तीतस 1:2 - जिरेल

² ङे थेबे नाङ दि काम खित्‍जीन थेबेकी नोमुङ मिसिन्‍च्‍येते जुनी ङेत्‍क्‍यो सिरच्‍येते बात पक्‍काराङ ईन सिन आश खाला गुला देता थुप्‍क्‍यो। दोक खाला मिओनला नोमुङ मिसिन्‍च्‍येते जुनी तेरग्‍यो सिन परमेश्‍वरगी थाङबो जुगलाराङ साबा ओतान। थेकी नोमुङ ढाँर मिक्‍किओ।

तीतस 1:2 Iomraidhean Croise

मत्ती 25:34

थेमे थे खोरोङ सामे छ्य्‌वापा ज्‍याक्‍पाते मिओनला थेकी ‘ङे आबेकी ख्‍योकोनला आशी बिन्‍दा ओत। दि साताङ नाम जोजीनमेईराङ थेकी ख्‍योकोनला थे खोरोङ राज्‍यदु देत ज्‍युत्‍क्‍यो सिन साबा ओतान। लो स्‍योक, थाचेन थे राज्‍यदु स्‍यूला देत।

मत्ती 25:46

थेमे थे तिरी थेबाचेन नरककुण्‍डमा स्‍यूला सधैँभरि सजाय भोगे खिन देता फाप्‍क्‍यो। परमेश्‍वरगी खि साबा साबा खित्‍कान्‍तेबाचेन नोमुङ मिसिन्‍च्‍येते जुनी ङेत्‍ला स्‍वर्गने देता ङेत्‍क्‍यो,” सिन सिदुक।

मर्कूस 10:17

थेमे येशू थेरूई ख्‍याम्‍बा खाबा ओते बेलाला मिज्‍यीगी छ्य्‌वाकीन वाकीन थे काम्‍बाला से खिन “गुरू, खो लेमु मि ईन सिन ङाला छ्या ओत। थोगी नोमुङ मिसिन्‍च्‍येते जुनी ङेताला ङे च्‍यि खिता फाप्‍कीते, लाप्‍ला नाङना,” सिन सिदुक।

मर्कूस 10:30

परमेश्‍वरगी दि जुनीलाङ आबा आमा, आज्‍यो न्‍वा आज्‍यी नुमु, फुज्‍युङ फुमु च्‍योक्‍तेताङ खाम्‍बा थेमे जग्‍गा जिमीन ज्‍येनोङ झन काल्‍बेई तेरग्‍यो। ईन्‍दानी थेबाला किम्‍मु मेङगो। ज्‍येनगी थेबाला दुक्‍पा तेरग्‍यो। था ओङच्‍येते सत्‍य जुग वानामेई थेबेकी नोमुङ मिसिन्‍च्‍येते जुनीङ ङेत्‍क्‍यो।

यूहन्‍ना 10:28

ङा थेबाला नोमुङ मिसिन्‍च्‍येते जुनी तेरग्‍यो। थोगी थेबा नरककुण्‍डमा स्‍यूक्‍पा माफाबो। थेमे ङे लाःक्‍तुकी सुङगीङ थेबाला ठ्वाला खेरा मुथुबो।

यूहन्‍ना 17:2

थोक खिताला खुई खोरोङ फुज्‍युङला मि गाङेला राज्‍य खित्‍च्‍येते अधिकार बिन्‍दा ओत। दोक खाईन खुई थे लाःक्‍तु जिम्‍मा बिन्‍दाते मि गाङेला थेकी नोमुङ मिसिन्‍च्‍येते जुनी तेरग्‍यो।

यूहन्‍ना 17:24

आबा, खुई ङाला ङिङज्‍ये खित्‍च्‍येते ईन्‍देकी दि सा नाम ज्‍वा भन्‍दा गोमामेईराङ खुई ङाला छ्येज्‍यीक मान बिन्‍दा ओतान। था खुई ङे लाःक्‍तु जिम्‍मा बिन्‍दाते मि जतिङ ङा जहाँ देत्‍कीदुक, थेरूराङ देता ङेत्‍ला दिबाबरीकी ङा होथोक खाईन मान ङेत्‍कीन देताते थोङा ङेत्‍स्‍यीत सिरच्‍येते ङे सेम ओत।

