रोमी 8:7 - जिरेल

⁷ दाक्‍पोन खुशीला ख्‍याम्‍कान्‍ते मिचेन परमेश्‍वर विरोध खित्‍कान्‍ते ईन। थोक्‍तेबेकी परमेश्‍वर नियम मेङेनो। थेबेकी थेरू खि साबाच्‍योक खिताराङ मुथुबो।

रोमी 8:7 Iomraidhean Croise

मत्ती 12:34

छ्यि ख्‍योकोन ङोचा क्‍ये मेतातेबा, सेमला लेमु मेत्‍कीन मेत्‍कीन ख्‍योकोनगी चुक खाला लेमुते बात खिता थुप्‍कीका? मिकीनी दाक्‍पोन सेमदु जे दुक खालाङ थेराङ देन्‍ग्‍यो।

मत्ती 5:19

थोगी ख्‍योकोन सुइँदेकी थे नियम नाङ दिनी माङेन्‍सीनोङ ओङगीतासीन सिराच्‍योक लाङच्‍येते नियमज्‍यीककामा माङेन्‍सीन थेमे ज्‍येनलाङ थे माङेन्‍सीन ओङगो सिन लाप्‍सीन थोक्‍ते मिला स्‍वर्गे राज्‍यदु छ्ये ईन सिन मिसिरो। थोक मिक्‍किता खाईन होथोक्‍ते नियमतेबाङ ङेन्‍गीन ज्‍येनलाङ ङेन सिन लोप्‍कान्‍ते मिलाचेन स्‍वर्गे राज्‍यदु छ्ये ईन सिन सिओ।

यूहन्‍ना 7:7

दि सा लुङबे मिओनगी ख्‍योकोनला छ्याःङ मिक्‍किओ। तर ङे थेबाला ख्‍योकोनगी दि दि मेलेबा काम खिन दुक सिन साबेकी खित्‍सादु थेबेकी ङालाचेन मिगी थोङसार्मु खिओ।

रोमी 1:28

दोस्‍यिककामा मेन, थेबेकी परमेश्‍वरगी साबाते च्‍यिला ङेन्‍च्‍येरो सिन थेला छ्याःङ वास्‍ता माक्‍याबेकी थेकी थेबाला खोपरोङ सेमला लाबा लाबा खिता मेङच्‍येते कामराङ खित्‍स्‍यीत सिन ताङसुङ।

रोमी 1:30

दोस्‍यिककामा मेन, मि मोत्‍च्‍येते, परमेश्‍वर विरोध खित्‍च्‍येते, मिला हेपे खाला इज्‍जत बेइज्‍जत खित्‍च्‍येते, छ्ये खित्‍च्‍येते, ङा ङाराङ ईन सिन धाक लै खित्‍च्‍येते, जहिलेङ मेलेबाकामा खिता छोल्‍च्‍येते थेमे आबा आमेकी लाःपा कोता मेङेन्‍च्‍येते खिताला स्‍यूसुङ।

रोमी 3:31

येशू ख्रीष्‍टला विश्‍वास खित्‍कान्‍तेलाकामा परमेश्‍वरगी दोषी मेन सिओ सिरजीन ङुरूङगी परमेश्‍वर नियम था छ्याःङ काम लै मिक्‍किओ सिन साबाते मेन। ङुरूङनी परमेश्‍वर नियमला साबाते बात साबा च्‍योकराङ ओङा ओत सिनका सिओ।

रोमी 5:10

ङुरूङ थेत्ताङ माडिक्‍ला थे विरोध खिन ओत्‍कीन ओत्‍कीनोङ थे खोरोङ फुज्‍युङ ङुरूङ लाईदु स्‍याप्‍ते ईन्‍देकी परमेश्‍वरगी ङुरूङला थे खोरोङताङ डिक्‍पा खाबा ओत। थेमे येशू स्‍यिसादुकी सोम्‍बो लोगीन सोम्‍बोराङ ओतेकी खित्‍सादु परमेश्‍वरगी ङुरूङला पूरो खाला पापदुकी टाल्‍ला स्‍वर्गने देत ज्‍युत्‍क्‍यो।

रोमी 7:22

ईन्‍दालाचेन परमेश्‍वर नियम लेमु ईन सिन ङाला थेरू खि साबा च्‍योकराङ खिता आउदी सेम लाङगीदुक।

रोमी 8:4

दोक ओङा ओतेकी थाचेन ङुरूङगी परमेश्‍वर नियमला खि साबातेताङ माकेत साबाते गाङे साबा च्‍योकराङ खिता थुप्‍क्‍यो। था ङुरूङ गोमाबा च्‍योकराङ दाक्‍पोन खुशीला माख्‍यामो। बरू परमेश्‍वर आत्‍मेकी चुक खित ज्‍युता छोल्‍गीका थोकराङ खिओ।

