तीतस 3:1 - जिरेल

¹ थेमे ज्‍येनोङ बात थेरू येशू ख्रीष्‍ट मिओनला च्‍यि सिन लोबे सासीन लुङबादु राज्‍य खित्‍कानताङ ज्‍येन छ्ये छ्ये मि अधीनला देत्‍ला नियम कानून ङेन्‍दा फाप्‍क्‍यो थेमे लेमु काम खित्‍च्‍ये छ्य्‌वापाकामा सेम खिता फाप्‍क्‍यो सिरच्‍येते बात टोक माज्‍येत सिन सि।

तीतस 3:1 Iomraidhean Croise

मत्ती 22:21

थोक सिरजीन थेबेकी “रोमी गेल्‍बोते,” सिन सासुङ। थेमे थेकी “थोक ईन्‍देकी रोमी गेल्‍बोला तेरा फाप्‍च्‍येते थेला बिन, परमेश्‍वरला तेरा फाप्‍च्‍येतेचेन परमेश्‍वरलाराङ बिन,” सिन सिदुक।

१ कोरिन्‍थी 15:58

थोगी ङिङज्‍येते आज्‍यो न्‍वावे, जस्‍तो ओङसीनोङ प्रभु येशूला विश्‍वास खिन देत, मि बात ङेन्‍ला शंका माकेत। प्रभु येशूकी खेराङला जिम्‍मा बिन्‍दाते काम थुपासम्‍म स्‍येत खाला खि। च्‍यिला सासीन थेकी खेराङला खि साबाच्‍योक खाबाते थाराङ खेरोला डोच्‍येते मेन सिन ख्‍योकोनला छ्याराङ ओत।

एफिसी 2:10

येशू ख्रीष्‍टकी खाबाते कामगी खित्‍सादु परमेश्‍वरगीराङ ङुरूङला लेमुते काम खिता थुप्‍स्‍यीत सिन साम्‍बाते जुनी बिन्‍गीन खुदुक जोबाते ईन। ङुरूङगी खिता फाप्‍च्‍येते लेमुते कामतेबा थेकी गोमाकाराङ ठीक खाईन ज्‍याक्‍पा ओतान।

फिलिप्‍पी 1:11

थेमे परमेश्‍वरगी खि साबाच्‍योक खाला लेमुते कामकामा खित्‍कान्‍ते मि ओङगो। परमेश्‍वरगी मान ङेत्‍स्‍यीत थेमे थेते जय जय ओङस्‍यीत सिनराङ येशू ख्रीष्‍टकी खित्‍सादु ख्‍योकोन थोक्‍ते मि ओङच्‍येते ईन।

कलस्‍सी 1:10

प्रभु येशू मिकी चुक खिता फाप्‍कीते सिन छ्या स्‍येला ख्‍योकोनगी थोकराङ खित्‍स्‍यीत, काम बात जे खासीनोङ थेला मन परे मिक्‍किच्‍येते सिराते छ्याःङ मिक्‍किस्‍यीत बरू झन झन लेमुते कामकामा खित्‍स्‍यीत थेमे परमेश्‍वर सु ईन्‍दे, चुक्‍ते ईन्‍दे सिन झन लेमु खाला छ्या स्‍येस्‍यीत सिन ङ्योकोन दोक खाला प्रार्थना खिओ।

१ तिमोथी 2:2

थेमे छ्याःङ गोलमाल मायाङला ङुरूङगी परमेश्‍वरला माने खिन थेमे थेला मन परे खित्‍च्‍येते काम खिन लेमु खाला देता ङेत्‍स्‍यीत सिन झन गेल्‍बोओनताङ लुङबे छ्ये छ्ये मि लाईदुङ प्रार्थना खिता फाप्‍क्‍यो।

१ तिमोथी 4:6

दि बातओन खुई ज्‍येन आज्‍यो न्‍वालाङ लेमु खाला लाप्‍ला बिन। थोक खासीन खो येशू ख्रीष्‍टकी खि साबाते काम लेमु खाला खित्‍कान्‍ते मि ओङगो। येशू ख्रीष्‍टला विश्‍वास खित्‍जीन ङेन्‍दाते बात खुई झन लेमु खाला खोकीन डुइओ। थेमे थरिङसाक ङेन्‍गीन वाबाते सत्‍यते बाततेबा झन लेमु खाला ङेन्‍गीन देता थुप्‍क्‍यो।

१ तिमोथी 5:10

दोस्‍यिककामा मेन, थेबाचेन लेमु कामगी लाईदु मिन चले खाबाते मि ओङा फाप्‍क्‍यो। थोक साबाते च्‍यि सासीन फुज्‍युङ फुमुला लेमु खाईन हुर्के खाबाते, खाम्‍बादु वाबाते मिला लेमु खित्‍कान्‍ते, परमेश्‍वर सन्‍तानओन खाम्‍बादु ओङजीन काम्‍बा टुला तेरकान्‍ते, दुक्‍पा ओताते मिओनला ताकान्‍ते थेमे ज्‍येनोङ होदोक्‍ते लेमुते काम खित्‍च्‍ये छ्य्‌वापा स्‍येत खिन देताते फेम्‍मे मि ओङा फाप्‍क्‍यो।

२ तिमोथी 1:6

बात दोक ईन्‍देकी था ङा खोल्‍ला च्‍यि सिते सासीन ङे खुई गोःकी लाक लाक्‍पा ज्‍याक्‍ला प्रार्थना खिते बेलाला परमेश्‍वरगी खोल्‍ला थे खोरोङ काम खिताला बिन्‍दाते सीप चले खिता नोमुङ मातोङ।

