Ala ka kibaru diman fɔ u ye, janko olu fana ka kɛ saraka diman ye Ala fɛ, min saniyanin bɛ Nii Senuman barika la.

Rɔmukaw 16:19

Aw kɔni, aw sɔnna Ala ta ma cogo min na, mɔgɔ bɛɛ b'o kala ma, o la, ne bɛ nisɔndiya aw kɔsɔn. Halibi, ne b'a fɛ aw ka hakili sɔrɔ ka se ka konyuman kɛ, aw kana kojugu kɛ.

Rɔmukaw 16:26

Nga sisan a yirala kɛnɛ kan, siya wɛrɛw bɛɛ bɛ se k'a lɔn kiraw ka sɛbɛ barika la, ka kɛnyɛ ni Ala ka cii ye, janko u ka se ka la Ala la ka mɛnni kɛ a fɛ.

Rɔmukaw 8:13

Bari n'aw bɛ taama ka kɛnyɛ ni farisogo sago ye, aw bɛna halaki, nga n'aw y'aw jogo yɛlɛma pewu pewu Nii Senuman barika la, aw bɛna kisi.

Rɔmukaw 8:33

Ala ye mɔgɔ minw woloma, jon le bɛna se ka olu jalaki? Ala yɛrɛ le y'u jati mɔgɔtilenninw ye.

Kor fɔlɔ 1:30

Nga ale le barika la aw kɛra Yezu Krista jɛnnyɔgɔnw ye, an ye lɔnniya sɔrɔ ale barika la ka bɔ Ala fɛ, ale fana sababu la an kɛra mɔgɔtilenninw ye Ala nyakɔrɔ ka kɛ a ta ye, ani mɔgɔhɔrɔnyaninw.

Kor fɔlɔ 6:11

Aw dɔw tun bɛ ten fana, nga aw saniyara ka kɛ Ala taw ye, ani ka kɛ mɔgɔtilenninw ye, an Matigi Yezu Krista tɔgɔ la ani an ka Ala ka Nii Senuman barika la.

Kor 2nan 10:5

ani yɛrɛbonyala minw bɛ muruti Ala sago kama, ne bɛ olu bɛɛ majigi. An bɛ mɔgɔw ka miiri bɛɛ yɛlɛma k'o sin Krista ma u k'a ka kuma labato.

Kɔlɔsikaw 3:12

Ala ye aw woloma k'aw kɛ a ka mɔgɔw ye ani aw koo ka di a ye kosɛbɛ. O la, aw ka kɛ mɔgɔnyumanw ye, minw bɛ makari. Aw k'aw yɛrɛ majigi, ka kɛ mɔgɔsabalininw ye, minw bɛ munyuli kɛ.

Tes 2nan 2:13

N balimaw, aw minw koo ka di Matigi ye, an ka kan ka barika la Ala ye aw kɔsɔn tuma bɛɛ, bari a y'aw woloma kabini fɔlɔfɔlɔ, waasa aw ka kisi, aw jigi barika la, o min bɛ tinyɛ kan, ani Nii Senuman barika la, ale min b'aw kɛ Ala ta ye.

Tim 2nan 2:10

O le y'a to ne bɛ koo bɛɛ munyu Ala ka mɔgɔwolomaninw kɔsɔn, waasa olu fana ka kisi Yezu Krista barika la, ani ka bonya sɔrɔ daan tɛ min na.

Tite 1:1

Ne Pɔli min ye Ala ka jɔɔn, ani Yezu Krista ka ciden ye, ne welela waasa ka Ala ka mɔgɔwolomaninw dɛmɛ u ka se k'u jigi la Ala kan, ani ka tinyɛ lɔn min bɛ bɛn ni Alanyasiran ye.

Heburuw 10:22

O la sa, an ka miirijuguw bɔ an kɔnɔ, k'an yɛrɛ saniya ni jinyuman ye, ka gwɛrɛ Ala la ni kɔnɔgwɛ ye, ni jigisigi ye.

Heburuw 11:28

A ka jigi kɔsɔn, a ye Hɔrɔnya nyanagwɛ labɛn ka joli seriseri bondaw la waasa deen fɔlɔ fagabaga kana se Isirayɛlidenw ma.

Heburuw 12:24

Yezu min ye jɛnnyɔgɔnyakura sindibaga ye, aw gwɛrɛla ale la, a joli min bɔnna, aw gwɛrɛla o la. O joli nin bɛ fɛnnyuman d'an ma ka tɛmɛ Abɛli kan.

Heburuw 5:9

O le y'a to a ka koo bɛɛ dafara o cogo la tuma min na, mɔgɔ minw bɛɛ bɛ mɛnni kɛ a fɛ, a kɛra olu bɛɛ kisibaga ye tuma bɛɛ.

Piy fɔlɔ 1:14

Aw ka mɛnni kɛ Ala fɛ i n'a fɔ dennyumanw. Aw kana taama nigɛlafɛnw kɔ i n'a fɔ aw tun b'a kɛ cogo min na k'aw to kolɔnbaliya la.

Piy fɔlɔ 1:19

Nga aw kunmabɔra ni joli nyanaman le ye, Krista joli, o min kɛra i n'a fɔ sagaden, finyɛ tɛ min na,

Piy fɔlɔ 1:20

o min tun labɛnna o kama kabini dinyɛ ma dan fɔlɔ. Nga o koo kɛra sisan laban tuma nin na aw le kama.

Piy fɔlɔ 1:22

Aw sɔnna Ala ka tinyɛkuma ma minkɛ, o le y'aw dusu saniya, waasa aw ka se ka nyɔgɔn kanu badenya la ni kɔnɔgwɛ ye. Aw ka nyɔgɔn kanu kosɛbɛ n'aw dusu bɛɛ ye.

Piy fɔlɔ 2:9

Nga aw kɔni, Ala ye aw woloma k'aw kɛ ale Masaba ka sarakalasebagaw, n'a ka jama ye. A y'aw sama ka bɔ dibi la k'aw bila a ka kɛnɛba la janko aw k'a ka nyumanya koo fɔ.

Piy 2nan 1:2

An ka Ala n'an Matigi Yezu lɔnko kama, u ka nɛɛma ni hɛrɛ kɛ aw ye kosɛbɛ.

Zan 2nan 1:1

Muso, Ala ye e min woloma, ne min kɛra cɛkɔrɔba ye, ne bɛ bataki nin ci ele n'i deenw ma. Aw koo ka di ne ye tinyɛ na. A ma kɛ i n'a fɔ aw koo ka di ne dama ye dɛ, mɔgɔ o mɔgɔ bɛ tinyɛ lɔn, aw koo ka di olu bɛɛ ye.

Zan 2nan 1:13

Ala y'i Dɔgɔmuso min woloma fana, ale deenw b'i fo.

Zude 1:2

Ala ka makari ni kanuya ani hɛrɛ ka kɛ aw ye kosɛbɛ.