तीतस 1:4 - जिरेल

⁴ दि चिट्ठीचेन ङा तीतस खोल्‍ला टिगीन ओत। खोङ ङे च्‍योकराङ खाला प्रभु येशू ख्रीष्‍टला विश्‍वास खित्‍कान्‍ते ईन्‍देकी ङाला खो ङाराङ फुज्‍युङ च्‍योकराङ लाङगीदुक। आबा परमेश्‍वरगी थेमे ङुरूङला पापदुकी डेल्‍कान्‍ते येशू ख्रीष्‍टकी खोल्‍ला दया खाला लेमु खिनराङ देत्‍स्‍यीत।

तीतस 1:4 Iomraidhean Croise

लूका 2:11

च्‍यि सासीन ख्‍योकोनला पापताङ दुक्‍पादुकी डेल्‍कान्‍तेचेन थाङबो दाऊद गेल्‍बो केबाते बेथलेहेमदु थरिङ ग्‍वाका केबा ओत। परमेश्‍वरगी तोङगो साबाते ख्रीष्‍ट थेराङ ईन, छ्येतेङ थेराङ ईन।

यूहन्‍ना 4:42

थेमे थेबेकी थे फेम्‍मे मिला “थानी खुई साबाते बात थोबेकी खित्‍सादु मेन, येशूकी साबाते बाततेबा ङेराङगीराङ थोबेकी ङ्योकोन थेला विश्‍वास खिताला स्‍यूबाते ईन। थेमे दि सा लुङबे मिओनला पापदुकी डेल्‍कान्‍तेचेन थेराङ ईन सिन ङ्योकोनगी छ्या स्‍येसुङ,” सिन सासुङ।

रोमी 1:12

ईन्‍दानी ङुरूङ ठेत्‍जीन ङे ख्‍योकोनलाकामा मद्धत तेरच्‍येते मेन। ङुरूङ ङ्योम्‍बुराङ देत्‍ला येशू ख्रीष्‍टला विश्‍वास खित्‍च्‍येते बात खित्‍जीन ङे ख्‍योकोनला थेमे ख्‍योकोनगी ङाला आँट तेरा थुप्‍च्‍या ओतान।

रोमी 1:7

दोक खाईन परमेश्‍वरगी ङिङज्‍ये खाईन थे खोरोङ सन्‍तान ईन सिन छाने खाबाते रोम सारदु ओताते ख्‍योकोन गाङेला ङुरूङ आबा परमेश्‍वरताङ प्रभु येशू ख्रीष्‍टकी दया खाला लेमु खिनराङ देत्‍स्‍यीत।

२ कोरिन्‍थी 12:18

ङे तीतसला ख्‍योकोन ओत्‍सापा मागालाला मेङगो सिन थेपा ताङाप। होथे ज्‍येनते न्‍वाज्‍यीकलाङ ङे थेत्ताङ ङ्योम्‍बुराङ ताङा ओतान। च्‍यि तीतसकी ख्‍योकोनताङ खइँदा नाङ खाबा ओतान ओना? तीतस ङाराङ च्‍योक्‍तेराङ ईन सिन ङाला लेमु खाला छ्या ओत। ङ्योकोन खुदुक खुदुकते काम मिक्‍किओ।

२ कोरिन्‍थी 2:13

ईन्‍सीनोङ ङे न्‍वा तीतसला थेरू माठेतेकी ङाला सेमला बान्‍दा सन्‍तो मालासुङ। थोगी थेरू मिओनला ड्वामीन सिन थेबाताङ ठाल्‍गीन ङा म्‍यासिडोनियापा गालाप।

२ कोरिन्‍थी 4:13

थेमे परमेश्‍वर बातला “परमेश्‍वरगी लेमु खिओ सिन ङे थेला विश्‍वास खाबा ओतेकी ङा ज्‍येनलाङ थेकी थोकराङ खिओ सिन लोप्‍क्‍यो,” सिन टिबा ओत। परमेश्‍वर बातला टिबा ओताते होदि बात खित्‍कान्‍ते मि च्‍योकराङ ङ्योकोनोङ परमेश्‍वरला विश्‍वास खित्‍कान ईन्‍देकी मिओनला गा लाङच्‍येते बात लोप्‍क्‍यो।

