तीतस 1:15 - जिरेल

¹⁵ सेमला मेलेबा मेताते मिओन लाईदु दि सा मेङगो, दि खिता मेङगो सिरच्‍येते रीतिथिति छ्याःङ मेन। थोक्‍ते मिओनगी होदोक्‍ते रीतिथिति माने माक्‍यासीनोङ पा मोफोगो। येशूला विश्‍वास मिक्‍किकान, सेमला पाप ओताते मिओनगीचेन दि सोसीन, दोक खासीन पा फोइओ सिरच्‍येते ईन्‍देकी थोक्‍ते मिओन लाईदु जेसुकै मेलेबाराङ ओङगो। खोपरोङ सेम लेमु मेतेकी खिता मेङच्‍येते काम खासीनोङ थेबाला छ्याःङ मेलेबा खाबाच्‍योक मालाङो।

तीतस 1:15 Iomraidhean Croise

मत्ती 15:18

दोक ईन्‍देकी मिला पा फोक्‍च्‍येते साच्‍या थुङच्‍येतेकी मेन्‍देकी मि सेमदुकी खानामा थेन्‍च्‍येते बातकी ईन।

शक्ति काम 10:15

थेकी याङराङ “परमेश्‍वरगी सा ओङगो सानामेकी था खो चुक खाला साच्‍ये सिन मासेर,” सिन सिरा थोसुङ।

रोमी 14:14

प्रभु येशूताङ जीउज्‍यीकराङ ओङाते मि ईन्‍देकी दि बात ङे लेमु खाईन छ्या स्‍येबा ओत। च्‍यि सासीन स्‍या ईन्‍सीनोङ ज्‍येनतोक ईन्‍सीनोङ सा मेङच्‍येते सिराते छ्याःङ ओतराङ मेत। मिकी जे सोसीनोङ पा फोक्‍च्‍येते मेन। दोक ईन्‍सीनोङ सुइँदाला दिनी सा मेङगो, दि सोसुङ सासीन पा फोइओ सिराच्‍योक लाङगीन लाङगीन थोक्‍ते साप सोसुङ सासीन थेबालाचेन दाक पा फोइओ।

रोमी 14:20

साच्‍या थुङच्‍ये बातला माडिक्‍ला परमेश्‍वरगी खेराङ नाङ खाबाते काम ङ्ये माज्‍युत। ईन्‍दाका ङे आनाङका साबा च्‍योकराङ जे सोसीनोङ मिला पा फोक्‍च्‍येते मेन। ईन्‍सीनोङ ख्‍योकोनगी खइँदा सोबा थुबेकी खित्‍सादु ज्‍येनगीङ खोपरोङगी मास्‍साओ मुथुङो सिन साबाते सेइदुक थुङगीदुक सासीन ख्‍योकोनगी थोक खाईन सोबा थुबाते लेमु मेन।

रोमी 14:23

लोक्‍ला जेसुकै सा थुङा मेङगो सिरकान्‍ते मिओनगी शंका लाङगीन लाङगीन खोपरोङगी सा थुङा मेङगो साबाते खइँदा सोसुङ थुसुङ सासीन थेबाचेन दोषीराङ ईन। च्‍यिला सासीन येशू ख्रीष्‍टला विश्‍वास खिन थेला लेमु खाला माने खिताला मिक्‍किओ साबाते कामराङ खासुङ सासीन थोक्‍ते गाङे काम पापराङ ईन।

१ कोरिन्‍थी 10:23

थेमे मिओनगी खोपरोङगी जे खासीनोङ ओङगो सिन खिदुक। ईन्‍दानी ईन, खिता ओङगो। थोक ईन्‍सीनोङ गाङे काम लेमुकामा मेन। जेङ खित्‍जीन ज्‍येनला मेलेबा ओङगो।

१ कोरिन्‍थी 10:25

स्‍या छोङसाला गाल्‍ला ख्‍योकोनगी दि स्‍या खापेकी खुलाबाते ईन्‍ताका, ना खइँदाला पूजा खाबातेका ईन्‍दा सिन छ्याःङ शंका मिक्‍किता खाला ङ्योला सो।

