रोमी 7:1 - जिरेल

¹ थेमे आज्‍यो न्‍वावे, ख्‍योकोनगी परमेश्‍वर नियम छ्या स्‍येबा ओतेकी ङे सिन ओताते बात ख्‍योकोनला लेमु खाला छ्याराङ ओत। च्‍यि सासीन मास्‍यिथुपचेन मिकी थे नियमला खि साबाते ङेन्‍दाराङ फाप्‍क्‍यो। स्‍यिनामेईकामा मि थे नियम अधीनला मेङगो।

रोमी 7:1 Iomraidhean Croise

रोमी 1:13

आज्‍यो न्‍वावे, पालोताङ पालो ङा ख्‍योकोन ओत्‍सापा ओङा चालाप। ङे ढाँर खाबाते मेन। तर जति खासीनोङ थोरूमसाक ङा थेपा ओङा माथुप्‍सुङ। ज्‍येन ठाउँकी ज्‍येन ज्‍येन जातकी मि नाङ च्‍योकराङ खाला थेपाङ गा लाङच्‍येते बात लोपा ङेत्‍सीन मिओनगी येशूला विश्‍वास खित्‍च्‍या ओतान सिन ङा ख्‍योकोन ओत्‍सापा ओङा चालाते ईन।

रोमी 10:1

थेमे आज्‍यो न्‍वावे, परमेश्‍वरगी तेरच्‍येते पापकी सजायदुकी ङाराङ इस्राएलीओन थारस्‍यीत सिन ङा आउदी सेम खिओ। थेबेकी थे सजाय भोगे खिता माफाप्‍स्‍यीत सिन ङा परमेश्‍वरताङ प्रार्थना खिओ।

रोमी 10:4

तर ख्रीष्‍ट दुरू वाबेकी परमेश्‍वर नियम ङेन्‍ला मि सुङलाङ परमेश्‍वरगी दोषी मेन मिसिरो सिरच्‍येते बात छ्या स्‍येकीदुक। ख्रीष्‍टकी खाबाते कामगी खित्‍सादुकामा परमेश्‍वरगी मिओनला दोषी मेन सिओ। दि बात पत्ते खाला परमेश्‍वरला विश्‍वास खित्‍कान गाङेला थेकी होथोक्‍ते मि ईन सिओ।

रोमी 6:14

ख्‍योकोनगी था पाप खिन देता माफाबो। च्‍यिला सासीन था ख्‍योकोन परमेश्‍वर नियम अधीनला मेत। परमेश्‍वरगी दया खाबेकी थानी ख्‍योकोन थे अधीनलाका ओत।

रोमी 6:3

दि बादोङ ख्‍योकोनगी छ्या मास्‍येबाते मेन। च्‍यि सासीन ङुरूङला छ्युला लुक्‍ला बप्‍तिस्‍मा तेरजीन ङुरूङ गाङेराङ येशू ख्रीष्‍टताङ जीउज्‍यीकराङ ओङगीन थेत्ताङराङ स्‍याप्‍ते ईन।

रोमी 7:6

तर थाचेन दोक खि, थोक माकेत, दोक माक्‍यासीन सजाय ङेत्‍ला स्‍यिइओ सिरच्‍येते परमेश्‍वर नियम लाईदु ङुरूङ स्‍याप छेतराङ ओङा ओतेकी था ङुरूङ थे नियम अधीनला मेत। परमेश्‍वरला माने खित्‍च्‍या सिन गोमाबा ङुरूङगी थे नियमला खि सिन टिबा च्‍योकराङ खिता चालाप। परमेश्‍वर आत्‍मा ङेता ओतेकी थानी ङुरूङगी परमेश्‍वरला चुक खाला माने खिता फाप्‍कीते होथोकराङ खाला माने खिता थुप्‍क्‍यो।

१ कोरिन्‍थी 9:8

च्‍यि ङे थाल्‍ला भर्खर साबाते बातओन मि बात च्‍योककामा लाङगीदुक? दोक्‍ते बातनी परमेश्‍वर नियमलाङ साबा ओत।

गलाती 4:21

ख्‍योकोनला परमेश्‍वर नियमला खि साबा साबा ङेन्‍ला थे नियम अधीनला देता सेम लाङगीदुक मेन ओना? थोक ईन्‍सीन ख्‍योकोनगी ङाला दि बातज्‍यीक सिते ओना। च्‍यि ख्‍योकोनगी थे नियमला साबाते बात गाङे लेमु खाईन खोबा ओत?