रोमी 8:18 - जिरेल

¹⁸ था तिरी परमेश्‍वरगी ङुरूङला थोक खाला मान बिन्‍ला थे खोरोङगी ज्‍वा चाला च्‍योकराङ लेमु जोच्‍येते बात सम्‍झे खासीन थरिङोला ङुरूङगी भोगे खिता फाप्‍च्‍येते पीरताङ दुक्‍पाका च्‍यि ईन्‍देरो, ङालानी दिनी छ्याःङ मेन सिराच्‍योक लाङगीदुक।

रोमी 8:18 Iomraidhean Croise

शक्ति काम 20:24

थोक दुक्‍पा ओङजीन स्‍याराङ फाप्‍सीनोङ ङाला छ्याःङ ज्‍यीबा मेत। ङाराङ सोन सोनसाक ङे खिता फाप्‍च्‍येते कामचेन परमेश्‍वरगी मिओनला दया खिओ सिरच्‍येते गा लाङच्‍येते बात गाङेला लोप्‍च्‍येते ईन। थोक खाला प्रभु येशूकी खि साबाते काम ङे पूरो खिताराङ फाप्‍क्‍यो।

रोमी 8:19

दोक खाला था ङीमाई परमेश्‍वरगी गाङेकी थोङच्‍या खाला थे खोरोङ फुज्‍युङ फुमुला थे खोरोङगी ज्‍वा चाला च्‍योकराङ लेमु जोच्‍येते दिन ओङगो। मि ईन्‍स्‍यीत, जीव जन्‍तु ईन्‍स्‍यीत परमेश्‍वरगी जोबातेबरी जेसुकै थे दिन नाम लेबोङा सिन गुकीनराङ देता ओत।

कलस्‍सी 3:4

ङुरूङला साम्‍बाते जुनी तेरकान्‍ते ख्रीष्‍ट था तिरी गाङेकी थोङच्‍या खाला देमा ग्‍युरला ओङगो। थेजीनराङ ख्‍योकोन परमेश्‍वरगी ज्‍वा चालाच्‍योक लेमु गाल्‍गीन मान ङेत्‍कीन थेत्ताङ ङ्योम्‍बु ओताते गाङेकी थोङगो।

२ थिस्‍सलोनिकी 2:14

ख्‍योकोनला थोक खिताला ङ्योकोनला गा लाङच्‍येते बात लोप च्‍युत्‍कीन परमेश्‍वरगी ख्‍योकोनला थे खोरोङ दोन्‍दु स्‍योक सिन काताङाते ईन। दोस्‍यिककामा मेन, ङुरूङ प्रभु येशू ख्रीष्‍टला मान बिन्‍गीन छ्ये जोबा च्‍योकराङ खाला परमेश्‍वरगी था ख्‍योकोनलाङ मान बिन्‍ला थे खोरोङगी ज्‍वा चाला च्‍योकराङ लेमु जोइओ।

तीतस 2:13

थेमे ङुरूङला पापदुकी डेल्‍कान्‍ते छ्येज्‍यीक शक्ति ओताते परमेश्‍वर येशू ख्रीष्‍ट था तिरी स्‍वर्गनेकी मिगी तापराङ मुथुप्‍च्‍या झिलिमिली नाम्‍दाकला देत्‍ला देमा ग्‍युरला ओङगो सिन ङुरूङ आश खाला गुला देत्‍क्‍यो। दिराङ ङुरूङ लाईदु आउदी गा लाङच्‍येते बात ईन।

हिब्रू 11:35

थोकराङ खाईन कोई कोई फेम्‍मे मिकी स्‍याप्‍ते मिओनला परमेश्‍वरगी सोम्‍बो लोइओ सिन थेला विश्‍वास खाबेकी थेकी थेबे मिओनला सोम्‍बो लोक्‍पा ओतान। लोक्‍ला कोई कोईला जेलला लुक्‍नामेई परमेश्‍वरला विश्‍वास खिता ताङसीन तेन्‍ला तोङगो सिरजीन थेबेकी ङ्योकोन थोक मिक्‍किओ सिन साबा ओतान। थोगी थेबाला बिजोग तेन्‍गीन तेन्‍गीन सेता ओतान। परमेश्‍वरगी था तिरी सोम्‍बो लोक्‍ला थे खोरोङताङराङ ज्‍य्‌वाक्‍यो सिन थेबेकी थेला विश्‍वास खाबा ओतेकीराङ थेबेकी थेला विश्‍वास खिता तोङराङ मोतोङो सिन साबा ओतान।

१ पत्रुस 1:13

परमेश्‍वरगी ख्‍योकोनला दोक लेमु खाबा ओतेकी था ख्‍योकोनगी थेकी खि साबाते काम खित्‍च्‍ये छ्य्‌वापाकामा स्‍येत खि। दाक्‍पोन सेम काबूला स्‍योक। थेमे येशू ख्रीष्‍ट ग्‍युरला ओङे छोमु परमेश्‍वरगी ख्‍योकोनला दया खाला पूरो खाला पापदुकी टाल्‍ला लेमु खिओ साबाते पक्‍काराङ खिओ सिन खेराङगी आश खाईन देता च्‍योकराङ ओङगो सिन टोक माज्‍येत।

१ पत्रुस 4:13

दोक्‍ते दुक्‍पा भोगे खिता फाप्‍जीन ख्‍योकोन गाका खि। च्‍यिला सासीन दोक ओङजीन ख्‍योकोनगी ख्रीष्‍टकी चुक दुक्‍पा भोगे खाबा ओता ईन्‍दाका सिन टिक्‍पी टिक्‍पी छ्या स्‍येक्‍यो। थेमे ख्रीष्‍ट था छ्येज्‍यीक शक्ति ङेत्‍ला दुरू ग्‍युरला ओङे छोमु ख्‍योकोनोङ आउदी खाला गा खिता ङेत्‍क्‍यो।

१ पत्रुस 5:1

थाचेन ङा ख्‍योकोन नाङ येशू ख्रीष्‍ट मिओनला ताकान्‍ते मिओनला बातज्‍यीक बात ङि सिरामीन। ङा ङाराङोङ ख्‍योकोन च्‍योकराङ येशू ख्रीष्‍ट मिओनला ताकान्‍ते मिज्‍यीक ईन। ख्रीष्‍टकी भोगे खाबाते दुक्‍पातेबा ङे गाङे ङाराङ मिगीराङ थोङाते ईन। था थे छ्येज्‍यीक शक्ति ङेत्‍ला ग्‍युरला ओङजीन ङाङ मान ङेत्‍ला थेत्ताङ देता ङेत्‍क्‍यो सिनोङ ङाला छ्या ओत। येशू ख्रीष्‍ट मिओनला ताकान्‍ते मिओन ख्‍योकोनगी ओर्च्‍ये दोक खि।

१ यूहन्‍ना 3:2

ङिङज्‍येते फिजावे, था ङुरूङ परमेश्‍वर फुज्‍युङ फुमु ओङगीन सिन्‍दा ओत। था तिरी ङुरूङ चुक ओङोङा सिरच्‍येते बात थोरूमसाक ङुरूङला छ्या मेत। दि बातज्‍यीकचेन ङुरूङला लेमु खाला छ्या ओत। च्‍यि सासीन येशू ख्रीष्‍ट ग्‍युरला ओङे छोमु ङुरूङोङ थे च्‍योकराङ ओङगो। च्‍यिला सासीन थे जस्‍तो दुक उस्‍तोराङ ङुरूङगी थेला थोङा ङेत्‍क्‍यो।