तीतस 2:15 - जिरेल

¹⁵ दि बाततेबा खुई थेरू गाङेला लोप। थेबाला दि बातओन लेमु खाला ङेन सि। सुइँदेकी दि बातला नामज्‍योक मेसेत्‍तुक सासीन थेबाला थोप। छ्याःङ ज्‍यीबा मिक्‍किता खाला खुई दि कामओन खि। दोक खित्‍जीन खोरोङला खुईते दोक खित्‍च्‍येते च्‍यि अधिकार ओते सिराच्‍योक खित्‍च्‍येते लाम सुङलाङ मातेर।

तीतस 2:15 Iomraidhean Croise

मत्ती 7:29

च्‍यिला सासीन थेकी थेबा खोपरोङ धर्मे गुरूओनगी च्‍योक खाला लोप्‍कीन मेतान। थेत्ताङ परमेश्‍वरगी बिन्‍दाते अधिकार ओतेकी थेकी आउदी लेमु खाला लोप्‍कीन ओतान।

मर्कूस 1:22

थेकी लापाते बात थोकीन थेरू मि गाङेराङ छक्‍क परे खासुङ। च्‍यिला सासीन थेकी थेबा खोपरोङ धर्मे गुरूओनगी च्‍योक खाला लोप्‍कीन मेतान। थेत्ताङ परमेश्‍वरगी बिन्‍दाते अधिकार ओतेकी थेकी आउदी लेमु खाला लोप्‍कीन ओतान।

मर्कूस 1:27

थेकी कोताते ल्‍हन्‍डीककीङ थोक खाईन ङेन्‍दा थोङगीन मि गाङेराङ छक्‍क परे खिन “आबिई, दि च्‍यि अचम्‍बज्‍यीक मि ईन्‍दाका। दिकी चुक अचम्‍ब खाला बात खिका। दित्ताङ ल्‍हन्‍डीक स्‍यिन्‍डीपला ग्‍याल्‍च्‍येते शक्ति ओतेकी थेबाला थेन्‍ला ग्‍युक सिराईताङ थेबा होत थेन्‍ला डुइदुक,” सिन खोपरोङ नाङ बात खिताला स्‍यूसुङ।

लूका 4:36

थेकी कोताते ल्‍हन्‍डीककीङ थोक खाईन ङेन्‍दा थोङगीन मि गाङेराङ छक्‍क परे खिन “आबिई, दिकी चुक अचम्‍ब खाला बात खिका। दित्ताङ ल्‍हन्‍डीक स्‍यिन्‍डीपला ग्‍याल्‍च्‍येते शक्ति ओतेकी थेबाला थेन्‍ला ग्‍युक सिराईताङ थेबा होत थेन्‍ला डुइदुक,” सिन खोपरोङ नाङ बात खिताला स्‍यूसुङ।

१ कोरिन्‍थी 16:11

थोगी सुङगीङ थेला दिङ सु ईन्‍देरो सिराच्‍योक खाला थे सेमला फोक्‍च्‍येते काम माकेत। थेपेकीङ थेला थेत्ताङ ओङकान्‍ते आज्‍यो न्‍वाओनताङ लेमु खाला ग्‍युरला थोङ। ङा थेबे लाम ताला देत्‍क्‍यो।

१ तिमोथी 5:20

थेबेकी साबाते बात साँचो ईन्‍सीन थे गल्‍ती खित्‍कान्‍ते मिला थोक खिता मेङगो सिन ज्‍येनतेबा गाङे दोन्‍दु थोप। थोक खानामेकी थोक्‍ते काम खिता मेङच्‍याक्‍वा सिन ज्‍येनतेबा गाङे ज्‍यीबा खिओ।

२ तिमोथी 4:2

खुई चुक खिता फाप्‍कीते सासीन मिओनला परमेश्‍वर बात लोप्‍कीनराङ देत, मिओनगी ङेन्‍सीनोङ माङेन्‍सीनोङ जुन बेलालाङ थे बात लोपा मातोङ थेमे गल्‍ती खित्‍कानला थोक खाबाते लेमु मेन साला थोक खिता थोङ सिन सि। चुक खिता लेमु ईन्‍दे सिन गाङेला लाप्‍ला बिन। थानी दिबाला थोई लोप्‍च्‍ये सिराच्‍योक माकेत, सुङताङ स्‍येदाङ मिक्‍किता खाला खा छ्येत लेमु खिन दोक खाला लोप्‍कीनराङ देत।

तीतस 1:13

थे मिकी साबाते दि बात पक्‍काराङ ईन। थोगी होथोक्‍ते ङेन्‍दा मेङच्‍येते बात ङेन्‍कान्‍ते मिओनगी येशूला विश्‍वास खिन ङेन्‍दा फाप्‍च्‍येते बात लेमु खाला ङेन्‍स्‍यीत सिन छ्याःङ ज्‍यीबा मिक्‍किता खाला थेबाला होथोक्‍ते बात ङेन्‍दा थोङ, थोक माक्‍यासीन लेमु मेङगो सिन सि।

१ पत्रुस 4:11

च्‍यि सासीन ज्‍येनला परमेश्‍वर बात लोप्‍कान्‍तेकी परमेश्‍वरगी जे साला दुक थेराङ लोप। थेमे ज्‍येनला ता फाप्‍कानगीङ परमेश्‍वरगी ङाला थोक खित्‍च्‍येते शक्ति बिन्‍दाते ईन सिन थे काम खि। दोक खाला जसकी जे खासीनोङ येशू ख्रीष्‍ट छ्य्‌वापेकी परमेश्‍वरते जय जय खित्‍च्‍येते काम खि। परमेश्‍वरते सधैँभरि जय जय ओङस्‍यीत। थेकी गाङेपा गाङेला राज्‍य खिनराङ देत्‍स्‍यीत। आमेन।