रोमी 7:14 - जिरेल

¹⁴ परमेश्‍वर नियमचेन परमेश्‍वरगीराङ बिन्‍दाते ईन सिन ङुरूङला छ्या ओत। ङाचेन परमेश्‍वरगी खि साबाच्‍योक खिता मुथुप्‍कान्‍ते मिकामा ईन। थेमे पापकी योक्‍पो च्‍योकराङ ओङा ओतेकी ङे खालि मेलेबाते कामताङ बात खिता फाप्‍कीदुक।

रोमी 7:14 Iomraidhean Croise

मत्ती 16:23

थोक खित्‍जीन ख्‍युर ग्‍युरगीन थेकी थेला “शैतान, खो दुरू ङे मिगी दोन्‍दु मादेत। खो ङे काम ङ्ये ज्‍युता छोल्‍गीदुक। परमेश्‍वरगी दोक खाला काम मिक्‍किओ। खुई साबाते दि बातनी परमेश्‍वरगी खित्‍च्‍येते कामताङ डिकराङ मिडिक्‍च्‍येते ईन,” सिन ङारसुङ।

मत्ती 18:25

थे मिकी थे पैसा ज्‍येला मुथुप्‍च्‍या थोङगीन थे गेल्‍बोकी थे खोरोङ मिओनला ‘लो था दिला च्‍यि खिसे सासीन दित्ताङ दि फेम्‍मे थेमे फिजातेबालाङ योक्‍पो योङमु खिताला छ्वा। थेमे दिते घरबारीङ च्‍वाला पैसाचेन दुरू खोरच्‍योक,’ सिन कोत्‍तुक्‍लो।

मत्ती 5:22

ङाचेन ख्‍योकोनला च्‍यि सिते सासीन सुइँदा दाक्‍पोन आज्‍यो न्‍वाताङ स्‍येदाङ खासुङ सासीनकामाङ थेलाङ सजाय तेरा फाप्‍क्‍यो। थेमे आज्‍यो न्‍वाला खो ङ्येबे ङ्येस्‍यु सिन सिरकान्‍ते मिला सजाय बिन सिन छ्ये छ्ये मि रूसादु खेरा फाप्‍क्‍यो। थेमे आज्‍यो न्‍वाला खोनी ठुङराङ माठुङसीन ओङच्‍या ओतान सिन सिरकान्‍ते मिनी झन सजाय ङेत्‍ला नरककुण्‍डमा मे नाङराङ स्‍यूइओ।

मत्ती 5:28

ङाचेन ख्‍योकोनला च्‍यि सिते सासीन सुइँदेकी सुइँदा फेम्‍मे मिला खइँदा मेलेबा विचारगी तासुङ सासीनकामाङ थेकी थे फेम्‍मे मित्ताङ रन्‍डीबाजी खाबा छेतराङ ईन सिन सिओ।

लूका 5:8

थेरू थोक ओङा थोङगीन शिमोन पत्रुसकी खोबुकला देत्‍कीन “प्रभु, ओर्च्‍ये खो ङे दोन्‍दु मादेत, दुरूकी ग्‍युक। ङे सेम पापकीकामा खाङा ओत,” सिन सिदुक।

लूका 7:6

थेबेकी थोक सानामेई येशू थेबाताङ गाल्‍सुङ। येशू थे क्‍याप्‍टेन खाम्‍बापा ख्‍योला ख्‍योला खाबा ओतान। थे थेपा ओङगीन ओताते बात छ्या स्‍येकीन थेकी र्‍वातेबा कोई कोईला “लो ख्‍योकोन फिपाराङ येशूला ठेता खित ग्‍युक। थेमे थेला ङे दोक सिदुक सिन सि। चुक सासीन ‘प्रभु खो दोक दुक्‍पा खाला देपाराङ ओङा माफाबो। प्रभु खो च्‍योक्‍ते छ्ये मि ङा च्‍योक्‍ते मि खाम्‍बादु ओङा सोई मिक्‍किओ।

रोमी 3:9

थेमे था ङुरूङ चुक सिरच्‍ये ओना? च्‍यि ङुरूङ यहूदीओन ज्‍येन ज्‍येन जातकी मि भन्‍दा लेमु मि ईन सिरच्‍या? चुक खाला दोक सिरच्‍येरो? च्‍यिला सासीन यहूदी ईन्‍स्‍यीत, ज्‍येन ज्‍येन जातकी मि ईन्‍स्‍यीत गाङेराङ मेलेबा कामताङ पाप खित्‍कान्‍ते ईन सिन ङुरूङगी लेमु खाईन छ्या स्‍येसुङ मेन?

