तीतस 2:10 - जिरेल

¹⁰ थेबेते छ्याःङ क्‍वा मेङगो बरू दिबेकी जे खित्‍जीनोङ लेमुराङ खिओ सिन मालिकतेबेकी भर परे खिता थुप्‍च्‍या ओङा फाप्‍क्‍यो सिन सि। थेबेकी दोक दोक खाबाते थोङला ङुरूङला पापदुकी डेल्‍कान्‍ते परमेश्‍वर बात पक्‍काराङ आउदी लेमुते बात दुका सिन ज्‍येनगीङ छ्या स्‍येक्‍यो।

तीतस 2:10 Iomraidhean Croise

मत्ती 24:45

थेजीनसाक ख्‍योकोन चुक खिन देता फाप्‍कीते सासीन मालिकतेकी कोत्‍कीन ज्‍याक्‍पाते ङेन्‍ला लेमु खाला काम खित्‍कान्‍ते मि च्‍योकराङ ओङा फाप्‍क्‍यो। थोक्‍ते मिलाचेन मालिकतेकी थे खोरोङ खइँसापा डोजीन थे खाम्‍बादुराङ काम खित्‍कान्‍ते ज्‍येनतेबाला लेमु खाला साप थुङा बिना सिन खाम्‍बे कामओन जिम्‍मा बिन्‍ला डुइओ।

मत्ती 5:16

बात दोक ईन्‍देकी ख्‍योकोनगी लेमु काम खि। ख्‍योकोनगी खाबाते लेमुते काम थोङला परमेश्‍वरगी खित्‍सादुराङ ख्‍योकोनगी थोक खाबाते ईन सिन छ्या स्‍येला मिओनगी स्‍वर्गने देत्‍कान्‍ते ख्‍योकोन आबा परमेश्‍वरला मान खिओ।

लूका 1:47

पापताङ दुक्‍पादुकी डेल्‍कान्‍ते थेराङ ईन्‍देकी ङाला आउदी गा लाङगीदुक।

लूका 1:80

थेमे यूहन्‍ना छारगीन गाल्‍सुङ, थेला बुद्धिङ स्‍यूसुङ। थेमे परमेश्‍वरगी इस्राएलीओन ओत्‍साला थे खोरोङ बात खित माताङथुप थे रीला गाल्‍गीन देत्‍सुङ।

लूका 16:10

बात चुक सासीन दाक्‍पोन जिम्‍माला बिन्‍दाते सम्‍पत्ति टिक्‍पीस्‍यिकराङ ईन्‍सीनोङ जसकी लेमु खाला तेइदुक थेकीचेन काल्‍बेई सम्‍पत्ति जिम्‍मा बिन्‍सीनोङ लेमुराङ खाला तेइओ। तर जिम्‍मा लै खाबाते टिक्‍पीस्‍यिक सम्‍पत्ति लेमु खाला माताबा खाला मनपरी खित्‍कानला सम्‍पत्ति काल्‍बेई जिम्‍मा बिन्‍सीन झन मनपरी खिओ।

यूहन्‍ना 12:6

दुक्‍पा ङेताते मिओनला ङिङज्‍ये खितेकी थेकी थोक साबा मेतान। थेचेन चोर ओतान। थेबा गाङे पैसा ज्‍य्‌वाकान्‍ते थेराङ ओतान। थेमे थे खोरोङला गोबे बेलाला थेकी थे पैसाराङ थेन्‍ला चले खिन ओतान।

१ कोरिन्‍थी 4:2

तर दाक्‍पोनला जिम्‍मा बिन्‍दाते काम खित्‍कान्‍ते मिकी थे काम जिम्‍मा तेरकान्‍तेकी खि साबा च्‍योकराङ खाला खिता फाप्‍क्‍यो।

एफिसी 4:1

बात दोक दोक ईन्‍देकी ङा ख्‍योकोनला दोक खि सिन सिओ। प्रभु येशू ख्रीष्‍टकी खि साबाते काम खाबेकी ङाला जेलदु ज्‍याक्‍पा ओत। ङा ख्‍योकोनला चुक खि सिते सासीन ओर्च्‍ये, परमेश्‍वरगी खेराङला थे खोरोङ दोन्‍दु स्‍योक सिन कातोङजीन ख्‍योकोनगी चुक चुक खिता फाप्‍क्‍यो सिन साबा ओताने थोक थोकराङ खि।

फिलिप्‍पी 1:27

था जे ओङसीनोङ ख्रीष्‍टते गा लाङच्‍येते बात ङेन्‍कान्‍ते मिओनगी चुक चुक खिता फाप्‍च्‍येते ईन्‍दे ख्‍योकोनगी होथोकराङ खि। च्‍यि सासीन ख्‍योकोन गाङेराङ सेमज्‍यीकराङ खाला डिक्‍ला देत। ज्‍येनगी जे सासीनोङ जति दुक्‍पा बिन्‍सीनोङ ख्‍योकोन गाङेराङ डिक्‍ला खेराङगी ङेन्‍दाते गा लाङच्‍येते बात ङेन्‍गीनराङ देत। ङा थेपा वासीन ख्‍योकोनगी थोक खिन ओताते ङाराङगीराङ थोङगो, मासुङ सासीनोङ ख्‍योकोनगी थोक खिन दुक्‍लो सिन ङे थोबा ङेत्‍स्‍यीत।