२ कोरिन्‍थी 7:6

थोक ईन्‍सीनोङ न्‍वा तीतस दुरू वानामेईचेन पीरताङ दुक्‍पाला मिओनला आँट तेरकान्‍ते परमेश्‍वरगी ङ्योकोनला सेम ढुक्‍क लाङसुङ।

२ कोरिन्‍थी 8:16

परमेश्‍वरगी ङाला च्‍योकराङ खाईन तीतसलाङ चुक खाला ख्‍योकोनला लेमु खिता थुबोङा सिरच्‍येते सेम बिन्‍दा ओतेकी ङ्योकोन दि लाईदु परमेश्‍वरला धन्‍यवाद तेरग्‍यो।

२ कोरिन्‍थी 8:23

तीतसचेन ङात्ताङ ङ्योम्‍बुराङ डिक्‍ला ख्‍योकोन नाङ काम खित्‍कान्‍ते मि ईन सिन ख्‍योकोनला छ्याराङ ओत। दि ज्‍येनते न्‍वा ङिबोलाचेन देङपा ठाउँ ठाउँला जम्‍मा ओङकान्‍ते येशू ख्रीष्‍ट मिओनगी खोपरोङ नाङदुई छाने खाईन ताङाते ईन। दिबा ख्रीष्‍टला मान खिताला काम खित्‍कान्‍ते मि ईन।

२ कोरिन्‍थी 8:6

थेबेकी थोक खाबा थोङनामेई ङ्योकोनगी तीतसला खेराङगी जम्‍मा खिताला स्‍यूबाते पैसा जम्‍मा खाला सिन्‍दा खि सिन सिराला ख्‍योकोन ओत्‍सापा ग्‍युक सिन साबाप। ज्‍येनला मद्धत तेराला सिन ख्‍योकोन नाङ पैसा जम्‍मा खिताला शुरू खित्‍कान्‍ते थेराङ ईन सिन ङ्योकोनगी सिरा माफाप्‍तासीन।

गलाती 2:3

दि गाङे बात सानामेकीङ ङे ङ्योम्‍बुराङ खेराते तीतस ग्रीक ईन्‍सीनोङ परमेश्‍वरगी यहूदीओनला बिन्‍दाते नियमला साबाच्‍योक खाला तीतसकीङ जीउला खतकी चिनु ज्‍वा फाप्‍क्‍यो सिन थेबा सुङगीङ मासासुङ।

गलाती 3:26

येशू ख्रीष्‍टला विश्‍वास खाबेकी खित्‍सादु था ख्‍योकोन गाङेराङ परमेश्‍वर फुज्‍युङ फुमु ओङाते ईन।

गलाती 3:28

थोगी येशू ख्रीष्‍टताङ जीउज्‍यीकराङ ओङा ओतेकी यहूदी ईन्‍स्‍यीत कि ग्रीक ईन्‍स्‍यीत, योक्‍पो योङमु ईन्‍स्‍यीत कि ज्‍येन ईन्‍स्‍यीत, ख्‍योओ मि फेम्‍मे मि जोराङ ईन्‍सीनोङ था ख्‍योकोन गाङेराङ थोजोराङ ईन।

एफिसी 1:2

ङुरूङ आबा परमेश्‍वरताङ प्रभु येशू ख्रीष्‍टकी ख्‍योकोनला दया खाला लेमु खिनराङ देत्‍स्‍यीत।

