तीतस 2:14 - जिरेल14 ङुरूङ पापकी सजाय थे खोरोङगीराङ भोगे खाईन थे ङुरूङ लाईदु ज्यान बिन्गीन स्यिसुङ। ङुरूङला पाप खित्च्येते बानीदुकी पूरो खाला टाल्ला सेम लेमु जोला काम बात लेमुकामा खिता छोल्कान्ते थे खोरोङ मि सिरा थुप्स्यीत सिन थे थोक खाईन स्या ओतान। Faic an caibideil |
तीतस 2:14
54 Iomraidhean Croise
थोगी येशूला विश्वास खिता मोतोङा खाला था ख्योकोन खेराङोङ च्याङबो खाला देत। थेमे लेमु खाला तो सिन परमेश्वर आत्मेकी खेराङ जिम्माला बिन्दाते परमेश्वर मि गाङेते लेमु खाला हेर विचार खि। येशू ख्रीष्ट स्यिजीन थे जीउदुकी थेन्दाते ठागी थेकी थेबाला परमेश्वर मि ओङाला ङ्योबाते ईन सिन सम्झे खाला थेबाला लेमु खाला तो।
चुक खाईन सासीन ख्रीष्टला स्यिङगी थामला टाँए खाला सेत्जीन ङाङ थेत्ताङराङ थे थामला टाँए खाईन स्याप्ते ईन। ङा थोक खाईन स्याप ईन्सीनोङ थोरूमसाक सोम्बोराङ ओत। ङाराङ सोम्बो ओत्सीनोङ थरिङोला ङे जे खिदुक थे ङे खित्च्येते मेन, ख्रीष्ट ङे सेमगी नाङ ओतेकी ङे च्यि च्यि खिका गाङे थेकीराङ खित ज्युत्च्येते ईन। मास्यिथुप था ङा परमेश्वर फुज्युङला विश्वास खिन देत्ला थेकी खित ज्युता चाला च्योककामा खिन देत्क्यो। थेकी ङाला ङिङज्ये खाईन ङे लाईदु थे खोरोङ ज्यानराङ बिन्गीन स्या ओतान।
तर ख्रीष्टकीचेन परमेश्वर नियमला तोके खाबाते परमेश्वरगी ङुरूङला सराप बिन्ला तेरच्येते सजाय थे खोरोङगीराङ भोगे खाईन स्यिइन ङुरूङला थे सजायदुकी टाल्सुङ। दोक खाईन ङुरूङ साटोला परमेश्वरगी थेला सराप बिन्गीन सजाय बिन्दाते ईन सिन परमेश्वर बातला “स्यिङगी थामला टाँए खाबाते मिचेन परमेश्वर सराप लै खाईन सजाय ङेत्कीन स्याप्ते ईन,” सिन टिबा ओत।
थेमे ख्रीष्टकी ङुरूङला चुक ङिङज्ये खाईन थे खोरोङ ज्यानराङ बिन्गीन स्या ओताने सिन सम्झे खाला काम बात जे खासीनोङ ख्योकोनगीङ ज्येनला ङिङज्ये खाला खि। परमेश्वरला भोग बिन्दाते स्येक्जीन खाच्येते ठीमा थेला मन परे खिन ओतान। ख्रीष्टकी ङुरूङ लाईदु ज्यान बिन्गीन स्याप्तेचेन परमेश्वरला मन परे खित्च्येते होथे ठीमा च्योक्ते ईन।
परमेश्वर फुज्युङला ताला परमेश्वरताङ चुक छ्येज्यीक शक्ति ओता ईन्दा सिन छ्या स्येक्यो। परमेश्वरताङ थेला छ्याःङ फरक मेत, परमेश्वर जस्तो दुक थेङ उस्तोराङ ओत। दि सा नाम थेमे सा नाम खाङ ओताते जति गाङेला तेइन दि दोक ओङस्यीत, थे थोक ओङस्यीत साला ओताते जति गाङे चुक चुक ओङा फाप्च्येते ईन्दे थोकराङ ओङ ज्युत्कान्ते थेराङ ईन। मि पापदुकी ठाल्च्येते लाम जोकीन थे स्वर्गने छ्येज्यीक शक्ति ओताते परमेश्वर सामे छ्य्वापा देता ओत।