यूहन्‍ना 5:39

परमेश्‍वर बातला साबाच्‍योक खासीन नोमुङ मिसिन्‍च्‍येते जुनी ङेत्‍क्‍यो सिन ख्‍योकोन थे बाततेबा आउदी लेमु खाला पढे खिदुक। थे बातला ङा सु ईन्‍दे सिन लेमु खाईन टिबा ओत।

यूहन्‍ना 6:54

ङे स्‍या साकान्‍तेताङ ङे ठाक थुङकान्‍ते मिकीचेन नोमुङ मिसिन्‍च्‍येते जुनी ङेत्‍क्‍यो। थेमे थोक्‍ते मिला ङा न्‍याय खिते छोमु सोम्‍बो लोइओ।

यूहन्‍ना 6:68

थोक सिरजीन शिमोन पत्रुसकी “प्रभु, खोल्‍ला ताङला ङ्योकोन खापा डोच्‍ये? थेमे सुई तिरी ख्‍याम्‍च्‍ये? मिओनगी नोमुङ मिसिन्‍च्‍येते जुनी ङेत्‍च्‍येते खुई बात ङेन्‍लाराङ ईन।

शक्ति काम 15:18

ङे गोमामेकीराङ दोक खिओ सिन साबाते बात साबा च्‍योकराङ खिओ,’ सिन साबा ओतान।

रोमी 1:2

दि गा लाङच्‍येते बात तिरी लेमु खाला छ्या स्‍ये ज्‍युत्‍क्‍यो सिन परमेश्‍वरगी गोमाका थे खोरोङ बात खित्‍कान्‍ते मिओनला परमेश्‍वर बातला टिक च्‍युता ओतान।

रोमी 16:25

थेमे परमेश्‍वरगीराङ ख्‍योकोनला शक्ति तेरच्‍येते ईन्‍देकी ख्‍योकोनगी येशू ख्रीष्‍टला विश्‍वास खिन देता थुप्‍क्‍यो। परमेश्‍वरगी खित्‍सादु दोक खिन देता थुप्‍क्‍यो सिन येशू ख्रीष्‍ट सु ईन्‍दे, चुक्‍ते ईन्‍दे सिन ङे लोप्‍कीन ओताते गा लाङच्‍येते बातला साबा ओत। दि जुग शुरू ओङा भन्‍दा गोमामेईराङ परमेश्‍वरगी सुङलाङ छ्या स्‍ये च्‍युता मेताते दि गा लाङच्‍येते बात

रोमी 2:7

था तिरी परमेश्‍वरगी खोपरोङला थेकी ज्‍वा चाला च्‍योकराङ लेमु जोइओ थेमे मान बिन्‍ला नोमुङ मिस्‍यिच्‍येते जुनी तेरग्‍यो सिन थेकी साबाते ङेन्‍ला लेमु कामकामा खिन देत्‍कान्‍ते मिओनलाचेन थेकी नोमुङ मिसिन्‍च्‍येते जुनी तेरग्‍यो।

रोमी 5:2

थेकी खित्‍सादुराङ परमेश्‍वरगी थे खोरोङला विश्‍वास खित्‍कान ङुरूङला दया खाईन थे खोरोङताङ डिक च्‍युताते ईन। था थेकी ङुरूङला दया खिता नोमुङ मोतोङो। दोक ईन्‍देकी थाचेन परमेश्‍वरगी ङुरूङला मान बिन्‍ला थे खोरोङगी ज्‍वा चाला च्‍योकराङ लेमु जोइओ साबाते बात ङुरूङगी आश खाईन गुकीन देता च्‍योकराङ खिओ सिन गा खिन देता थुप्‍क्‍यो।

रोमी 5:21

थोगी पाप खाबेकी खित्‍सादु पापकी सजाय भोगे खाला मि गाङे स्‍या फाप्‍च्‍या ओङा ओतान। तर थाचेन परमेश्‍वरगी दया खाला थेबाला दोषी मेन साला थेबेकी नोमुङ मिसिन्‍च्‍येते जुनी ङेत्‍क्‍यो। ङुरूङ प्रभु येशू ख्रीष्‍टकी खित्‍सादुराङ दोक ओङाते ईन।

