तीतस 2:3 - जिरेल

³ थोकराङ खाला गाम्‍मातेबाङ येशूला विश्‍वास खित्‍कान्‍ते फेम्‍मे मिओनगी खिता फापा च्‍योकराङ खित्‍कान ओङा फाप्‍क्‍यो सिन सि। थेबेकी मि मोत्‍कीन ख्‍याम्‍च्‍येते थेमे छ्याङ रक्‍सीकी जिला ख्‍याम्‍बा मेङगो सिन सि। बरू चुक चुक खिता लेमु ईन्‍दे सिन ज्‍येनला लोपा थुप्‍कान्‍तेन्‍दे ओङा फाप्‍क्‍यो सि।

तीतस 2:3 Iomraidhean Croise

रोमी 1:29

थोगी थेबेकी परमेश्‍वरगी खिता मेङगो सिन साबाते मेलेबाते कामताङ बातकामा खित्‍च्‍येते, लोभ खित्‍च्‍येते थेमे खालि ज्‍येनला खेदापानी खित्‍च्‍येते खिताला स्‍यूसुङ। थोकराङ खाईन डार खित्‍च्‍येते, मि सेत्‍च्‍येते, थोम्‍मु जीङगा खित्‍च्‍येते, ज्‍येनला ठगे खित्‍च्‍येते, मिला मोता सराप खित्‍च्‍येते थेमे मि बात खिन ख्‍याम्‍च्‍येते खिताला स्‍यूसुङ।

रोमी 16:2

थेकी मि काल्‍बेईला आउदी लेमु खाबा ओतान। ङा ङाराङलाङ थेकी मद्धत बिन्‍दा ओतान। थोगी था थे थेपा वासीन थेङ प्रभु येशू ख्रीष्‍टला विश्‍वास खित्‍कान्‍ते ईन सिन परमेश्‍वर सन्‍तान नाङ दोक्‍पोईकी ज्‍येनज्‍यीकला चुक खिता फाप्‍कीते थोकराङ खाला ख्‍योकोनगी थेला लेमु खि। थेमे थेला च्‍यि च्‍यि गोकीका सिन ताला गोच्‍येतेबा बिन।

एफिसी 5:3

रन्‍डीबाजीताङ होदि च्‍योक्‍ते खिता मेङच्‍येते ङोचा लाङच्‍येते काम थेमे लोभ खित्‍च्‍येतेनी बातराङ थोङ, होदोक्‍ते कामगी बात समेदोङ ख्‍योकोनगी खिता मेङगो। परमेश्‍वर सन्‍तानगी होदोक्‍ते बात खिताराङ सोई मिक्‍किओ।

१ तिमोथी 3:11

थोकराङ खाला थेबे फेम्‍मेतेबाङ लेमु बानी ओताते, मि मोत्‍कीन माख्‍याम्‍कान्‍ते, छ्याङ रक्‍सी काल्‍बा मुथुङकान्‍ते थेमे जस्‍तो कामोङ लेमु खित्‍कान्‍ते ओङा फाप्‍क्‍यो।

१ तिमोथी 3:8

थेमे येशू ख्रीष्‍ट मिओनला ताकान्‍ते छ्येते मिओन कामला मद्धत तेरकान्‍ते मिओनोङ लेमु बानी ओताते मि ओङा फाप्‍क्‍यो। थेबाचेन च्‍येला ङि खित्‍कान्‍ते थेमे छ्याङ रक्‍सीकी जिकान्‍ते मि ओङा मेङगो। थेबा सम्‍पत्ति ज्‍वाप सिन पैसे लोभला स्‍यूक्‍कान्‍तेन्‍दे ओङा मेङगो।

१ तिमोथी 5:23

थेमे खुई थोङला च्‍योक छ्युकामा माथुङ। सुबाला लेमु ओङस्‍यीत सिन थेमे खोरोङ घरी घरी मानास्‍यीत सिन कहिले कहिले टिक्‍पी टिक्‍पी अंगूर छ्याङ थुङ।

तीतस 1:7

दोक खाला येशू ख्रीष्‍ट मिओनला ताकान्‍ते छ्येते मिकीचेन परमेश्‍वरगी खि साबाते काम खित्‍च्‍येते ईन्‍देकी सुङगीङ दिकी दि दि गल्‍ती खाबा ओत सिन साबा मेताज्‍यीक ओङा फाप्‍क्‍यो। थोक्‍ते मि दाक्‍पोन बातलाकामा जिद्धी मिक्‍किकानज्‍यीक, होत्ता स्‍येदाङ मिक्‍किकानज्‍यीक, छ्याङ रक्‍सी काल्‍बा मुथुङकानज्‍यीक, मिला लाःक मोतोङकानज्‍यीक थेमे सम्‍पत्ति ज्‍वाप सिन पैसे लोभला मुस्‍यूक्‍कानज्‍यीक ओङा फाप्‍क्‍यो।

तीतस 2:4

खोपरोङगी थोक खासीन थेबेकी स्‍यार्मुतेबाला दाक्‍पोन ख्‍योबोला माया खिता फाप्‍क्‍यो थेमे फिजातेबालाङ ङिङज्‍ये खिता फाप्‍क्‍यो सिन लोपा थुप्‍क्‍यो।

हिब्रू 5:12

ईन्‍दानी दि बेलासाकला ख्‍योकोन ज्‍येनला परमेश्‍वर बात लोपा थुप्‍कान ड्वा फाप्‍च्‍येते ईन। थोरूमसाकोङ ख्‍योकोनलानी परमेश्‍वर बातला च्‍यि साबा ओते, थोक साबाते च्‍यि ईन्‍दे सिन शुरू शुरूला लोपा फाप्‍च्‍येते बातओनका लोपा फाप्‍कीदुक। ख्‍योकोनगी परमेश्‍वर बात खजो खोकीका सिन विचार खासीन ख्‍योकोननी थोरूमोङ नुमा लुता फाप्‍च्‍येते बालकते फिजा च्‍योकराङ दुक। नामचेन ख्‍योकोन दाक्‍पोनगी मुरला साच्‍येते साप पच्‍चे खित्‍कान डुइते?

छ्या स्‍ये च्‍युताते बात 2:20

दोक ईन्‍सीनोङ ङे ख्‍योकोनला सिरा फाप्‍च्‍येते बातज्‍यीक ओत। चुक सासीन ख्‍योकोनगी जिजेबेलगी साबाते बात ङेन्‍गीदुक। थेकी थे मोरोङला परमेश्‍वर बात खित्‍कान्‍ते फेम्‍मे मि ईन साला ङे काम खित्‍कान ख्‍योकोनला मेन्‍दा मेन्‍दा बात लाप्‍ला रन्‍डीबाजी थेमे होदि च्‍योक्‍ते खिता मेङच्‍येते काम खित च्‍युत्‍ला थेमे ल्‍हाला पूजा खाबाते सार च्‍युत्‍ला लुइदुक।