रोमी 9:1 - जिरेल

¹ थेमे येशू ख्रीष्‍टताङ जीउज्‍यीकराङ ओङाते मि ईन्‍देकी ङा ईन्‍दाते बातकामा खिओ। ङे खिन ओताते दि बात ढाँर खाबाते मेन सिन ङाराङ सेमगी नाङ ओताते परमेश्‍वर आत्‍मेकीङ ङाला छ्या स्‍ये च्‍युता ओत।

रोमी 9:1 Iomraidhean Croise

रोमी 1:9

ङे ख्‍योकोनला थोई सम्‍झे खाला जहिलेङ ख्‍योकोन लाईदु प्रार्थना खिका सिरच्‍येते बात परमेश्‍वरलाराङ छ्या ओत। थे फुज्‍युङते गा लाङच्‍येते बात ङाराङ स्‍येतकी थुपासम्‍म ज्‍येनला लाप्‍ला ङा परमेश्‍वरला माने खिओ।

रोमी 2:15

दि बात ताजीन परमेश्‍वर नियमचेन थेबा खोपरोङ सेमगी नाङदुराङ ओताच्‍योक थोङगीदुक। चुक खाला सासीन खइँदा लेमुते काम खित्‍जीन थेबा ङे दोक खाबाते ठीक ईन सिन गा खिदुक, खइँदा मेलेबा काम खासीनचेन ङे थोक खिता ओङच्‍या मेतान सिराच्‍योक खिदुक।

रोमी 8:16

थेमे दाक्‍पोन परमेश्‍वर फुज्‍युङ फुमु ओङगीन सिन्‍दा ओत सिन ङुरूङला छ्या ओत। दि बात पक्‍काराङ ईन सिन ङुरूङला परमेश्‍वर आत्‍मेकीङ साबा ओत।

रोमी 9:2

दि बात च्‍यि ईन्‍दे सासीन ङेराङ जातकी आज्‍यो न्‍वाओन लाईदु पीर खिताई खिताई थानी ङेते सेमोङ छोकीन सिन्‍सुङ। ङा थेबे लाईदु आउदी खाला पीर खिनराङ देत्‍क्‍यो। थेबे साटोला थेबा च्‍योक खाईन ङा ङाराङ ख्रीष्‍टकी छ्य्‌वापेई ठाल्‍गीन देता थुप्‍सीन थेमे परमेश्‍वरगी थेबाला तेरच्‍येते सजाय ङाराङगी भोगे खिता फाप्‍सीन थोगोङ खित्‍च्‍या ओतान।

२ कोरिन्‍थी 1:12

थेमे दि बात ङ्योकोन छ्याःङ ज्‍यीबा मिक्‍किता खाला सिरा थुप्‍क्‍यो। च्‍यि सासीन ज्‍येनगी दोन्‍दु ईन्‍स्‍यीत, ख्‍योकोन दोन्‍दु ईन्‍स्‍यीत जे खासीनोङ जहिलेङ ङ्योकोनगी सेमला पाप सिराते छ्याःङ मोज्‍योबा खाईन परमेश्‍वरगी खि साबा च्‍योकराङ खाईन लेमुते कामताङ साँचोते बातकामा खाबा ओत। ङेराङ स्‍येतताङ बुद्धिकी खित्‍सादु ङ्योकोनगी थोक खिता थुपाते मेन। परमेश्‍वर दयेकी खित्‍सादुराङ थोक खिता थुपाते ईन।

२ कोरिन्‍थी 1:23

दि बात ङा परमेश्‍वर साक्षी ज्‍याक्‍ला खिन ओत। ङा नोमुङ मेन्‍दे बात मिक्‍किओ। ङा कोरिन्‍थपा माबातेचेन याङराङ ङे ख्‍योकोनला थापा ङारा माफाप्‍स्‍यीत सिनकामा ईन।

२ कोरिन्‍थी 11:10

ख्रीष्‍टकी च्‍योकराङ ङा सत्‍यते बातकामा खिओ। ङे ख्‍योकोन सुङताङ छ्याःङज्‍यीक खाङज्‍यीक लाबा मेत, थाङ नोमुङ छ्याःङ मिलिनो। दि बातलाचेन ङा छ्येराङ खिओ। अखैये लुङबादु ओताते मि सुङगीङ खुई थोक सिरा मेङेदो सिन सिरा मुथुबो।

