तीतस 3:11 - जिरेल

¹¹ दाक्‍पोनगी मेलेबा काम खिन ओत सिन छ्या ओत्‍कीन ओत्‍कीनोङ सत्‍यते बात ङेन्‍दा ताङगीन थे पापला नुप्‍कीन सिन्‍दाते मि ईन सिन खोल्‍ला छ्या मेताते मेन। थेकी थोक खाबेकी खित्‍सादु थे गोःनामा परमेश्‍वर सजाय फाप्‍क्‍यो।

तीतस 3:11 Iomraidhean Croise

लूका 19:22

थेकी थोक सिरजीन थे गेल्‍बोकी ‘खो चुक मेलेबा मि ओता ईन्‍दाका। खुई खेकी खित्‍सादु ङा खोल्‍ला सजाय तेरग्‍यो। ङाचेन ङाराङते ईनराङ मेन्‍दातेङ ङाराङगी ङेत्‍च्‍या जोकान्‍ते थेमे ङाराङगी लै माक्‍याबाते बालीनालीङ रूक्‍कान्‍ते खोक्‍पोते मि ईन सिन खोल्‍ला छ्या ओतानरो?

लूका 7:30

फरिसी पाटी मिओनताङ धर्मे गुरूओनगीचेन यूहन्‍ने बादोङ ङेन्‍दा मेतान, बप्‍तिस्‍माङ लाबा मेतान। थेबेकी यूहन्‍ने बात ङेन्‍दा ईन्‍सीन परमेश्‍वरगी खिता चाला च्‍योकराङ खाला थेबाला लेमु खित्‍च्‍या ओतान। थेबेकी माङेन्‍देकीराङ परमेश्‍वरगी थेबाला लेमु खिता माथुप्‍सुङ।

यूहन्‍ना 3:18

थोगी परमेश्‍वर फुज्‍युङगी पापकी सजायदुकी डेल्‍ग्‍यो सिन थेला विश्‍वास खित्‍कान्‍ते मिला परमेश्‍वरगी सजाय मेतेरो। थेला विश्‍वास मिक्‍किकानगीचेन गाङेकी परमेश्‍वर सजाय ङेत्‍च्‍या ओङा ओत। परमेश्‍वरते दोक्‍पोईकामा ओताते फुज्‍युङला विश्‍वास माक्‍याबेकीराङ थेबेकी सजाय ङेत्‍च्‍या ओङाते ईन।

शक्ति काम 13:46

यहूदीओनगी थोक खित्‍जीन पावलताङ बारनाबासकी ज्‍यीबाराङ मिक्‍किता खाईन थेबाला “ङ्योकोनगी लोप्‍कीन ओताते परमेश्‍वर बात लोपाला ङ्योकोन गोमा ख्‍योकोन ओत्‍सादु वाबाते ईन। तर ख्‍योकोनगी दि बात ईनराङ मेन्‍दे बात ईन सिन ङेनराङ माङेन्‍सुङ। दोक खाईन ख्‍योकोनगी नोमुङ मिसिन्‍च्‍येते जुनी मोगोओ सिरा च्‍योकराङ खासुङ। थोक ईन्‍देकी था दि बात ङ्योकोन ज्‍येन ज्‍येन जातकी मिला लोप डुइओ।

शक्ति काम 15:24

बात च्‍यि सासीन ङ्योकोन नाङदुई कोई कोई मि ख्‍योकोन ओत्‍सादु गाल्‍गीन दोक खिता फाप्‍क्‍यो, थोक खिता फाप्‍क्‍यो सिन साकीन ख्‍योकोनला अलमल्‍ल लाङगीन आउदी खाईन दुक्‍पा बिन्‍दुक्‍लो सिन ङ्योकोनगी थोसुङ। थेबाला ङ्योकोनगी ताङाते मेन।

शक्ति काम 23:25

थेमे थेकी हाकिम फेलिक्‍सला चिट्ठीज्‍यीगोङ टिसुङ।

रोमी 3:19

थेमे परमेश्‍वर नियमला खि साबाते बातबरी थे नियम ङेताते मिओनला खि साबाते ईन सिन ङुरूङला छ्याराङ ओत। थोक ईन्‍देकी ङे छ्याःङ गल्‍ती खाबा मेत सिन सुङगीङ सिरा मेङेदो। दि सा लुङबे मि गाङे दोषीराङ ईन्‍देकी गाङेकी परमेश्‍वर सजाय ङेत्‍क्‍यो।

२ तिमोथी 2:14

दि बातओन थेरू गाङेला याङ याङ सिनराङ देत। टेकाटेउरी स्‍योरच्‍येते बात माकेत सिन खुई थेबाला प्रभु परमेश्‍वर ङोन्‍दु कोत। टेकाटेउरी खाला छ्याःङ लेमु मेङगो। येशूला विश्‍वास खित्‍कान्‍ते ज्‍येनतेबे दोन्‍दु दोक्‍ते बात खित्‍जीन थेबेकी थेबाला ङ्ये ज्‍युत्‍क्‍यो।

तीतस 1:11

होथोक्‍ते मिओनला दोक्‍ते बात मालोप साला थेबे खा टाले खिता फाप्‍क्‍यो। च्‍यिला सासीन थेबेकी मिओनला लोपा मेङच्‍येते बात लापेकी होथेबे बात ङेन्‍गीन येशू ख्रीष्‍ट मिओन नाङ खाम्‍बा थोई थोई मिकी ङेन्‍दा फाप्‍च्‍येते बात ङेन्‍दा ताङला दुक। थेबेकीचेन छ्याःङ ङोचा मिक्‍किता खाला खालि पैसा ज्‍वाप्‍की लाईदु होथोक्‍ते बात लोप्‍च्‍येते ईन।

तीतस 1:14

थोक खाला थेबेकी थे यहूदीओनगी जोला लोप्‍च्‍येते छ्याःङ काम लै मिक्‍किच्‍येते बातताङ कथाओनला नामज्‍योक मेसेत्‍स्‍यीत थेमे सत्‍यते बात मेङेन्‍कान्‍ते मिओनगी ङेन्‍दा फाप्‍क्‍यो सिन साबाते रीतिथिति माने खिता तोङस्‍यीत सिन होथोक खि।

हिब्रू 10:26

येशू ख्रीष्‍टकी थे खोरोङ ज्‍यानराङ बिन्‍गीन दाक्‍पोनला पापकी सजाय छ्य्‌वापेई टाला ओत सिरच्‍येते सत्‍यते बात छ्या स्‍येनामेकीङ पाप खिता छ्याःङ मेन सिराच्‍योक खाला ङुरूङगी पाप खिनराङ देत्‍सीन थोक खाईन खाबाते पाप माफ ओङाला था भोग तेरच्‍येते छ्याःङ मेत, ख्रीष्‍टकी खित्‍च्‍येतेङ छ्याःङ मेत।