तीतस 2:2 - जिरेल

² चुक सासीन गान्‍दातेबाला थेबा च्‍याङबो खाला देता फाप्‍क्‍यो सिन सि। थेबे बानी लेमु ओङा फाप्‍क्‍यो थेमे खोपरोङ सेम काबूला ज्‍य्‌वाबा फाप्‍क्‍यो सिन सि। दोस्‍यिककामा मेन, थेबेकी खोपरोङगी येशूला विश्‍वास खिन ङेन्‍दा ओताते बात मोतोङा खाला ङेन्‍गीन देता फाप्‍क्‍यो, ज्‍येनला ङिङज्‍ये खिन देता फाप्‍क्‍यो थेमे दुक्‍पा ओङसीनोङ खपे खिन देता फाप्‍क्‍यो सिन सि।

तीतस 2:2 Iomraidhean Croise

मर्कूस 5:15

येशू ओत्‍सादु लेप्‍ला ताजीन थेबेकी थोक काल्‍बेई ल्‍हन्‍डीक खोबाते मिचेन ठागीन खोलाक खोन्‍गीन च्‍याकीन देता ओता थोङसुङ। थे थोक खाईन ठाक्‍पा ओता थोङनामेईनी तार ओङकान्‍ते मिओन ज्‍यीबेकी झन आते खासुङ।

लूका 8:35

थेमे च्‍यि ओङाते ईन्‍दाका सिन थेङले मिओन थेपा तार गाल्‍सुङ। येशू ओत्‍सादु लेप्‍ला ताजीन थेबेकी ल्‍हन्‍डीक खोबाते थे मिचेन ठागीन खोलाक खोन्‍गीन येशू खादु देता ओता थोङसुङ। थे थोक खाईन ठाक्‍पा ओता थोङनामेईनी तार ओङकान्‍ते मिओन ज्‍यीबेकी झन आते खासुङ।

शक्ति काम 24:25

मिओनगी परमेश्‍वरगी साबा साबा च्‍योकराङ खिता फाप्‍च्‍येते, दाक्‍पोन सेम काबूला ज्‍य्‌वाबा फाप्‍च्‍येते थेमे परमेश्‍वरगी मि गाङे न्‍याय खित्‍च्‍येते दिन ओङगो सिनोङ लाप्‍कीन बिन्‍सुङ। थेकी दि बातओन खित्‍जीन ज्‍यीबा लाबेकी फेलिक्‍सकी थेला “लो थरिङ दोस्‍यिकराङ ओङसुङ। ज्‍येन बात खिताला फुर्सत ङेत्‍नामेई ङा ङारो ना लोक्‍ला खोल्‍ला कातोङामीन,” सिन थेला थेरूकी ताङसुङ।

रोमी 12:3

परमेश्‍वरगी ङाला दया खाईन थे खोरोङ काम खि साबा ओतेकी ङा ख्‍योकोन गाङेला दि बातओनोङ सिओ। च्‍यि सासीन खेराङगी च्‍यि खिता थुप्‍कीते सिन लेमु खाला विचार मिक्‍किता खाला ख्‍योकोन सुङगीङ ङा जेङ खिता थुप्‍क्‍यो सिराच्‍योक खाला छ्ये माकेत। परमेश्‍वरगी खेराङला च्‍यि खित्‍च्‍येते सीप कि शक्ति बिन्‍ला दुका ङाला परमेश्‍वरगी दोस्‍यिकराङ खि साबाते ईन सिन विश्‍वास खाला ख्‍योकोनगी थेकी खि साबा भन्‍दाङ ल्‍हाक्‍पा खिता थुप्‍क्‍यो सिराच्‍योक माकेत।

१ कोरिन्‍थी 15:34

थोगी था ख्‍योकोनगी लेमु मेलेबा च्‍यि ईन्‍दे सिन डेला थुप्‍कान्‍ते मि च्‍योक ओङला काम खि। पाप खिन देता थोङ। ख्‍योकोनला ङोचा लोङाप सिनराङ ङा दोक सिन ओत। च्‍यिला सासीन ख्‍योकोन कोईकीनी थोरूमोङ परमेश्‍वर सु ईन्‍दे, थेकी चुक खाला काम खिते सिन छ्याःङ खोबा मिन्‍दुक।

