तीतस 1:9 - जिरेल9 दोस्यिककामा मेन, थोक्ते मिचेन सत्यते बात दाक्पोनला जस्तो खाईन लाप्कीन बिन्ला दुक थोकराङ खाला ङेन्गीन देत्कानज्यीक ओङा फाप्क्यो। थोक खानामेकी थेकी ज्येनतेबेकी खाङ बात ङेन्दा फाप्च्येते ईन्दे साला लाप्ला बिन्ला थेबाला थोकराङ खि सिन लोपा थुप्क्यो। थेमे थे बातताङ डिकराङ मिडिक्च्येते बात खित्कान्ते मिओनला ख्योकोनगी मेन्दे बात लोप्कीन दुक साला हगे हगे ज्य्वाबा थुप्क्यो। Faic an caibideil |
तीतस 1:9
24 Iomraidhean Croise
तर ख्योकोन गाङेराङ परमेश्वरगी सिर च्युताते बात खिन ओते बेलाला येशूला विश्वास खाबा मेताते कि परमेश्वर बात छ्याःङ छ्या मेताते मिज्यीक थेरू ख्योल्सुङ सासीन थेजीन थेकी ख्योकोनगी खिन ओताते गाङे बात खोला दिबेकीनी ङा चुक्ते ईन्दाका सिरच्येते बातका खासुङ साला थे खोरोङ पापी दुका सिन छ्या स्येक्यो।
रन्डीबाजी थेमे होदि च्योक्ते खिता मेङच्येते ङोचा लाङच्येते काम खित्कान्ते मिओन, मि छोङकान्तेबा, ढाँर खित्कान्तेबा थेमे मेन्दे बातलाङ ईन सिन ना केल्कान्ते मिओन लाईदुङ ईन। परमेश्वर नियमचेन होदोक दोक काम खित्कान्ते मिओन लाईदुकामा मेन। येशू ख्रीष्टला विश्वास खित्कान्ते मिओनगी ङेन्दा फाप्च्येते बातताङ डिकराङ मिडिक्च्येते कामताङ बात खित्कान्ते मिओन लाईदु जोबाते ईन।
थेमे था ङा खोल्ला चुक खि सिते सासीन ङे खोल्ला च्यि बात चुक सिन लाप्कीन बिन्दा ओताने थे थेराङ ङेन्दा फाप्च्येते बात ईन सिन टोक मेज्येता खाला ज्येनतेबाला होथे बातराङ लोप्कीन देत। थोक खाला लोप्जीन येशू ख्रीष्टताङ जीउज्यीकराङ ओङाते खुई थेला विश्वास खिन देता मातोङ थेमे ज्येनला ङिङज्ये खिन देताङ मातोङ।
थेकीचेन थे खोरोङगी लोप्च्येते बातताङ मिडिक्च्येते बात खित्कान्ते मिओनताङ खा छ्येत लेमुकीराङ थेबेकी चुक्ते बात लोपा फाप्च्येते ईन्दे सिन लाप्ला तेरा फाप्क्यो। परमेश्वरगी थेबाला खोपरोङगी चुक मेलेबा खाबा ओता ईन्दाका सिन छ्या स्येच्येते मौका तेरगीतासीन सिन थेमे थेबेकी सत्यते बात च्यि ईन्दाका सिन लेमु खाला छ्या स्येकीतासीन सिन थेबाला होदोक खाला लाप्ला तेरा फाप्क्यो।
होथोक्ते मिओनला दोक्ते बात मालोप साला थेबे खा टाले खिता फाप्क्यो। च्यिला सासीन थेबेकी मिओनला लोपा मेङच्येते बात लापेकी होथेबे बात ङेन्गीन येशू ख्रीष्ट मिओन नाङ खाम्बा थोई थोई मिकी ङेन्दा फाप्च्येते बात ङेन्दा ताङला दुक। थेबेकीचेन छ्याःङ ङोचा मिक्किता खाला खालि पैसा ज्वाप्की लाईदु होथोक्ते बात लोप्च्येते ईन।
ङिङज्येते आज्यो न्वावे, परमेश्वरगी ङुरूङला पापकी सजायदुकी चुक खाईन टाल्सुङा सिन ख्योकोनला चिट्ठी टिक्पाला ङाला आउदी सेम लाबा ओतान। थे बात मेन्देकी थाचेन ङाला ख्योकोनला दि बात टिक्पाराङ फाप्क्यो सिराच्योक लासुङ। च्यि सासीन ज्येनगी जे सासीनोङ, जति दुक्पा बिन्सीनोङ येशूला विश्वास खाईन ङेन्दाते बात ख्योकोनगी ङेन्दा मातोङ। दि बात परमेश्वरगी थे खोरोङ सन्तान गाङेला ङेन सिन बिन्दाते ईन।
Sanasan