रोमी 8:10 - जिरेल10 ख्रीष्ट ख्योकोन सेमदु ओत्सीनोङ पाप खाबेकी खित्सादु स्यिला ख्योकोन जीउचेन रूल्ला डुइओ। ईन्सीनोङ परमेश्वरगी ख्योकोनला दोषी मेन साबा ओतेकी ख्योकोन आत्माचेन नोमुङ मिस्यिओ। Faic an caibideil |
रोमी 8:10
30 Iomraidhean Croise
बात चुक ईन्दे सासीन मिज्यीगी पाप खाबेकी खित्सादु दि सा लुङबादु पाप खित्च्येते सिराते शुरू ओङगीन थे तिरी मि गाङेकी पाप खिताला स्यूसुङ। थेमे पाप खाबेकी खित्सादु थे मि कालगी खाला फाप्ला स्या फाप्च्या ओङसुङ। थोक ओङगीन थे तिरी मिङ गाङेराङ स्या फाप्च्या ओङसुङ। च्यिला सासीन थेबाङ गाङेराङ पापीराङ गाला ओतान।
चुक खाईन सासीन ख्रीष्टला स्यिङगी थामला टाँए खाला सेत्जीन ङाङ थेत्ताङराङ थे थामला टाँए खाईन स्याप्ते ईन। ङा थोक खाईन स्याप ईन्सीनोङ थोरूमसाक सोम्बोराङ ओत। ङाराङ सोम्बो ओत्सीनोङ थरिङोला ङे जे खिदुक थे ङे खित्च्येते मेन, ख्रीष्ट ङे सेमगी नाङ ओतेकी ङे च्यि च्यि खिका गाङे थेकीराङ खित ज्युत्च्येते ईन। मास्यिथुप था ङा परमेश्वर फुज्युङला विश्वास खिन देत्ला थेकी खित ज्युता चाला च्योककामा खिन देत्क्यो। थेकी ङाला ङिङज्ये खाईन ङे लाईदु थे खोरोङ ज्यानराङ बिन्गीन स्या ओतान।
थेमे परमेश्वरगी ङाला ख्रीष्टताङ लेमु खाईन डिगीन देताते थोङस्यीत सिनराङ ङे होथे गोमे बाततेबा विचारराङ खिता ताङाते ईन। परमेश्वर नियम ङेन्गीन धर्म कर्म खाबेकी खित्सादु मेन, बरू ङा ख्रीष्टला विश्वास खित्कान्ते मि ईन सिन थाचेन परमेश्वरगी ङाला दोषी मेन सिन सिओ। च्यिला सासीन परमेश्वरगी मिकी खाबाते काम ताला मेन्देकी ख्रीष्टकी खाबाते काम ताला थेला विश्वास खित्कान्ते मिओनला दोषी मेन सिन सिओ।
ज्येन ज्येन जातकी मिला चुक अचम्ब खाला आशी बिन्ला लेमु खिते सिरच्येते बात थे खोरोङ सन्तानओनगी छ्या स्येबा फाप्क्यो सिन परमेश्वरगी थेबाला छ्या स्ये च्युत्कीन बिन्सुङ। परमेश्वरगी गोमा छ्या स्ये च्युता मेताते होथे बात च्यि ईन्दे सासीन ख्रीष्टचेन ख्योकोन ज्येन ज्येन जातकी मि सेमगी नाङ देत्क्यो। थे थोक खाईन ख्योकोन सेमगी नाङ देत्नामेई परमेश्वरगी तिरी ख्योकोनला मान बिन्ला थे खोरोङगी ज्वा चाला च्योकराङ लेमु जोइओ सिरच्येते बात पक्काराङ दुका सिन आश खाला गुला देता थुप्क्यो।
थे छोमु चुक ओङगीते सासीन प्रभु येशूकी लो था बेला लेप्सुङ सिन गाङेकी थोच्या खाला सिराईताङ, परमेश्वर छ्येते दूतकी गाङेकी थोच्या खाला बात खिताईताङ थेमे परमेश्वर बिकुल फुबाते ङोरो थोबाईताङराङ प्रभु येशू स्वर्गनेकी ग्युरला ओङगो। थे ग्युरगीन वानामेई ख्रीष्टला विश्वास खित्कान्ते गोमाका स्याप्ते मिओन स्यिसादुकी सोम्बो लोइओ।
थेमे दि तिरी स्वर्गनेकी “लो दि बात टि। थानामेकी उसो प्रभु येशूला विश्वास खिन खिनला स्यिकान्ते मिओन भाग्यमानी ईन,” सिन सिरा ङे थोसुङ। थेमे परमेश्वर आत्मेकी “ईन, साँच्चीराङ दोकराङ ईन। था थेबेकी पीरताङ दुक्पे छ्य्वापेई ठाल्ला ढुक्क खाला देता ङेत्क्यो। पीरताङ दुक्पालाङ लेमु काम खिनराङ देतेकी था थेबाला लेमु ओङगो,” सिन सिदुक।
Sanasan