तीतस 3:3 - जिरेल

³ गोमाबा ङुरूङोङ सो साकान पशु च्‍योकराङ ओतान। ङुरूङगी परमेश्‍वरगी साबाते खाङोङ बात माङेन, ङुरूङ ङ्येकीन गाला ओतान। थेजीन ङुरूङ दोक माक्‍याबाला ओङराङ मेङगो सिराच्‍योक खाला दाक्‍पोन सेमला लाबा लाबा खिता ओङच्‍या मेङच्‍या कामओन खिन ओतान। ङुरूङ जहिलेङ मेलेबाकामा खिन थेमे ज्‍येनला डार खिन ओतान। दोक खाला ङुरूङ गाङे नाङ दोक्‍पोईकी ज्‍येनज्‍यीकला मिगी थोङसार्मु खित्‍च्‍येतेकामा खिन ओतान।

तीतस 3:3 Iomraidhean Croise

मत्ती 21:29

थेकी ‘ङानी मोन्‍डोओ,’ सादुक्‍लो। तर तिरी हत्तेरिका आबेकी साबाते ङे च्‍यिला माङेन्‍ताका सिन थे दाक काम खित गाल्‍दुक्‍लो।

लूका 21:8

थोक सिरजीन येशूकी “च्‍याङबो खाला देत। सुङगीङ ख्‍योकोनला छक्‍के खाला ङे छ्य्‌वापेई मेडेल्‍स्‍यीत। परमेश्‍वरगी मिओनला जोए खिताला तोङगो साबाते मि ङाराङ ईन। था दि जुग सिन्‍दे बेला लेप्‍सुङ सिन सिरकान्‍ते मि था काल्‍बेई ओङगो। थेबे बात ङेन्‍ला ख्‍योकोन थेबे तिङ माङ्योक।

यूहन्‍ना 8:34

थेमे थेकी थेबाला “ङा ख्‍योकोनला दि बात सिओ। च्‍यि सासीन जसकी पाप खिदुक, थेचेन पापकी योक्‍पो ओङला पाप खिन देता फाप्‍क्‍यो।

रोमी 11:30

गोमाबा ख्‍योकोनगीङ परमेश्‍वरगी साबाते ङेन्‍गीन मेतान। इस्राएलीओनगी थे खोरोङगी साबाते माङेन्‍नामेकीचेन थेकी ख्‍योकोनला ङिङज्‍ये खाबाते ईन।

रोमी 6:12

थोगी दाक्‍पोन खुशी खाला मेलेबा कामताङ बात खिन देता माफाप्‍स्‍यीत सिन था पालोई स्‍यिला दि जीउ रूल्‍ला डुइओ सिन सम्‍झे खाला पाप खिता थोङ।

रोमी 6:17

गोमा ख्‍योकोन पापकी योक्‍पो च्‍योकराङ ओता ईन्‍सीनोङ थाचेन ख्‍योकोनगी खेराङला लापाते परमेश्‍वर बात सत्‍यते दुका सिन लेमु खाईन ङेन्‍गीन थेरू खि साबा च्‍योकराङ खिताला स्‍यूसुङ। ख्‍योकोन दोक खुदुक गालाते बातकी लाईदु परमेश्‍वरला धन्‍यवाद तेरगी।

रोमी 6:22

तर परमेश्‍वरगी ख्‍योकोनला पाप खित्‍च्‍येते बानीदुकी टाल्‍गीन बिन्‍दा ओतेकी था ख्‍योकोनगी थेकी साबाते ङेन्‍ला थेला मन परे खित्‍च्‍येते कामताङ बात खिता थुप्‍क्‍यो। दोक खाईन परमेश्‍वरगी खि साबाच्‍योक खिन गाल्‍नामेई ख्‍योकोनगी नोमुङ मिसिन्‍च्‍येते जुनी ङेत्‍क्‍यो।

