Zan fɔlɔ 2:1 - LAYIDUKURA

¹ Ne deenw, ne bɛ sɛbɛ nin cira aw ma, waasa aw kana kojugu kɛ. Nga ni min nan'a kɛ, soronadonbaga b'an fɛ Faa Ala kɔrɔ n'o ye Yezu Krista ye, mɔgɔtilennin lo.

Jula NT of Côte d’Ivoire

¹ Ayiwa, ne ta denw, ne bɛ nin sɛbɛ ci aw ma, janko aw kana jurumun kɛ tuun. Nka ni dɔ ka jurumun kɛ, soronarikɛbaga bɛ an fɛ Fa Ala kɔrɔ, min ye Yesu Kirisita ye; ale terennin lo.

ALA KA KUMA

¹ Ne deenw, ne be sɛbɛ nin cira aw ma, waasa aw kana hakɛ kɛ. Nga ni min nan'a kɛ, soronanikɛla b'an fɛ Faa Ala kɔrɔ n'o ye Yezu Krista ye, mɔgɔtilennin lo.

Zan fɔlɔ 2:1 Iomraidhean Croise

Luka 10:22

O kɔ, a y'a fɔ mɔgɔw ye ko: “N Faa ye fɛɛn bɛɛ sebagaya di ne ma. Mɔgɔ si tɛ Dencɛ lɔn n'a Faa dɔrɔn tɛ, mɔgɔ si tɛ Faa fana lɔn, fɔɔ Dencɛ kelenpe. Ni ne b'a fɛ mɔgɔ min k'a lɔn, o tigi bɛn'a lɔn.”

Yuhana 10:15

O cogo la, ne bɛ n Faa lɔn, n Faa fana bɛ ne lɔn. Ne bɛ n nii di n ka sagaw kɔsɔn.

Yuhana 13:33

Ne deenw, ne bɛ n'aw ye yan ni waati dɔɔni dɔrɔn. O kɔ, aw bɛna ne yɔrɔ nyini. Ne tun kɔnna k'a fɔ Zuwifuw ye cogo min na ko u tɛna se ka na ne taayɔrɔ la, ne b'o kelen le fɔ aw fana ye.

Yuhana 14:16

Ne bɛna n Faa Ala dali a bɛ dɛmɛbaga wɛrɛ ci aw ma, janko ale ka to ni aw ye tuma bɛɛ.

Yuhana 14:6

Yezu y'a jaabi ko: “Ne le kɛra sira ye, ni tinyɛ, ani nii dibaga ye. Mɔgɔ si tɛ se n Faa fɛ ni ne sababu tɛ.

Yuhana 21:5

Yezu y'a fɔ u ye ko: “Hee! N teriw, jigɛ tɛ aw fɛ wa?” U y'a jaabi ko ayi.

Yuhana 5:14

O kɔ, Yezu ye cɛɛ kunbɛn Alabatosoba kɔnɔ, a y'a fɔ a ye ko: “Ayiwa, i kɛnɛyara sisan, i kana kojugu wɛrɛ kɛ tugu waasa o sara kana juguya ni fɔlɔta ye.”

Yuhana 5:36

Ayiwa, seere wɛrɛ bɛ ne la, min ka seereya ka bon ni Zan ta ye. N Faa ye baara minw di ne ma, ne bɛ olu minw kɛ, o le b'a yira ko Faa ye ne ci.

Yuhana 6:27

Aw kana baara kɛ dumuni tolita kɔsɔn dɛ! Nga dumuni min tɛ cɛn, aw ye baara kɛ o le kɔsɔn, o min bɛ sini hɛrɛ di. O dumuni nin, Mɔgɔ Dencɛ bɛna o d'aw ma. A Faa Ala y'a ka taamasinyɛ bila ale kan.”

Yuhana 8:11

A y'a jaabi ko: “Matigi, mɔgɔ si.” Yezu ko: “Ne fana tɛna i jalaki. Taa, nga i kana kojugu kɛ tugu.”]

Kɛwalew 7:52

Kira jumɛn tɛmɛna n'aw faaw m'a tɔɔrɔ? Minw ye Mɔgɔsɛbɛ nin nako fɔ, u ye olu faga. Aw fana ye Mɔgɔsɛbɛ nin kɔniya k'a faga a ma mɛn.

Rɔmukaw 5:10

Bari an tun ye Ala juguw ye tuma min na, Ala sɔnna anw ka bɛn n'ale ye a Dencɛ ka saya barika la. An bɛnnin kɔ n'a ye, siga t'a la, an bɛna kisi a Deen barika la bari a bɛ nii na.

Rɔmukaw 6:15

O tuma na, an ka to ka kojugu kɛ bari an tɛ sariya kɔrɔ tugu fɔɔ nɛɛma wa? Ayi dɛ!

