रोमी 8:16 - जिरेल

¹⁶ थेमे दाक्‍पोन परमेश्‍वर फुज्‍युङ फुमु ओङगीन सिन्‍दा ओत सिन ङुरूङला छ्या ओत। दि बात पक्‍काराङ ईन सिन ङुरूङला परमेश्‍वर आत्‍मेकीङ साबा ओत।

रोमी 8:16 Iomraidhean Croise

मत्ती 5:9

ज्‍येनला डिक्‍पा खाला तेरकान्‍ते मिओन भाग्‍यमानी ईन। च्‍यिला सासीन परमेश्‍वरगी थेबाला थे खोरोङ फुज्‍युङ फुमु ईन सिओ।

लूका 20:36

थेरू स्‍यिच्‍येते बादोङ छ्याःङ मेङगो। थेबा गाङे परमेश्‍वर दूत च्‍योकराङ ओङला देत्‍क्‍यो। परमेश्‍वरगी थेबाला स्‍यिसादुई सोम्‍बो लोक्‍च्‍येते ईन्‍देकी थेकी थेबाला थे खोरोङ फुज्‍युङ फुमु ईन सिन सिओ।

यूहन्‍ना 1:12

दोक ईन्‍सीनोङ थे वादुक सिन मान खिन थेला विश्‍वास खित्‍कान्‍ते मिओनलाचेन थेकी परमेश्‍वर फुज्‍युङ फुमु ओङच्‍येते अधिकार बिन्‍सुङ।

शक्ति काम 5:32

ङ्योकोन खालि ङेराङगी थोङातेताङ थोबाते बातकामा खिओ। दि बाततेबा ईन्‍दातेराङ ईन सिन परमेश्‍वर आत्‍मेकीङ छ्या स्‍ये ज्‍युत्‍क्‍यो। परमेश्‍वर आत्‍माचेन परमेश्‍वरगी थे खोरोङगी खि साबा साबा खित्‍कान्‍ते मिओनला बिन्‍दा ओत,” सिन सासुङ।

रोमी 8:14

दोक खाला परमेश्‍वर आत्‍मेकी खित ज्‍युता चाला च्‍योकराङ खित्‍कान्‍ते मिचेन गाङेराङ परमेश्‍वर फुज्‍युङओन ईन।

रोमी 8:19

दोक खाला था ङीमाई परमेश्‍वरगी गाङेकी थोङच्‍या खाला थे खोरोङ फुज्‍युङ फुमुला थे खोरोङगी ज्‍वा चाला च्‍योकराङ लेमु जोच्‍येते दिन ओङगो। मि ईन्‍स्‍यीत, जीव जन्‍तु ईन्‍स्‍यीत परमेश्‍वरगी जोबातेबरी जेसुकै थे दिन नाम लेबोङा सिन गुकीनराङ देता ओत।

रोमी 8:23

ईन्‍दाका ङुरूङोङ थोरूमसाक दुक्‍पालाराङ देता फापा ओतेकी ङुरूङ सेमलाङ ढुक्‍क मेत। परमेश्‍वरगी ङुरूङला थे खोरोङ आत्‍मा बिन्‍दा ओतेकी थेकी खिओ साबाते ज्‍येनोङ था गाङे साबा च्‍योकराङ खिओ। परमेश्‍वर आत्‍मा ङेता ओत्‍सीनोङ परमेश्‍वरगी ङुरूङला स्‍या फाप्‍सादुकी टाल्‍ला दि जीउ खुदुक जोला थे खोरोङ धर्म-पुत्र सिन थे खोरोङताङ ज्‍य्‌वाच्‍येते दिन नामराङ लेबोङा सिन ङुरूङ गुकीन देता ओत।

रोमी 8:26

लोक्‍ला ङुरूङ दाक्‍पोन स्‍येतकी थोक खिता मुथुप्‍च्‍येते ईन्‍देकी परमेश्‍वर आत्‍मेकी ङुरूङला मद्धत तेरग्‍यो। थेमे परमेश्‍वरताङ चुक खाला प्रार्थना खिता फाप्‍कीते सिन छ्या मेतेकी परमेश्‍वर आत्‍मा थे खोरोङगीराङ मिकी साला सिराराङ मुथुप्‍च्‍येते बात खाला ङुरूङ लाईदु परमेश्‍वरताङ प्रार्थना खाला तेरग्‍यो।

