तीतस 3:15 - जिरेल

¹⁵ दुरू ङात्ताङ ओताते गाङेकी खोल्‍ला नमस्‍ते ओत्‍लो। येशूला विश्‍वास खिन ङ्योकोनला ङिङज्‍ये खित्‍कान्‍ते थेरू ओतातेबा गाङेला ङ्योकोनते नमस्‍ते ओत्‍लो सि। प्रभु येशू ख्रीष्‍टकी ख्‍योकोन गाङेला दया खिनराङ देत्‍स्‍यीत।

तीतस 3:15 Iomraidhean Croise

मत्ती 5:47

ख्‍योकोनगी दाक्‍पोन मिलाकामा मान खाईन लेमु बात खासीन थे च्‍यि अचम्‍बते बात ईन्‍देरो? दाक्‍पोन मिलाकामा ङिङज्‍ये खित्‍च्‍येतेनी परमेश्‍वरला छ्या मेस्‍येकान्‍ते मिओनगीङ खिओ।

शक्ति काम 20:34

ङात्ताङ ङाराङ र्‍वाओनला गोच्‍येते पैसा ङे ङाराङ पाखुरा चले खाईन जोबाप। दि बादोङ ख्‍योकोनला छ्याराङ ओत।

१ कोरिन्‍थी 16:23

लो ख्‍योकोन गाङेला प्रभु येशूकी दया खिनराङ देत्‍स्‍यीत।

गलाती 5:6

च्‍यिला सासीन येशू ख्रीष्‍टताङ जीउज्‍यीकराङ ओङाते मिओनगी खतकी चिनु जोसीनोङ माजोसीनोङ छ्याःङ फरक परे मिक्‍किओ। छ्येते बातचेन थेबेकी येशू ख्रीष्‍टला विश्‍वास खाला ज्‍येनतेबालाङ ङिङज्‍ये खिकाना मिक्‍किका सिरच्‍येतेकामा ईन।

कलस्‍सी 4:18

थेमे ङेतेङ ख्‍योकोनला नमस्‍ते सिनचेन ङा पावल ङाराङ लाक्‍पेकीराङ टिगीन ओत। ङा जेलदु ओताते बात टोक माज्‍येत। प्रभु येशू ख्रीष्‍टकी ख्‍योकोनला दया खिनराङ देत्‍स्‍यीत।

१ तिमोथी 1:2

ङा दि चिट्ठी तिमोथी खोल्‍ला टिगीन ओत। ङे खित्‍सादु येशू ख्रीष्‍टला विश्‍वास खाबेकी ङाला खो ङाराङ फुज्‍युङ च्‍योकराङ लाङगीदुक। आबा परमेश्‍वरताङ ङुरूङ प्रभु येशू ख्रीष्‍टकी खोल्‍ला दया खिन थेमे ङिङज्‍ये खाला लेमु खिनराङ देत्‍स्‍यीत।

१ तिमोथी 1:5

ङे खोल्‍ला होथे मिओनला दोक खि, थोक माकेत सिन कोत साबातेचेन थेबेकी ज्‍येनतेबाला ङिङज्‍ये खित्‍स्‍यीत सिनराङ ईन। थोक खाला ङिङज्‍ये खिताला थेबे सेम लेमु ओङा फाप्‍क्‍यो, दाक्‍पोनला ङे दोक खिता ठीक मेन सिराच्‍योक लाबाते काम छ्याःङ खिता मेङगो, थेमे खेकीकामा मेन्‍देकी येशू ख्रीष्‍टला पक्‍काराङ खाला विश्‍वास खिता फाप्‍क्‍यो।

२ तिमोथी 4:22

लो प्रभु येशू ख्रीष्‍ट खोत्ताङ ङ्योम्‍बुराङ देत्‍स्‍यीत। थेमे ख्‍योकोन गाङेला थेकी दया खिनराङ देत्‍स्‍यीत।

फिलेमोन 1:5

च्‍यिला सासीन प्रभु येशूला खुई लेमु खाला विश्‍वास खिदुक्‍लो थेमे परमेश्‍वर सन्‍तान गाङेला ङिङज्‍ये खिदुक्‍लो सिन ङे थोसुङ।

हिब्रू 13:25

प्रभु येशू ख्रीष्‍टकी ख्‍योकोनला दया खिनराङ देत्‍स्‍यीत।

३ यूहन्‍ना 1:1

ङा येशू ख्रीष्‍ट मिओनला ताकान्‍ते छ्येते मिज्‍यीक ईन। दि चिट्ठी ङा ङे र्‍वा गायस खोल्‍ला टिगीन ओत। खेकीकामा मेन्‍देकी ङा खोल्‍ला पक्‍काराङ ङिङज्‍ये खिओ।