तीतस 2:5 - जिरेल

⁵ दोस्‍यिककामा मेन, थेबेकी स्‍यार्मुतेबाला दाक्‍पोन सेम काबूला ज्‍य्‌वाबा फाप्‍क्‍यो, थेबे बानी बिवारा लेमु ओङा फाप्‍क्‍यो, खाम्‍बा खाला सा थुपा फाप्‍क्‍यो, ज्‍येनला दया खिता फाप्‍क्‍यो थेमे ख्‍योबोतेकी साबाते ङेन्‍कान ओङा फाप्‍क्‍यो सिन लोपा थुप्‍क्‍यो। स्‍यार्मुतेबेकी दोक दोक खासीन परमेश्‍वर बात लेमु मेन सिन सुङगीङ सिरा मुथुबो।

तीतस 2:5 Iomraidhean Croise

शक्ति काम 9:36

योप्‍पादु तबीता सिराज्‍यीक फेम्‍मे मि ओतान। थेङ येशू चेला ओतान। तबीता साबाते खास्‍याक साबाते ईन। थेकी मि काल्‍बेईला लेमु खिन ओतान। थेमे दुक्‍पा ङेताते मिओनलाङ दुक्‍पाला आउदी खाला तेइन ओतान।

शक्ति काम 9:39

थेमे पत्रुस थे मिओनताङ योप्‍पापा लिच्‍युङ। थेरू लेपासात्तु मिओनगी थेला तबीते रो ज्‍याक्‍पाते खाम्‍बे ताले लाकने खेरसुङ। थे कोठादु ख्‍योबो स्‍याप्‍ते फेम्‍मे मितेबा काल्‍बेई ओतान। तबीतेकी खोपरोङला बिन्‍दाते खोलाकओन पत्रुसला तेन्‍गीनकामा “दि खोलाकओन दिकीराङ चेम्‍गीन बिन्‍दाते ईन,” सिन थेबाबरी पत्रुस फेरो खाङ लाकीन देत्‍कीन ङ्वाप्‍ला स्‍यूसुङ।

रोमी 14:16

थोक खासीन जे सोसीनोङ ओङगो सिन खेराङगी छ्या स्‍येबाते बात लेमु ईन्‍सीनोङ ज्‍येनतेबेकी थे बात लेमु मेन सिन सिओ।

रोमी 2:24

“यहूदीओनगी खाबाते काम थोङला ज्‍येन ज्‍येन जातकी मिकी थेबे परमेश्‍वर चुकस्‍यिक ईन्‍दाका सिन परमेश्‍वर विरोध खिओ,” सिन परमेश्‍वर बातला टिबा ओता च्‍योकराङ ख्‍योकोनगी खिदुक।

१ कोरिन्‍थी 11:3

था ङा ख्‍योकोनला बातज्‍यीक बात ङि सिरामीन। च्‍यि सासीन ख्‍योओ मि भन्‍दा ख्रीष्‍ट छ्ये ईन। थेमे फेम्‍मे मि भन्‍दा ख्‍योओ मि छ्ये ईन। थोकराङ खाला ख्रीष्‍ट भन्‍दा परमेश्‍वर छ्ये ईन।

१ कोरिन्‍थी 14:34

येशू ख्रीष्‍ट मिओन ख्‍योकोन जम्‍मा ओङा ओते बेलाला फेम्‍मे मि सुङगीङ बात खिता मेङगो। परमेश्‍वर नियमला साबा च्‍योकराङ खाला थेबाचेन खोपरोङ ख्‍योबो अधीनला देत्‍ला खाराक्‍पाराङ देता फाप्‍क्‍यो।

एफिसी 5:33

परमेश्‍वर बातला साबाते थे बात ख्‍यावा फेम्‍मे विषयलाङ साबाते ईन। थोगी ख्‍योकोन गाङेकी दाक्‍पोन ज्‍यानला माया खाबा च्‍योकराङ खाला फेम्‍मेला ङिङज्‍ये खि। थेमे फेम्‍मे मिओनगीङ दाक्‍पोन ख्‍योबोला मान खि।

कलस्‍सी 3:18

थेमे फेम्‍मे मिवे, दाक्‍पोन ख्‍योबो अधीनला देत। ख्‍योकोन प्रभु येशूताङ जीउज्‍यीकराङ ओङा ओताते मिकी दोक खिता लेमु ईन।

१ तिमोथी 5:10

दोस्‍यिककामा मेन, थेबाचेन लेमु कामगी लाईदु मिन चले खाबाते मि ओङा फाप्‍क्‍यो। थोक साबाते च्‍यि सासीन फुज्‍युङ फुमुला लेमु खाईन हुर्के खाबाते, खाम्‍बादु वाबाते मिला लेमु खित्‍कान्‍ते, परमेश्‍वर सन्‍तानओन खाम्‍बादु ओङजीन काम्‍बा टुला तेरकान्‍ते, दुक्‍पा ओताते मिओनला ताकान्‍ते थेमे ज्‍येनोङ होदोक्‍ते लेमुते काम खित्‍च्‍ये छ्य्‌वापा स्‍येत खिन देताते फेम्‍मे मि ओङा फाप्‍क्‍यो।

१ तिमोथी 6:1

थेमे येशूला विश्‍वास खित्‍कान्‍ते मिओन नाङ योक्‍पो योङमु गाङेकी खोपरोङ मालिकओनगी साबाते ङेन्‍ला थेबाला मान खिता फाप्‍क्‍यो। थेबेकी थोक माक्‍याबाते ज्‍येनगी थोङसीन परमेश्‍वर विरोध खिओ थेमे ङुरूङगी लोप्‍कीन ओताते बात लेमु मेन सिओ।

तीतस 2:4

खोपरोङगी थोक खासीन थेबेकी स्‍यार्मुतेबाला दाक्‍पोन ख्‍योबोला माया खिता फाप्‍क्‍यो थेमे फिजातेबालाङ ङिङज्‍ये खिता फाप्‍क्‍यो सिन लोपा थुप्‍क्‍यो।