तीतस 3:6 - जिरेल

⁶ ङुरूङला पापदुकी डेल्‍कान्‍ते येशू ख्रीष्‍टकी खाबाते कामगी खित्‍सादु परमेश्‍वरगी ङुरूङला दोस्‍यिक थोस्‍यिक सिरा मुथुप्‍च्‍या खाईन तेरासम्‍म परमेश्‍वर आत्‍मा बिन्‍दा ओत।

तीतस 3:6 Iomraidhean Croise

यूहन्‍ना 1:16

परमेश्‍वर फुज्‍युङचेन आउदी दया खित्‍कान्‍ते ईन्‍देकी ङुरूङ गाङेकी आशी ङेता ओत। ङीमाईकामा मेन्‍देकी थेकी ङुरूङला दया खाला आशी तेरगीनराङ देत्‍क्‍यो।

यूहन्‍ना 16:7

दोक ईन्‍सीनोङ ङा ख्‍योकोनला दि बात लेमु खाला सिरामीन। ङा दोक खाला डोच्‍येते ख्‍योकोनला लेमु ओङालाराङ ईन। ङा दुरूकी मागालथुप ख्‍योकोनला सल्‍लाह तेरकान्‍ते ख्‍योकोन ओत्‍सादु मेङगो। ङा गाल्‍नामेईचेन ङा थेला दुरू तोङगो।

यूहन्‍ना 4:10

थे फेम्‍मे मिकी थोक सानामेई थेकी “परमेश्‍वरगी च्‍यि तेरगीते सिन खुई छ्या स्‍येबा ईन्‍सीन थेमे थाल्‍ला खोल्‍ला छ्यु नाङ सिरकान्‍ते सु ईन्‍दे सिन छ्या स्‍येबा ईन्‍सीन खुईका ङाला छ्यु थुङा नाङ सिरच्‍या ओतान। थेमे ङा खोल्‍ला जुनी ङेत्‍च्‍येते छ्यु थुङा तेरच्‍या ओतान,” सिन सिदुक।

यूहन्‍ना 7:37

थे चाडगीते गाङे भन्‍दा तिरी छोमुचेन छ्येते दिन सिन माने खिन ओतान। थेमे थे छोमुराङ लाकीन देत्‍कीन येशूकी गाङेकी थोच्‍या खाईन “सुइँदाला कोम्‍बा लाबा ओत्‍सीन ङा ओत्‍सादु वाला च्‍याला थुङ।

शक्ति काम 10:45

थोक ओङनामेकी थेबा गाङेकी खोपरोङगी छ्या मास्‍येबाते खुदुक खुदुकते भाषाला बात खाईन परमेश्‍वरला छ्ये ज्‍वाप्‍ला स्‍यूसुङ। थोक ओङा थोङगीन पत्रुसताङ ङ्योम्‍बु गालाते येशूला विश्‍वास खित्‍कान्‍ते यहूदीओन “ओहो, परमेश्‍वरगीनी ज्‍येन ज्‍येन जातकी मिलाङ परमेश्‍वर आत्‍मा तेरच्‍याक्‍वा,” सिन छकदाङ परे खासुङ। थेमे पत्रुसकीचेन

शक्ति काम 2:33

थोक खाईन सोम्‍बो लोक्‍नामेकी परमेश्‍वरगी थेला छ्येज्‍यीक मान बिन्‍गीन थे खोरोङ सामे छ्य्‌वापा ज्‍याक्‍पा ओत। थे खोरोङगी मिओनला तेरग्‍यो साबाते परमेश्‍वर आत्‍मा तेरच्‍येते जिम्‍मा थेकी येशूला बिन्‍सुङ। आबातेकी जिम्‍मा बिन्‍दा च्‍योकराङ खाईन थेकी ङ्योकोनला परमेश्‍वर आत्‍मा बिन्‍सुङ। ख्‍योकोनगी थरिङ थोङातेताङ थोबाते बात ङ्योकोनगी परमेश्‍वर आत्‍मा ङेतेकी खित्‍सादुराङ ईन।