फिलिप्‍पी 4:8

थोगी बात चुक सासीन आज्‍यो न्‍वावे, ख्‍योकोनगी लेमुते थेमे खिता ओङच्‍येते कामताङ बातकीतेकामा विचार खि। चुक सासीन ख्‍योकोनगी साँचोते बातकामा खित्‍च्‍येते, लेमुते कामताङ बातकामा खित्‍च्‍येते, अन्‍याय मिक्‍किच्‍येते, मेलेबाते कामताङ बात छ्याःङ मिक्‍किच्‍येते, लेमु लाङच्‍येते थेमे मि सेमला डोच्‍येते कामताङ बातकीतेकामा विचार खि।

१ तिमोथी 1:1

दि चिट्ठी टिक्‍कान्‍ते ङा पावल ईन। ङा येशू ख्रीष्‍टकी खटे खाबाते मि ईन। थेकी खटे खाबाते मिकी खिता फाप्‍च्‍येते काम खितालाचेन ङुरूङला पापदुकी डेल्‍कान्‍ते परमेश्‍वर थेमे था तिरी ग्‍युरला ओङगो सिन ङुरूङ आश खाईन गुकीन देता ओताते येशू ख्रीष्‍टकीराङ ङाला कोताते ईन।

१ तिमोथी 5:17

थेमे येशू ख्रीष्‍ट मिओनला ताकान्‍तेबे नाङ खोपरोङ काम लेमु खाला खित्‍कान्‍ते मिओनला आउदी खाला मान खिता फाप्‍क्‍यो। थेबे नाङोङ गा लाङच्‍येते बात च्‍यि ईन्‍दे सिन लोप्‍कान्‍तेबालाचेन झन मान खिता फाप्‍क्‍यो। थेमे थेबा गाङेला गोच्‍येतेङ तेरा फाप्‍क्‍यो।

१ तिमोथी 6:1

थेमे येशूला विश्‍वास खित्‍कान्‍ते मिओन नाङ योक्‍पो योङमु गाङेकी खोपरोङ मालिकओनगी साबाते ङेन्‍ला थेबाला मान खिता फाप्‍क्‍यो। थेबेकी थोक माक्‍याबाते ज्‍येनगी थोङसीन परमेश्‍वर विरोध खिओ थेमे ङुरूङगी लोप्‍कीन ओताते बात लेमु मेन सिओ।

१ तिमोथी 6:3

थेमे सुइँदेकी ङे लापाच्‍योक मेन्‍गीन खुदुकराङ बात लाप्‍ला ङुरूङ प्रभु येशू ख्रीष्‍ट सत्‍यते बातताङ मिडिक्‍च्‍येते बात लाप्‍सीन थेमे परमेश्‍वरला चुक खाला माने खिता फाप्‍कीते सिन लापा ओताच्‍योक खाईन मालाप्‍सुङ सासीन

तीतस 1:3

थाङबोका साबाते बात परमेश्‍वरगी थे खोरोङगी तोके खाबे बेलाला लोप च्‍युत्‍कीन मिओनला छ्या स्‍ये च्‍युत्‍सुङ। ङुरूङला पापदुकी डेल्‍कान्‍ते परमेश्‍वरगीराङ दि बात च्‍यि ईन्‍दे सिन ज्‍येन मिओनला लोप सिन ङाला दि कामगी जिम्‍मा बिन्‍दा ओत।

तीतस 3:4

ङुरूङ थोक मेलेबा खिन ओता ईन्‍सीनोङ ङुरूङला पापदुकी डेल्‍कान्‍ते परमेश्‍वरगी ङिङज्‍ये खाईन थे खोरोङ दयेकी येशू ख्रीष्‍टला ताङगीन

१ पत्रुस 2:12

परमेश्‍वरला छ्या मेस्‍येकान्‍ते खेराङला मेलेबा मि ईन सिरकान्‍ते मिओन नाङराङ देता ओत्‍सीनोङ काम बात जे खित्‍जीनोङ ख्‍योकोनगी लेमुतेकामा खि। दोक खाईन ख्‍योकोनगी लेमुकामा खानामेई था परमेश्‍वरगी वाला मि गाङे न्‍याय खिते छोमु ख्‍योकोनला मेलेबा मि सिन सिरकान्‍ते होथे मिओनगी ख्‍योकोन थोक्‍ते मि मेन्‍दाक्‍वा सिन छ्या स्‍येला परमेश्‍वरते जय जय खिओ।

१ पत्रुस 3:16

ख्‍योकोनगी काम बात जे खित्‍जीनोङ हत्तेरिका ङे थोक खिता ओङच्‍या मेतान सिराच्‍योक लाङच्‍येते छ्याःङ माकेत। दोक्‍ते काम मिक्‍किता खाईन देत्‍सीन खेराङ ख्रीष्‍टकी मि ईन्‍गीन लेमु कामताङ बातकामा खाबा ओत्‍सीनोङ मेन्‍दा मेन्‍दे बात खाला खेराङला दोष लै खित्‍कान्‍ते मिओनगी खोपरोङगी ख्‍योकोन लेमु मि मेन साबाते बात ठीक मेन्‍दाक्‍वा सिन छ्या स्‍येला ङोचेकी खाराक्‍पा देत्‍क्‍यो।

२ यूहन्‍ना 1:9

ख्रीष्‍टकी लापाते बातकी लाक्‍तुङ ज्‍येन बात ङेन्‍दा छोल्‍कानगीचेन थेकी लापाते बात ङेन्‍दा तोङगो थेमे होथोक्‍ते मित्ताङचेन परमेश्‍वर ङ्योम्‍बु मेदेदो। ख्रीष्‍टकी लापाते बात ङेन्‍गीन देत्‍कान्‍ते मित्ताङचेन आबा परमेश्‍वर थेमे थे फुज्‍युङ ङ्योम्‍बुराङ देत्‍क्‍यो।