तीतस 3:14 - जिरेल

¹⁴ दोक खाला सुङगीङ दाक्‍पोनला छ्याःङ काम लै मिक्‍किच्‍येते मि मिसिरस्‍यीत सिन येशू ख्रीष्‍ट मिओनगीचेन सुइँदाला खाँचो परे खाबे बेलाला खइँदा तेरा फाप्‍सीन थोक खिता फाप्‍च्‍याक्‍वा सिन गाङेकी लोप्‍स्‍यीत।

तीतस 3:14 Iomraidhean Croise

मत्ती 21:19

थेरू लामगी खादु नेभारे दोङबोज्‍यीक ओतान। थेरू नेभारा गोन्‍दा ओता सिन येशू थेपा तार गाल्‍सुङ। तर थेकी थे दोङबोला नेभारे गेडाज्‍यीगोङ माथेप्‍सुङ। थे दोङबोला खालि दाम्‍माकामा ओतान। दाम्‍माकामा ओता थोङनामेई थेकी थे दोङबोला “थानामेई खोल्‍ला नोमुङ फलफूल गेडाईओङ मोगोन्‍स्‍यीत,” सिन सिदुक। थोक सिराईताङ थे नेभारे दोङबो कोम्‍बो सिली गाल्‍गीन काम्‍सुङ।

मत्ती 7:19

लेमु खाला फलफूल मोगोन्‍च्‍येते दोङबो टिल्‍ला स्‍येइओ।

यूहन्‍ना 15:16

ख्‍योकोनगी ङाला छाने खाबाते मेन। ख्‍योकोनगी लेमु लेमु काम खिता थुप्‍स्‍यीत थेमे ख्‍योकोनगी खाबाते दोक्‍ते काम नोमुङ खेरो मोन्‍डोस्‍यीत सिन ङेका ख्‍योकोनला छाने खाबाते ईन। ख्‍योकोनगी ङे खित ज्‍युता चाला च्‍योकराङ खानामेई ङे मिन लाकीन आबाताङ जे नाङ खासीनोङ थेकी ख्‍योकोनला तेरग्‍यो।

यूहन्‍ना 15:8

अंगूर काल्‍बेई गोन्‍दाच्‍योक खाला ख्‍योकोनगी लेमु लेमु कामकामा खानामेई ङे आबाताङ चुक छ्येज्‍यीक शक्ति ओता ईन्‍दाका सिन मिओनगी छ्या स्‍येक्‍यो। दोस्‍यिककामा मेन, ख्‍योकोनगी थोक लेमु खाबा थोङजीन ख्‍योकोन ङे चेला दुका सिन गाङेकी छ्या स्‍येक्‍यो।

शक्ति काम 18:3

थेबा जाप्राङ ङिकाराङ पाल जोकान ओतान। पावलगीङ गोमा पाल जोच्‍येते लापा ओतेकी थेबाताङ ङ्योम्‍बु देत्‍कीन पाल ज्‍वाप्‍ला स्‍यूसुङ।

शक्ति काम 20:35

थेमे ङुरूङगी दाक्‍पोन जीउ स्‍वाप्‍लाकामा मेन, दुक्‍पा ङेतातेबाला ताप्‍लाङ दुक्‍पा खाला काम खिता फाप्‍च्‍याक्‍वा सिन ङे ख्‍योकोनला तेन्‍गीन बिन्‍दा ओत। जे काम खित्‍जीनोङ ङुरूङगी ‘ज्‍येनगीते लिन्‍दा भन्‍दा बरू ज्‍येनला तेरा लेमु ईन,’ सिन प्रभु येशू थे खोरोङगीराङ साबाते बात टोक ज्‍येता मेङगो,” सिन बात खासुङ।

रोमी 12:13

परमेश्‍वर सन्‍तान नाङ दुक्‍पा ङेतातेबाताङ गोला सो। खाम्‍बादु वाबाते मि गाङेला लेमु खि।

रोमी 15:28

था यरूशलेमपा गाल्‍ला थेबाला तेरा फाप्‍च्‍येते पैसा थेबे लाःक्‍तु बिन्‍गीन सिन्‍नामेईचेन ङा ख्‍योकोन ओत्‍सापा खाला स्‍पेनपा डुइओ।

एफिसी 4:28

गोमा कुला साकान्‍तेकी थोक खिता ताङला दाक्‍पोन पाखुरा चले खाला सो। दाक्‍पोनला गोच्‍येतेकामा मेन्‍देकी छ्याःङ मेतातेबाताङ गोला सा थुप्‍स्‍यीत सिन जाँगर खाला काम खि।