१ कोरिन्‍थी 9:25

खेलकूदला भाग लिन्‍कान्‍ते मि जसकीङ ग्‍याल्‍ला पुरूस्‍कार ङेता थुप्‍स्‍यीत सिन खोपरोङ जीउला ङार्माताङ थाङ मेछ्येत्‍च्‍या ज्‍वाप्‍ला ङीमे ठाङमा दुक्‍पा खाला तालिम खित्‍च्‍येते खिओ। थेबेकी ङेत्‍च्‍येते पुरूस्‍कारचेन ङीमाई छ्याःङ काम लै मिक्‍किच्‍या डुइओ। तर ङुरूङगी ङेत्‍च्‍येते इनामचेन नोमुङ होथोक खाला काम लै मिक्‍किच्‍या मोन्‍डोओ।

२ कोरिन्‍थी 5:13

मिकी साबा च्‍योकराङ ङ्योकोन ङ्योबाते ईन्‍सीन परमेश्‍वरला छ्ये ज्‍वाप्‍की लाईदुराङ ङ्योबाते ईन। ङ्योबाते मेन्‍गीन सरसौंदोते मिकी च्‍योकराङ खाला काम खिन ओत सासीन ख्‍योकोनला लेमु ओङस्‍यीत सिनराङ ईन।

गलाती 5:23

थे गाङेताङ खा छ्येत लेमु खाला देत्‍क्‍यो थेमे थेकी दाक्‍पोन सेम काबूला ज्‍य्‌वाबा थुप्‍क्‍यो। होदोक दोक खिता मेङगो सिनचेन परमेश्‍वर नियमला खापाङ साबा मेत।

फिलिप्‍पी 4:8

थोगी बात चुक सासीन आज्‍यो न्‍वावे, ख्‍योकोनगी लेमुते थेमे खिता ओङच्‍येते कामताङ बातकीतेकामा विचार खि। चुक सासीन ख्‍योकोनगी साँचोते बातकामा खित्‍च्‍येते, लेमुते कामताङ बातकामा खित्‍च्‍येते, अन्‍याय मिक्‍किच्‍येते, मेलेबाते कामताङ बात छ्याःङ मिक्‍किच्‍येते, लेमु लाङच्‍येते थेमे मि सेमला डोच्‍येते कामताङ बातकीतेकामा विचार खि।

१ थिस्‍सलोनिकी 5:6

थोगी ङुरूङगी होथे ज्‍येनगी खिन ओताच्‍योक खिता मेङगो। ङिगी जाप्‍ते मि च्‍योक गाला ओतेकी थेबेकीचेन तिरी बात छ्याःङ विचार मिक्‍किओ। ङुरूङचेन तिरी बातकी विचार खाला च्‍याङबो खाला देता फाप्‍क्‍यो, छ्याङ रक्‍सी थुकीन होस तोराते मिकी खिताच्‍योक खिता मेङगो।

१ थिस्‍सलोनिकी 5:8

ङुरूङचेन परमेश्‍वर नाम्‍दाकला देत्‍कान्‍ते मि ईन्‍देकी होस तोराते मि च्‍योक ओङा मेङगो। बरू च्‍याङबो खाला देत्‍ला प्रभु येशूला विश्‍वास खिन थेमे ज्‍येनला ङिङज्‍ये खिन देता फाप्‍क्‍यो। दोक खिन देत्‍च्‍येतेचेन लडाइँ बेलाला मिल्‍टेरीओनगी ठाङला खोन्‍च्‍येते च्‍याकी पाता खोन्‍दा च्‍योकराङ ईन। थेमे ङुरूङगी आश खाईन देता च्‍योकराङ था तिरी पापकी सजाय भोगे खिता माफाबो सिनोङ टोक ज्‍येता मेङगो। थोक खित्‍च्‍येतेचेन मिल्‍टेरीओनगी गोःला च्‍याकी टोप खोन्‍दा च्‍योकराङ ईन।

१ तिमोथी 1:10

रन्‍डीबाजी थेमे होदि च्‍योक्‍ते खिता मेङच्‍येते ङोचा लाङच्‍येते काम खित्‍कान्‍ते मिओन, मि छोङकान्‍तेबा, ढाँर खित्‍कान्‍तेबा थेमे मेन्‍दे बातलाङ ईन सिन ना केल्‍कान्‍ते मिओन लाईदुङ ईन। परमेश्‍वर नियमचेन होदोक दोक काम खित्‍कान्‍ते मिओन लाईदुकामा मेन। येशू ख्रीष्‍टला विश्‍वास खित्‍कान्‍ते मिओनगी ङेन्‍दा फाप्‍च्‍येते बातताङ डिकराङ मिडिक्‍च्‍येते कामताङ बात खित्‍कान्‍ते मिओन लाईदु जोबाते ईन।

