Zan fɔlɔ 4:4 - LAYIDUKURA

⁴ Ne deenw, aw kɔni ye Ala taw ye. Aw sera kira nunu kɔrɔ bari Nii Senuman bɛ ni aw ye. Ale fanga ka bon ni Sutana ta ye, o min bɛ dinyɛ kɔnɔ.

Jula NT of Côte d’Ivoire

⁴ Ne ta denmisɛnw, aw kɔni ye Ala ta mɔgɔw ye, o kosɔn aw ka se sɔrɔ cira faninyafɔbagaw kan; sabu Ala Nin* min bɛ aw kɔnɔ, o ka bon ka tɛmɛ dunuɲamɔgɔw ta kan.

ALA KA KUMA

⁴ Ne deenw, aw kɔni ye Ala taw ye. Aw sera kira nunu kɔrɔ bari Nii Senuman be ni aw ye. Ale fanga ka bon ni Sutana ta ye, min be diɲɛ kɔnɔ.

Zan fɔlɔ 4:4 Iomraidhean Croise

Rɔmukaw 8:31

An bɛ mun fɔ tugu? Ni Ala b'an fɛ, jon bɛ wili an kama tugu?

Zan fɔlɔ 5:4

bari mɔgɔ min ye Ala deen ye ka ban, o tigi sera dinyɛ kɔrɔ. Jigi min b'an fɛ, o le b'a to an bɛ se dinyɛ kɔrɔ.

Rɔmukaw 8:37

Nga o bɛɛ n'a ta an kɛra sesɔrɔlaw ye kosɛbɛ, Ala barika la, ale min y'an kanu.

Zan fɔlɔ 4:16

Ala b'an kanu cogo min na, anw kɔni b'o lɔn, ani anw lara o la. N'i ko Ala, i ko kanuya. Ni mɔgɔ min b'a mɔgɔnyɔgɔn kanu, o tigi nɔrɔnin bɛ Ala la, Ala fana bɛ n'o tigi ye.

Kor fɔlɔ 2:12

An kɔni, an ye nii min sɔrɔ, o ma kɛ dinyɛ ta ye, nga Ala ta lo, waasa Ala ye koo minw kɛ an ye, an ka se k'o lɔn.

Zan fɔlɔ 5:19

Anw y'a lɔn ko anw ye Ala deenw ye. Nga dinyɛ kɔnɔ fɛɛn tɔw bɛɛ bɛ Sutana ka sago kɔrɔ.

Zan fɔlɔ 4:13

An b'a lɔn ko Ala b'an fɛ, ani ko anw kɛra a taw ye, bari a y'a yɛrɛ Nii le di an ma.

Ɛfɛsikaw 6:10

Ayiwa, aw k'aw jija Matigi ka koo la a ka sebagaya dafanin barika la.

Ɛfɛsikaw 3:17

janko Krista koo ka se ka sigi aw kɔnɔ jigi barika la, kanuyasɛbɛ ka se ka sɔrɔ aw kɔnɔ fɔɔ ka nya.

Yirari 12:11

Nga an badenw sera a kɔrɔ Sagaden ka joli bɔnnin kɔsɔn, n'u ka seereya kɔsɔn, bari u ma ban k'u nii saraka.

Zan fɔlɔ 3:24

Ni mɔgɔ min b'a ka sariya nin labato, Ala b'o tigi fɛ, o tigi ye Ala ta ye. An b'a lɔn o fɛ ko Ala b'an fɛ, a ka Nii Senuman barika la a y'o min d'an ma.

Yuhana 12:31

Dinyɛ kitiwaati sera sisan sisan yɛrɛ, dinyɛ nin kuntigi bɛna gwɛn ka to kɛnɛma.

Yuhana 17:23

Ne ka to u fɛ, i n'a fɔ ele bɛ ne fɛ cogo min, janko u ka se ka bɛn ka kɛ kelen ye, ani dinyɛ mɔgɔw k'a lɔn ko e ye ne ci ani ko i y'u kanu i n'a fɔ i ye ne kanu cogo min na.

Zan fɔlɔ 4:6

Anw kɔni, anw ye Ala taw ye. Mɔgɔ o mɔgɔ min bɛ Ala lɔn, o tigi bɛ mɛnni kɛ anw fɛ. Nga ni min tɛ Ala ta ye, o tɛ mɛnni kɛ an fɛ. An b'a lɔn o cogo la minw ta ye Nii Senuman yɛrɛyɛrɛ ta ye ka bɔ galontigɛla ta la.

Kor 2nan 6:16

Bɛɛn jumɛn le bɛ sɔrɔ Ala ka soo ni joow cɛ? Bari an ye Ala ka soo ye i n'a fɔ Ala yɛrɛ y'a fɔ cogo min na, a ko: “Ne bɛna sigi u cɛma ka to u fɛ, ne bɛna kɛ u ka Ala ye, u bɛna kɛ ne ka mɔgɔw ye.”

Zan fɔlɔ 2:13

Ne bɛ nin sɛbɛn k'a ci aw denfaw ma, ko mɔgɔ min bɛ yen kabini fɛɛn si ma dan fɔlɔ, aw b'o lɔn. Ne bɛ nin sɛbɛn k'a ci aw kanbelenw ma ko aw ye see sɔrɔ Fɛnjugu kan.

Kor fɔlɔ 6:13

U fana ko dumunifɛn dilanna kɔnɔbara kama, kɔnɔbara fana bɛ yen dumuni kama. Nga Ala do bɛna u fila bɛɛ halaki. Mɔgɔ farisogo ma kɛ kakalaya kama, o ye Matigi ta ye ani Matigi bɛ janto a la.

Ɛfɛsikaw 2:2

aw tun b'o minw kɛ fɔlɔfɔlɔ, ka kɛnyɛ ni adamaden cogo, ani jinaw kuntigi min bɛ sanfɛ ta ye fana, o min bɛ baara kɛ ni mɔgɔmurutininw ye halibi.

Yuhana 16:11

Min ye kitiko ye, a bɛn'a yira u la ko Ala ye dinyɛ nin kuntigi kiti ka ban.

Kor 2nan 4:4

Minw tɛ la Ala la, dinyɛ kuntigi Sutana ye olu hakili dibi waasa u kana se ka kibaru diman yeelen ye o min bɛ Krista ka nɔɔrɔ yira, ale min ye Ala jaa ye.

Yuhana 14:30

K'a ta sisan ma ne tɛna kuma caaman fɔ n'aw ye tugu, bari dinyɛ nin kuntigi bɛ nana. A tɛ se ne kɔrɔ.

Zan fɔlɔ 2:1

Ne deenw, ne bɛ sɛbɛ nin cira aw ma, waasa aw kana kojugu kɛ. Nga ni min nan'a kɛ, soronadonbaga b'an fɛ Faa Ala kɔrɔ n'o ye Yezu Krista ye, mɔgɔtilennin lo.

Zan fɔlɔ 3:20

N'an kɔnɔnako b'an jalaki, Ala ka bon n'an kɔnɔnako ye. Ale bɛ koo bɛɛ lɔn.