रोमी 6:3 - जिरेल3 दि बादोङ ख्योकोनगी छ्या मास्येबाते मेन। च्यि सासीन ङुरूङला छ्युला लुक्ला बप्तिस्मा तेरजीन ङुरूङ गाङेराङ येशू ख्रीष्टताङ जीउज्यीकराङ ओङगीन थेत्ताङराङ स्याप्ते ईन। Faic an caibideil |
रोमी 6:3
24 Iomraidhean Croise
दाक्पोन खुशीकीराङ ज्येन मि काम खित गाल्नामेई थे मिकी मालिकतेकी कोताते मिक्किओ सिरा मेङेदो। जे खि सासीनोङ थेकी ङेन्दाराङ फाप्क्यो सिन ख्योकोनला छ्याराङ ओत। होदि बात च्योकराङ ख्योकोनगी पाप खासीन ख्योकोन पापकी योक्पो च्योकराङ ओङला पाप खिन देता फाप्क्यो। दोक खिन देत्नामेई ख्योकोन पापकी सजाय ङेत्ला स्यिइओ। परमेश्वरला दाक्पोन मालिक सिन थेकी साबाते ङेन्सीनचेन थेकी ख्योकोनला सजाय मेतेरा खाला दोषी मेन सिओ।
ज्येनला अन्याय खित्कानताङ मेलेबा काम खित्कान्ते मि सुङ परमेश्वर राज्यने स्यूक्पा मेङेदो सिन च्यि ख्योकोनला छ्या मेत? ख्योकोन सुङगीङ दाक्पोनगी ठुबाते डालुम नाङ दाक्पोनराङ स्यूक्च्येते काम माकेत। चुक सासीन रन्डीबाजी थेमे होदि च्योक्ते खिता मेङच्येते काम खित्कान्तेबा, ल्हा लु माने खित्कान्तेबा, मि ख्यावा फेम्मेताङ ङ्याल्कान्तेबा, ख्योओ मिकी फेम्मे मि च्योक खाला ख्योओ मि ज्याक्ला खिता मेङच्येते काम खित्कान्तेबा,
ख्योकोनचेन परमेश्वरला माने खिता ताङाते मि ईन। दि सा लुङबे मि च्योकराङ सम्पत्ति छ्य्वापा सेम लै खित्कानताङ दाक्पोन विचारकामा खित्कान्ते मि परमेश्वरताङ डिक्पा मुथुबो सिन च्यि ख्योकोनला छ्या मेत? सम्पत्ति छ्य्वापा सेम लै खित्कानताङ दाक्पोन विचारकामा खित्कान्ते मिनी परमेश्वरताङ डिक्पाराङ मुथुबो।
थे भलदुकी थोक खाईन नूहताङ थे मिओन सोन्दाते बातचेन थरिङोला परमेश्वरगी मिला पापदुकी डेल्च्येते बप्तिस्मा तेरच्येते बातताङ डिइओ। चुक खाला सासीन छ्युला लुक्ला बप्तिस्मा तेरच्येते काम ठु खाला जीउकी ङेक्च्युक क्युरच्येते च्योक मेन। बप्तिस्मा लिन्कान्ते मिकीनी परमेश्वरगी ङाला पापदुकी टाल्ला ङे सेम लेमु जोरस्यीत सिन बप्तिस्मा लिन्च्येते ईन। परमेश्वरगी थोक्ते मिला पापदुकी डेल्च्येतेचेन येशू ख्रीष्ट सोम्बो लोक्पा ओतेकीराङ ईन।
Sanasan