रोमी 9:5 - जिरेल

⁵ दोस्‍यिककामा मेन, थेबाचेन अब्राहाम, इसहाक थेमे याकूब सन्‍तानराङ ईन। थेमे परमेश्‍वरगी तोङगो साबाते ख्रीष्‍टोङ मि जुनी लाला दुरू ओङजीन थेबे जातकी नाङराङ केबा ओतान। थेचेन सा नाम खाङ गाङेपा गाङेला राज्‍य खित्‍कान्‍ते परमेश्‍वर ईन। थेते सधैँभरि जय जय ओङस्‍यीत। आमेन।

रोमी 9:5 Iomraidhean Croise

मत्ती 28:20

थेमे ङे ख्‍योकोनला खि सिन गोमामेई थातासाक लोप्‍कीन वाबाते बात गाङे थेबालाङ लाप्‍ला थोकराङ खि सिन लोप। ख्‍योकोन छ्याःङ ज्‍यीबा माकेत। च्‍यिला सासीन ङा ख्‍योकोनला नोमुङ मोतोङो, दि जुग सिन सिनसाकराङ ङा ख्‍योकोनताङ ङ्योम्‍बुराङ देत्‍क्‍यो,” सिन बात खासुङ।

मत्ती 6:13

थेमे मेलेबा काम खित्‍से छ्य्‌वापेई ङ्योकोनला जोए खाला नाङ। मिला मेलेबा खित्‍कान्‍ते शैतान लाःक्‍तुकीङ खुईराङ जोए खाला नाङ। गाङेपा गाङेला राज्‍य खित्‍कान्‍ते खोराङ ईन। खोत्ताङ छ्येज्‍यीक शक्ति ओत। खुईते सधैँभरि जय जय ओङस्‍यीत। आमेन,’ सिन सि।

लूका 20:44

थोक खाईन गेल्‍बो दाऊद खोरोङगीराङ ख्रीष्‍टला मान खिन प्रभु सानामेकी चुक खाईन ख्रीष्‍ट थे सन्‍तान ओङसुङा? विचार खिते,” सिन सिदुक।

यूहन्‍ना 10:30

आबाताङ ङा दोक्‍पोईराङ ईन,” सिन सिदुक।

शक्ति काम 20:28

थोगी येशूला विश्‍वास खिता मोतोङा खाला था ख्‍योकोन खेराङोङ च्‍याङबो खाला देत। थेमे लेमु खाला तो सिन परमेश्‍वर आत्‍मेकी खेराङ जिम्‍माला बिन्‍दाते परमेश्‍वर मि गाङेते लेमु खाला हेर विचार खि। येशू ख्रीष्‍ट स्‍यिजीन थे जीउदुकी थेन्‍दाते ठागी थेकी थेबाला परमेश्‍वर मि ओङाला ङ्योबाते ईन सिन सम्‍झे खाला थेबाला लेमु खाला तो।

शक्ति काम 3:13

बात चुक ईन्‍दे सासीन थरिङ दि अचम्‍बते काम खित च्‍युत्‍कीन ङुरूङ ज्‍युज्‍यु पुर्खा अब्राहाम, इसहाकताङ याकूबकी माने खाबाते परमेश्‍वरगी थे खोरोङ काम खित्‍कान्‍ते येशूताङ चुक छ्येज्‍यीक शक्ति ओते सिन छ्या स्‍ये च्‍युत्‍कीन बिन्‍दाते ईन। येशूला सेता फाप्‍क्‍यो सिन ख्‍योकोनगीचेन ज्‍येन जातकी मिओन लाःक्‍तु सोम्‍पे खासुङ। थेमे रोमी गेल्‍बो हाकिम पिलातसकी थेते छ्याःङ गल्‍ती मिन्‍दुक सिन तोङा छोल्‍जीनोङ ख्‍योकोनगी थेला मातोङ, थेलाचेन सेताराङ फाप्‍क्‍यो सिन साकीन

