रोमी 8:9 - जिरेल

⁹ ख्‍योकोनचेन गोमा च्‍योकराङ दाक्‍पोन खुशीला ख्‍याम्‍कान्‍ते मि मेन। परमेश्‍वर आत्‍मेकी खि साबाच्‍योक खित्‍कान्‍ते मिओन ईन। दोक मेन्‍दा ईन्‍सीन ख्‍योकोनगी परमेश्‍वर आत्‍मा ङेत्‍च्‍या मेतान। च्‍यिला सासीन ख्रीष्‍टकी आत्‍मा ङेता मेत्‍सीन थोक्‍ते मि ख्रीष्‍टकी मि ईनराङ मेन।

रोमी 8:9 Iomraidhean Croise

लूका 11:13

ख्‍योकोन पापी मिकीनी खेराङ फिजाओनला जे तेरा फाप्‍च्‍येते ईन थेराङ तेरगीदुक सासीन स्‍वर्गने देत्‍कान्‍ते ख्‍योकोन आबा परमेश्‍वरगी झन च्‍यिला मेतेरतेरो? परमेश्‍वर आत्‍मा नाङ सिरकान्‍तेबाला थेकी गा खिन तेरग्‍यो,” सिन सिदुक।

यूहन्‍ना 14:17

थेचेन परमेश्‍वर आत्‍मा ईन। थेकी ख्‍योकोनला सत्‍यते परमेश्‍वर छ्या स्‍ये ज्‍युत्‍क्‍यो। दि सा लुङबे मिओनगी दिङ सु ईन्‍देरो सिराच्‍योक खाला थेला छ्याःङ वास्‍ता मिक्‍किओ। च्‍यिला सासीन थेबेकी थे सु ईन्‍दे सिन छ्याङ मेस्‍येओ, थेला थोङाङ मुथुबो। तर ख्‍योकोनगीचेन थेला छ्या स्‍येक्‍यो। थे ख्‍योकोनताङ नोमुङ माठाला खाला ख्‍योकोन सेमगी नाङराङ देत्‍क्‍यो।

यूहन्‍ना 14:23

थोक सिरजीन थेकी “ङाला ङिङज्‍ये खित्‍कान्‍ते मिकी ङे लापाते बात ङेन्‍ग्‍यो। थोक्‍ते मिला आबेकी ङिङज्‍ये खिओ। थेमे आबाताङ ङा वाला थोक्‍ते मि सेमदुराङ देत्‍क्‍यो।

यूहन्‍ना 3:34

परमेश्‍वरगी ताङातेकीचेन परमेश्‍वरगी सि साबाते बातराङ सिओ। परमेश्‍वरगी थेला दोस्‍यिक थोस्‍यिक सिन सिरा मुथुप्‍च्‍या खाईन तेरासम्‍म परमेश्‍वर आत्‍मा बिन्‍दा ओत।

यूहन्‍ना 3:6

मिकी केबाते फिजेते सेमताङ स्‍या ठाक थेला केकान्‍तेते च्‍योकराङ ओङगो। परमेश्‍वर आत्‍मे छ्य्‌वापेई केबाते मिचेन थोक मेन्‍देकी खुदुकराङ ओङगो।

शक्ति काम 16:7

थेमे थेबा माइसिये अञ्‍चल खादु लेप्‍सुङ। थेरू लेप्‍नामेकी थेबा बिथिनिये अञ्‍चलपा ड्वा चाल्‍सुङ। तर गोमा च्‍योकराङ खाईन येशू आत्‍मेकी थेबाला थेपाङ डोर माच्‍युत्‍सुङ।

रोमी 7:5

गोमाबा ङुरूङ दाक्‍पोन खुशीला ख्‍याम्‍गीन ओतान। थोगी थेजीन दाक्‍पोन सेम मेलेबा ओतेकी झन परमेश्‍वर नियमला माकेत साबा साबाकामा खिता सेम लाकीन ङुरूङ मेलेबाते कामताङ बात खिन ओतान। थोक खाबेकी ङुरूङ सजाय ङेत्‍ला स्‍या फाप्‍च्‍या ओङा ओतान।