रोमी 5:4

थोक खिता थुप्‍च्‍या गाल्‍नामेई परमेश्‍वरगी ङुरूङला पाको गालाते मि ईन सिन सिओ। दोक खाईन पाको गाल्‍नामेई परमेश्‍वरगी खिओ साबाते बात साबा च्‍योकराङ खिओ सिन ङुरूङ झन आश खिन देता थुप्‍क्‍यो।

रोमी 6:23

बातचेन दिराङ ईन। च्‍यि सासीन पाप खाबेकी खित्‍सादु मिकी पापकी सजाय ङेत्‍ला स्‍या फाप्‍क्‍यो। ङुरूङ प्रभु येशू ख्रीष्‍टताङ जीउज्‍यीकराङ ओङाते मिओनलाचेन परमेश्‍वरगी दया खाला नोमुङ मिसिन्‍च्‍येते जुनी तेरग्‍यो।

कलस्‍सी 1:27

ज्‍येन ज्‍येन जातकी मिला चुक अचम्‍ब खाला आशी बिन्‍ला लेमु खिते सिरच्‍येते बात थे खोरोङ सन्‍तानओनगी छ्या स्‍येबा फाप्‍क्‍यो सिन परमेश्‍वरगी थेबाला छ्या स्‍ये च्‍युत्‍कीन बिन्‍सुङ। परमेश्‍वरगी गोमा छ्या स्‍ये च्‍युता मेताते होथे बात च्‍यि ईन्‍दे सासीन ख्रीष्‍टचेन ख्‍योकोन ज्‍येन ज्‍येन जातकी मि सेमगी नाङ देत्‍क्‍यो। थे थोक खाईन ख्‍योकोन सेमगी नाङ देत्‍नामेई परमेश्‍वरगी तिरी ख्‍योकोनला मान बिन्‍ला थे खोरोङगी ज्‍वा चाला च्‍योकराङ लेमु जोइओ सिरच्‍येते बात पक्‍काराङ दुका सिन आश खाला गुला देता थुप्‍क्‍यो।

१ थिस्‍सलोनिकी 2:15

ज्‍येनला दुक्‍पा तेरकान्‍ते होथे यहूदीओनगीचेन प्रभु येशूला सेता ओतान। थेमे थे गोमा परमेश्‍वर बात खित्‍कान्‍ते मिओनलाङ सेता ओतान। होथेबेकीराङ ङ्योकोनलाङ दुक्‍पा बिन्‍गीन ख्‍योकोन ओत्‍सादुई उरगीन ताङा ओतान। परमेश्‍वरला मन परे मिक्‍किच्‍येते काम खित्‍कान्‍ते थेमे मि गाङेला मिगी थोङसार्मु खित्‍कान्‍ते होथेबाराङ ईन।

१ थिस्‍सलोनिकी 5:8

ङुरूङचेन परमेश्‍वर नाम्‍दाकला देत्‍कान्‍ते मि ईन्‍देकी होस तोराते मि च्‍योक ओङा मेङगो। बरू च्‍याङबो खाला देत्‍ला प्रभु येशूला विश्‍वास खिन थेमे ज्‍येनला ङिङज्‍ये खिन देता फाप्‍क्‍यो। दोक खिन देत्‍च्‍येतेचेन लडाइँ बेलाला मिल्‍टेरीओनगी ठाङला खोन्‍च्‍येते च्‍याकी पाता खोन्‍दा च्‍योकराङ ईन। थेमे ङुरूङगी आश खाईन देता च्‍योकराङ था तिरी पापकी सजाय भोगे खिता माफाबो सिनोङ टोक ज्‍येता मेङगो। थोक खित्‍च्‍येतेचेन मिल्‍टेरीओनगी गोःला च्‍याकी टोप खोन्‍दा च्‍योकराङ ईन।

१ तिमोथी 6:12

येशू ख्रीष्‍टला विश्‍वास खाईन ङेन्‍दाते बात ङेन्‍दा मोतोङा खाला जति दुक्‍पा ओङसीनोङ थे बातला साबा च्‍योकराङ खि। नोमुङ मिसिन्‍च्‍येते जुनी ङेत्‍स्‍यीत सिन परमेश्‍वरगी खोल्‍ला थे खोरोङ दोन्‍दु स्‍योक सिन काताङाते ईन मेन? थेजीन खुई मि काल्‍बेई ङोन्‍दु ङा प्रभु येशू ख्रीष्‍टला विश्‍वास खिओ सिनोङ साबा ओत। था थे नोमुङ मिसिन्‍च्‍येते जुनी खुई खोरोङ लाःक्‍तुकी स्‍योर माज्‍युत।

