तीतस 1:5 - जिरेल

⁵ बात च्‍यि सासीन ङा क्रेट लुङबादुई ख्‍याम्‍जीन थेरू थोरूमोङ खिता फाप्‍च्‍येते कामओन खिताला थेमे सार सारला गाल्‍ला येशू ख्रीष्‍ट मिओनला ताकान्‍तेबाला ङे साबा च्‍योकराङ खाला छाने खाला ज्‍य्‌वाबालाराङ ङे खोल्‍ला थेरू देत साबा ओतान।

तीतस 1:5 Iomraidhean Croise

शक्ति काम 11:30

थेमे थे पैसाबरी थेबेकी थेपा ओताते येशू ख्रीष्‍ट मिओनला ताकान्‍ते मिओन लाःक्‍तु बिन सिन बारनाबासताङ शावल लाःक्‍तु बिन्‍गीन ताङसुङ।

शक्ति काम 14:23

थेबा ङिबोकी होथे सार सारला जम्‍मा ओङकान्‍ते येशू ख्रीष्‍ट मिओनला ताप्‍ला थेबे नाङदुईराङ कोई कोई मि छाने खाईन ज्‍याक्‍सुङ। थेमे बर्त देत्‍ला प्रार्थना खिनकामा थेबा ङिबोकी येशू मि गाङेला लेमु खाला तो सिन प्रभु येशू लाःक्‍तुराङ सोम्‍पे खासुङ।

शक्ति काम 2:11

ङुरूङ कोई क्रेटीताङ अरबी ईन। दोक खाईन खुदुक खुदुक लुङबालेई वाकीन दुरू जम्‍मा ओङाते ईन्‍सीनोङ परमेश्‍वरगी खाबाते अचम्‍बते कामगी बात दिबेकी ङुरूङ दाक्‍पोन दाक्‍पोन लुङबे भाषाला खाबा थोकीदुक,” सिन बात खासुङ।

शक्ति काम 27:12

गुनला हुन्‍डी चले खित्‍च्‍येते समय ईन्‍देकी लासियादु देता थोक लेमु ओङच्‍या मेतान। थोगी पानीजहाज नाङ ओताते काल्‍बा च्‍योक्‍ते मिओनगी थुप थुपला बरू फोनिक्‍स सिरसादु गाल्‍ला देत्‍की सिन सासुङ। थेरूचेन पानीजहाज लेमु खाला ज्‍य्‌वाच्‍येते ठाउँ ओतान। थे ठाउँओङ क्रेट लुङबादुराङ फाप्‍कीन ओतान। थे ठाउँ दक्षिण पश्‍चिमताङ उत्तर पश्‍चिम छ्य्‌वापा ग्‍युरा ओतेकी ज्‍येननापा हुन्‍डी चले खासीनोङ थेरू छ्याःङ खिन मेतान।

शक्ति काम 27:13

थेमे दक्षिण छ्य्‌वामेकी खोले खोले ल्‍हाबा चले खिताला स्‍यूसुङ। थोक ओङजीन पानीजहाज चले खित्‍कान्‍ते मिओनगी था थेरूई ड्वा थुप्‍च्‍याक्‍वा सिन पानीजहाज आरे खाईन ज्‍याक्‍पाते अङ्कुसे च्‍योक्‍ते बालुवे नाङदुई थेन्‍गीन पानीजहाजला थे लुङबे छेउताङ छेउ खेराला स्‍यूसुङ।

शक्ति काम 27:21

थोक ओङजीन थे पानीजहाजला ओताते मिओनगी साप मासोबाते काल्‍बेई गाला ओतान। थेमे पावलगी “हजूरवे, ख्‍योकोनबरीकी ङे बात ङेन्‍गीन क्रेटदुकी माख्‍याम्‍बा ईन्‍सीन दि दुक्‍पा ङेत्‍च्‍या मेतान। ज्‍येनतोक माल सामानोङ छ्याःङ नोक्‍सान ओङच्‍या मेतान।

शक्ति काम 27:7

थे जहाजला जेनामेकी पानीजहाज खेरा फाप्‍से छ्य्‌वापेई आउदी खोक्‍पो खाईन ल्‍हाबा चले खाबेकी ङ्योकोन काल्‍बेई दिन तिरीकामा क्‍नीडस सिरसे खादु ख्‍योल्‍सुङ। थे ल्‍हाबेकी खित्‍सादु थेरूई ङ्योकोन ड्वा फाप्‍च्‍ये लामलेई ड्वा माथुप्‍कीन समुन्‍द्रे किल्‍दु ओताते क्रेट लुङबे छ्य्‌वापा गालाप। दोक खाईन ङ्योकोन थे लुङबे सालमोने सिरसादुई क्‍योगीन दक्षिण छ्य्‌वामेई खाईन गालाप।

