रोमी 7:8 - जिरेल

⁸ परमेश्‍वर नियमला “लोभ माकेत,” साबाते बात छ्या स्‍येनामेई ङे सेमला पाप ओतेकी ङाला झन झन डारताङ लोभ लाङाला स्‍यूसुङ। दोक माकेत, थोक माकेत सिरच्‍येते थे नियम मेता ईन्‍सीनचेन पाप खित्‍च्‍या सिराते ओङच्‍या मेतान।

रोमी 7:8 Iomraidhean Croise

मर्कूस 7:22

थेमे लोभ खित्‍च्‍येते ईन। दोस्‍यिककामा मेन, ज्‍येनोङ मेलेबा मेलेबा काम खित्‍च्‍येते, मिला ठगे खित्‍च्‍येते, ङोचा लाङच्‍येते कामओन खित्‍च्‍येते, मिला डार खित्‍च्‍येते, ज्‍येनला मोत्‍च्‍येते, ङा ङाराङ ईन सिराच्‍योक खित्‍च्‍येते थेमे विचार मिक्‍किता खाला कामताङ बात खित्‍च्‍येते ईन।

यूहन्‍ना 15:22

ङा दुरू माबा ईन्‍सीनताङ थेबाला छ्याःङ मालापा ईन्‍सीन थेबेकी पाप खाबाते ईन सिन सिरा ओङच्‍या मेतान। थानी थेबेकी ङ्योकोनगी छ्याःङ पाप खाबा मेत सिन सिराराङ मेङेदो।

यूहन्‍ना 15:24

ङे थातासाक सुङगीङ खिता माथुपाते कामतेबा थेबे ङोन्‍लाराङ खाईन तेन्‍दाप। ङे थोक खाबाते छ्याःङ थोङा मेत्‍सीनचेन थेबेकी पाप खाबाते ईन सिन सिरा ओङच्‍या मेतान। तर थेबेकीनी ङे खाबाते काम गाङे थोङसीनोङ ङात्ताङ ङे आबा ङ्योकोन ङिकारला मिगी थोङसार्मु खिदुक।

रोमी 3:20

च्‍यिला सासीन परमेश्‍वर नियमला खि साबाते ङेन्‍लानी सुङलाङ परमेश्‍वरगी दोषी मेन सिरराङ मिसिरो। परमेश्‍वर नियम तालाचेन खालि थे नियम माङेन्‍गीन दाक्‍पोनगी पाप खाबा ओताक्‍वा सिनकामा छ्या स्‍येक्‍यो।

रोमी 4:15

च्‍यिला सासीन मिओन परमेश्‍वर नियम मेङेन्‍कान्‍ते ईन्‍देकी परमेश्‍वरगीनी थेबाला थे नियमला साबा च्‍योकराङ खाला स्‍येदाङगी चूर गाल्‍ला सजायका तेरग्‍यो। दोक खि, थोक माकेत सिरच्‍येते परमेश्‍वर नियम मेता ईन्‍सीनचेन गल्‍ती खासुङ सिन सुङलाङ सिरा ङेत्‍च्‍या मेतान।

रोमी 5:20

थोक ईन्‍सीन परमेश्‍वरगी मिओनला च्‍यिला थे खोरोङ नियम बिन्‍सुङा सिनोङ बात थेन्‍ग्‍यो मेन? नियम ओत्‍सीनोङ थेरू खिता मेङगो साबा साबाराङ खाला झन झन पाप खित्‍च्‍याक्‍वा सिन मिओनगी छ्या स्‍येस्‍यीत सिनराङ परमेश्‍वरगी थे नियम बिन्‍दा ओतान। दोक खाईन मिओन झन पाप खित्‍कान गाल्‍सीनोङ थेबे पाप माफ तेराला परमेश्‍वरगी थेबाला झन आउदी दया खाबाते ईन।

रोमी 7:11

ङाराङ सेमला पाप ओतेकी खित्‍सादु परमेश्‍वर नियमला माकेत साबा साबा खासीन ओङगो सिन ङा छक्‍के खाईन ङे थेरू माकेत साबा साबाते कामराङ खाबाप। थोक खाईन पाप खानामेई ङा थे नियमगी तोके खाबाते पापकी सजाय भोगे खाला स्‍या फाप्‍च्‍या ओङाते ईन।

रोमी 7:13

परमेश्‍वर नियम दोक लेमु ईन्‍गीन ईन्‍गीनोङ ङा थेरू तोके खाबाते सजाय भोगे खिन स्‍या फाप्‍च्‍या ओङाते थे नियमगी खित्‍सादु मेन। दोक माकेत, थोक माकेत सिरच्‍येते नियम लेमु ईन्‍सीनोङ ङे थेरू माकेत साबाते खाईन पाप खाबेकीका ङा थोक खाईन थे नियमला तोके खाबाते सजाय ङेत्‍ला स्‍या फाप्‍च्‍या ओङाते ईन। पापकी खित्‍सादु दोक ओङेकी दि पाप सिराते चुक मेलेबा ईन्‍दे थेमे दिकी खित्‍सादु मिला चुक मेलेबा ओङच्‍या ईन्‍दाका सिन ङुरूङगी लेमु खाला छ्या स्‍येकीदुक।

रोमी 7:17

ङाराङगी मिक्‍किओ साबाते काम ङे ङाराङ खुशीकी खाबाते मेन। ङाराङ सेमला पाप ओतेकी खित्‍सादुका ङे थोक खिता फाप्‍च्‍येते ईन।

रोमी 7:9

थे नियम छ्या मेत्‍जीन गोमा ङा ङाराङगी छ्याःङ पाप खाबा मेत सिन ढुक्‍क खाईन देता ओतान। तिरी परमेश्‍वर नियम छ्या स्‍येनामेई थेरू दोक माकेत, थोक माकेत साबा साबाराङ खिता सेम लाकीन थेरू माकेत साबातेराङ खाईन ङे दाक पाप खाबाप। थोक खानामेई ङा सजाय ङेत्‍कीन स्‍या फाप्‍च्‍या ओङा ओतान।

१ कोरिन्‍थी 15:56

पाप खाबेकीराङ मि कालगी खाला फाप्‍च्‍येते ईन। थेमे परमेश्‍वर नियमला जे जे माकेत साला दुक झन थे थे खालाराङ पाप खित्‍च्‍येते ईन।