तीतस 1:8 - जिरेल

⁸ बरू थोक्‍ते मिचेन डोम्‍बोताङ फार छुर ख्‍याम्‍कान मिओनला लेमु खित्‍कानज्‍यीक, लेमु कामकामा खिता सेम खित्‍कानज्‍यीक, दाक्‍पोन सेम काबूला ज्‍य्‌वाबा थुप्‍कानज्‍यीक, खिता मेङच्‍येते काम सिराते छ्याःङ मिक्‍किकानज्‍यीक, परमेश्‍वरला मन परे खित्‍च्‍येते कामकामा खित्‍कानज्‍यीक थेमे दाक्‍पोन सेमला लाबा लाबा मिक्‍किकानज्‍यीक ओङा फाप्‍क्‍यो।

तीतस 1:8 Iomraidhean Croise

लूका 2:25

यरूशलेमदु शिमियोन सिराज्‍यीक मि ओतान। थे परमेश्‍वरगी खि साबा साबा च्‍योकराङ खाला थेला आउदी खाला माने खित्‍कान्‍ते मि ओतान। इस्राएलीओनला पापताङ दुक्‍पादुकी डेल्‍कान्‍ते नाम ओङगीताका सिन थे गुकीन देता ओतान। थेकी परमेश्‍वर आत्‍मा ङेता ओतान।

शक्ति काम 24:25

मिओनगी परमेश्‍वरगी साबा साबा च्‍योकराङ खिता फाप्‍च्‍येते, दाक्‍पोन सेम काबूला ज्‍य्‌वाबा फाप्‍च्‍येते थेमे परमेश्‍वरगी मि गाङे न्‍याय खित्‍च्‍येते दिन ओङगो सिनोङ लाप्‍कीन बिन्‍सुङ। थेकी दि बातओन खित्‍जीन ज्‍यीबा लाबेकी फेलिक्‍सकी थेला “लो थरिङ दोस्‍यिकराङ ओङसुङ। ज्‍येन बात खिताला फुर्सत ङेत्‍नामेई ङा ङारो ना लोक्‍ला खोल्‍ला कातोङामीन,” सिन थेला थेरूकी ताङसुङ।

१ थिस्‍सलोनिकी 2:10

येशूला विश्‍वास खित्‍कान ख्‍योकोन गाङेताङ ङ्योम्‍बु ओते बेलाला ङ्योकोनगी मेलेबाते काम सिराते छ्याःङ माक्‍या। चुक खित्‍जीन ख्‍योकोनला लेमु ओङगीका थोककामा खाबाप। ङ्योकोनगी दि दि गल्‍ती खासुङ सिन सुङगीङ सिरा मुथुबो। ङ्योकोनगी साबाते दि बात ढाँर खाबाते मेन सिन परमेश्‍वरला थेमे ख्‍योकोनला छ्या ओत।

१ तिमोथी 3:2

थोक्‍ते मिचेन सुङगीङ दिकी दि दि गल्‍ती खाबा ओत सिन साबा मेताज्‍यीक ओङा फाप्‍क्‍यो। थेते फेम्‍मेज्‍यीककामा ओङा फाप्‍क्‍यो। थेचेन जहिलेङ च्‍याङबो खाला देत्‍कानज्‍यीक, दाक्‍पोन सेम काबूला ज्‍य्‌वाबा थुप्‍कानज्‍यीक ओङा फाप्‍क्‍यो। थे बानी लेमु ओताज्‍यीक, डोम्‍बोओनताङ फार छुर ख्‍याम्‍कान मिओनला लेमु खित्‍कानज्‍यीक थेमे मिओनला परमेश्‍वर बात लेमु खाला लोपा थुप्‍कानज्‍यीक ओङा फाप्‍क्‍यो।

१ तिमोथी 4:12

खो थोरूमोङ स्‍याराराङ ओत्‍सीनोङ थोक खाला लोप्‍जीन कोत्‍जीन दि भर्खरगी फिजेकी साबाते बादोङ च्‍यि ङेन्‍च्‍ये, दिलाङ च्‍यि छ्या ओते सिन सिरच्‍येते लाम थेबा सुङलाङ मातेर। खो स्‍याराराङ दुक सिन हेपे मिक्‍किस्‍यीत सिन खोरोङगी खाबाते ताला येशू ख्रीष्‍टला विश्‍वास खित्‍कान्‍ते मिओनगी चुक चुक खिता फाप्‍च्‍या ईन्‍दाका सिन लोप्‍स्‍यीत सिन खुई दोक दोक खि। चुक सासीन खुई काम बात जे खासीनोङ लेमु खाला खि, ज्‍येनला ङिङज्‍ये खि, जे ओङसीनोङ येशू ख्रीष्‍टला विश्‍वास खिन देत, सेमला छ्याःङ पाप मोज्‍योबा खाला काम खि,