रोमी 1:25

दोक खाईन परमेश्‍वर सु ईन्‍दे, चुक्‍ते ईन्‍दे सिन सत्‍यते बात छ्या ओत्‍कीन ओत्‍कीनोङ थेबेकीनी ओताते जति गाङे जोकान्‍ते परमेश्‍वरला माने खिता ताङगीन थेकी जोबातेबालाका ल्‍हा सिन माने खिताला स्‍यूसुङ। परमेश्‍वरतेकामा सधैँ जय जय ओङस्‍यीत। आमेन।

रोमी 1:3

परमेश्‍वरगी छ्या स्‍ये ज्‍युत्‍क्‍यो साबाते दि गा लाङच्‍येते बातचेन थे खोरोङ फुज्‍युङ बातराङ ईन। परमेश्‍वर फुज्‍युङ मि जुनी लाला दुरू ओङजीन गेल्‍बो दाऊद सन्‍तान नाङ केबा ओतान।

रोमी 10:12

होदि बातओन यहूदी ईन्‍स्‍यीत, ज्‍येन ज्‍येन जातकी मि ईन्‍स्‍यीत मि गाङे लाईदु ईन। परमेश्‍वर दोन्‍दु मि गाङे थोजोराङ ईन। थेमे थेबा गाङेते मालिकचेन प्रभु येशू ख्रीष्‍टराङ ईन। थे खोरोङ छ्य्‌वापा लै खाला थेला मद्धत नाङ सिरकान गाङेला थेकी आउदी खाला आशी बिन्‍ला लेमु खिओ।

रोमी 11:28

गा लाङच्‍येते बात माङेन्‍देकी इस्राएलीओन परमेश्‍वरताङ मिडिक्‍कान्‍ते मि ईन। थेबा थोक खाईन थेत्ताङ माडिक्‍पेकी खित्‍सादु ख्‍योकोन ज्‍येन ज्‍येन जातकी मिकी गा लाङच्‍येते बात ङेन्‍दा ङेताते ईन। थोक ईन्‍सीनोङ थेबे ज्‍युज्‍यु पुर्खा परमेश्‍वरगी छाने खाबाते मि ईन्‍देकी थेकी थेबाला ङिङज्‍ये खिता ताङा मेत।

१ कोरिन्‍थी 14:16

था सिइना, ख्‍योकोनगी परमेश्‍वर आत्‍मेकी खेराङ आत्‍माला कोता ओता च्‍योकराङ खाईन खेराङ आत्‍मेकी परमेश्‍वरते जय जय खासुङ सासीन थे बात खोराङ मोखोकान्‍ते थेरू ओताते ज्‍येनगी चुक खाला खुई साबा च्‍योकराङ ओङस्‍यीत सिन आमेन सिरा थुप्‍कीते?

२ कोरिन्‍थी 11:31

ङे ढाँर मिक्‍किओ सिन परमेश्‍वरला छ्या ओत। थेचेन प्रभु येशू आबा थेमे परमेश्‍वर ईन। थेते सधैँभरि जय जय ओङस्‍यीत।

१ तिमोथी 3:16

परमेश्‍वरगी गोमा सुङलाङ छ्या स्‍ये च्‍युता मेताते थे खोरोङला चुक खाला माने खिता फाप्‍कीते सिरच्‍येते बात आउदी अचम्‍ब लाङच्‍याज्‍यीक दुक। दि बात मेन सिन सुङगीङ सिरा मुथुबो। दि बात च्‍यि ईन्‍दे सासीन ख्रीष्‍टचेन मि जुनी लाकीन पृथ्‍वीदु केसुङ। थे छ्याःङ गल्‍ती मेताते ईन सिन परमेश्‍वर आत्‍मेकी छ्या स्‍ये च्‍युता ओत। थेला परमेश्‍वर दूतओनगी थोङा ओत। जात जातकी मिला थे बात लाप्‍कीन बिन्‍दा ओत। सा लुङबा खाङ मिओनगी थेला विश्‍वास खाबा ओत। थेला परमेश्‍वरगी छ्येज्‍यीक मान बिन्‍गीन स्‍वर्गने खेरा ओत।