थोक खानामेईनी बिटुले खाबाते मि चोके खिओ सासीन ख्रीष्ट स्यिजीन थे जीउदुकी थेन्दाते ठागी खित्सादु था ईन्सीन मेलेबाते कामगी सजाय ङेत्ला ङा नरककुण्डमा स्यूक्पा माफाबो सिन ख्योकोन ढुक्क खाला देता थुप्क्यो। दोक ओङला ख्योकोनगी सोम्बोते परमेश्वरगी खि साबा साबाते खिन थेला माने खिता थुप्क्यो। च्यिला सासीन छ्याःङ गल्ती खाबा मेताते ख्रीष्ट परमेश्वर आत्मे शक्ति ङेत्कीन परमेश्वरला थे खोरोङ ज्यानराङ बिन्गीन स्या ओत।
परमेश्वरला छ्या मेस्येकान्ते खेराङला मेलेबा मि ईन सिरकान्ते मिओन नाङराङ देता ओत्सीनोङ काम बात जे खित्जीनोङ ख्योकोनगी लेमुतेकामा खि। दोक खाईन ख्योकोनगी लेमुकामा खानामेई था परमेश्वरगी वाला मि गाङे न्याय खिते छोमु ख्योकोनला मेलेबा मि सिन सिरकान्ते होथे मिओनगी ख्योकोन थोक्ते मि मेन्दाक्वा सिन छ्या स्येला परमेश्वरते जय जय खिओ।
बात दोक ईन्सीनोङ ख्योकोनलाचेन परमेश्वरगी थे खोरोङ मि ईन सिन छाने खाबा ओत। ख्योकोनचेन परमेश्वर पूजारी ईन, थेचेन गेल्बो ईन। ख्योकोन परमेश्वरला माने खित्कान्ते मि ईन। ख्योकोन परमेश्वर मिराङ ईन। थेकी ख्योकोनला पापताङ लोभदुकी टाल्ला थे खोरोङ नाम्दाकला देताला थे खोरोङ दोन्दु स्योक सिन काताङा ओत। थेकी खाबाते अचम्ब अचम्बतेन्दे कामगी बात ख्योकोनगी ज्येनलाङ सिरस्यीत सिन थेकी ख्योकोनला दोक खाबाते ईन।
मिओनला पापदुकी डेलाला ख्रीष्ट पापकी सजाय भोगे खाईन थे खोरोङ ज्यान बिन्गीन स्या ओतान। दोक खाईन छ्याःङ गल्ती मेताते ख्रीष्ट परमेश्वरगी माकेत साबा साबा खित्कान्ते मिओन लाईदु स्या ओतान। थे थोक खाईन बाजिई मि गाङे लाईदु स्यिइन सिन्दा ओतेकी था लोक्ला नोमुङ दोक खिता माफाबो। थे थोक खाईन स्याप्की खित्सादु ख्योकोन परमेश्वर दोन्दु ड्वा थुपा ओत। मिओनगी थेला सेता ओतान। ईन्सीनोङ परमेश्वरगी थेला थे खोरोङ आत्मे छ्य्वापेकी सोम्बो लोक्पा ओत।
ङिङज्येते फिजावे, था ङुरूङ परमेश्वर फुज्युङ फुमु ओङगीन सिन्दा ओत। था तिरी ङुरूङ चुक ओङोङा सिरच्येते बात थोरूमसाक ङुरूङला छ्या मेत। दि बातज्यीकचेन ङुरूङला लेमु खाला छ्या ओत। च्यि सासीन येशू ख्रीष्ट ग्युरला ओङे छोमु ङुरूङोङ थे च्योकराङ ओङगो। च्यिला सासीन थे जस्तो दुक उस्तोराङ ङुरूङगी थेला थोङा ङेत्क्यो।
Sanasan