रोमी 6:6

लोक्‍ला दि बादोङ ङुरूङला छ्या ओत। च्‍यि सासीन ख्रीष्‍टला स्‍यिङगी थामला टाँए खाला सेत्‍जीन ङुरूङते मेलेबा कामताङ बात खित्‍च्‍येते बानी खुदुक गाल्‍ला पाप खिता तोङस्‍यीत सिन ङुरूङलाङ थेत्ताङराङ टाँए खाईन सेताते ईन। ङुरूङलाङ थेत्ताङराङ सेताते साबातेचेन ङुरूङ गोमा च्‍योकराङ सेम मेलेबा ओताते मि मेन साबाते ईन। दोक खाईन था ङुरूङ सेम लेमु गाला ओतेकी ङुरूङगी गोमा खिन ओताच्‍योक खाला पाप खिन देताराङ माफाबो।

रोमी 7:18

ङा परमेश्‍वरगी खि साबाच्‍योक खिता मुथुप्‍कान्‍ते मिकामा ईन्‍देकी ङे लेमु सिराते छ्याःङ खिता मुथुप्‍च्‍येते ईन सिन ङाला छ्या ओत। चुक खाला सासीन लेमु खिताप सिन जतिराङ खासीनोङ ङाराङगी खिता चालाच्‍योक ङे पटक्‍क खिता मुथुप्‍तुक।

गलाती 4:3

होथोक्‍ते धनीते मि फुज्‍युङगी थे खोरोङ उमेर माछाङथुप ज्‍येनगी अधीनला देता फापा च्‍योकराङ दाक्‍पोनगी बात लेमु खाईन छ्या मास्‍येथुप गोमा ङुरूङोङ दि सा लुङबादु थाङबोमेई चले खिन वाबाते रीतिथिति माने माक्‍याबाला ओङराङ मेङगो सिराच्‍योक खाला थे रीतिथितिओन माने खिन ओतान।

एफिसी 3:8

दि काम खिताला परमेश्‍वर सन्‍तान गाङे नाङ ङा सोईराङ मिक्‍किकान्‍ते मि ईन्‍सीनोङ परमेश्‍वरगी ङालाराङ दि काम खित्‍च्‍येते जिम्‍मा बिन्‍सुङ। ङे कामचेन ख्रीष्‍टकी ङुरूङ लाईदु खाबाते कामतेबा खोबा चाल्‍ला खोबा मुथुप्‍च्‍या चुक अचम्‍ब खाईन खाबाते ईन्‍दे सिन ज्‍येन ज्‍येन जातकी मिला लोप्‍च्‍येते

हिब्रू 4:12

च्‍यिला सासीन परमेश्‍वर बातकी छ्य्‌वापेई मिओनगी जुनी ङेत्‍क्‍यो। दि बातकी छ्य्‌वापेकी परमेश्‍वरगी मि नाङ काम खिओ। ठाउँ ङिकारपा धार खाबाते आउदी नोम्‍बोते तरवारगी मिला रोपे खासीन दोन्‍नापेई ल्‍हाकनापासाकराङ फोत तोला थुप्‍क्‍यो थेमे रूबाताङ जोर्नीतेबा टाल्‍ला नाङदु ओताते काङ समेत देन्‍दा थुप्‍क्‍यो। होदोक्‍ते तरवार भन्‍दाङ परमेश्‍वर बातकी छ्य्‌वापेई परमेश्‍वरगी खित्‍च्‍येते काम खापान खापान छ्ये ईन। दि बातकी छ्य्‌वापेईराङ सुइँदेकी खाबाते कामताङ बात मिकी दाक्‍पोनगी खाबाते ईन्‍दाना परमेश्‍वर आत्‍मेकी खित च्‍युताते ईन्‍दे सिन डेला थुप्‍क्‍यो थेमे सुई च्‍यि विचार खिन दुका, मि सेमगी नाङ लेमु मेलेबा चुक दुका सिनोङ गाङे लेमु खाला डेला थुप्‍क्‍यो।