१ तिमोथी 6:11

तर खोचेन परमेश्‍वरगी खि साबाते काम खित्‍कान्‍ते मि ईन। थोगी खुई थोक्‍ते मेलेबा काम छ्याःङ माकेत। खुईचेन परमेश्‍वरगी खि साबा च्‍योकराङ खिन देत, थेला चुक खाला माने खिता फाप्‍च्‍येते ईन्‍दे थोकराङ खाला माने खि, येशू ख्रीष्‍टला विश्‍वास खिन देत। दोस्‍यिककामा मेन, ज्‍येनला ङिङज्‍ये खि, दुक्‍पा ओङसीनोङ खपे खिन देत थेमे गाङेताङ खा छ्येत लेमु खि। खुई होदोक दोक खित्‍च्‍ये छ्य्‌वापाकामा सेम लै खि।

२ तिमोथी 2:22

थोगी खुईचेन स्‍यारातेबाला खिता सेम लाङच्‍येते दाक्‍पोन सेमला लाबा लाबाच्‍योक खित्‍च्‍येते मेलेबा काम सिराते नोमुङ माकेत। परमेश्‍वरगी खि साबा च्‍योकराङ खि, येशूला विश्‍वास खिन देत, ज्‍येनला ङिङज्‍ये खि थेमे ज्‍येनतेबाताङ डिक्‍ला थुन्‍ला देत। येशू ख्रीष्‍टला प्रभु सिन सिरकान्‍ते सेमला छ्याःङ पाप मेताते मिओनताङ खुई होदोककामा खिन देत।

२ तिमोथी 3:3

थेबेकी ज्‍येनला मिक कार्बोकीङ ग्‍युरला माताओ, थेबा ज्‍येनतेबाताङ नोमुङ डिक्‍ला थुन्‍ला मेदेदो, थेबा मि मोत्‍कीन थेमे मनपरी खिन ख्‍याम्‍ग्‍यो, थेबे सेमला दया माया सिराते छ्याःङ मेङगो, थेबेकी दाक्‍पोनगीङ लेमु सिराते नोमुङ मिक्‍किओ थेमे लेमु खित्‍कानलाङ मिगी थोङसार्मु खिओ।

तीतस 2:7

खोल्‍ला ताला खोपरोङगी चुक चुक खिता फाप्‍च्‍या ईन्‍दाका सिन थेबेकी लोप्‍स्‍यीत सिन जे खित्‍जीनोङ खुई लेमु खाला खि। ज्‍येनतेबाला लोप्‍जीन खुई दाक्‍पोन फाइदा छ्याःङ माताबा खाला थेमे ङा परमेश्‍वर बात लोप्‍कीन ओत सिराच्‍योक खाला होस ज्‍याक्‍ला लोप।

१ यूहन्‍ना 3:14

ङुरूङगी स्‍यिला सजाय ङेत्‍सादुकी थारगीन नोमुङ मिसिन्‍च्‍येते जुनी ङेत्‍कीन सिन्‍दा ओत सिन ङुरूङला छ्या ओत। च्‍यिला सासीन ङुरूङ दाक्‍पोन आज्‍यो न्‍वाला ङिङज्‍ये खिओ। ज्‍येनला ङिङज्‍ये मिक्‍किकान्‍ते मिचेन स्‍यिला सजाय ङेत्‍सादुकी थोरूमोङ थारा मेङगो।

१ यूहन्‍ना 5:1

येशू परमेश्‍वरगी तोङगो साबाते ख्रीष्‍ट ईन सिन पत्ते खित्‍कान्‍ते मि गाङे परमेश्‍वर फुज्‍युङ फुमु ओङाते मि ईन। आबा परमेश्‍वरला ङिङज्‍ये खित्‍कान्‍ते मिकी थे फुज्‍युङ फुमुलाङ ङिङज्‍ये खिओ।