तीतस 1:14 - जिरेल

¹⁴ थोक खाला थेबेकी थे यहूदीओनगी जोला लोप्‍च्‍येते छ्याःङ काम लै मिक्‍किच्‍येते बातताङ कथाओनला नामज्‍योक मेसेत्‍स्‍यीत थेमे सत्‍यते बात मेङेन्‍कान्‍ते मिओनगी ङेन्‍दा फाप्‍क्‍यो सिन साबाते रीतिथिति माने खिता तोङस्‍यीत सिन होथोक खि।

तीतस 1:14 Iomraidhean Croise

मत्ती 15:9

दिबेकी ङे नियमराङ ईन्‍दाच्‍योक खाला खोपरोङ बातका ज्‍येनला लोप्‍कीदुक। थोगी दिबेकी ङाला माने खिताला सिन खाबाते कामनी छ्याःङ काम लै मिक्‍किओ,’ सिन साबा ओतान,” सिन सिदुक।

मर्कूस 7:7

दिबेकी ङे नियमराङ ईन्‍दाच्‍योक खाला खोपरोङ बातका ज्‍येनला लोप्‍कीदुक। थोगी दिबेकी ङाला माने खिताला सिन खाबाते कामनी छ्याःङ काम लै मिक्‍किओ,’ सिन साबा ओतान।

गलाती 4:9

थाचेन ख्‍योकोनगी परमेश्‍वर सु ईन्‍दे, चुक्‍ते ईन्‍दे सिन लेमु खाईन छ्या स्‍येबा ओत। ख्‍योकोनगी थेला छ्या स्‍येबाते ईन सिरा भन्‍दाङ बरू परमेश्‍वर थे खोरोङगीराङका ख्‍योकोनला थे खोरोङ सु ईन्‍दे, चुक्‍ते ईन्‍दे सिन छ्या स्‍ये च्‍युत्‍कीन बिन्‍दाते ईन सिरा डिगीतासीन। बात दोक ईन्‍गीन ईन्‍गीनोङ परमेश्‍वरला माने खिता ताङगीन ख्‍योकोनगी चुक खाईन थाङबोमेई चले खिन वाबाते रीतिथिति लोक्‍ला माने खिताला स्‍यूबे? थोक खाला छ्याःङ फाइदा मेत्‍सीनोङ ख्‍योकोन च्‍यिला याङराङ स्‍याप स्‍याप खाला थे रीतिथिति माने खिता छोल्‍गीते?

कलस्‍सी 2:22

साच्‍या थुङच्‍या सिराते सोनामेई दाक सिन्‍ला डुइओ। दि साच्‍या थुङच्‍याताङ दि खिता मेङगो, थे खिता मेङगो सिन लोप्‍च्‍येते बात गाङे खालि मिओनगी माने खिता फाप्‍क्‍यो सिन खोपरोङगी जोबाते रीतिथितिकामा ईन।

२ तिमोथी 4:4

थोक खाला थेबेकी सत्‍यते बात ङेन्‍दा ताङला छ्याःङ काम लै मिक्‍किच्‍येते कथाओनका लेमु खाला ङेन्‍ग्‍यो।

तीतस 3:11

दाक्‍पोनगी मेलेबा काम खिन ओत सिन छ्या ओत्‍कीन ओत्‍कीनोङ सत्‍यते बात ङेन्‍दा ताङगीन थे पापला नुप्‍कीन सिन्‍दाते मि ईन सिन खोल्‍ला छ्या मेताते मेन। थेकी थोक खाबेकी खित्‍सादु थे गोःनामा परमेश्‍वर सजाय फाप्‍क्‍यो।

हिब्रू 12:25

थोगी ख्‍योकोनगी परमेश्‍वरगी साबाते बातला नामज्‍योक सेत। थेकी दुरू साबाते बातला नामज्‍योक मेसेत्‍कान्‍ते मिओनगीनी सजाय ङेता ओतान सासीन थेकी स्‍वर्गनेकी साबाते बात ङुरूङगी ङेन्‍दा ताङसीन च्‍यि झन ङुरूङ उम्‍के खिओतरो?

२ पत्रुस 2:22

थेबे काम ताजीन दि उखानताङ डिइदुक। चुक सासीन “किकी ग्‍युरला गाल्‍ला थे खोरोङ क्‍युबाराङ दाइओ।” थेमे “फाक्‍पाला साङसाङ खाईन टुकीन बिन्‍सीनोङ लोक्‍ला हिलो नाङराङ गाल्‍ला ढलीमली खिओ।”