था ख्योकोनला आउदी मेलेबा ओङगो। परमेश्वरला आउदी खाला माने खित्कान्ते ईन सिन तेन्दाला ख्योकोन काल्बासाक प्रार्थना खिन देत्कीदुक। लेमु खाईन तासुङ सासीन नाङ नाङलाचेन ख्योकोनगी ख्योबो स्यिइन सिन्दाते फेम्मे मिओन सम्पत्ति ठगे खाईन सोकीन सिन्दा ओङगो। था तिरी ख्योकोनगी आउदी छ्येज्यीक सजाय ङेत्क्यो।
तीतस 1:10 - जिरेल10 थरिङोला थेपा थोक खाला ङेन्दा फाप्च्येते बातताङ मिडिक्च्येते बात लोप्कान्ते मि काल्बेई दुक। थेबेकी सुङगीङ बात मेङेन्दा खाला खालि छ्याःङ काम लै मिक्किच्येते बातओन लाप्ला येशूला विश्वास खित्कान्ते मिओनला छक्के खिओ। दोक खित्कान्तेबा काल्बा च्योक्ते जीउला खतकी चिनु जोकान्ते यहूदीराङ ईन। Faic an caibideil |
तीतस 1:10
29 Iomraidhean Croise
ईन्दाका येशू ख्रीष्टला विश्वास खित्कान्ते ईन सिरकान तर थोक मेन्दाते कोई कोई मि ङ्योकोन बात खित्सादु माबा ईन्सीन थे खतकी चिनु जोच्येते बादोङ थेन्च्याराङ मेतान। येशू ख्रीष्टताङ जीउज्यीकराङ ओङगीन ङ्योकोनगी परमेश्वरगी ङेराङ यहूदीओनला बिन्दाते होथे नियम ङेन्दा ताङा ओताते बात छ्या स्येबा ओत्कीन ङ्योकोनगी चुक चुक खित्च्या ईन्दाका सिन चिवा खिताला होथेबाचेन सुङगीङ स्योक मासाबाला थाराङ थेरू वाबा ओतान। थेरू खइँदा बात जिन्दा थुप्सीन लोक्ला ङ्योकोनला होथे नियमतेबा गाङे ङेन्दाराङ फाप्क्यो सिराला थेबा थोक खाईन थेरू वाबा ओतान।
दोक ओङनामेकीचेन ङुरूङ पाको गाला मेताते मिकी च्योक मिक्किओ। पाको गाला मेताते मिकीचेन परमेश्वर बात ईन सिन सुइँदेकी मेन्दे बात लाप्सीन थे ङेन्ग्यो। लोक्ला ज्येनज्यीगी होथोक्ते ज्येनराङ बात लाप्सीन थेङ ङेन्ग्यो। होथोक्ते बात लोप्कान्ते मिओन ज्येनला छक्के खिताला आउदी च्याङबो ओङगो। थेबेकी चुक खाला ओङगीका पाको गाला मेताते मिओन मिकला छारो ग्याप्ला खोपरोङ लाःक्तु लिन्ग्यो।
थेमे थेबाला छ्याःङ काम लै मिक्किच्येते कथा थेमे थाङबो थाङबोमे वंशावली बात खाला दिन तोङच्येते माकेत सि। थोक्ते बात खित्जीन खालि टेकाटेउरीकामा स्योरग्यो, नोमुङ डिक्च्येते बात मेङगो। थोक्ते बात खित्कान्ते मिओनगीचेन परमेश्वरगी मिओन नाङ खिता चालाते काम मिक्किओ। येशू ख्रीष्टला लेमु खाला विश्वास खालाकामा परमेश्वरगी खिता चालाते काम खिता थुप्क्यो।
परमेश्वर नियमचेन थे नियमला खि साबा साबाच्योक खित्कान्ते मिओन लाईदु जोबाते मेन सिनोङ ङुरूङला छ्या ओत। थे नियम चुक्ते मिओन लाईदु जोबाते ईन्दे सासीन नियम कानून मेङेन्कान्तेताङ मनपरी खाला ख्याम्कान्ते मिओन, परमेश्वरला मान मिक्किकान्तेताङ पापीओन, परमेश्वरला मन परे मिक्किच्येते काम खित्कानताङ परमेश्वर ओतराङ मेत सिन थे विरोध खित्कान्ते मिओन लाईदु जोबाते ईन। थोक्ते मिओन लाईदुकामा मेन, दाक्पोन आबा आमाला थेमे ज्येन मिओनला सेत्कान्ते मिओन,
येशू ख्रीष्ट मिओनला ताकान्ते मिचेन सुङगीङ दिकी दि दि गल्ती खाबा ओत सिन साबा मेताज्यीक ओङा फाप्क्यो। थेते फेम्मेज्यीककामा ओङा फाप्क्यो। थे फुज्युङ फुमुतेबाङ येशूला विश्वास खित्कान ओङा फाप्क्यो। थे फिजाओन बानी बिवारा थोङला सुङगीङ थेबाला मनपरी खिन ख्याम्कान्ते थेमे आबा आमेकी लाःपा कोताते मेङेन्कान्ते ईन सिन सिरा मुथुप्च्येतेन्दे ओङा फाप्क्यो।
ङिङज्येते फिजावे, सुइँदेकी ङाला दि बात परमेश्वर आत्मेकी सिर च्युताते ईन सिन सिरजीनमेईराङ थोक्ते मि गाङे बात पत्ते माकेत। बरू थेबेकी साबाते बात परमेश्वर आत्मेकी सिर च्युताते ईन्दाकाना मेन्दाका सिन लेमु खाला छ्या स्येबा खि। च्यिला सासीन परमेश्वर बात खित्कान्ते मि ईन सिन मेन्दे बात लोप्कान्ते मिओन सा लुङबा खाङ ठाम्गीन सिन्दा ओत।
थोक ईन्सीनोङ ङे ख्योकोनला सिरा फाप्च्येते बातज्यीक बात ङि ओत। च्यि सासीन ख्योकोन नाङ लाला लाला बालामगी लापाते बात ङेन्कान दुक। बालामगीचेन बालाक गेल्बोला ल्हाला पूजा खाबाते सोसीन ओङगो, रन्डीबाजी थेमे होदि च्योक्ते खिता मेङच्येते काम खासीनोङ ओङगो सिन लाप्कीन बिन्गीन इस्राएलीओनला थोक खित च्युता ओतान।
Sanasan