Piy fɔlɔ 1:11 - LAYIDUKURA

¹¹ Krista tun bɛna tɔɔrɔ ni bonya min sɔrɔ, a ka Nii Senuman min tun bɛ u fɛ, ale tun b'o koo yira u la, lu tun b'a fɛ k'o waati n'a kɛcogo lɔn.

Jula NT of Côte d’Ivoire

¹¹ Kirisita* ta Nin* min tun bɛ o kɔnɔ, o Nin tun kɔnna ka Kirisita ta tɔɔrɔw yira o ra, ani a bɛna nɔɔrɔ min sɔrɔ o kɔ fɛ; o kosɔn ciraw tun jijara ka o kow kɛwagatiw, ani o kɛcogo sɛgɛsɛgɛ k’a lɔn.

ALA KA KUMA

¹¹ Krista tun bena tɔɔrɔ ni boɲa min sɔrɔ, a ka Nii min tun be u fɛ, ale tun b'o koo yira u la, olu tun b'a fɛ k'o waati n'a kɛcogo lɔn.

Piy fɔlɔ 1:11 Iomraidhean Croise

Matiyu 26:24

Mɔgɔ Dencɛ bɛna sa i n'a fɔ a fɔra Ala ka kuma na a koo la cogo min na. Nga min bɛna Mɔgɔ Dencɛ don mɔgɔjuguw bolo, bɔnɛ b'o tigi ye. N'a tigi yɛrɛ tun ma wolo, o le tun ka fisa a ma.”

Luka 24:44

O kɔ, a y'a fɔ u ye ko: “Tuma min na ne tun ma sa ban, koo minw fɔra Ala ka kuma na, Musa y'o min sɛbɛn ni kiraw ye minw sɛbɛn, ani Ala tandoli dɔnkili kɔnɔnakumaw ne koo la, ne tun y'a fɔ aw ye ko wajibi lo o bɛɛ ka kɛ.”

Yuhana 12:41

Ezayi y'o kuma fɔ bari a tun ye Yezu ka nɔɔrɔ ye, o la a kumana ale koo la.

Kɛwalew 16:7

U sera Mizi mara faan fɛ, u tun b'a fɛ ka tɛmɛ ka taa Bitini mara la, nga Nii Senuman ma sira d'u ma.

Rɔmukaw 8:9

Aw kɔni, aw tɛ taama ka kɛnyɛ ni farisogo sago ye, aw bɛ taama ka kɛnyɛ ni Nii Senuman le sago ye, bari Ala Nii bɛ aw fɛ. Ni Krista ka Nii tɛ mɔgɔ min fɛ, o tigi tɛ Krista ta ye.

Galasikaw 4:6

Aw ye Ala deenw ye sɛbɛ la. Ala yɛrɛ y'a Dencɛ Nii don an kɔnɔ, ale min b'a to an bɛ Ala wele ko an Faa.

Piy 2nan 1:21

A ma kɛ i n'a fɔ kirayakuma bɔra mɔgɔw fɛ, nga Nii Senuman yɛrɛ le y'a don u daa la u tora ka kuma Ala tɔgɔ la.

Yirari 19:10

Ayiwa, ne birila a kɔrɔ ko n b'a bato, nga a y'a fɔ ne ye ko: “Ayi! Kana o kɛ, bari ne fana ye Ala ka baarakɛla le ye i n'a fɔ e n'i tɔnyɔgɔnw, minw ye Yezu ka kuma minɛ ka nya. I ka kan ka Ala le bato.” Yezu ye tinyɛko min fɔ, kiraw tun ye o sɔrɔ Nii Senuman barika la.