रोमी 9:6 - जिरेल

⁶ तर इस्राएलीओन बात विचार खाला ताजीन परमेश्‍वरगी थेबाताङ खिओ साबाच्‍योक माक्‍याबा च्‍योकका थोङगीदुक मेन? बात दोक मेन, थेकी साबाते बात नोमुङ फरक परे मिक्‍किओ। बरू बात चुक ईन्‍दे सासीन इस्राएली गाङेराङ परमेश्‍वरगी छाने खाबाते मि मेन।

रोमी 9:6 Iomraidhean Croise

मत्ती 24:35

दि साताङ नाम नाश गाल्‍ला तोरला डुइओ। तर ङे साबाते बातचेन फरकराङ परे मिक्‍किओ।

यूहन्‍ना 1:47

नथानेलला थे खोरोङ ओत्‍सापा ओङा थोङगीन येशूकी “लो तो, दिचेन लेमुते इस्राएली ईन। दि सेमगी नाङ मेलेबा सिराते छ्याःङ मिन्‍दुक,” सिन सासुङ।

यूहन्‍ना 10:35

परमेश्‍वर बातला टिबाते बात फरकराङ परे मिक्‍किओ। मिओनताङ बात खित्‍जीन परमेश्‍वरगी थेबाला ‘परमेश्‍वर फुज्‍युङ फुमु ईन,’ सिन साबा ओतान।

रोमी 3:3

परमेश्‍वरगी थेबाला थे खोरोङ बात बिन्‍दा ओता ईन्‍सीनोङ कोई कोईकीचेन खोपरोङगी खिओ साबा च्‍योकराङ खाईन परमेश्‍वरला माने माक्‍यासुङ। थेबेकी थोक खासुङ सिरजीनमेईराङ च्‍यि था परमेश्‍वरगीङ थे खोरोङगी खिओ साबाच्‍योक खिता तोङगोतरो?

रोमी 9:4

थेबानी परमेश्‍वरगी थे खोरोङ मि सिन साबाते इस्राएलीओनराङ ईन। थेबाचेन परमेश्‍वरगी थे खोरोङ धर्म-पुत्र जोबाते मि ईन। थेबेकी परमेश्‍वरला मिगी ताराङ मुथुप्‍च्‍या झिलिमिली नाम्‍दाकला देता ओता थोङा ओतान। थे खोरोङगी च्‍यि च्‍यि खिते सिन परमेश्‍वरगी थेबाताङ पालोताङ पालो जमान खाबा ओतान। थेमे थेबेकी चुक चुक खिता फाप्‍कीते सिन नियमओनोङ बिन्‍दा ओतान। थे खोरोङला चुक खाला माने खिता फाप्‍कीते सिन लाप्‍कीन बिन्‍गीन थेकी थेबाला आशी बिन्‍ला लेमु खिओ सिनोङ याङ याङराङ साबा ओतान।

गलाती 6:16

होदि बातकामा ङेन्‍कान मि गाङेला थेकी ढुक्‍क खाला देत ज्‍युत्‍स्‍यीत, ङिङज्‍ये खिनराङ देत्‍स्‍यीत। होदि बातकामा ङेन्‍कान्‍ते मिओनराङ परमेश्‍वरगी थे खोरोङ मि ईन सिन छाने खाबाते पक्‍काते इस्राएली ईन।

फिलिप्‍पी 3:3

ङुरूङका परमेश्‍वरगी छाने खाबाते जीउला खतकी चिनु जोबा ओताते मि च्‍योक्‍ते ईन। च्‍यिला सासीन परमेश्‍वरला चुक खाला माने खिता फाप्‍च्‍येते ईन्‍दे परमेश्‍वर आत्‍मे छ्य्‌वापेकी ङुरूङ थेला थोकराङ खाला माने खिओ। परमेश्‍वरला माने खिताला ङुरूङचेन दाक्‍पोन जीउला खतकी चिनु जोबा ओत थेमे ज्‍येन ज्‍येनोङ धर्म कर्म खाबा ओत सिन छ्ये मिक्‍किओ। बरू येशू ख्रीष्‍टताङ जीउज्‍यीकराङ ओङा ओतेकी गा खिओ।

२ तिमोथी 2:13

ङुरूङगी खिओ साबाच्‍योक माक्‍यासीनोङ थेकीचेन थे खोरोङगी खिओ साबाच्‍योक खिता नोमुङ मोतोङो। च्‍यिला सासीन थेकी बातज्‍यीक खानामेई थे बात लोक्‍ला नोमुङ खुदुक मोजोओ।