रोमी 6:4 - जिरेल

⁴ थोक खाला बप्‍तिस्‍मा तेरजीन ङुरूङ थेत्ताङराङ स्‍यिइन दिबाते ईन। आबा परमेश्‍वरगी थे खोरोङ छ्येज्‍यीक शक्तिकी ख्रीष्‍टला स्‍यिसादुकी सोम्‍बो लोक्‍पा ओत। था ङुरूङगी गोमाबा खाबाच्‍योक पाप मिक्‍किता खाला थे खोरोङगी खि साबा च्‍योकराङ खिता थुप्‍स्‍यीत सिन परमेश्‍वरगी ख्रीष्‍टला बिन्‍दा च्‍योक्‍ते साम्‍बाते जुनी ङुरूङलाङ बिन्‍दा ओत।

रोमी 6:4 Iomraidhean Croise

यूहन्‍ना 11:40

थेमे येशूकी “च्‍यि खोल्‍ला ङे आनाङका ङे बात पत्ते खासीन परमेश्‍वरगी चुक छ्येज्‍यीक काम खिता थुप्‍च्‍या ईन्‍दाका सिन छ्या स्‍येक्‍यो सिन साबाते मेनरो?” सिन सिदुक।

यूहन्‍ना 2:11

येशूकी खाबाते अचम्‍बते कामओन नाङ गाङे भन्‍दा गोमा खाबाते अचम्‍बते दि कामचेन गालील अञ्‍चल काना सारदु खाबा ओतान। थेरू थोक खाईन थेकी थे खोरोङताङ छ्येज्‍यीक शक्ति ओत सिन तेन्‍सुङ। थेमे थे चेलाओनगी थेला परमेश्‍वरगीराङ ताङाते दुका सिन विश्‍वास खिताला स्‍यूसुङ।

शक्ति काम 2:24

ख्‍योकोनगी थोक खाबा ईन्‍सीनोङ परमेश्‍वरगीचेन थेला कालगी खादुकी टाल्‍गीन स्‍यिसादुकी सोम्‍बो लोक्‍सुङ। च्‍यिला सासीन थेनी स्‍यिच्‍येते कालला ग्‍याल्‍ला सोम्‍बो लोक्‍पाराङ फाप्‍च्‍या ओतान।

शक्ति काम 2:32

दाऊदकी गोमाका साबा ओता च्‍योकराङ खाईन परमेश्‍वरगी येशूला स्‍यिसादुकी सोम्‍बो लोक्‍सुङ। थे सोम्‍बो लोक्‍नामेई थेला ङ्योकोन गाङेकी ङेराङ मिगीराङ थोङाते ईन।

रोमी 6:19

ख्‍योकोनगी लेमु खाला खोबा थुप्‍स्‍यीत सिन ङे दुरू मालिकताङ योक्‍पो बात खाबाते ईन। गोमा पापकी योक्‍पो च्‍योकराङ ओत्‍जीन ख्‍योकोनगी खिता ओङच्‍या मेङच्‍या जेसुकै ङोचा लाङच्‍येते काम थेमे परमेश्‍वरगी माकेत साबाते ज्‍येनोङ मेलेबा काम खिन ओतान। थेजीन ख्‍योकोन बोली, काम, बानी जेङ मेलेबा ओतान। गोमाबा होथोक्‍ते मेलेबा मेलेबा काम खाबा च्‍योकराङ थाचेन ख्‍योकोनगी परमेश्‍वरगी खि साबा साबा ङेन्‍ला थेकी खि साबाते खित्‍च्‍ये छ्य्‌वापाकामा स्‍येत खि। थोक खानामेई ख्‍योकोनते बोली, काम, बानी गाङे लेमु गाल्‍ला ख्‍योकोनगी परमेश्‍वरला मन परे खित्‍च्‍येते कामताङ बात खिओ।