रोमी 9:26

थेमे गोमा ङाराङगी ख्‍योकोन ङे मि मेन साबाते मिओनलाराङ थाचेन दिबा सोम्‍बोते परमेश्‍वर फुज्‍युङ फुमु ईन सिन सिओ,” सिन साबा ओत।

रोमी 9:8

थोगी बात च्‍यिन्‍दे सासीन अब्राहाम फुज्‍युङ फुमु ओङला केजीनमेईराङ गाङेला परमेश्‍वर फुज्‍युङ फुमु ईन सिन सिरा मुथुबो। इसहाक केइओ सिन साबाच्‍योक खाईन परमेश्‍वर थे खोरोङगीराङ अब्राहाम सन्‍तान ओङ च्‍युताते मिओनकामा परमेश्‍वर सन्‍तान ईन।

२ कोरिन्‍थी 1:12

थेमे दि बात ङ्योकोन छ्याःङ ज्‍यीबा मिक्‍किता खाला सिरा थुप्‍क्‍यो। च्‍यि सासीन ज्‍येनगी दोन्‍दु ईन्‍स्‍यीत, ख्‍योकोन दोन्‍दु ईन्‍स्‍यीत जे खासीनोङ जहिलेङ ङ्योकोनगी सेमला पाप सिराते छ्याःङ मोज्‍योबा खाईन परमेश्‍वरगी खि साबा च्‍योकराङ खाईन लेमुते कामताङ साँचोते बातकामा खाबा ओत। ङेराङ स्‍येतताङ बुद्धिकी खित्‍सादु ङ्योकोनगी थोक खिता थुपाते मेन। परमेश्‍वर दयेकी खित्‍सादुराङ थोक खिता थुपाते ईन।

२ कोरिन्‍थी 1:22

ङुरूङ थोक्‍ते मि ईन सिन थेकी ङुरूङला थे खोरोङ छाप ग्‍यापा ओत थेमे थे खोरोङगी तेरग्‍यो साबाते गाङे तेरग्‍यो सिन पक्‍का खिताला थेकी ङुरूङला परमेश्‍वर आत्‍मा बिन्‍दा ओत।

२ कोरिन्‍थी 5:5

ङुरूङला दोक खाला थे नोमुङ स्‍यिला रूल्‍ला मोन्‍डोच्‍येते जीउ तेरकान्‍ते परमेश्‍वरराङ ईन। थोक्‍ते जीउ तेरग्‍यो सिन पक्‍का खिताला थेकी ङुरूङला थे खोरोङ आत्‍मा बिन्‍दा ओत।

२ कोरिन्‍थी 6:18

दोक खाला ङा ख्‍योकोन आबा ओङगो। थेमे ख्‍योकोनला ङाराङ फुज्‍युङ फुमु ईन सिन सिओ। दि बात गाङे भन्‍दा छ्येज्‍यीक शक्ति ओताते प्रभु परमेश्‍वरगी साबाते ईन,” सिन साबा ओत।

गलाती 3:26

येशू ख्रीष्‍टला विश्‍वास खाबेकी खित्‍सादु था ख्‍योकोन गाङेराङ परमेश्‍वर फुज्‍युङ फुमु ओङाते ईन।

गलाती 4:6

दोक खाईन ख्‍योकोन थे खोरोङ फुज्‍युङ फुमुराङ ओङा ओतेकी परमेश्‍वरगी ख्‍योकोनला थे खोरोङ फुज्‍युङ आत्‍मा बिन्‍सुङ। ङुरूङ सेमगी नाङ ओताते थे आत्‍मे छ्य्‌वापेकीराङ परमेश्‍वरला ङुरूङ दाक आबा सिन सिओ।

एफिसी 1:13

थेमे सत्‍यते बात थोनामेई ख्‍योकोनोङ ख्रीष्‍टताङ जीउज्‍यीकराङ ओङसुङ। पापकी सजायदुकी थारच्‍येते होथे गा लाङच्‍येते बात ङेन्‍गीन ख्रीष्‍टला विश्‍वास खानामेकी गोमा थे खोरोङगी ख्रीष्‍टकी छ्य्‌वापेकी तेरग्‍यो साबाते परमेश्‍वर आत्‍मा परमेश्‍वरगी ख्‍योकोनलाङ बिन्‍सुङ। दोक खाईन थेकी थे खोरोङ आत्‍मा बिन्‍दातेचेन ख्‍योकोनोङ थे खोरोङ मिराङ ईन सिराला छाप ग्‍यापाते च्‍योकराङ ओङसुङ।