१ तिमोथी 1:14

थोक खाईन थेकी ङाला आउदी दया खाईन खितासम्‍म लेमु खासुङ। थेत्ताङ जीउज्‍यीकराङ ओङगीन ङे थेला विश्‍वास खिता थुप्‍सुङ थेमे ज्‍येनला ङिङज्‍ये खिता थुप्‍सुङ।

१ तिमोथी 1:2

ङा दि चिट्ठी तिमोथी खोल्‍ला टिगीन ओत। ङे खित्‍सादु येशू ख्रीष्‍टला विश्‍वास खाबेकी ङाला खो ङाराङ फुज्‍युङ च्‍योकराङ लाङगीदुक। आबा परमेश्‍वरताङ ङुरूङ प्रभु येशू ख्रीष्‍टकी खोल्‍ला दया खिन थेमे ङिङज्‍ये खाला लेमु खिनराङ देत्‍स्‍यीत।

१ तिमोथी 1:5

ङे खोल्‍ला होथे मिओनला दोक खि, थोक माकेत सिन कोत साबातेचेन थेबेकी ज्‍येनतेबाला ङिङज्‍ये खित्‍स्‍यीत सिनराङ ईन। थोक खाला ङिङज्‍ये खिताला थेबे सेम लेमु ओङा फाप्‍क्‍यो, दाक्‍पोनला ङे दोक खिता ठीक मेन सिराच्‍योक लाबाते काम छ्याःङ खिता मेङगो, थेमे खेकीकामा मेन्‍देकी येशू ख्रीष्‍टला पक्‍काराङ खाला विश्‍वास खिता फाप्‍क्‍यो।

१ तिमोथी 3:11

थोकराङ खाला थेबे फेम्‍मेतेबाङ लेमु बानी ओताते, मि मोत्‍कीन माख्‍याम्‍कान्‍ते, छ्याङ रक्‍सी काल्‍बा मुथुङकान्‍ते थेमे जस्‍तो कामोङ लेमु खित्‍कान्‍ते ओङा फाप्‍क्‍यो।

१ तिमोथी 3:2

थोक्‍ते मिचेन सुङगीङ दिकी दि दि गल्‍ती खाबा ओत सिन साबा मेताज्‍यीक ओङा फाप्‍क्‍यो। थेते फेम्‍मेज्‍यीककामा ओङा फाप्‍क्‍यो। थेचेन जहिलेङ च्‍याङबो खाला देत्‍कानज्‍यीक, दाक्‍पोन सेम काबूला ज्‍य्‌वाबा थुप्‍कानज्‍यीक ओङा फाप्‍क्‍यो। थे बानी लेमु ओताज्‍यीक, डोम्‍बोओनताङ फार छुर ख्‍याम्‍कान मिओनला लेमु खित्‍कानज्‍यीक थेमे मिओनला परमेश्‍वर बात लेमु खाला लोपा थुप्‍कानज्‍यीक ओङा फाप्‍क्‍यो।

१ तिमोथी 3:4

थेचेन थे खोरोङ खाम्‍बादु जेसुकै बन्‍दाबस्‍ता लेमु खित्‍कान ओङा फाप्‍क्‍यो। फुज्‍युङ फुमुतेबेकी थेला मान खाला थेकी लाःपा कोता ङेन्‍स्‍यीत सिन थे फिजाओनला लेमु खाला ताला लुबा थुप्‍कानज्‍यीक ओङा फाप्‍क्‍यो।

१ तिमोथी 3:8

थेमे येशू ख्रीष्‍ट मिओनला ताकान्‍ते छ्येते मिओन कामला मद्धत तेरकान्‍ते मिओनोङ लेमु बानी ओताते मि ओङा फाप्‍क्‍यो। थेबाचेन च्‍येला ङि खित्‍कान्‍ते थेमे छ्याङ रक्‍सीकी जिकान्‍ते मि ओङा मेङगो। थेबा सम्‍पत्ति ज्‍वाप सिन पैसे लोभला स्‍यूक्‍कान्‍तेन्‍दे ओङा मेङगो।

१ तिमोथी 5:1

थेमे था चुक सासीन गान्‍दाते मिओनगी खइँदा गल्‍ती खासीन थेबाला कस्‍स्‍ये खाला माङार। बरू खोरोङ आबाला च्‍योकराङ मान खाला थेबेकी थोक खाबाते लेमु मेन सिन खोले खोले खाला सम्‍झे खाला बिन। थेमे स्‍यारातेबाला लाःपा कोता फाप्‍सीन खोरोङ आज्‍यो न्‍वाला च्‍योकराङ खाला लाःप्‍ला कोत्‍ला बिन।