Rɔmukaw 8:34

Jon le bɛna u jalaki? Bari Yezu Krista sara, o dama tɛ fana, a kununna, a siginin bɛ Ala kinibolo fɛ, ka to ka Ala dali an ye.

Kor fɔlɔ 15:34

Aw k'aw nyaa yɛlɛ ka taama tilenninya la. Aw kana to ka kojugu kɛ tugu. Aw dɔw tɛ Ala lɔn tinyɛ na, ne y'o fɔ waasa aw ka maloya.

Kor 2nan 5:21

Krista min ma kojugu kɛ, Ala y'a kɛ a sɛgɛnna an ka kojugu kɔsɔn waasa an ka kɛ mɔgɔtilenninw ye ale nyakɔrɔ Krista barika la.

Galasikaw 4:19

Ne deenw halibele, ne bɛ tɔɔrɔ munyuna aw kɔsɔn, tɔɔrɔ min ni muso jigibagatɔ ta ye kelen ye, janko Krista ka koo ka sigiyɔrɔ sɔrɔ aw kɔnɔ.

Ɛfɛsikaw 2:18

Ale sababu la an kelen kelen bɛɛ bɛ se ka se an Faa Ala fɛ, Nii Senuman kelen barika la.

Ɛfɛsikaw 4:26

N'aw dimina, aw kana kojugu kɛ, aw kana dimi mara fɔɔ ka tilekun don.

Tim fɔlɔ 2:5

Bari Ala kelen le bɛ yen, ani soronakɛla kelen dama le bɛ yen Ala ni mɔgɔw cɛ. O ye Yezu Krista ye, o min ye mɔgɔ ye i n'a fɔ anw.

Tim fɔlɔ 3:14

Ne bɛ bataki nin ci i ma, ne hakili b'a la ka na bɔ i fɛ yen yan ni dɔɔni.

Heburuw 9:24

Tinyɛ na, mɔgɔw bolo ye Alabatoso min lɔ k'a kɛ i n'a fɔ sankolo ta, a ma kɛ i ko Krista donna o le kɔnɔ dɛ! Krista donna arijana yɛrɛ le la, ka lɔ Ala nyafɛ anw ka hɛrɛ kɔsɔn.

Yakuba 1:27

Alasira taamacogo min tilennin bɛ, ni finyɛ t'a la an Faa Ala nyakɔrɔ, o filɛ: e k'i janto falatɔw ni firiyamusow la u ka tɔɔrɔ tuma na. Ani e k'i yɛrɛ tanga dinyɛ ka koo nɔgɔninw bɛɛ ma.

Yakuba 3:9

An bɛ Matigi, ni an Faa tando n'an nɛɛn ye, ka tila ka mɔgɔ danga n'o le ye. Ala do ye mɔgɔ dan i n'a fɔ a yɛrɛ.

Piy fɔlɔ 2:22

“A ma kojugu kɛ ka ye, nanbarankuma ma bɔ a daa la ka ye.”

Piy fɔlɔ 3:18

Krista sara adamadenw ka kojuguw kɔsɔn sinyɛ kelenpe, a banna. Ale mɔgɔtilennin sara mɔgɔ tilenbaliw kɔsɔn, waasa k'aw kɛ Ala taw ye. U y'a faga kɔni, nga a kununna Nii Senuman barika la.

Zan fɔlɔ 3:18

Ne deenw, an kan'a fɔ an daa la dɔrɔn ko an tɔnyɔgɔn koo ka di an ye. Nga an k'a yira tinyɛ na n'an ka kɛwaliw ye.

Zan fɔlɔ 3:5

Aw b'a lɔn ko Yezu nana janko ka mɔgɔw ka kojuguw yafa, a ma kojugu si kɛ.

Zan fɔlɔ 3:7

Ne deenw, aw kan'a to mɔgɔ si b'aw lafili. Mɔgɔ o mɔgɔ bɛ tilenninya sira taama, o tigi ye mɔgɔtilennin ye i n'a fɔ ale Yezu Krista.

Zan fɔlɔ 4:4

Ne deenw, aw kɔni ye Ala taw ye. Aw sera kira nunu kɔrɔ bari Nii Senuman bɛ ni aw ye. Ale fanga ka bon ni Sutana ta ye, o min bɛ dinyɛ kɔnɔ.

Zan fɔlɔ 5:17

Tilenbaliyako bɛɛ ye kojugu ye. Nga kojuguw bɛɛ tɛ mɔgɔ faga.

Zan fɔlɔ 5:21

Ne deenw, aw k'aw yɛrɛ kɔlɔsi joko ma.

Zan 3nan 1:4

Ni n y'a mɛn ko ne deenw taamacogo bɛnnin lo ni Ala ka tinyɛ ye, o le ka di ne ye ka tɛmɛ fɛɛn bɛɛ kan.