रोमी 8:1

जो जो येशू ख्रीष्‍टताङ जीउज्‍यीकराङ ओङला दुक था थेबेकी परमेश्‍वर सजाय ङेतराङ मेङेदो।

रोमी 8:11

परमेश्‍वर थे खोरोङ आत्‍मा ख्‍योकोन सेमदु ओतेकी येशू ख्रीष्‍टला स्‍यिसादुकी सोम्‍बो लोक्‍कान्‍ते परमेश्‍वरगीराङ था स्‍यिनामेई रूल्‍ला डोच्‍येते ख्‍योकोन जीउ खुदुक जोला सोम्‍बो लोइओ। दोकचेन थेकी ख्‍योकोन सेमदु ओताते थे खोरोङ आत्‍मे छ्य्‌वापेई खिओ।

रोमी 8:2

परमेश्‍वर आत्‍मेकी ङाला पाप खित्‍च्‍येते बानीदुकी टाल्‍गीन ङे पाप खाबेकी स्‍या फाप्‍च्‍येते सजायदुकीङ जोए खाईन बिन्‍सुङ। थेमे ङा येशू ख्रीष्‍टताङ जीउज्‍यीकराङ ओङा ओतेकी थेकी ङाला नोमुङ मिसिन्‍च्‍येते जुनीङ बिन्‍दा ओत।

१ कोरिन्‍थी 15:23

थेकी दोक खित्‍च्‍येते पालो पालो खाला खिओ। च्‍यि सासीन गाङे भन्‍दा गोमा थेकी ख्रीष्‍टला सोम्‍बो लोक्‍सुङ। था दि तिरीचेन थेकी ख्रीष्‍टला विश्‍वास खित्‍कान्‍ते मिओनला सोम्‍बो लोइओ। थेबाला सोम्‍बो लोक्‍च्‍येते ख्रीष्‍ट दुरू ग्‍युरला ओङे छोमु ईन।

१ कोरिन्‍थी 3:16

ख्‍योकोन खेराङराङ परमेश्‍वर मन्‍दिर ईन थेमे परमेश्‍वर आत्‍मा ख्‍योकोन नाङ देत्‍क्‍यो सिन च्‍यि ख्‍योकोनला छ्या मेत?

१ कोरिन्‍थी 6:17

थोकराङ खाला प्रभु येशूताङ डिक्‍कान्‍ते मिचेन थेत्ताङ सेमज्‍यीकराङ खाला डिक्‍ला देत्‍क्‍यो।

१ कोरिन्‍थी 6:19

परमेश्‍वरगी ख्‍योकोनला बिन्‍दाते परमेश्‍वर आत्‍मा ख्‍योकोन नाङ देत्‍क्‍यो। थोगी ख्‍योकोन जीउ परमेश्‍वर आत्‍मे मन्‍दिर ईन सिन च्‍यि ख्‍योकोनला छ्या मेत? थोक ईन्‍देकी ख्‍योकोनगी खेराङ खुशी खिता मेङेदो। परमेश्‍वर ख्‍योकोन मालिक ईन।

२ कोरिन्‍थी 10:7

ख्‍योकोनचेन खालि मि चुकस्‍यिक दुका थेकामा तेइदुक। थे सेमगी नाङ चुक ओताना सिरच्‍येते बात छ्याःङ विचार मिक्‍किदुक। सुइँदेकी ङानी ख्रीष्‍टकी मि ईन खिदुक सासीन थेकी ङ्योकोनोङ होथोक्‍ते मिराङ ईन सिन लेमु खाला खोबा फाप्‍क्‍यो।

