Zan fɔlɔ 2:2 - LAYIDUKURA

² Bari ale lo y'a yɛrɛ saraka k'an ka hakɛw yafa. A ma dan an dama ka hakɛw yafako ma dɛ, nga ani dinyɛ mɔgɔw bɛɛ ta lo fana.

Jula NT of Côte d’Ivoire

² Ale yɛrɛ le kɛra saraka ye janko ka an ta jurumun kafari; a ma dan an dɔrɔn ta jurumunw ma dɛ, dunuɲamɔgɔ bɛɛ lajɛnnin ta lo.

ALA KA KUMA

² Bari ale lo y'a yɛrɛ saraka k'an ka hakɛw yafa. A ma dan an dama ka hakɛw yafako ma dɛ, nga diɲɛ mɔgɔw bɛɛ ta lo fana.

Zan fɔlɔ 2:2 Iomraidhean Croise

Luka 14:22

Baaraden nin y'o kɛ ka ban tuma min na, a taar'a fɔ a ka kuntigi ye ko: ‘I ye min fɔ, ne y'o kɛ, nga soo ma fa halibi.’

Yuhana 1:29

O dugusagwɛ, Zan ye Yezu natɔ ye a fɛ, a y'a fɔ ko: “Ala ye Sagaden min di mɔgɔw ka kojuguw yafa kama, o filɛ nin ye.

Yuhana 12:32

Ne kɔni, ni ne kɔrɔ tara sanfɛ tuma min na, ne bɛna mɔgɔ bɛɛ sama ka na ne fɛ.”

Yuhana 4:42

U tora k'a fɔ muso nin ye ko: “K'i ka kuma yɛrɛ bɔ a la, anw lara a la bari an y'a yɛrɛ lamɛn. An lanin b'a la ko nin le ye dinyɛ kisibaga yɛrɛ yɛrɛ ye.”

Heburuw 2:17

O kama, a tun ka kan ka kɛ a badenw bɔnyɔgɔnko ye koo bɛɛ la, janko a ka kɛ sarakalasebaga kuntigiba tilennin ye min bɛ makari mɔgɔw la, ka baara kɛ Ala ye, ani ka kɛ sababu ye mɔgɔw ka kojuguw ka yafa.

Piy fɔlɔ 2:24

A y'an ka kojuguw bɛɛ ta a yɛrɛ kunna ka tɔɔrɔ lɔgɔ kan, waasa anw ni kojuguw cɛ ka faran, an ka taamacogokura ta min tilennin lo. Bari aw ye hɛrɛ sɔrɔ ale ka tɔɔrɔ sababu la.

Piy fɔlɔ 3:18

Krista sara adamadenw ka kojuguw kɔsɔn sinyɛ kelenpe, a banna. Ale mɔgɔtilennin sara mɔgɔ tilenbaliw kɔsɔn, waasa k'aw kɛ Ala taw ye. U y'a faga kɔni, nga a kununna Nii Senuman barika la.

Zan fɔlɔ 1:7

Nga n'o y'a sɔrɔ n'an ka koow bɛɛ gwɛnin lo i n'a fɔ ale yɛrɛ bɛ cogo min na, o tuma na, jɛɛn bɛ kɛ an bɛɛ ni nyɔgɔn cɛ, a Dencɛ Yezu joli b'an ka kojuguw bɛɛ bɔ an na.

Zan fɔlɔ 3:5

Aw b'a lɔn ko Yezu nana janko ka mɔgɔw ka kojuguw yafa, a ma kojugu si kɛ.

Zan fɔlɔ 4:10

Kanuya filɛ nin ye. A ma kɛ i n'a fɔ anw ye Ala kanu! Ale le y'an kanu k'a Dencɛ ci an ma. An ka kojuguw yafara ale ka yɛrɛ saraka barika la.

Zan fɔlɔ 4:14

Faa Ala y'a Dencɛ ci dinyɛ na, waasa ka mɔgɔw kisi. Anw nyaa lara o kan, anw b'o seereya kɛ.

Zan fɔlɔ 5:19

Anw y'a lɔn ko anw ye Ala deenw ye. Nga dinyɛ kɔnɔ fɛɛn tɔw bɛɛ bɛ Sutana ka sago kɔrɔ.

Yirari 12:9

Misɛli ye Sogojuguba nin n'a kɔmɔgɔw gwɛn ka jigi dugukolo kan. U b'ale Sogojugu nin le wele fana ko sakɔrɔ, jinaw kuntigi, Sutana, dinyɛ nyagamibaga.