१ कोरिन्‍थी 10:31

बात दोक दोक ईन्‍देकी ख्‍योकोनगी साजीन ईन्‍स्‍यीत, थुङजीन ईन्‍स्‍यीत जे खित्‍जीनोङ खालि परमेश्‍वरला छ्ये जोच्‍येते कामकामा खि।

१ कोरिन्‍थी 8:7

जे ईन्‍सीनोङ दि ल्‍हा लु सिराते छ्याःङ मेन सिन ङुरूङ नाङ गाङेकी लेमु खाईन छ्या स्‍येबा मेत। गोमाबा ल्‍हा लु माने खिन ओतेकी थेमे ल्‍हाला पूजा खाबाते सेइन ओतेकी ल्‍हाला पूजा खाबाते सोसीन थरिङोलाङ कोई कोईकी हत्तेरिका ङे थे पूजा खाबाते सा ओङच्‍या मेतान, था ङाला पा फोइओ सिन सिओ। हत्तेरिका ङे दोक्‍ते स्‍या सा ओङच्‍या मेतान सिराच्‍योक खिओ।

१ तिमोथी 6:5

थेमे जहिलेङ थोम्‍मुकामा खिन देत्‍च्‍येते ओङगो। थेबे सेम मेलेबा ओतेकी सत्‍यते बात थेबाला छ्याःङ काम लै मिक्‍किओ। थेबेकी परमेश्‍वरला माने खित्‍च्‍येतेचेन सम्‍पत्ति ज्‍वा थुप्‍क्‍यो सिनकामा ईन।

हिब्रू 10:22

बात दोक दोक ईन्‍देकी छ्याःङ शंका मिक्‍किता खाला परमेश्‍वरला विश्‍वास खिन सेमदु पाप सिराते छ्याःङ मोज्‍योबा खाला ङुरूङ थे दोन्‍दु ड्वा फाप्‍क्‍यो। च्‍यिला सासीन येशू ख्रीष्‍टकी खाबाते कामगी खित्‍सादु ङुरूङ पाप गाङे माफ ओङेकी था ईन्‍सीन ङे पाप पूरो खाईन माफ ओङसुङ सिन ङुरूङ ढुक्‍क खाला देता थुप्‍च्‍या ओङा ओत। थेमे चङगेते छ्युईकी ठु खाईन चोके खाबाते मि ओङा ओत।

हिब्रू 12:15

खेराङ सुङ खेराङला दया खित्‍कान्‍ते परमेश्‍वरताङ ठाला माफाप्‍स्‍यीत सिन ख्‍योकोन च्‍याङबो खाला देत। दोक माक्‍यासीन मेलेबा मेलेबा काम खिता सेम लाला ख्‍योकोन परमेश्‍वर छ्य्‌वापेई ठाल्‍ला डुइओ। थोक्‍ते मिकीचेन परमेश्‍वरला विश्‍वास खित्‍कान काल्‍बेईला ङ्ये ज्‍युत्‍क्‍यो।

हिब्रू 9:14

थोक खानामेईनी बिटुले खाबाते मि चोके खिओ सासीन ख्रीष्‍ट स्‍यिजीन थे जीउदुकी थेन्‍दाते ठागी खित्‍सादु था ईन्‍सीन मेलेबाते कामगी सजाय ङेत्‍ला ङा नरककुण्‍डमा स्‍यूक्‍पा माफाबो सिन ख्‍योकोन ढुक्‍क खाला देता थुप्‍क्‍यो। दोक ओङला ख्‍योकोनगी सोम्‍बोते परमेश्‍वरगी खि साबा साबाते खिन थेला माने खिता थुप्‍क्‍यो। च्‍यिला सासीन छ्याःङ गल्‍ती खाबा मेताते ख्रीष्‍ट परमेश्‍वर आत्‍मे शक्ति ङेत्‍कीन परमेश्‍वरला थे खोरोङ ज्‍यानराङ बिन्‍गीन स्‍या ओत।