कलस्‍सी 1:2

ङ्योकोन दि चिट्ठी कलस्‍सी सारदु ओताते परमेश्‍वर सन्‍तान ख्‍योकोनला टिगीन ओत। ख्‍योकोन ख्रीष्‍टताङ जीउज्‍यीकराङ ओङाते थेमे थेला विश्‍वास खिन देत्‍कान्‍ते ङ्योकोन आज्‍यो न्‍वा ईन। ङुरूङ आबा परमेश्‍वरगी ख्‍योकोनला दया खाला लेमु खिनराङ देत्‍स्‍यीत।

१ तिमोथी 1:12

थेमे ङा ङुरूङ प्रभु येशू ख्रीष्‍टला धन्‍यवाद सिओ। च्‍यिला सासीन दिकी ङे जिम्‍मा बिन्‍दाते काम लेमु खाला खिओ सिन थेकी ङाला मिओनला गा लाङच्‍येते बात लोप्‍च्‍येते काम बिन्‍सुङ। दि काम खिताला ङाला शक्ति तेरकान्‍ते थेराङ ईन।

२ तिमोथी 1:1

दि चिट्ठी टिक्‍कान्‍ते ङा पावल ईन। ङा येशू ख्रीष्‍टकी खटे खाबाते मि ईन। ङा थोक्‍ते मि ईन सिन परमेश्‍वरगी ङाला छाने खाबा ओत। ङे कामचेन परमेश्‍वरगी तेरग्‍यो साबाते नोमुङ मिसिन्‍च्‍येते जुनीचेन येशू ख्रीष्‍टकी खित्‍सादु ङेत्‍क्‍यो सिन ज्‍येनला लोप्‍च्‍येते ईन।

२ तिमोथी 1:2

ङा दि चिट्ठी ङे ङिङज्‍येते फुज्‍युङ तिमोथी खोल्‍ला टिगीन ओत। आबा परमेश्‍वरताङ ङुरूङ प्रभु येशू ख्रीष्‍टकी खोल्‍ला दया खिन थेमे ङिङज्‍ये खाला लेमु खिनराङ देत्‍स्‍यीत।

२ तिमोथी 4:10

डेमासकीचेन दि जुनी बातकामा विचार खाईन ङाला ताङगीन थिस्‍सलोनिकापा गाल्‍सुङ। ज्‍येन ङात्ताङ ओतातेबे नाङ क्रेसेन्‍सचेन गलातिये अञ्‍चलपा थेमे तीतसचेन दलमातियापा गाला ओत।

तीतस 1:3

थाङबोका साबाते बात परमेश्‍वरगी थे खोरोङगी तोके खाबे बेलाला लोप च्‍युत्‍कीन मिओनला छ्या स्‍ये च्‍युत्‍सुङ। ङुरूङला पापदुकी डेल्‍कान्‍ते परमेश्‍वरगीराङ दि बात च्‍यि ईन्‍दे सिन ज्‍येन मिओनला लोप सिन ङाला दि कामगी जिम्‍मा बिन्‍दा ओत।

तीतस 2:13

थेमे ङुरूङला पापदुकी डेल्‍कान्‍ते छ्येज्‍यीक शक्ति ओताते परमेश्‍वर येशू ख्रीष्‍ट था तिरी स्‍वर्गनेकी मिगी तापराङ मुथुप्‍च्‍या झिलिमिली नाम्‍दाकला देत्‍ला देमा ग्‍युरला ओङगो सिन ङुरूङ आश खाला गुला देत्‍क्‍यो। दिराङ ङुरूङ लाईदु आउदी गा लाङच्‍येते बात ईन।

२ पत्रुस 1:1

दि चिट्ठी टिक्‍कान्‍ते ङा शिमोन पत्रुस ईन। ङा येशू ख्रीष्‍ट काम खित्‍कान्‍ते थेकी खटे खाबाते मि ईन। ङा दि चिट्ठी जे खित्‍जीनोङ ठीक खाला खित्‍कान्‍ते ङुरूङला पापदुकी डेल्‍कान्‍ते येशू ख्रीष्‍टकी खित्‍सादु ङेराङ च्‍योकराङ पक्‍का खाला थेला विश्‍वास खिता ङेताते मिओनला टिगीन ओत। येशू ख्रीष्‍टराङ ङुरूङ परमेश्‍वर ईन।