२ कोरिन्‍थी 11:31

ङे ढाँर मिक्‍किओ सिन परमेश्‍वरला छ्या ओत। थेचेन प्रभु येशू आबा थेमे परमेश्‍वर ईन। थेते सधैँभरि जय जय ओङस्‍यीत।

२ कोरिन्‍थी 12:19

ङिङज्‍येते आज्‍यो न्‍वावे, ङे थाल्‍लासाक खाबाते दि गाङे बात ङेराङ आउदी लेमु मि ईन सिराला खाबासीन सिन सितासीन मेन? ख्रीष्‍टताङ जीउज्‍यीकराङ ओङाते मि ईन्‍देकी ङ्योकोननी परमेश्‍वर दोन्‍दुराङ बात खाबाच्‍योक खाला बात खिओ। ख्‍योकोन झन लेमु खाला येशू ख्रीष्‍टकी खि साबा साबा खित्‍कान ओङस्‍यीत सिन दि गाङे बात खाबाते ईन।

गलाती 1:20

ङे दि गाङे ईन्‍दाते बातकामा टिगीन ओत सिन परमेश्‍वरलाराङ छ्या ओत।

फिलिप्‍पी 1:8

येशू ख्रीष्‍टकी ङुरूङला खिता च्‍योकराङ ङाङ ख्‍योकोनला आउदी ङिङज्‍ये खिओ। ङाला ख्‍योकोनला नामराङ ठेदोङा सिराच्‍योक लाबा ओत। दि बात ङे खेकीकामा साबाते मेन सिन परमेश्‍वरला छ्या ओत।

१ थिस्‍सलोनिकी 2:5

ख्‍योकोनताङ ओत्‍जीनोङ ङ्योकोनगी खोलु सिराते बान्‍दा माक्‍या। थोकराङ खाईन सेमदुचेन ख्‍योकोनगी खइँदा तेरगीता सिन लोभ खाईनोङ थे बात मालाप। दि बात ख्‍योकोनला सिरा माफाप्‍तासीन। ङ्योकोनगी साबाते बात ढाँर खाबाते मेन सिन परमेश्‍वरला छ्या ओत।

१ तिमोथी 1:5

ङे खोल्‍ला होथे मिओनला दोक खि, थोक माकेत सिन कोत साबातेचेन थेबेकी ज्‍येनतेबाला ङिङज्‍ये खित्‍स्‍यीत सिनराङ ईन। थोक खाला ङिङज्‍ये खिताला थेबे सेम लेमु ओङा फाप्‍क्‍यो, दाक्‍पोनला ङे दोक खिता ठीक मेन सिराच्‍योक लाबाते काम छ्याःङ खिता मेङगो, थेमे खेकीकामा मेन्‍देकी येशू ख्रीष्‍टला पक्‍काराङ खाला विश्‍वास खिता फाप्‍क्‍यो।

१ तिमोथी 2:7

परमेश्‍वरगी मिओनला थोक खिता छोल्‍ग्‍यो सिराला ङा येशू ख्रीष्‍टकी खटे खाबाते मि ईन सिन थेकीराङ ङाला छाने खाबाते ईन। दि बात ङे ढाँर खाबाते मेन। दि साँचोते बात ईन। ङाचेन थेबेकी सुला विश्‍वास खिता फाप्‍कीते थेमे ङेन्‍दा फाप्‍च्‍येते सत्‍यते बात च्‍यि ईन्‍दे सिन ज्‍येन ज्‍येन जातकी मिला लोप्‍कान्‍ते मि ईन।

१ तिमोथी 5:21

ङे खि साबाते दोक्‍ते काम खित्‍जीन खुई छ्ये टेक्‍टे मेडेला खाला सुङलाङ काका पाका मिक्‍किता खाला खि। परमेश्‍वरताङ येशू ख्रीष्‍ट थेमे परमेश्‍वरगी छाने खाबाते दूतओन ङोन्‍दु ङा खोल्‍ला दोक खि सिन कोत्‍क्‍यो।