१ कोरिन्‍थी 2:14

परमेश्‍वर आत्‍मा ङेता मेताते मिओनगीनी परमेश्‍वर आत्‍मेकी लापाते बातओन ङेनराङ मेङेनो। दोक्‍ते बातनी थेबे लाईदु कामराङ लै मिक्‍किच्‍या लेम्‍बे बात च्‍योकका ओङगो। परमेश्‍वर आत्‍मे छ्य्‌वापेईकामा थे बात चुक्‍ते ईन्‍दे सिन छ्या स्‍येबा थुप्‍च्‍येते ईन्‍देकी परमेश्‍वर आत्‍मा ङेता मेताते मिओनगी दोक्‍ते बात छ्याःङ खोबाराङ मुथुबो।

१ कोरिन्‍थी 9:21

लोक्‍ला परमेश्‍वरगी थे खोरोङ नियम बिन्‍दा मेताते मिओनताङ देत्‍जीनचेन होथेबेकीङ येशूला विश्‍वास खित्‍स्‍यीत सिन ङाङ होथेबा च्‍योकराङ खाईन देतान। दोक साबाते ङा परमेश्‍वर नियम मेङेनो साबाते मेन, ङानी ख्रीष्‍टकी कोताते ङेन्‍ग्‍यो।

कलस्‍सी 1:21

गोमाबा ख्‍योकोन मेलेबाते कामताङ बातकामा खिन ओतान। दोक खाईन ख्‍योकोन परमेश्‍वरताङ डिक्‍पा मेतान, थेत्ताङ डिक्‍च्‍येते सेमोङ खिन मेतान।

कलस्‍सी 2:18

थेमे परमेश्‍वरला माने खिताला बर्त देत्‍च्‍येतेताङ दुक्‍पा खाला खाला होदोक्‍ते काम काल्‍बेई खिता फाप्‍क्‍यो, परमेश्‍वर दूतओनलाङ माने खिता फाप्‍क्‍यो सिन सिरकान्‍ते मि सुङगीङ बात माङेन। थोक्‍ते मि बात ङेन्‍सीन ख्‍योकोनगी परमेश्‍वरगी तेरच्‍येते इनाम मेङेदो। होथोक सिरकान्‍ते मिओनगीचेन परमेश्‍वरगी ङ्योकोनला मिलाम खित ज्‍युताच्‍योक खासुङ, थेजीन ङ्योकोनगी दोक दोक थोङसुङ सिन सिओ। थेबे सेम लेमु मेतेकी थेबा होदोक्‍ते बात खिन छ्ये खिन ख्‍याम्‍ग्‍यो।

२ तिमोथी 3:4

थेबाला नोमुङ भर परे खिता मुथुबो, थेबेकी उत्तोउलोते कामकामा खिओ, थेबाचेन खोपरोङ छेत सुङ मेन सिराच्‍योक खाला साला मिक मिक्‍किता खाला ख्‍याम्‍ग्‍यो। परमेश्‍वरला मन परे खित्‍च्‍येते काम खिता साटोला थेबाला दाक्‍पोन खुशीला ख्‍याम्‍जीन गा लाङगो।

हिब्रू 8:10

था ङे इस्राएलीओनताङ खित्‍च्‍येते जमान दिराङ ईन। च्‍यि सासीन थेबेकी चुक खिता फाप्‍कीते, च्‍यि खित्‍च्‍ये सिन ङा थेबाला लेमु खाला खो ज्‍युत्‍क्‍यो। थेबेकी ङेन्‍दा फाप्‍च्‍येते ङे नियम ङा थेबे सेमगी नाङ टिबा ओता च्‍योकराङ खाला ज्‍य्‌वाक्‍यो। थोक खानामेई थेबेकी ङाला खोपरोङ परमेश्‍वर ईन सिन माने खिओ। थेमे ङा थेबाला ङाराङ मिओन ईन सिन सिओ।

याकूब 4:4

ख्‍योकोनचेन परमेश्‍वरला माने खिता ताङाते मि ईन। दि सा लुङबे मि च्‍योकराङ सम्‍पत्ति छ्य्‌वापा सेम लै खित्‍कानताङ दाक्‍पोन विचारकामा खित्‍कान्‍ते मि परमेश्‍वरताङ डिक्‍पा मुथुबो सिन च्‍यि ख्‍योकोनला छ्या मेत? सम्‍पत्ति छ्य्‌वापा सेम लै खित्‍कानताङ दाक्‍पोन विचारकामा खित्‍कान्‍ते मिनी परमेश्‍वरताङ डिक्‍पाराङ मुथुबो।

२ पत्रुस 2:14

थेबाचेन थोङाते जति फेम्‍मे मित्ताङ ङ्यालाकामा छोल्‍ग्‍यो। थोक्‍ते काम खाला थेबा नोमुङ माडाओ। सेम ङि ओताते मिओनला खोपरोङ छ्य्‌वापा लै खित ज्‍युताला थेबा च्‍योक सिपालु ज्‍येन सुङ मेङगो। जहिलेङ सम्‍पत्ति लोभकामा खिन खापेकी चुक खाला सम्‍पत्ति ज्‍वा थुप्‍कीते सिन थेबेकी लेमु खाईन छ्या स्‍येबा ओङगो। थेबाला परमेश्‍वर सराप फाप्‍क्‍यो।