२ तिमोथी 2:14

दि बातओन थेरू गाङेला याङ याङ सिनराङ देत। टेकाटेउरी स्‍योरच्‍येते बात माकेत सिन खुई थेबाला प्रभु परमेश्‍वर ङोन्‍दु कोत। टेकाटेउरी खाला छ्याःङ लेमु मेङगो। येशूला विश्‍वास खित्‍कान्‍ते ज्‍येनतेबे दोन्‍दु दोक्‍ते बात खित्‍जीन थेबेकी थेबाला ङ्ये ज्‍युत्‍क्‍यो।

२ तिमोथी 2:21

थोगी धनीतेकी लेमुते कामलाकामा चले खित्‍च्‍येते सेरताङ चाँदी स्‍यी च्‍योकराङ ओङाला मिकी मेलेबा कामताङ बातकी छ्य्‌वापेई ठाला फाप्‍क्‍यो। दोक खासीन थोक्‍ते मिचेन थे खोरोङ मालिक ख्रीष्‍टकी लाईदु काम लै खित्‍च्‍येते थेमे थेकी खि साबा च्‍योककामा खित्‍कान्‍ते मि ओङगो। थेमे थोक्‍ते मिकी लेमुते कामताङ बात खिता थुप्‍क्‍यो।

तीतस 1:16

खोपरोङ होथोक्‍ते मि ईन्‍सीनोङ थेबेकीचेन परमेश्‍वर सु ईन्‍दे, चुक्‍ते ईन्‍दे सिन ङ्योकोनला लेमु खाला छ्या ओत सिन सिओ। थेबे काम ताला थेबा परमेश्‍वरला माने खित्‍कान्‍ते मि मेन सिन दाक छ्या स्‍येक्‍यो। थेबाला थोङजीन परमेश्‍वरला गा मालाङो, थेबेकी परमेश्‍वरगी साबाते ङेनराङ मेङेनो थेमे लेमु काम सिराते छ्याःङ खिताराङ मुथुबो।

तीतस 2:14

ङुरूङ पापकी सजाय थे खोरोङगीराङ भोगे खाईन थे ङुरूङ लाईदु ज्‍यान बिन्‍गीन स्‍यिसुङ। ङुरूङला पाप खित्‍च्‍येते बानीदुकी पूरो खाला टाल्‍ला सेम लेमु जोला काम बात लेमुकामा खिता छोल्‍कान्‍ते थे खोरोङ मि सिरा थुप्‍स्‍यीत सिन थे थोक खाईन स्‍या ओतान।

तीतस 3:14

दोक खाला सुङगीङ दाक्‍पोनला छ्याःङ काम लै मिक्‍किच्‍येते मि मिसिरस्‍यीत सिन येशू ख्रीष्‍ट मिओनगीचेन सुइँदाला खाँचो परे खाबे बेलाला खइँदा तेरा फाप्‍सीन थोक खिता फाप्‍च्‍याक्‍वा सिन गाङेकी लोप्‍स्‍यीत।

तीतस 3:8

दि बात साँच्‍चीराङ ईन्‍दाते बात ईन। थोगी ङा खोल्‍ला च्‍यि सिते सासीन परमेश्‍वरला विश्‍वास खित्‍कान्‍ते थेरू मिओनगी लेमुते काम खित्‍च्‍ये छ्य्‌वापाकामा सेम लै खाला थोकराङ खित्‍स्‍यीत सिन थेबाला दि बात दोरे खाला खाला लाप्‍ला बिन। दि बात लेमु ईन्‍देकी मिओनगी ङेन्‍सुङ सासीन गाङेला लेमु ओङगो।

हिब्रू 13:21

होदोक खित्‍कान्‍ते परमेश्‍वरगी ख्‍योकोनगी थेकी खिता चालाच्‍योक खिताला ख्‍योकोनला गोच्‍येते स्‍येतताङ बुद्धि तेरस्‍यीत। दोक खाला थेकी ख्‍योकोनला येशू ख्रीष्‍ट छ्य्‌वापेई थे खोरोङला मन परे खित्‍च्‍येते काम खित्‍च्‍येते सेम तेरस्‍यीत। थेते सधैँभरि जय जय ओङस्‍यीत। आमेन।

२ पत्रुस 1:12

ईन्‍दाका दि बातओन ख्‍योकोनला लेमुराङ खाला छ्या ओत। थेमे दि सत्‍यते बात ईन सिन ख्‍योकोनगी छ्याःङ शंका मिक्‍किता खाला ङेन्‍गीनोङ दुक। ईन्‍सीनोङ ङाला दि बातओन ख्‍योकोनला याङ याङ दोरे खाला सिरा सेम लाङगीदुक।

यहूदा 1:5

परमेश्‍वरगी थे खोरोङ मिओनला मिश्रे लुङबादुकी दुक्‍पादुकी टाल्‍गीन खुलाबा ओतान तर थे खोरोङ बात ङेन्‍दा तोङकान्‍तेबाला तिरी सजाय बिन्‍गीन सेता ओतान सिन ख्‍योकोनला छ्याराङ ओत। ईन्‍सीनोङ दि बाततेबा ङा ख्‍योकोनला ठेम्‍बा लाङस्‍यीत सिन खिन ओत।