तीतस 1:13

थे मिकी साबाते दि बात पक्‍काराङ ईन। थोगी होथोक्‍ते ङेन्‍दा मेङच्‍येते बात ङेन्‍कान्‍ते मिओनगी येशूला विश्‍वास खिन ङेन्‍दा फाप्‍च्‍येते बात लेमु खाला ङेन्‍स्‍यीत सिन छ्याःङ ज्‍यीबा मिक्‍किता खाला थेबाला होथोक्‍ते बात ङेन्‍दा थोङ, थोक माक्‍यासीन लेमु मेङगो सिन सि।

तीतस 1:8

बरू थोक्‍ते मिचेन डोम्‍बोताङ फार छुर ख्‍याम्‍कान मिओनला लेमु खित्‍कानज्‍यीक, लेमु कामकामा खिता सेम खित्‍कानज्‍यीक, दाक्‍पोन सेम काबूला ज्‍य्‌वाबा थुप्‍कानज्‍यीक, खिता मेङच्‍येते काम सिराते छ्याःङ मिक्‍किकानज्‍यीक, परमेश्‍वरला मन परे खित्‍च्‍येते कामकामा खित्‍कानज्‍यीक थेमे दाक्‍पोन सेमला लाबा लाबा मिक्‍किकानज्‍यीक ओङा फाप्‍क्‍यो।

तीतस 2:7

खोल्‍ला ताला खोपरोङगी चुक चुक खिता फाप्‍च्‍या ईन्‍दाका सिन थेबेकी लोप्‍स्‍यीत सिन जे खित्‍जीनोङ खुई लेमु खाला खि। ज्‍येनतेबाला लोप्‍जीन खुई दाक्‍पोन फाइदा छ्याःङ माताबा खाला थेमे ङा परमेश्‍वर बात लोप्‍कीन ओत सिराच्‍योक खाला होस ज्‍याक्‍ला लोप।

फिलेमोन 1:9

बरू परमेश्‍वर सन्‍तान गाङेला खुई ङिङज्‍ये खिओ सिन ङाला छ्या ओतेकी खुई चुक खासीन लेमु ईन्‍दे सिन ङा खोल्‍ला बातज्‍यीक खितामीन। खोल्‍ला दि बात खित्‍कान्‍ते ङा पावल था चुक गान्‍दा गाल्‍गीन सिन्‍दा ओते सिन थेमे येशू ख्रीष्‍टकी खि साबाते काम खितेकी थरिङोला जेलदु देता फापाते ईन सिन खोल्‍ला छ्याराङ ओत।

१ पत्रुस 1:13

परमेश्‍वरगी ख्‍योकोनला दोक लेमु खाबा ओतेकी था ख्‍योकोनगी थेकी खि साबाते काम खित्‍च्‍ये छ्य्‌वापाकामा स्‍येत खि। दाक्‍पोन सेम काबूला स्‍योक। थेमे येशू ख्रीष्‍ट ग्‍युरला ओङे छोमु परमेश्‍वरगी ख्‍योकोनला दया खाला पूरो खाला पापदुकी टाल्‍ला लेमु खिओ साबाते पक्‍काराङ खिओ सिन खेराङगी आश खाईन देता च्‍योकराङ ओङगो सिन टोक माज्‍येत।

१ पत्रुस 4:7

थेमे था दि जुग सिन्‍च्‍ये बेला लेपा खाबा ओत। दाक्‍पोन सेम काबूला ज्‍याक्‍ला ख्‍योकोन च्‍याङबो खाला देत। दोक खासीन ख्‍योकोन परमेश्‍वरताङ प्रार्थना खिन देता थुप्‍क्‍यो।

१ पत्रुस 5:8

थेमे दाक्‍पोन सेम काबूला स्‍योक। खेराङला मेलेबा खिता छोल्‍कान्‍ते शैतानगी छ्याःङ मेलेबा खिता मुथुप्‍स्‍यीत सिन च्‍याङबो खाला देत। थेचेन जहिलेङ ख्‍योकोन सुला थेप्‍ला ङ्ये ज्‍युता ङेदोङा सिन जे थेप्‍कीदुक खाप खाप्‍ला साप सिन ङारगीन ख्‍याम्‍बाते सिंह च्‍योक खाला युगीनराङ देत्‍क्‍यो।

२ पत्रुस 1:6

दिकामा मेन, दाक्‍पोन सेम काबूला स्‍योक, दुक्‍पा किम्‍मु जस्‍तो ओङजीनोङ सेम मेसेता खाला देत। दि लाक्‍तुङ ख्‍योकोनगी परमेश्‍वरला माने खिताला खिता फाप्‍च्‍येते कामताङ बात खि।