१ तिमोथी 6:19

थोक खित्‍च्‍येतेराङ थेबे लाईदु स्‍वर्गने जम्‍मा ओङगीन डोच्‍येते सम्‍पत्ति ईन। दि सम्‍पत्ति ओत्‍नामेई तिरी थेबाला लेमु ओङला नोमुङ मिसिन्‍च्‍येते जुनी ङेत्‍क्‍यो।

२ तिमोथी 1:1

दि चिट्ठी टिक्‍कान्‍ते ङा पावल ईन। ङा येशू ख्रीष्‍टकी खटे खाबाते मि ईन। ङा थोक्‍ते मि ईन सिन परमेश्‍वरगी ङाला छाने खाबा ओत। ङे कामचेन परमेश्‍वरगी तेरग्‍यो साबाते नोमुङ मिसिन्‍च्‍येते जुनीचेन येशू ख्रीष्‍टकी खित्‍सादु ङेत्‍क्‍यो सिन ज्‍येनला लोप्‍च्‍येते ईन।

२ तिमोथी 1:9

थेकीराङ ङुरूङला पापकी सजायदुकी टाल्‍गीन बिन्‍दा ओत। थेमे ङुरूङ सेम खुदुक गाल्‍ला मेलेबाते कामताङ बात सिराते छ्याःङ मिक्‍किस्‍यीत सिन थे खोरोङ दोन्‍दु स्‍योक सिन काताङा ओत। थेकी थोक खाबाते ङुरूङगी थेकी खि साबा साबाच्‍योक खाईन लेमु काम खाबेकी खित्‍सादु मेन, बरू थे खोरोङ दयेकी ङुरूङला थोक खिता चालेकी खित्‍सादुकामा ईन। येशू ख्रीष्‍ट छ्य्‌वापेकी ङुरूङ लाईदु दोक खिओ सिन थेकी दि सा नाम ज्‍वा भन्‍दा गोमाकाराङ टुङ्गो खाबा ओतान।

२ तिमोथी 2:10

दोक ईन्‍देकी परमेश्‍वरगी थे खोरोङ मि सिन छाने खाबाते मिओनला लेमु ओङस्‍यीत सिनराङ ङा जस्‍तो दुक्‍पाङ भोगे खिओ। येशू ख्रीष्‍टकी थेबालाङ पूरो खाला पापदुकी डेल्‍स्‍यीत थेमे सधैँ परमेश्‍वरताङ स्‍वर्गने देता ङेत्‍स्‍यीत सिनराङ ङा दोक खिओ।

२ तिमोथी 2:13

ङुरूङगी खिओ साबाच्‍योक माक्‍यासीनोङ थेकीचेन थे खोरोङगी खिओ साबाच्‍योक खिता नोमुङ मोतोङो। च्‍यिला सासीन थेकी बातज्‍यीक खानामेई थे बात लोक्‍ला नोमुङ खुदुक मोजोओ।

२ तिमोथी 2:15

परमेश्‍वरगी खोरोङला लेमु खाला काम खित्‍कान्‍ते मि ईन सिरस्‍यीत सिन खुईचेन लेमु काम खित्‍च्‍ये छ्य्‌वापाकामा स्‍येत खि। थोक ओङला थे दोन्‍दु खोरोङगी छ्याःङ ङोचा खिता माफाप्‍स्‍यीत सिन सत्‍यते बात लोप्‍जीन खुई च्‍यि बात चुक खाला लोपा फाप्‍च्‍येते ईन्‍दे होथोकराङ खाला लोप।

तीतस 2:13

थेमे ङुरूङला पापदुकी डेल्‍कान्‍ते छ्येज्‍यीक शक्ति ओताते परमेश्‍वर येशू ख्रीष्‍ट था तिरी स्‍वर्गनेकी मिगी तापराङ मुथुप्‍च्‍या झिलिमिली नाम्‍दाकला देत्‍ला देमा ग्‍युरला ओङगो सिन ङुरूङ आश खाला गुला देत्‍क्‍यो। दिराङ ङुरूङ लाईदु आउदी गा लाङच्‍येते बात ईन।