२ पत्रुस 1:11

थेमे ङुरूङला पापदुकी डेल्‍कान्‍ते प्रभु येशू ख्रीष्‍टकी गा खिनकामा ख्‍योकोनला थे खोरोङ राज्‍यदु स्‍यूक ज्‍युत्‍क्‍यो। थे राज्‍यचेन नोमुङ तोरला मोन्‍डोओ।

२ पत्रुस 2:20

ङुरूङला पापदुकी डेल्‍कान्‍ते प्रभु येशू ख्रीष्‍ट सु ईन्‍दे, चुक्‍ते ईन्‍दे सिन छ्या स्‍येकीन दि सा लुङबे मिओनगी खित्‍च्‍येते जेसुकै मेलेबाते काम खिता ताङगीन सिन्‍दाते मिओनगी लोक्‍ला गोमा खाबा च्‍योक्‍ते कामराङ खिताला स्‍यूला थोक खित्‍च्‍ये छ्य्‌वापेई ठालाराङ मुथुप्‍तुक सासीन थेबा गोमा भन्‍दाङ झन ज्‍यीबा लाङच्‍या मेलेबा डुइओ।

२ पत्रुस 3:18

ङुरूङला पापदुकी डेल्‍कान्‍ते प्रभु येशू ख्रीष्‍टकी थोई दया खासुङा थेमे थे चुक लेमु खित्‍कान्‍ते ईन्‍दे सिन झन झन लेमु खाला छ्या स्‍येबा थुप्‍स्‍यीत सिन ख्‍योकोनगी सत्‍यते बात ङेन्‍गीन देत। थरिङोला ईन्‍स्‍यीत, था तिरी ईन्‍स्‍यीत सधैँभरि प्रभु येशू ख्रीष्‍टते जय जय ओङस्‍यीत सिन सिइ। आमेन।

२ पत्रुस 3:2

परमेश्‍वर बात खित्‍कान्‍ते मिओनगी गोमाका साबाते बाततेबा थेमे ङुरूङला पापदुकी डेल्‍कान्‍ते प्रभु येशू ख्रीष्‍टकी खि साबाते थेकी खटे खाबाते मिओनगी खेराङला लाप्‍कीन बिन्‍दाते बातओन ख्‍योकोनगी नोमुङ टोक माज्‍येत।

१ यूहन्‍ना 5:14

ङुरूङगी खाबाते प्रार्थना परमेश्‍वरगी पक्‍काराङ थोक्‍यो सिन ङुरूङला छ्याराङ ओत। ङुरूङगी खइँदा बातकी लाईदु प्रार्थना खासीन थेमे थे बात परमेश्‍वरगी खिता चाला च्‍योकराङ ईन्‍सुङ सासीन ङुरूङगी थेला जे नाङ सासीनोङ थेकी ङेन्‍ग्‍यो।

यहूदा 1:3

ङिङज्‍येते आज्‍यो न्‍वावे, परमेश्‍वरगी ङुरूङला पापकी सजायदुकी चुक खाईन टाल्‍सुङा सिन ख्‍योकोनला चिट्ठी टिक्‍पाला ङाला आउदी सेम लाबा ओतान। थे बात मेन्‍देकी थाचेन ङाला ख्‍योकोनला दि बात टिक्‍पाराङ फाप्‍क्‍यो सिराच्‍योक लासुङ। च्‍यि सासीन ज्‍येनगी जे सासीनोङ, जति दुक्‍पा बिन्‍सीनोङ येशूला विश्‍वास खाईन ङेन्‍दाते बात ख्‍योकोनगी ङेन्‍दा मातोङ। दि बात परमेश्‍वरगी थे खोरोङ सन्‍तान गाङेला ङेन सिन बिन्‍दाते ईन।