तीतस 3:4 - जिरेल

⁴ ङुरूङ थोक मेलेबा खिन ओता ईन्‍सीनोङ ङुरूङला पापदुकी डेल्‍कान्‍ते परमेश्‍वरगी ङिङज्‍ये खाईन थे खोरोङ दयेकी येशू ख्रीष्‍टला ताङगीन

तीतस 3:4 Iomraidhean Croise

लूका 1:47

पापताङ दुक्‍पादुकी डेल्‍कान्‍ते थेराङ ईन्‍देकी ङाला आउदी गा लाङगीदुक।

रोमी 2:4

ख्‍योकोनलाचेन खेराङ लेमु मि ईन्‍गीनका परमेश्‍वरगी आउदी दया खाला लेमु खिन ओताते ईन सिराच्‍योक लाङगीतासीन। तर बात दोक मेन। ख्‍योकोनगी खेराङ पापी दुका सिन छ्या स्‍येला थे खोरोङ छ्य्‌वापा लै खित्‍स्‍यीत सिनका परमेश्‍वरगी थरिङसाक छ्याःङ मिक्‍किता खाईन देताते ईन सिन ख्‍योकोनगी छ्या स्‍येबा खि।

१ तिमोथी 1:1

दि चिट्ठी टिक्‍कान्‍ते ङा पावल ईन। ङा येशू ख्रीष्‍टकी खटे खाबाते मि ईन। थेकी खटे खाबाते मिकी खिता फाप्‍च्‍येते काम खितालाचेन ङुरूङला पापदुकी डेल्‍कान्‍ते परमेश्‍वर थेमे था तिरी ग्‍युरला ओङगो सिन ङुरूङ आश खाईन गुकीन देता ओताते येशू ख्रीष्‍टकीराङ ङाला कोताते ईन।

१ तिमोथी 2:3

दोक खाला प्रार्थना खित्‍च्‍येते लेमु ईन। होदोक खाला प्रार्थना खित्‍जीन ङुरूङला पापदुकी डेल्‍कान्‍ते परमेश्‍वरला गा लाङगो।

१ तिमोथी 4:10

थोक ईन्‍देकीराङ ङुरूङगी स्‍याप स्‍याप खाला दुक्‍पा खिन थुपासम्‍म ज्‍येनलाङ सत्‍यते बात लोप्‍च्‍येते ईन। च्‍यिला सासीन सोम्‍बोते परमेश्‍वरगी साबा च्‍योकराङ खाला आशी तेरग्‍यो सिन ङुरूङ आश खाईन देता ओत। मि गाङेला पापदुकी डेल्‍कान्‍ते थेराङ ईन। थेकी थोक खिओ सिन येशू ख्रीष्‍टला विश्‍वास खित्‍कान्‍ते मि जोराङ ईन्‍सीनोङ परमेश्‍वरगी थेला पापकी सजायदुकी डेल्‍ग्‍यो।

२ तिमोथी 1:10

ङुरूङला पापदुकी डेल्‍कान्‍ते येशू ख्रीष्‍ट देमा वाबेकी थे खोरोङगी ङुरूङला दया खिओ सिन साबाते बात परमेश्‍वरगी छ्या स्‍ये च्‍युत्‍सुङ। थेमे येशू ख्रीष्‍टकी दुरू वाकीन स्‍यिच्‍येते कालला ग्‍यालेकी थेकी मिओनला नोमुङ मिसिन्‍च्‍येते जुनी तेरग्‍यो थेमे थोक्‍ते मि नोमुङ मिस्‍यिओ। दि बातचेन गा लाङच्‍येते बातलाराङ साबा ओत।

तीतस 1:3

थाङबोका साबाते बात परमेश्‍वरगी थे खोरोङगी तोके खाबे बेलाला लोप च्‍युत्‍कीन मिओनला छ्या स्‍ये च्‍युत्‍सुङ। ङुरूङला पापदुकी डेल्‍कान्‍ते परमेश्‍वरगीराङ दि बात च्‍यि ईन्‍दे सिन ज्‍येन मिओनला लोप सिन ङाला दि कामगी जिम्‍मा बिन्‍दा ओत।

हिब्रू 9:26

दुरू पूजारीकी खिता च्‍योकराङ खिता फाप्‍च्‍या ईन्‍दा ईन्‍सीन दि सा नाम जोबा छुरला बाजि थोई थोई ख्रीष्‍टकी थे खोरोङ ज्‍यान तेरा फाप्‍च्‍या ओतान। तर मिकी खाबाते गाङे पापदुकी थेबाला डेलाला थे दि जुग सिन्‍दे खाला दुरू वाकीन बाजिईकामा थे खोरोङ ज्‍यान बिन्‍गीन स्‍याप्‍ते ईन।

१ पत्रुस 2:3

प्रभु येशू चुक लेमु खित्‍कान्‍ते ईन्‍दे सिन ख्‍योकोनगी छ्या स्‍येबा मेताते मेन।