Piy fɔlɔ 1:13 - LAYIDUKURA

¹³ Ayiwa, aw labɛnnin ka to baara kama, k'aw yɛrɛ minɛ. Yezu Krista bɛna makari aw la a kɔsegilon cogo min na, aw k'aw jigi la o kan kosɛbɛ.

Jula NT of Côte d’Ivoire

¹³ O kosɔn aw ye aw yɛrɛ cɛsiri, ka aw yɛrɛ minacogo lɔn; Ala bɛna nɛɛma min di aw ma Yesu Kirisita nalon na, aw ye aw jigiya bɛɛ la o le kan.

ALA KA KUMA

¹³ Ayiwa, aw labɛnnin ka to baara kama, k'aw yɛrɛ minɛ. Yezu Krista bena nɛɛma kɛ aw ye a kɔsegilon cogo min na, aw k'aw jigi la o kan kosɔbɛ.

Piy fɔlɔ 1:13 Iomraidhean Croise

Matiyu 20:4

A y'a fɔ olu fana ye ko: ‘Aw ye taa ne ka foro la ka baara kɛ, ni tile banna, ne bɛna aw sara.’

Luka 12:35

“Aw k'aw cɛɛ siri, k'aw ka lanpan mananin minɛ aw bolo.

Luka 17:30

Mɔgɔ Dencɛ bɛna segi loon min na, a bɛna kɛ ten o loon.

Luka 17:8

Ayi. Nga a bɛn'a fɔ o baaraden ye ko a k'a cɛɛ siri ka dumuni labɛn k'a d'a ma. Ko ni ale tilara dumuni na tuma min na, o kɔ a fana bɛ sɔrɔ ka dumuni kɛ ka minni kɛ.

Rɔmukaw 13:13

An ka taama tilenninya la i n'a fɔ mɔgɔ bɛ taama cogo min na tile fɛ. An kana kɛ nugubatɔw ni dɔrɔtɔw ye. An k'an yɛrɛ kɔlɔsi kakalaya sifa bɛɛ ma, an kana kɛ kɛlɛtigɛlaw ye, ani keliya kana sɔrɔ an dusu la.

Rɔmukaw 8:19

Bari Ala bɛna bonya la a ka deenw kan loon min na, dinyɛ kɔrɔtɔnin bɛ ka o loon makɔnɔ.

Kor fɔlɔ 1:7

K'aw to an Matigi Yezu Krista nalon makɔnɔni na, Ala bɛ seko minw di, aw ma dɛsɛ o si la.

Kor fɔlɔ 13:13

Sisan fɛɛn saba nunu le bɛ yen: lanaya, jigi, ani kanuya, nga o fɛɛn saba nunu na, kanuya le bɛ nyafɛ.

Ɛfɛsikaw 6:14

Aw ye jija ka tinyɛ kɛ aw ka cɛsirilan ye ani tilenninya ka kɛ aw ka kɛlɛkɛduloki ye.

Kɔlɔsikaw 3:4

Krista min kɛra aw ka nii ye, n'ale y'a yɛrɛ yira tuma min na, aw fana bɛna ye o tuma na ni nɔɔrɔ ye.

Tes 2nan 1:7

O cogo la, aw minw bɛ tɔɔrɔ la, a ka hɛrɛ kɛ aw ye i n'a fɔ anw. O bɛna kɛ an Matigi yezu kɔsegituma na n'a bɛn'a yɛrɛ yira ka bɔ sankolo la n'a ka mɛlɛkɛ setigiw ye.

Tim 2nan 4:5

Nga ele kɔni, i k'i yɛrɛ minɛ kosɛbɛ koo bɛɛ la. I ka sɛgɛn munyu, k'i ka baara kɛ ka nya min ye kibaru diman fɔli ye.

Tim 2nan 4:8

Sisan yɛrɛ, ne ka see sɔrɔli sara bɛ ne makɔnɔna, o ye tilenninya sara ye, Matigi ale min kɛra kititigɛla tilennin ye, a bɛna o di ne ma laban loon na. A tɛna o di ne kelen dama ma dɛ, nga mɔgɔ minw b'a ka nali makɔnɔna ni nisɔndiya ye, a bɛn'a di olu bɛɛ ma fana.

Heburuw 10:35

Aw jigi kana tigɛ, bari a nafa ka bon.

Heburuw 3:6

An y'an jigi la fɛɛn min kan, n'an y'an jaa gwɛlɛya ka la o la kosɛbɛ, anw bɛ kɛ a ka somɔgɔw ye.

Heburuw 6:19

O jigi min b'an fɛ, barika b'o la. O b'a kɛ an bɛ lɔ ka nya, a b'an dɛmɛ fɔɔ ka taa se Ala fɛ.

Heburuw 9:28

o cogo kelen na, Krista y'a yɛrɛ saraka sinyɛ kelen, ka mɔgɔ bɛɛ ka kojuguw yafa. O kɔ, a bɛna segi ka na, o tɛna kɛ kojuguw yafako kama tugu, nga mɔgɔ minw b'a makɔnɔna, olu kisili kɔsɔn lo.

Piy fɔlɔ 1:10

Aw tun ka kan ka kisili min sɔrɔ, kiraw kumana o koo la, ani u ka miiriya bɛɛ tun bɛ sinna o le ma.

Piy fɔlɔ 3:15

Aw ka Krista bonya aw dusu la, ale min ye aw ka Matigi ye. Aw jigi min lanin b'a kan, ni dɔ kɛra aw nyiningabaga ye, aw labɛnnin ka sɔrɔ tuma bɛɛ k'a tigi jaabi o koo la.

Piy fɔlɔ 4:7

Fɛɛnw bɛɛ banwaati surunyana. O la, aw ka kɛ hakilitigiw ye, aw labɛnnin ka to waati bɛɛ, waasa ka se ka Ala dali.

Piy fɔlɔ 5:12

Silivɛn le ye n ka kuma damani nunu sɛbɛn ni n b'a ci aw ma. N b'a jati n badensɛbɛ ye. N b'a fɛ k'aw ladi, k'a yira aw la ko Ala ka dɛmɛ tigitigi lo ne y'o min koo fɔ aw ye, aw bolo lanin bɛ o min kan.

Piy fɔlɔ 5:8

Aw k'aw yɛrɛ kɔlɔsi dɛ! Aw labɛnnin ka to. Bari aw jugu Sutana b'a la ka munumunu i n'a fɔ jara, a b'a fɛ ka dɔ le minɛ k'a nyimi.

Zan fɔlɔ 3:3

Mɔgɔ o mɔgɔ jigi b'a kan, o tigi b'a yɛrɛ saniya i n'a fɔ Yezu Krista yɛrɛ bɛ cogo min na.