१ कोरिन्‍थी 11:34

थेमे सुइँदाला त्‍वाबा लाङगीदुक सासीन बरू थेकी खाम्‍बादुराङ साप सोला ग्‍युक। प्रभु भोज साप्‍ला जम्‍मा ओङे बेलालाचेन ख्‍योकोनगी खेराङ गोःनामा परमेश्‍वर सजाय माफाप्‍स्‍यीत सिन लेमु खाला विचार खाला थे भोज सो। थेमे थरिङ ङे माटिबाते बातओनचेन था ङाराङ थेपा लेप्‍नामेकीराङ ख्‍योकोनला सिरामीन।

१ कोरिन्‍थी 14:40

ख्‍योकोनगी जे खासीनोङ च्‍यि काम चुक खाला खिता फाप्‍कीते सिन छ्या स्‍येला ठीक ठीक खाला खि।

१ कोरिन्‍थी 4:17

ङे खाबा च्‍योकराङ खित्‍च्‍येते ख्‍योकोनला लाप्‍ला तेरस्‍यीत सिनराङ तिमोथीला ङा ख्‍योकोन ओत्‍सापा तोङगीन ओत। दि प्रभु येशूकी खि साबा च्‍योकराङ खाला काम खित्‍कान्‍ते मि ईन। दिला ङा ङिङज्‍ये खिओ। दि ङेते ङाराङ फुज्‍युङ च्‍योकराङ ईन। ङा येशू ख्रीष्‍टताङ जीउज्‍यीकराङ ओङाते मि ईन्‍देकी ङे चुक खिका, च्‍यि खिका सिरच्‍येते गाङे बात था दिकी ख्‍योकोनला लोप्‍क्‍यो। ङे तिमोथीला ख्‍योकोनला लोप ताङाते बातराङ ङा गाङेपा ठाउँ ठाउँला जम्‍मा ओङकान्‍ते येशू ख्रीष्‍ट मि गाङेला लोप्‍कीन ओत।

कलस्‍सी 2:5

ङा ख्‍योकोनताङ ङ्योम्‍बु मेत्‍सीनोङ ख्‍योकोनला चुक ओताका, च्‍यि खिन ओताका सिन आउदी खाला सम्‍झे खिओ। ख्‍योकोन डिगीन थुन्‍गीन देताते थेमे ख्रीष्‍टला विश्‍वास खिन देता ओताते बात सम्‍झे खित्‍जीनचेन ङाला गा लाङगीदुक।

१ तिमोथी 1:3

ङे थोङला खोत्ताङ ठाल्‍ला म्‍यासिडोनिये अञ्‍चलपा डोजीन साकीन ज्‍याक्‍पाते बात ङा याङराङ सिन ओत। च्‍यि सासीन खुई एफिससदु देत्‍ला थेरू ङेन्‍दा फाप्‍च्‍येते बातताङ डिकराङ मिडिक्‍च्‍येते बात लोप्‍कान्‍ते मिओनला थोक्‍ते बात मालोप सिन कोत।

२ तिमोथी 2:2

थेमे मि काल्‍बेई ङोन्‍दु च्‍यि बात चुक ईन्‍दे सिन ङे खोरोङला लाप्‍कीन बिन्‍दाते बातओन मिओनला लोप सिन ज्‍येन मिलाङ जिम्‍मा बिन। दोक्‍ते मिओनचेन ज्‍येनला लेमु खाला लोपा थुप्‍कान थेमे भर परे खिता थुप्‍च्‍येतेन्‍दे ओङा फाप्‍क्‍यो।

तीतस 1:12

तिरी ओङच्‍येते बात खित्‍कान्‍ते मिज्‍यीगी थे खोरोङ लुङबे मिओन बात खिन च्‍यि साबा ओताने सासीन “क्रेटीओनचेन जहिलेङ ढाँर खित्‍कान्‍ते ईन। थेबाताङ जहिलेङ च्‍येन थोमताङ च्‍योकराङ खाला ज्‍यीबा खिता फाप्‍क्‍यो। थेबाचेन सिन्‍काई च्‍याक्‍ला ङि मेताते खालि सापकामा छोल्‍कान्‍ते ईन,” सिन साबा ओतान।