एफिसी 4:30

खेराङ खेकी खित्‍सादु परमेश्‍वर आत्‍माला मेलेबा लाङच्‍येते काम माकेत। परमेश्‍वर आत्‍मा ङेतेकी खित्‍सादुराङ परमेश्‍वरगी थे खोरोङगी साबे छोमु ख्‍योकोनलाङ पूरो खाला पापदुकी टाल्‍ला थे खोरोङताङ देत ज्‍युत्‍क्‍यो सिन टोक माज्‍येत।

१ यूहन्‍ना 3:1

लो विचार खिते, आबा परमेश्‍वरगी ङुरूङला चुक आउदी ङिङज्‍ये खासुङा। थेकी थोक आउदी ङिङज्‍ये खाईन ङुरूङला थे खोरोङ फुज्‍युङ फुमु ईन सिओ। ईन्‍दाबोङ ङुरूङ थे फुज्‍युङ फुमुराङ ईन। दि सा लुङबे मिओनगी ङुरूङ चुक्‍ते मि ईन्‍दे सिन छ्याःङ छ्या मेस्‍येओ। च्‍यिला सासीन थेबेकी परमेश्‍वर सु ईन्‍दे सिन छ्या मास्‍येसुङ।

१ यूहन्‍ना 3:10

सु सु परमेश्‍वर फुज्‍युङ फुमु ईन्‍दाका सु सु शैतान सन्‍तान ईन्‍दाका सिन ङुरूङगी लेमु खाला डेला थुप्‍क्‍यो। चुक खाला सासीन लेमु काम मिक्‍किकान्‍ते मिङ दाक्‍पोन आज्‍यो न्‍वाला ङिङज्‍ये मिक्‍किकान्‍ते मिङ परमेश्‍वर फुज्‍युङ फुमु ईनराङ मेन।

१ यूहन्‍ना 3:2

ङिङज्‍येते फिजावे, था ङुरूङ परमेश्‍वर फुज्‍युङ फुमु ओङगीन सिन्‍दा ओत। था तिरी ङुरूङ चुक ओङोङा सिरच्‍येते बात थोरूमसाक ङुरूङला छ्या मेत। दि बातज्‍यीकचेन ङुरूङला लेमु खाला छ्या ओत। च्‍यि सासीन येशू ख्रीष्‍ट ग्‍युरला ओङे छोमु ङुरूङोङ थे च्‍योकराङ ओङगो। च्‍यिला सासीन थे जस्‍तो दुक उस्‍तोराङ ङुरूङगी थेला थोङा ङेत्‍क्‍यो।

१ यूहन्‍ना 4:13

परमेश्‍वरगी ङुरूङला थे खोरोङ आत्‍मा बिन्‍दा ओतेकी ङुरूङ परमेश्‍वरताङ डिक्‍ला देत्‍क्‍यो थेमे थे ङुरूङताङ ङ्योम्‍बुराङ देत्‍क्‍यो सिन लेमु खाला छ्या स्‍येक्‍यो।

१ यूहन्‍ना 5:10

थोगी येशू परमेश्‍वर फुज्‍युङ ईन सिन थेला विश्‍वास खित्‍कान्‍ते मिकी थे परमेश्‍वर फुज्‍युङ ईन सिरच्‍येते बातला छ्याःङ शंका मिक्‍किओ। थे परमेश्‍वर फुज्‍युङ मेन सिन सिरकान्‍ते मिकीचेन परमेश्‍वरनी ढाँर खित्‍कान्‍ते ईन साबाते ईन। च्‍यिला सासीन थोक्‍ते मिकी परमेश्‍वरगी थे खोरोङ फुज्‍युङ चुक्‍ते ईन्‍दे सिन साबाते बात पत्तेराङ खाबा मेङगो।

छ्या स्‍ये च्‍युताते बात 21:7

शैतान शक्तिला ग्‍याल्‍कान्‍ते मिकी ङे तेरच्‍येते होदिबा गाङे ङेत्‍क्‍यो। ङा थे मि परमेश्‍वर ओङगो थेमे थेचेन ङे फुज्‍युङ ओङगो।