रोमी 6:6

लोक्‍ला दि बादोङ ङुरूङला छ्या ओत। च्‍यि सासीन ख्रीष्‍टला स्‍यिङगी थामला टाँए खाला सेत्‍जीन ङुरूङते मेलेबा कामताङ बात खित्‍च्‍येते बानी खुदुक गाल्‍ला पाप खिता तोङस्‍यीत सिन ङुरूङलाङ थेत्ताङराङ टाँए खाईन सेताते ईन। ङुरूङलाङ थेत्ताङराङ सेताते साबातेचेन ङुरूङ गोमा च्‍योकराङ सेम मेलेबा ओताते मि मेन साबाते ईन। दोक खाईन था ङुरूङ सेम लेमु गाला ओतेकी ङुरूङगी गोमा खिन ओताच्‍योक खाला पाप खिन देताराङ माफाबो।

२ कोरिन्‍थी 12:20

था ङा थेपा ओङजीन ङे साबा ओताच्‍योक मेन्‍देकी ख्‍योकोनगी खुदुकराङ काम खिन ओताते थोङा फाप्‍कीता सिन ङाला पीर लाबा ओत। थोकराङ खाला ख्‍योकोनगीङ ङाला खुदुकराङ गालाते च्‍योक थोङगीता सिनोङ ङाला पीर लाबा ओत। च्‍यि सासीन थोरूमोङ ख्‍योकोन थोम्‍मु जीङगा खिन ओताते, मिला डार खिन ओताते, मित्ताङ स्‍येदाङ खित्‍च्‍येते, ज्‍येनगी वास्‍ता मिक्‍किता खाला दाक्‍पोन फाइदाकामा ताच्‍येते, मिला मोत्‍च्‍येते, मि पनी खित्‍च्‍येते, ङा ङाराङ ईन सिराच्‍योक खित्‍च्‍येते थेमे गाङेराङ डिक्‍ला थुन्‍ला काम खिता साटोला आफूराङस्‍ये खाला ख्‍याम्‍गीन ओताते थेप्‍कीता सिन ङाला सुर्ता लाबा ओत।

गलाती 6:3

दोक खाला दोक्‍पोईकी ज्‍येनज्‍यीकला मद्धत खिता साटोला सुइँदा मि ङानी ज्‍येन च्‍योक मेन सिराच्‍योक खाला छ्ये खिदुक सासीन थोक्‍ते मि लेम्‍बा ईन। थेचेन थे खोरोङगी विचार खाबा च्‍योक्‍ते मि मेन।

कलस्‍सी 1:21

गोमाबा ख्‍योकोन मेलेबाते कामताङ बातकामा खिन ओतान। दोक खाईन ख्‍योकोन परमेश्‍वरताङ डिक्‍पा मेतान, थेत्ताङ डिक्‍च्‍येते सेमोङ खिन मेतान।

कलस्‍सी 3:7

ईन्‍दाका गोमा गोमाबा ख्‍योकोनोङ ज्‍येनगी खाबाच्‍योक होथोक्‍ते कामराङ खिन ओतान।

२ तिमोथी 3:13

थेमे मेलेबा काम खित्‍कानताङ ज्‍येनला छक्‍के खित्‍कान्‍ते मिओनचेन होथोक्‍ते कामकामा खिन देत्‍ला झन झन ङ्येकीन डुइओ। थोक खित्‍जीन थेबेकी ज्‍येनलाङ ङ्ये ज्‍युत्‍क्‍यो, खोपरोङोङ ङ्येक्‍यो।

२ तिमोथी 3:6

थोक्‍ते मिओन नाङ कोई कोईचेन मि खाम्‍बा खाम्‍बाला डुइओ। थेमे खोपरोङगी छक्‍के खिता थुप्‍च्‍येते फेम्‍मे मिओनला लुला खोपरोङ छ्य्‌वापा लै खित ज्‍युत्‍क्‍यो। थोक्‍ते फेम्‍मे मिओनचेन पापताङ लोभकी खाङाते थेमे खोपरोङ सेमला जे जे खिता सेम लाङगीदुक थोक थोकराङ खित्‍कान्‍ते ईन।