१ तिमोथी 6:15

परमेश्‍वरगी तोके खाबे बेलालाराङ प्रभु येशू ख्रीष्‍ट ग्‍युरला ओङगो। परमेश्‍वरचेन जेसुकै ओत्‍कान्‍ते ईन। सा नाम खाङ गाङेपा राज्‍य खित्‍कान्‍ते थेकामा ईन। थे गेल्‍बोओनतेङ गेल्‍बो थेमे गाङे छ्येतेबेतेङ छ्येते ईन।

२ तिमोथी 2:8

थेमे गेल्‍बो दाऊद सन्‍तान नाङ केबाते येशू ख्रीष्‍टला सधैँ सम्‍झे खिन देत। परमेश्‍वरगी थेला स्‍यिसादुकी सोम्‍बो लोक्‍पा ओत। मिओनला ङे लोप्‍कीन ओताते गा लाङच्‍येते बादोङ दिराङ ईन।

हिब्रू 7:24

तर येशूचेन सधैँ देत्‍कान्‍ते ईन्‍देकी थे ठाउँदु ज्‍येन पूजारी ओङा माफाबो। थेकी थे खोरोङ काम सधैँ खिनराङ देत्‍क्‍यो।

१ यूहन्‍ना 5:20

ङुरूङला ज्‍येनोङ बात च्‍यि छ्या ओते सासीन परमेश्‍वर फुज्‍युङगी दुरू वाकीन परमेश्‍वर सु ईन्‍दे, चुक्‍ते ईन्‍दे सिन ङुरूङला छ्या स्‍ये च्‍युत्‍सुङ। थेकी दोक खानामेई ङुरूङ सत्‍यते परमेश्‍वरताङ डिक्‍पा थुप्‍सुङ थेमे परमेश्‍वर फुज्‍युङ येशू ख्रीष्‍टताङ डिक्‍पा थुप्‍सुङ। येशू ख्रीष्‍टचेन सत्‍यते परमेश्‍वर ईन, नोमुङ मिसिन्‍च्‍येते जुनी तेरकान्‍तेङ थेराङ ईन।

छ्या स्‍ये च्‍युताते बात 1:18

ङा सोन्‍लाराङ देत्‍क्‍यो। ङा पालोई स्‍यापनी ओतान, थाचेन ङा याङराङ नोमुङ मिस्‍यिओ। स्‍यिच्‍येते कालला ङे ग्‍याला ओत। थेमे सुइँदाला सजाय बिन्‍ला नरककुण्‍डमा लुबा फाप्‍सीन थोक खित्‍च्‍येते अधिकारोङ ङात्ताङ ओत।

छ्या स्‍ये च्‍युताते बात 22:16

“थाल्‍लासाक तेन्‍गीन बिन्‍दाते बाततेबा ठाउँ ठाउँला जम्‍मा ओङकान्‍ते ङे मिओनला छ्या स्‍ये ज्‍युताला ङा येशूकीराङ ङाराङ दूतला खो ओत्‍सादु ताङाते ईन। ङा दाऊद गेल्‍बो थरगीते थे सन्‍तानराङ ईन। ङोमु पाखाला स्‍यारच्‍येते आउदी खाला टल्‍के खित्‍च्‍येते कार्मा ङाराङ ईन,” सिन सिदुक।

छ्या स्‍ये च्‍युताते बात 22:20

दि गाङे बात दुरू साबा च्‍योकराङ ईन, ईन्‍दातेराङ ईन सिन सिरकान्‍तेकी “था ङा होत्ताराङ ओङगीन ओत,” सिन सिओ। आमेन, लो स्‍योक स्‍योक प्रभु येशू।

छ्या स्‍ये च्‍युताते बात 5:14

थेमे थे ङेपाक ओताते थरी स्‍यीबोकी आमेन सिन सिरजीन थे मेरा खालज्‍यीकताङ स्‍यीबो छ्ये छ्येतेबेकीचेन गुर्बु खाला से खिन थेबा ङिबोला छ्ये जोसुङ।