फिलिप्‍पी 1:11

थेमे परमेश्‍वरगी खि साबाच्‍योक खाला लेमुते कामकामा खित्‍कान्‍ते मि ओङगो। परमेश्‍वरगी मान ङेत्‍स्‍यीत थेमे थेते जय जय ओङस्‍यीत सिनराङ येशू ख्रीष्‍टकी खित्‍सादु ख्‍योकोन थोक्‍ते मि ओङच्‍येते ईन।

फिलिप्‍पी 4:16

ङा थिस्‍सलोनिकादु ओत्‍जीनोङ ख्‍योकोनगी ङाला गोबे बेलाला बाजिताङ बाजि पैसा ताङा ओतान।

फिलिप्‍पी 4:17

दि बात खित्‍जीन ङाराङला पैसा बिन्‍दाते बातलाकामा मेन, ख्‍योकोनगी ङाला दोक खाबेकी परमेश्‍वरगी ख्‍योकोनला आशी बिन्‍ला लेमु खिओ सिन ङाला झन गा लाबा ओत।

कलस्‍सी 1:10

प्रभु येशू मिकी चुक खिता फाप्‍कीते सिन छ्या स्‍येला ख्‍योकोनगी थोकराङ खित्‍स्‍यीत, काम बात जे खासीनोङ थेला मन परे मिक्‍किच्‍येते सिराते छ्याःङ मिक्‍किस्‍यीत बरू झन झन लेमुते कामकामा खित्‍स्‍यीत थेमे परमेश्‍वर सु ईन्‍दे, चुक्‍ते ईन्‍दे सिन झन लेमु खाला छ्या स्‍येस्‍यीत सिन ङ्योकोन दोक खाला प्रार्थना खिओ।

१ थिस्‍सलोनिकी 2:9

आज्‍यो न्‍वावे, ख्‍योकोनला परमेश्‍वरते गा लाङच्‍येते बात लोप्‍जीन ख्‍योकोन सुङलाङ छ्याःङ दुक्‍पा तेरा माफाप्‍स्‍यीत सिन ङेराङ लाईदु साप थुङा ङ्य्‌वाप्‍ला ङीन नुप ठोत थेनथेन काम खाबाप। ङ्योकोनगी थोक खाबाते बात ख्‍योकोनगी टोक ज्‍येता मेतासीन।

२ थिस्‍सलोनिकी 3:8

पैसा मेज्‍येला खाईन ङ्योकोनगी सुङगीङ खाम्‍बादु साप मासो। ख्‍योकोन सुङलाङ दुक्‍पा मेङस्‍यीत, साप थुङा ङेराङगीराङ पैसा च्‍याल्‍ला सा थुप्‍स्‍यीत सिन ङ्योकोनगी ङीन नुप ठोत थेनथेन काम खाबाप।

तीतस 2:8

खुई लोप्‍च्‍येते बातला दि मेन्‍दे बात ईन सिन सुङगीङ सिरा मेङेत्‍स्‍यीत सिन लेमु खाला लोप। दोक दोक खासीन ङुरूङ विरोध खित्‍कान्‍ते मिओनगी थेबेकी दि दि मेलेबा खासुङ सिरच्‍येते लाम छ्याःङ माङेत्‍ला खोपरोङराङ खर्के देइओ।

तीतस 3:8

दि बात साँच्‍चीराङ ईन्‍दाते बात ईन। थोगी ङा खोल्‍ला च्‍यि सिते सासीन परमेश्‍वरला विश्‍वास खित्‍कान्‍ते थेरू मिओनगी लेमुते काम खित्‍च्‍ये छ्य्‌वापाकामा सेम लै खाला थोकराङ खित्‍स्‍यीत सिन थेबाला दि बात दोरे खाला खाला लाप्‍ला बिन। दि बात लेमु ईन्‍देकी मिओनगी ङेन्‍सुङ सासीन गाङेला लेमु ओङगो।

२ पत्रुस 1:8

होदोक दोककामा खिन गाल्‍सीन ङुरूङ प्रभु येशू ख्रीष्‍ट सु ईन्‍दे, चुक्‍ते ईन्‍दे सिन छ्या स्‍येबाते बात ख्‍योकोनगी कामगीराङ खाला तेन्‍दा थुप्‍क्‍यो।