तीतस 2:7

खोल्‍ला ताला खोपरोङगी चुक चुक खिता फाप्‍च्‍या ईन्‍दाका सिन थेबेकी लोप्‍स्‍यीत सिन जे खित्‍जीनोङ खुई लेमु खाला खि। ज्‍येनतेबाला लोप्‍जीन खुई दाक्‍पोन फाइदा छ्याःङ माताबा खाला थेमे ङा परमेश्‍वर बात लोप्‍कीन ओत सिराच्‍योक खाला होस ज्‍याक्‍ला लोप।

तीतस 3:7

दोक खाईन थेकी ङुरूङला दया खाईन दोषी मेन सिन साबा ओतेकी ङुरूङगी आश खाईन गुकीन देताते थेकी तेरग्‍यो साबाते नोमुङ मिसिन्‍च्‍येते जुनी ङेत्‍च्‍या ओङा ओत।

१ यूहन्‍ना 2:25

थेबाताङ डिक्‍ला देता ङेत्‍च्‍येतेराङ येशू ख्रीष्‍टकी ङुरूङला तेरग्‍यो साबाते नोमुङ मिसिन्‍च्‍येते जुनी ईन।

१ यूहन्‍ना 5:20

ङुरूङला ज्‍येनोङ बात च्‍यि छ्या ओते सासीन परमेश्‍वर फुज्‍युङगी दुरू वाकीन परमेश्‍वर सु ईन्‍दे, चुक्‍ते ईन्‍दे सिन ङुरूङला छ्या स्‍ये च्‍युत्‍सुङ। थेकी दोक खानामेई ङुरूङ सत्‍यते परमेश्‍वरताङ डिक्‍पा थुप्‍सुङ थेमे परमेश्‍वर फुज्‍युङ येशू ख्रीष्‍टताङ डिक्‍पा थुप्‍सुङ। येशू ख्रीष्‍टचेन सत्‍यते परमेश्‍वर ईन, नोमुङ मिसिन्‍च्‍येते जुनी तेरकान्‍तेङ थेराङ ईन।

यहूदा 1:21

परमेश्‍वरगी ख्‍योकोनला ङिङज्‍ये खिनराङ देत्‍क्‍यो सिन टोक माज्‍येत। थेमे ङीमाई ङुरूङ प्रभु येशू ख्रीष्‍ट ग्‍युरला वाला थेकी दया खाईन तेरग्‍यो साबाते नोमुङ मिसिन्‍च्‍येते जुनी ङेत्‍क्‍यो सिन थेला गुलाराङ देत।

छ्या स्‍ये च्‍युताते बात 13:8

थेमे दि सा लुङबे मि गाङेकी थे जन्‍तुला मान खाला छ्ये जोइओ। खालि दि सा नाम ज्‍वा भन्‍दा गोमाराङ नोमुङ मिसिन्‍च्‍येते जुनी ङेत्‍कान्‍ते मिओन मिन टिबाते किताब नाङ खोपरोङ मिन ओताते मिओनगीकामा थे जन्‍तुला मान खाला छ्ये मोजोओ। थे मिन टिबाते किताबचेन लुई रीउते ईन।

छ्या स्‍ये च्‍युताते बात 17:8

खुई थोङाते दि जन्‍तु गोमा पालोई ओतान, थाल्‍ला मेत। थे था तिरी खापान खापान तीङ ओताते डालुममेकी थेन्‍ला ओङगो। तर थेन्‍गीन वानामेकी थे सजाय ङेत्‍ला नरककुण्‍डमा ड्वा फाप्‍क्‍यो। दि सा नाम ज्‍वा भन्‍दा गोमामेकीराङ नोमुङ मिसिन्‍च्‍येते जुनी ङेत्‍कान्‍ते मिओन मिन टिबा ओताते किताबला खोपरोङ मिन टिबा मेताते मिबरीचेन थे जन्‍तुला थोङजीन छक्‍क परे खिओ। च्‍यिला सासीन थे जन्‍तु गोमा ओतान, थाल्‍ला मेत थेमे था ङीमाई याङराङ थे दुरू ओङगो।