Zan fɔlɔ 4:1 - LAYIDUKURA

¹ Ne terisɛbɛw, mɔgɔ minw ko Nii Senuman b'u fɛ, aw kana la olu bɛɛ la dɛ. Nga aw k'u sɛgɛsɛgɛ fɔlɔ k'a filɛ ni Ala ta lo. Bari kirakolon caaman bɛ dinyɛ na sisan.

Jula NT of Côte d’Ivoire

¹ Ne balema kanuninw, minw bɛɛ b’a fɔ ko Ala Nin bɛ o kɔnɔ, aw kana la olugu bɛɛ ra dɛ! Aw ye o sɛgɛsɛgɛ fɔlɔ, k’a lɔn ni a kɛra ko o nin bɔra Ala le ra. Sabu cira faninyafɔbaga caman nana dunuɲa kɔnɔ.

ALA KA KUMA

¹ Ne terisɔbɛw, mɔgɔ minw ko Nii Senuman b'u fɛ, aw kana la olu bɛɛ la. Nga aw k'u sɛgɛsɛgɛ fɔlɔ k'a filɛ ni Ala ta lo. Bari kirakolon caaman be diɲɛ na sisan.

Zan fɔlɔ 4:1 Iomraidhean Croise

Marika 13:21

“Ni mɔgɔ dɔ y'a fɔ aw ye o tuma na ko: ‘A filɛ, Ala ka Mɔgɔ wolomanin nin bɛ yan’, walima n'a ko: ‘A bɛ yen fɛ’, aw kana la a la.

Luka 12:57

“Mun na aw tɛ miiri aw yɛrɛ ma ka konyuman kɛ?

Luka 21:8

Yezu y'u jaabi ko: “Aw k'aw yɛrɛw kɔlɔsi janko mɔgɔ si kana aw lafili, bari mɔgɔ caaman bɛna na ne tɔgɔ la u yɛrɛ kan k'a fɔ k'olu ye Ala ka Mɔgɔwolomanin nin ye, ko dinyɛ labantuma surunyana. Aw kana la u la.

Kɛwalew 17:11

Olu ka koo tun ka di ni Tesaloniki Zuwifuw ta ye. U sɔnna Ala ka kuma ma ni dusunyuman ye. Loon o loon, u tun bɛ nyɔgɔn fɛ ka to ka Ala ka kuma sɛgɛsɛgɛ k'a filɛ ni Pɔli ka kuma nunu ye tinyɛ ye.

Kɛwalew 20:29

Ne y'a lɔn ko ne taanin kɔ, mɔgɔ dɔw bɛna na don aw seen kɔrɔ ka fariya Ala ka jama ma i n'a fɔ suruku ka fari baa ma cogo min na.

Kor fɔlɔ 12:10

A ye kabako kɛ see di dɔ ma, ka dɔ wɛrɛ kɛ kira ye, ani ka see di dɔ ma a ka se ka Nii Senuman ka kɛwali faranfasi ka bɔ jinaw ta la. A ye see di dɔ ma ka kaan wɛrɛw fɔ, ka see di dɔ wɛrɛ ma k'o kɔrɔ fɔ.

Kor fɔlɔ 14:29

Min kɛra kirayako ye, mɔgɔ fila walima saba ka kirayakuma fɔ, tɔw k'o kɔrɔ sɛgɛsɛgɛ.

Tes fɔlɔ 5:20

Aw kana kiraya kuma lɔgɔbɔ.

Tes fɔlɔ 5:21

Nga aw ka koo bɛɛ sɛgɛsɛgɛ, koo minw ka nyi aw ka sɔn olu ma.

Tes 2nan 2:2

aw kan'a to mɔgɔ si b'aw lafili gwansan, ani ka siranya bila aw la, ko ale ye kiraya kuma sɔrɔ, walima ka manamanakuma dɔ fɔ aw ye, walima n'u dɔ ye bataki koo fɔ aw ye k'o bɔra an fɛ, n'u b'a fɔ aw ye ko Matigi ka kɔsegi sera.

Tim fɔlɔ 4:1

Nii Senuman b'a fɔ k'a gwɛya ko laban tuma na, mɔgɔ dɔw bɛna u jigi bɔ Yezu Krista kan. U bɛna mɛnni kɛ nanbaranmɔgɔw fɛ, ani ka sɔn jinaw ma.

Tim 2nan 3:13

Mɔgɔ minw ka jugu ani nanbaranmɔgɔw, olu bɛna juguya ka taa nya. U bɛna mɔgɔ tɔw kɛ u bɛ fili ani k'u yɛrɛ fili fana.

Piy 2nan 2:1

Ayiwa, kirajuguw tun bɛ yen fɔlɔ la, mɔgɔw cɛma. O cogo kelen na, karamɔgɔjuguw bɛna bɔ aw fana cɛma ka mɔgɔw kalan ni galon dɔrɔn ye o min bɛ cɛnni kɛ fɔɔ u bɛ taa ban u ka kuntigi la, o min y'u kunmabɔbaga ye. O tuma na sa, u bɛna bari ka halaki.

Zan fɔlɔ 2:18

Ne deenw, dinyɛ labantuma surunyana. Aw y'a mɛn ko Krista jugu ka kan ka na. K'a sɔrɔ a juguw yɛrɛ ka ca bii nin na. An b'a lɔn o le fɛ ko dinyɛ labantuma surunyana.

Zan fɔlɔ 2:7

N terisɛbɛw, ne tɛ cikura sɛbɛnna k'a ci aw ma, nga cii kɔrɔman lo, o min fɔra aw ye kabini a daminɛtuma na. Aw y'o mɛn ka kɔrɔ.

Zan 2nan 1:7

Bari galontigɛla caaman bɛ dinyɛ na sisan. U b'a fɔ ko Yezu Krista tun tɛ mɔgɔ yɛrɛ yɛrɛ ye. Min bɛ ban ten, o le ye galontigɛla ni Krista jugu ye.

Zan 3nan 1:11

N terinyuman, i kana mɔgɔ ka kojugu ladege fɔɔ konyuman. Mɔgɔ min bɛ konyuman kɛ, o tigi ye Ala ta ye. Nga kojugukɛla kɔni t'a ye.

Yirari 2:2

Ne b'aw taama cogo lɔn. Aw bɛ baara min kɛra, ani aw munyunin lo cogo min na, ne b'o bɛɛ lɔn. Ne y'a lɔn ko aw tɛ sɔn mɔgɔjuguw ka koo la. Minw k'olu ye cidenw ye k'a sɔrɔ cidenw tɛ, aw ye olu kɔrɔbɔ, k'a ye ko galontigɛlaw lo.