२ कोरिन्‍थी 6:16

परमेश्‍वर मन्‍दिर ओङगीन सिन्‍दाते मिओन ल्‍हा ल्‍हन्‍डीकताङ चुक खाला डिक्‍पा ओङगीते? ङुरूङनी सोम्‍बोते परमेश्‍वर मन्‍दिर ईन। ङुरूङ थोक्‍ते मि ईन सिन परमेश्‍वरगी थे खोरोङ बातला “ङा थेबाताङ ङ्योम्‍बुराङ देत्‍क्‍यो। दोक खाला ङा थेबे परमेश्‍वर ओङला थेबाला ङाराङ मि ईन सिओ,” साबा ओत।

गलाती 4:6

दोक खाईन ख्‍योकोन थे खोरोङ फुज्‍युङ फुमुराङ ओङा ओतेकी परमेश्‍वरगी ख्‍योकोनला थे खोरोङ फुज्‍युङ आत्‍मा बिन्‍सुङ। ङुरूङ सेमगी नाङ ओताते थे आत्‍मे छ्य्‌वापेकीराङ परमेश्‍वरला ङुरूङ दाक आबा सिन सिओ।

गलाती 5:24

येशू ख्रीष्‍टताङ जीउज्‍यीकराङ ओङाते मिओनगीचेन थानामेई थोक मिक्‍किओ सिन दाक्‍पोन खुशीला ख्‍याम्‍च्‍येते बानी येशू ख्रीष्‍ट टाँए खाईन स्‍याप्‍ते स्‍यिङगी थामला टाँए खाईन सिन्‍दा ओत। थोक खाईन दाक्‍पोन खुशीला ख्‍याम्‍च्‍येते बानी ताङगीन सिन्‍दा ओतेकी था थेबेकी दाक्‍पोनला च्‍यि च्‍यि खिता सेम लाङगीका थोकराङ खिता माफाबो।

एफिसी 1:13

थेमे सत्‍यते बात थोनामेई ख्‍योकोनोङ ख्रीष्‍टताङ जीउज्‍यीकराङ ओङसुङ। पापकी सजायदुकी थारच्‍येते होथे गा लाङच्‍येते बात ङेन्‍गीन ख्रीष्‍टला विश्‍वास खानामेकी गोमा थे खोरोङगी ख्रीष्‍टकी छ्य्‌वापेकी तेरग्‍यो साबाते परमेश्‍वर आत्‍मा परमेश्‍वरगी ख्‍योकोनलाङ बिन्‍सुङ। दोक खाईन थेकी थे खोरोङ आत्‍मा बिन्‍दातेचेन ख्‍योकोनोङ थे खोरोङ मिराङ ईन सिराला छाप ग्‍यापाते च्‍योकराङ ओङसुङ।

एफिसी 2:22

ज्‍येनतेबा च्‍योकराङ थेत्ताङ जीउज्‍यीकराङ ओङाते ख्‍योकोनोङ दोक खाला जोइन ओताते मन्‍दिर ईन। थे खोरोङ आत्‍मे छ्य्‌वापेई परमेश्‍वर दि मन्‍दिरदु देत्‍क्‍यो।

एफिसी 3:17

थेमे थेला विश्‍वास खाबेकी खित्‍सादु ख्‍योकोन सेमगी नाङ ख्रीष्‍ट देत्‍स्‍यीत सिन प्रार्थना खिओ। थेमे ख्रीष्‍ट ङुरूङला थोई ङिङज्‍ये खित्‍कान्‍ते ईन्‍दे सिन नोमुङ टोक मेज्‍येता खाला जहिलेङ ख्‍योकोनगी ज्‍येनला ङिङज्‍ये खिन देता थुप्‍स्‍यीत।

फिलिप्‍पी 1:19

च्‍यिला सासीन ख्‍योकोनगी ङे लाईदु परमेश्‍वरला खिन ओताते प्रार्थना थेमे येशू ख्रीष्‍ट आत्‍मेकी ङाला मद्धत बिन्‍देकी था ङेते दि मुद्धा जे ओङसीनोङ ङाला लेमुराङ ओङगो।

