Zan fɔlɔ 3:2 - LAYIDUKURA

² Ne terisɛbɛw, k'a ta sisan ma, an ye Ala deenw ye. Nga an bɛna kɛ cogo min na tigitigi, o le ma gwɛ fɔlɔ. An bɛ min lɔn, ni Krista segira ka na tuma min na, ale bɛ cogo min na, an fana bɛna kɛ ten. Bari an bɛn'a ye ten.

Jula NT of Côte d’Ivoire

² Ne balema kanuninw, sisan kɔni an ye Ala denw ye! Nka an bɛna yɛlɛma ka kɛ min ye, o ma yira fɔlɔ; an kɔni k’a lɔn ko ni Yesu Kirisita nana, an bɛna kɛ i ko ale yɛrɛ bɛ cogo min na, sabu a bɛ cogo min na cɔ, an bɛna a ye ten le.

ALA KA KUMA

² Ne terisɔbɛw, k'a ta sisan ma, an ye Ala deenw ye. Nga an bena kɛ fɛɛn min ye tigitigi, o le ma gwɛ fɔlɔ. An be min lɔn, ni Krista segira ka na tuma min na, ale be cogo min na, an fana bena kɛ ten. Bari an ben'a ye ten.

Zan fɔlɔ 3:2 Iomraidhean Croise

Matiyu 5:8

Mɔgɔ minw kɔnɔ gwɛnin lo, olu ye dubadenw ye, bari u bɛna Ala ye.

Luka 17:30

Mɔgɔ Dencɛ bɛna segi loon min na, a bɛna kɛ ten o loon.

Luka 20:36

Olu tɛna sa tugu, bari u bɛna kɛ i n'a fɔ mɛlɛkɛw. Ala bɛna u jati a ka deenw ye bari a y'u kunun u sanin kɔ.

Yuhana 1:12

Nga minw sɔnna a ma, ka la a la, a ye see di olu ma u kɛra Ala deenw ye.

Yuhana 11:52

O fana tun tɛ kɛ u ka siya dama kɔsɔn, nga Ala deenw minw jɛnsɛnnin bɛ, a ka se k'olu kori nyɔgɔn na.

Yuhana 17:24

N Faa, e ye minw woloma k'o di ne ma, ne b'a fɛ ne bɛ yɔrɔ min na olu fana ka kɛ o yɔrɔ la, i ye bonya min la ne kan u ka se k'o ye, bari e ye ne kanu kabini fɔlɔfɔlɔ sanni dinyɛ ka dan.

Rɔmukaw 8:16

O Nii Senuman nin b'a yira an na ko an kɛra Ala deenw ye.

Rɔmukaw 8:18

Ne ka miiri la, an bɛna bonya min sɔrɔ sini, o tɛ se ka suma ni bii ka tɔɔrɔ ye.

Rɔmukaw 8:19

Bari Ala bɛna bonya la a ka deenw kan loon min na, dinyɛ kɔrɔtɔnin bɛ ka o loon makɔnɔ.

Rɔmukaw 8:29

Ala kɔnna ka mɔgɔ minw woloma kabini fɔlɔfɔlɔ, a kɔnna k'a latigɛ fana k'olu cogo ka kɛ i n'a fɔ a Dencɛ ta, janko a Dencɛ nin ka kɛ mɔgɔ caaman kɔrɔ ye.

Kor fɔlɔ 13:12

Sisan an bɛ koo minw yera, a kɛra i n'a fɔ an b'u yera dubalen na le, u tɛ ye ka nya. Nga an bɛna u ye nyaa ni nyaa. Sisan, daan bɛ ne ka lɔnniya la, nga ne bɛna koo lɔn i n'a fɔ Ala bɛ ne lɔn cogo min na.

Kor fɔlɔ 15:49

Mɔgɔ min bɔra dugukolo la, an ye ale cogo ta cogo min na, o cogo kelen na fana, mɔgɔ min bɔra sankolo la, an bɛna ale fana cogo ta.

Kor fɔlɔ 2:9

Nga, a fɔra o cogo la Ala ka kuma na ko: “Mɔgɔ nyaa ma fɛɛn min ye ka ye, n'a tulo ma fɛɛn min koo mɛn ka ye, ni fɛɛn min miiriya ma don ka ye mɔgɔ kɔnɔ, Ala y'o le labɛn a kanubagaw ye.”