रोमी 6:3

दि बादोङ ख्‍योकोनगी छ्या मास्‍येबाते मेन। च्‍यि सासीन ङुरूङला छ्युला लुक्‍ला बप्‍तिस्‍मा तेरजीन ङुरूङ गाङेराङ येशू ख्रीष्‍टताङ जीउज्‍यीकराङ ओङगीन थेत्ताङराङ स्‍याप्‍ते ईन।

रोमी 6:8

दोक खाईन ङुरूङ येशू ख्रीष्‍टताङराङ स्‍याप्‍ते ईन्‍देकी था ङुरूङगीङ दाक थेकी ङेता च्‍योक्‍ते जुनी ङेत्‍ला थे च्‍योकराङ खाला देता ङेत्‍क्‍यो।

रोमी 6:9

चुक खाला सासीन परमेश्‍वरगी ख्रीष्‍टला स्‍यिसादुकी सोम्‍बो लोक्‍पा ओत। थे याङराङ नोमुङ मिस्‍यिओ। था थेला कालगी छ्याःङ खिता मुथुबो।

रोमी 7:6

तर थाचेन दोक खि, थोक माकेत, दोक माक्‍यासीन सजाय ङेत्‍ला स्‍यिइओ सिरच्‍येते परमेश्‍वर नियम लाईदु ङुरूङ स्‍याप छेतराङ ओङा ओतेकी था ङुरूङ थे नियम अधीनला मेत। परमेश्‍वरला माने खित्‍च्‍या सिन गोमाबा ङुरूङगी थे नियमला खि सिन टिबा च्‍योकराङ खिता चालाप। परमेश्‍वर आत्‍मा ङेता ओतेकी थानी ङुरूङगी परमेश्‍वरला चुक खाला माने खिता फाप्‍कीते होथोकराङ खाला माने खिता थुप्‍क्‍यो।

रोमी 8:11

परमेश्‍वर थे खोरोङ आत्‍मा ख्‍योकोन सेमदु ओतेकी येशू ख्रीष्‍टला स्‍यिसादुकी सोम्‍बो लोक्‍कान्‍ते परमेश्‍वरगीराङ था स्‍यिनामेई रूल्‍ला डोच्‍येते ख्‍योकोन जीउ खुदुक जोला सोम्‍बो लोइओ। दोकचेन थेकी ख्‍योकोन सेमदु ओताते थे खोरोङ आत्‍मे छ्य्‌वापेई खिओ।

१ कोरिन्‍थी 6:14

परमेश्‍वरगी थे खोरोङ शक्तिकी प्रभु येशूला स्‍यिसादुकी सोम्‍बो लोक्‍सुङ। था थेकी थे खोरोङ होथे शक्तिकी ङुरूङलाङ सोम्‍बो लोइओ।

२ कोरिन्‍थी 13:4

ईन्‍दानी मिओनगी स्‍यिङगी थामला टाँए खाला सेत्‍जीन थे छ्याःङ खिता मुथुप्‍कान्‍ते च्‍योकराङ थोङा ओतान। थोक ईन्‍सीनोङ परमेश्‍वरगी थे खोरोङ शक्तिकी थेला सोम्‍बो लोक्‍पेकी थे सोम्‍बोराङ ओत। ख्रीष्‍टताङ जीउज्‍यीकराङ ओङाते मि ङ्योकोनलाङ मिओनगी छ्याःङ खिता मुथुप्‍कान्‍ते च्‍योकराङ थोङगो। ईन्‍सीनोङ ङ्योकोनगी ख्‍योकोन नाङ खित्‍च्‍येते गाङे काम ख्रीष्‍टताङ जीउज्‍यीकराङ ओङगीन परमेश्‍वर शक्ति छ्य्‌वापेकी खित्‍च्‍येते ईन।

२ कोरिन्‍थी 5:17

च्‍यिला सासीन ख्रीष्‍टताङ जीउज्‍यीकराङ ओङाते मिचेन साम्‍बाते जुनी ङेताते मि ईन। थोगी गोमे बात तोरगीन था थे मिकी गोमा च्‍योक दाक्‍पोन खुशी मिक्‍किता खाला परमेश्‍वरगी खि साबा साबाच्‍योक खिओ।