२ तिमोथी 1:14

थेमे लोप सिन खोल्‍ला जिम्‍मा बिन्‍दा ओताते बात खुदुक जोला मालोप। ङुरूङ सेमगी नाङ देत्‍कान्‍ते परमेश्‍वर आत्‍मे छ्य्‌वापेई खुई दि काम खिता थुप्‍क्‍यो।

१ पत्रुस 1:11

थेबे सेमगी नाङ ओताते ख्रीष्‍टकी आत्‍मेकी ख्रीष्‍टकी देमा वाला दुक्‍पा भोगे खाला स्‍या फाप्‍च्‍येते थेमे थे दुक्‍पा भोगे खाईन सिन्‍नामेई परमेश्‍वरगी थेला छ्येज्‍यीक मान तेरच्‍येते बात थेबाला छ्या स्‍ये च्‍युत्‍नामेई था च्‍यि बेलाला चुक चुक ओङजीन परमेश्‍वरगी थोक खिताका सिन थेबेकी छ्या स्‍येबा चाला ओतान।

१ यूहन्‍ना 3:24

परमेश्‍वरगी खि सिन कोताते खित्‍कान्‍ते मिओनचेन थेत्ताङ डिक्‍ला देत्‍क्‍यो। थोक्‍ते मिओनताङ परमेश्‍वर ङ्योम्‍बुराङ देत्‍क्‍यो। परमेश्‍वर ङुरूङताङ ङ्योम्‍बु देत्‍क्‍यो सिन ङुरूङगी चुक खाला छ्या स्‍येकीते? दि बातचेन ङुरूङगी थेकी ङुरूङला बिन्‍दाते थे खोरोङ आत्‍मे छ्य्‌वापेई छ्या स्‍येक्‍यो।

१ यूहन्‍ना 4:13

परमेश्‍वरगी ङुरूङला थे खोरोङ आत्‍मा बिन्‍दा ओतेकी ङुरूङ परमेश्‍वरताङ डिक्‍ला देत्‍क्‍यो थेमे थे ङुरूङताङ ङ्योम्‍बुराङ देत्‍क्‍यो सिन लेमु खाला छ्या स्‍येक्‍यो।

१ यूहन्‍ना 4:4

फिजावे, ख्‍योकोन परमेश्‍वर मि ईन। थे ईनराङ मेन्‍दे बात लोप्‍कान्‍ते मिओन बात सत्‍यते मेन सिन छ्या स्‍येकीन ख्‍योकोनगी थेबाला ग्‍याला ओत। च्‍यिला सासीन दि सा लुङबे मि नाङ काम खित्‍कान्‍ते भन्‍दाचेन ख्‍योकोन सेमदु देत्‍कान्‍ते परमेश्‍वर आत्‍मा छ्ये ईन।

छ्या स्‍ये च्‍युताते बात 13:8

थेमे दि सा लुङबे मि गाङेकी थे जन्‍तुला मान खाला छ्ये जोइओ। खालि दि सा नाम ज्‍वा भन्‍दा गोमाराङ नोमुङ मिसिन्‍च्‍येते जुनी ङेत्‍कान्‍ते मिओन मिन टिबाते किताब नाङ खोपरोङ मिन ओताते मिओनगीकामा थे जन्‍तुला मान खाला छ्ये मोजोओ। थे मिन टिबाते किताबचेन लुई रीउते ईन।

छ्या स्‍ये च्‍युताते बात 20:15

नोमुङ मिसिन्‍च्‍येते जुनी ङेत्‍कान्‍ते मिओन मिन टिबा ओताते किताब नाङ मिन मेताते मिलाचेन गाङेला थे मे धुनीमा क्‍युरसुङ।