तीतस 1:16

खोपरोङ होथोक्‍ते मि ईन्‍सीनोङ थेबेकीचेन परमेश्‍वर सु ईन्‍दे, चुक्‍ते ईन्‍दे सिन ङ्योकोनला लेमु खाला छ्या ओत सिन सिओ। थेबे काम ताला थेबा परमेश्‍वरला माने खित्‍कान्‍ते मि मेन सिन दाक छ्या स्‍येक्‍यो। थेबाला थोङजीन परमेश्‍वरला गा मालाङो, थेबेकी परमेश्‍वरगी साबाते ङेनराङ मेङेनो थेमे लेमु काम सिराते छ्याःङ खिताराङ मुथुबो।

तीतस 2:12

परमेश्‍वर दयेकी खित्‍सादु चुक चुक खिता फाप्‍कीते सिन ङुरूङ लोप्‍कीन ओत। थोगी ङुरूङगी परमेश्‍वरगी माकेत साबाते काम खित्‍च्‍येते थेमे पापताङ लोभ खित्‍च्‍येते ताङला दाक्‍पोन सेम काबूला ज्‍य्‌वाबा थुप्‍क्‍यो थेमे दि कलि जुगला थेकी खि साबा साबाच्‍योक खिन थेला झन लेमु खाला माने खिता थुप्‍क्‍यो।

याकूब 1:26

सुइँदेकी ङानी परमेश्‍वरगी खि साबाच्‍योक खित्‍कान्‍ते मि ईन खिदुक तर खोपरोङ खाचेन थाताला मोज्‍योदुक सासीन थोक्‍ते मिकीनी दाक्‍पोनगी ठुबाते डालुमला दाक्‍पोनराङ स्‍यूक्‍च्‍येते काम खाबाते ईन। थोक्‍ते मिकी जस्‍तोराङ लेमु काम खासीनोङ थोक खाबेकी थेला छ्याःङ फाइदा मेङगो।

१ पत्रुस 1:14

लाःपा कोताते ङेन्‍कान्‍ते फिजा च्‍योकराङ ओङला परमेश्‍वरगी कोताते ङेन। गोमाबा ख्‍योकोन छ्याःङ छ्या मेस्‍येकान्‍ते मि च्‍योक दाक्‍पोन सेमला लाबा लाबा खिन ओतान, था थोक माकेत।

छ्या स्‍ये च्‍युताते बात 12:9

दोक खाईन थे जोदाते डुकला स्‍वर्गनेकी पृथ्‍वीमा ङिल्‍गीन ताङसुङ। थेचेन गोमामेई ओताते रूल ईन। थे मिन शैतान दैंता ईन। खालि मेलेबा कामकामा खाला सा लुङबा खाङगी मिला छक्‍के खित्‍कान्‍ते थेराङ ईन। थेत्ताङ थे दूत गाङेला स्‍वर्गनेकी पृथ्‍वीमा युकीन क्‍युरसुङ।

छ्या स्‍ये च्‍युताते बात 13:14

थे गोमे जन्‍तुला छ्ये ज्‍वाप्‍ला दोक्‍ते अचम्‍बते काम खाला तेन्‍च्‍येते शक्ति बिन्‍दा ओतेकी दि सादुकी थेन्‍दाते जन्‍तुकी होथोक्‍ते काम खाईन सा लुङबे मि गाङेला छक्‍के खासुङ। थेकी मि गाङेला होथे गोमे जन्‍तुला मान खिता फाप्‍क्‍यो सिन थे जन्‍तु मूर्ति जोर च्‍युत्‍सुङ। थे जन्‍तुचेन स्‍यिच्‍या खाईन तरवारगी तुप्‍कीन मा थोता ओत्‍सीनोङ सोन्‍दा ओतान।

छ्या स्‍ये च्‍युताते बात 18:2

थेमे थेकी आउदी कस्‍स्‍ये खाला छेरा खिन “था खतम गाल्‍सुङ, थे जोदाते सार बेबिलोन खतम गाल्‍सुङ। था थेरू ओताते जति ल्‍हन्‍डीक स्‍यिन्‍डीप थेमे परमेश्‍वरला चले मिक्‍किच्‍येते छ्योज्‍युङमाओनकामा देत्‍क्‍यो।