Kor 2nan 3:18

An minw ka fani bɔra, Matigi ka nɔɔrɔ b'an kan. O cogo la, an bɛ yɛlɛma ka kɛ i n'a fɔ ale, ka nɔɔrɔ sɔrɔ kosɛbɛ min bɛ to ka bonya tuma bɛɛ Matigi barika la, o min ye Nii Senuman ye.

Kor 2nan 4:17

Waati dɔɔni tɔɔrɔ minw b'an sɔrɔ, o tɛ foyi ye, an bɛna bonya min sɔrɔ o tɔɔrɔ nin kɔsɔn, o ka bon haali.

Galasikaw 3:26

Bari aw minw lara Yezu Krista la, aw bɛɛ ye Ala deenw ye jigi barika la.

Galasikaw 4:6

Aw ye Ala deenw ye sɛbɛ la. Ala yɛrɛ y'a Dencɛ Nii don an kɔnɔ, ale min b'a to an bɛ Ala wele ko an Faa.

Filipikaw 3:21

Ale lo bɛna an farikolo dɛsɛnin yɛlɛma, k'a kɛ farisogo ye nɔɔrɔ bɛ min kan i n'a fɔ ale ta nyɔgɔn. A bɛna o kɛ n'a ka sebagaya ye, o min barika la a bɛ see sɔrɔ fɛɛn bɛɛ kan.

Kɔlɔsikaw 3:4

Krista min kɛra aw ka nii ye, n'ale y'a yɛrɛ yira tuma min na, aw fana bɛna ye o tuma na ni nɔɔrɔ ye.

Heburuw 9:28

o cogo kelen na, Krista y'a yɛrɛ saraka sinyɛ kelen, ka mɔgɔ bɛɛ ka kojuguw yafa. O kɔ, a bɛna segi ka na, o tɛna kɛ kojuguw yafako kama tugu, nga mɔgɔ minw b'a makɔnɔna, olu kisili kɔsɔn lo.

Piy 2nan 1:4

Olu kama, Ala tun y'a daa di koo minw na, n'u nafa ka bon kosɛbɛ, an sera k'o sɔrɔ. O barika la, an bɛ jɛn ni Ala ye ka kɛ kelen ye, ani ka kisi dinyɛ n'a kɔnɔ nigɛjugu bɛɛ ma.

Zan fɔlɔ 2:28

Ayiwa, ne deenw, aw ye nɔrɔ ka nya Krista la waasa a bɛna kɔsegi loon min na, o k'a sɔrɔ ni jigi b'an fɛ, an kana maloya sɔrɔ.

Zan fɔlɔ 2:7

N terisɛbɛw, ne tɛ cikura sɛbɛnna k'a ci aw ma, nga cii kɔrɔman lo, o min fɔra aw ye kabini a daminɛtuma na. Aw y'o mɛn ka kɔrɔ.

Zan fɔlɔ 3:1

Aw m'a ye an koo diyara Faa Ala ye cogo min na wa, fɔɔ an bɛ wele yɛrɛ ko Ala deenw. An ye Ala deenw ye tinyɛ na! O kama Ala juguw t'an lɔn, bari u ma Ala lɔn.

Zan fɔlɔ 3:10

Ala deenw ni Sutana ka mɔgɔw bɛ lɔn ka bɔ nyɔgɔn na kɛwali nunu le fɛ. Mɔgɔ o mɔgɔ tɛ tilenninya sira taama, ani n'a t'a mɔgɔnyɔgɔn kanu, o tigi tɛ Ala ta ye.

Zan fɔlɔ 3:21

Ne terisɛbɛw, n'an kɔnɔnako t'an jalaki, an bɛ se ka Ala dali ni hakilisigi ye.

Zan fɔlɔ 5:1

Ni mɔgɔ o mɔgɔ lara a la ko Yezu le ye Ala ka mɔgɔ wolomani ye, o tigi ye Ala deen ye. Mɔgɔ o mɔgɔ bɛ denfa kanu, o tigi b'a deen fana kanu.

Yirari 2:28

Ne yɛrɛ y'o fanga nin sɔrɔ n Faa fɛ ten. Loloba min bɛ bɔ dugugwɛdafɛ, ne bɛna o d'a ma fana.

Yirari 22:4

U bɛna Ala ye n'u nyaa ye, a tɔgɔ bɛna sɛbɛn u teen na.