रोमी 8:4 - जिरेल

⁴ दोक ओङा ओतेकी थाचेन ङुरूङगी परमेश्‍वर नियमला खि साबातेताङ माकेत साबाते गाङे साबा च्‍योकराङ खिता थुप्‍क्‍यो। था ङुरूङ गोमाबा च्‍योकराङ दाक्‍पोन खुशीला माख्‍यामो। बरू परमेश्‍वर आत्‍मेकी चुक खित ज्‍युता छोल्‍गीका थोकराङ खिओ।

रोमी 8:4 Iomraidhean Croise

लूका 1:6

थेबा जाप्राङ ङिकाराङ प्रभु परमेश्‍वर नियम गाङे लेमु खाला ङेन्‍गीन ओतान। दोक खाला थेबा ङिबोचेन परमेश्‍वरला मन परे खित्‍च्‍येते काम खिन ओतान।

रोमी 2:26

बरू यहूदी मेन्‍गीन खतकी चिनु जोबा मेत्‍सीनोङ परमेश्‍वर नियम ङेन्‍कान्‍तेबाचेन परमेश्‍वर दोन्‍दु खतकी चिनु जोबाते मि च्‍योकराङ ईन।

रोमी 3:31

येशू ख्रीष्‍टला विश्‍वास खित्‍कान्‍तेलाकामा परमेश्‍वरगी दोषी मेन सिओ सिरजीन ङुरूङगी परमेश्‍वर नियम था छ्याःङ काम लै मिक्‍किओ सिन साबाते मेन। ङुरूङनी परमेश्‍वर नियमला साबाते बात साबा च्‍योकराङ ओङा ओत सिनका सिओ।

२ कोरिन्‍थी 10:2

च्‍यि सासीन थोक सिन बात खित्‍कान्‍ते मिओनला था ङा थेपा वाला ङाला खजो स्‍येदाङ लाङच्‍या ईन्‍दाका सिन ङे तेन्‍दा माफाप्‍स्‍यीत। ङ्योकोनोङ ज्‍येन च्‍योकराङ दाक्‍पोन खुशीला ख्‍याम्‍कान्‍ते मि ईन सिन सिरकान्‍ते थोक्‍ते मिओनताङ चुक खाला बात खिता फाप्‍कीते सिन ङाला छ्या ओत।

२ कोरिन्‍थी 10:3

ईन्‍दाका ङ्योकोनोङ दि सा लुङबादुराङ देता ओत। ईन्‍सीनोङ ङेराङगी दुक्‍पा खाला खाला काम खित्‍जीन दि सा लुङबे मिओनगी खित्‍च्‍येते च्‍योक्‍ते कामताङ बातचेन ङ्योकोन छ्याःङ मिक्‍किओ।

गलाती 5:16

था ङा ख्‍योकोनला च्‍यि खि सिते सासीन परमेश्‍वर आत्‍मेकी खित ज्‍युता चाला च्‍योकराङ खि। दोक खासीन ख्‍योकोनगी खेराङ सेमला जे जे खिता सेम लाङगीदुक थे थेराङ खिता माफाबो।

कलस्‍सी 1:22

ख्‍योकोन गोमा थोक ओता ईन्‍सीनोङ ख्रीष्‍ट मि जुनी लाकीन स्‍याप्‍की खित्‍सादु थाचेन परमेश्‍वरगी ख्‍योकोनला थे खोरोङताङ डिक च्‍युता ओत। ख्‍योकोन थे खोरोङ दोन्‍दु सेम खुदुक गालाते, छ्याःङ गल्‍ती मेताते थेमे सुङगीङ दिबा दोक दोक गल्‍ती खित्‍कान्‍ते मि ईन सिरा मुथुप्‍च्‍या गालाते मि ओङस्‍यीत सिन थेकी ख्‍योकोनला दोक खाईन थे खोरोङताङ डिक च्‍युता ओत।

हिब्रू 12:23

येशू ख्रीष्‍ट मिओन ओङेकी छ्येते फुज्‍युङगी ङेत्‍च्‍येते हक ङेत्‍कान्‍ते मिओनोङ थेरूराङ ओत। स्‍वर्गदु थेबा गाङे मिन टिबा ओत। मि गाङेते न्‍याय खित्‍कान्‍ते परमेश्‍वर थेरूराङ ओत। परमेश्‍वरगी पूरो खाईन पापदुकी टाल्‍गीन थेकी खि साबा च्‍योकराङ खित्‍कान्‍ते स्‍यिइन सिन्‍दाते मिओनोङ थेरूराङ ओत।

१ यूहन्‍ना 3:2

ङिङज्‍येते फिजावे, था ङुरूङ परमेश्‍वर फुज्‍युङ फुमु ओङगीन सिन्‍दा ओत। था तिरी ङुरूङ चुक ओङोङा सिरच्‍येते बात थोरूमसाक ङुरूङला छ्या मेत। दि बातज्‍यीकचेन ङुरूङला लेमु खाला छ्या ओत। च्‍यि सासीन येशू ख्रीष्‍ट ग्‍युरला ओङे छोमु ङुरूङोङ थे च्‍योकराङ ओङगो। च्‍यिला सासीन थे जस्‍तो दुक उस्‍तोराङ ङुरूङगी थेला थोङा ङेत्‍क्‍यो।

यहूदा 1:24

ख्‍योकोन होथोक्‍ते मिओन नाङराङ देता ओत्‍सीनोङ परमेश्‍वरगी ख्‍योकोनला मेलेबा काम खित्‍सादुई जोए खिओ, थेकी ख्‍योकोनला छ्याःङ गल्‍ती मेताते मि ईन सिओ थेमे ख्‍योकोनला आउदी खाला गा खिन झिलिमिली नाम्‍दाकला थे खोरोङ दोन्‍दु देत ज्‍युत्‍क्‍यो।

छ्या स्‍ये च्‍युताते बात 14:5

थेबेकी नोमुङ सुङलाङ छ्याःङ ढाँर खाबा मेतान। थेबाला सुङगीङ दिबेकी दोक दोक गल्‍ती खाबा ओत सिन सिरा मुथुबो।