रोमी 2:4

ख्‍योकोनलाचेन खेराङ लेमु मि ईन्‍गीनका परमेश्‍वरगी आउदी दया खाला लेमु खिन ओताते ईन सिराच्‍योक लाङगीतासीन। तर बात दोक मेन। ख्‍योकोनगी खेराङ पापी दुका सिन छ्या स्‍येला थे खोरोङ छ्य्‌वापा लै खित्‍स्‍यीत सिनका परमेश्‍वरगी थरिङसाक छ्याःङ मिक्‍किता खाईन देताते ईन सिन ख्‍योकोनगी छ्या स्‍येबा खि।

रोमी 5:5

था परमेश्‍वरगी ङुरूङगी आश खाबाच्‍योक मिक्‍किच्‍या ईन्‍दा च्‍यिन्‍दा सिन नोमुङ सेम सेता माफाबो। च्‍यिला सासीन थेकी ङुरूङला परमेश्‍वर आत्‍मा बिन्‍देकी थेकी दाक्‍पोनला थोई ङिङज्‍ये खित्‍च्‍या ईन्‍दाका सिन ङुरूङगी लेमु खाईन छ्या स्‍येबा ओत।

रोमी 8:2

परमेश्‍वर आत्‍मेकी ङाला पाप खित्‍च्‍येते बानीदुकी टाल्‍गीन ङे पाप खाबेकी स्‍या फाप्‍च्‍येते सजायदुकीङ जोए खाईन बिन्‍सुङ। थेमे ङा येशू ख्रीष्‍टताङ जीउज्‍यीकराङ ओङा ओतेकी थेकी ङाला नोमुङ मिसिन्‍च्‍येते जुनीङ बिन्‍दा ओत।

एफिसी 3:8

दि काम खिताला परमेश्‍वर सन्‍तान गाङे नाङ ङा सोईराङ मिक्‍किकान्‍ते मि ईन्‍सीनोङ परमेश्‍वरगी ङालाराङ दि काम खित्‍च्‍येते जिम्‍मा बिन्‍सुङ। ङे कामचेन ख्रीष्‍टकी ङुरूङ लाईदु खाबाते कामतेबा खोबा चाल्‍ला खोबा मुथुप्‍च्‍या चुक अचम्‍ब खाईन खाबाते ईन्‍दे सिन ज्‍येन ज्‍येन जातकी मिला लोप्‍च्‍येते

एफिसी 4:2

च्‍यि सासीन ख्‍योकोनगी नोमुङ ङा ङाराङ ईन सिराच्‍योक माकेत, गाङेताङ खा छ्येत लेमु खि, होत्ताराङ स्‍येदाङ माकेत थेमे दोक्‍पोईकी ज्‍येनज्‍यीकला ङिङज्‍ये खिन सुङताङ होपकी जोप मिक्‍किता खाला बरू सै खाला देत।

१ तिमोथी 6:17

थेमे थरिङोला छ्युक्‍पु ओताते मिओनला दोक सिन कोत। थेबाला छ्ये माकेत सि, सम्‍पत्ति ओत्‍कीन ओत सिन ढुक्‍क खाला मादेत सि। थोक्‍ते सम्‍पत्तिनी नामसाक दाक्‍पोन लाःक्‍तु देत्‍कीते सिन छ्याःङ छ्या मेङगो। बरू थेबाला परमेश्‍वरला भर परे खिता लोप सिन सि। थेकीराङ ङुरूङला गोच्‍येतेबरी दाङच्‍या ख्‍योप्‍च्‍या खाला बिन्‍ला गा खिन देत ज्‍युत्‍क्‍यो।

तीतस 1:4

दि चिट्ठीचेन ङा तीतस खोल्‍ला टिगीन ओत। खोङ ङे च्‍योकराङ खाला प्रभु येशू ख्रीष्‍टला विश्‍वास खित्‍कान्‍ते ईन्‍देकी ङाला खो ङाराङ फुज्‍युङ च्‍योकराङ लाङगीदुक। आबा परमेश्‍वरगी थेमे ङुरूङला पापदुकी डेल्‍कान्‍ते येशू ख्रीष्‍टकी खोल्‍ला दया खाला लेमु खिनराङ देत्‍स्‍यीत।