एफिसी 4:17

थेमे प्रभु ख्रीष्‍टकी ङाला दोक सिरच्‍येते अधिकार बिन्‍दा ओतेकी ङा ख्‍योकोनला दि बाततेबा सिन ओत। च्‍यि सासीन ख्‍योकोनगीचेन परमेश्‍वरला छ्या मेस्‍येकान्‍ते मिओनगी च्‍योकराङ खिन देता मेङगो। परमेश्‍वरला छ्या मेस्‍येकान्‍ते मिओनचेन तिरी बात छ्याःङ विचार मिक्‍किकान्‍ते बुद्धि मेताते मि ईन।

एफिसी 5:8

मुन्‍दाकला देत्‍कीन ख्‍योकोन गोमा मेलेबा कामताङ बात खिन ओतान। प्रभु ख्रीष्‍टताङ जीउज्‍यीकराङ ओङेकी थाचेन ख्‍योकोन नाम्‍दाकला देत्‍कान्‍ते मि ईन। थोगी नाम्‍दाकला देत्‍कान्‍ते मिकी चुक चुक खिता फाप्‍च्‍येते ईन्‍दे ख्‍योकोनगी थोकराङ खि।

कलस्‍सी 3:10

खेराङ बानी खुदुक गाल्‍गीन लेमु कामताङ बात खिताला स्‍यूबा ओत। परमेश्‍वरगीराङ ख्‍योकोन बानी दोक लेमु जोबाते ईन। थे खोरोङ चुक्‍ते ईन्‍दाका सिन झन लेमु खाला छ्या स्‍येस्‍यीत थेमे थे खोरोङ च्‍योकराङ लेमु डुइन डोरस्‍यीत सिन परमेश्‍वरगी ख्‍योकोन बानी झन झन लेमु जोइन ओत।

कलस्‍सी 4:1

थोकराङ खाला मालिकतेबालाङ ङा च्‍यि सिते सासीन स्‍वर्गने ख्‍योकोनतेङ मालिक ओत थेमे खेराङगी खाबाते गाङे कामताङ बातकी हर हिसाब ङीमा लेनज्‍यीक थेला तेरा फाप्‍क्‍यो सिन ठेम्‍बा खि। थोगी खेराङ योक्‍पो योङमुला थेबाङ मिराङ ईन सिरच्‍येते बात टोक मेज्‍येता खाला थेबाला दुक्‍पा मातेर, थेबाला गोच्‍येते जेसुकै दाङच्‍या खाला बिन।

१ पत्रुस 3:21

थे भलदुकी थोक खाईन नूहताङ थे मिओन सोन्‍दाते बातचेन थरिङोला परमेश्‍वरगी मिला पापदुकी डेल्‍च्‍येते बप्‍तिस्‍मा तेरच्‍येते बातताङ डिइओ। चुक खाला सासीन छ्युला लुक्‍ला बप्‍तिस्‍मा तेरच्‍येते काम ठु खाला जीउकी ङेक्‍च्‍युक क्‍युरच्‍येते च्‍योक मेन। बप्‍तिस्‍मा लिन्‍कान्‍ते मिकीनी परमेश्‍वरगी ङाला पापदुकी टाल्‍ला ङे सेम लेमु जोरस्‍यीत सिन बप्‍तिस्‍मा लिन्‍च्‍येते ईन। परमेश्‍वरगी थोक्‍ते मिला पापदुकी डेल्‍च्‍येतेचेन येशू ख्रीष्‍ट सोम्‍बो लोक्‍पा ओतेकीराङ ईन।

१ यूहन्‍ना 2:6

परमेश्‍वरताङ डिक्‍ला देत्‍कान्‍ते ईन सिन सिरकान्‍ते मिकीचेन काम बात जे खित्‍जीनोङ येशूकी खाबा च्‍योकराङ खिता फाप्‍क्‍यो।